بنات الفكر : قصيدة للشاعر/مشعل الشيباني

طي
X
 
  • التوقيت
  • إظهار
مسح الكل
المشاركات الجديدة
  • أبوثنتين

    رابطة محبي الهيلا

    • Nov 2005
    • 1379

    #1

    بنات الفكر : قصيدة للشاعر/مشعل الشيباني

    [poem=font="Simplified Arabic,5,darkblue,normal,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]
    ياجزيل الشعر جاوب لازهمتك لاتحايد =قل نعم للي ينادي ياجزيل الشعر قل له


    ودنا نقطف ثمرك اللي زها خضر الجرايد =ودنا نسقي كبود من ظماها مضمحله


    ياشعر لا تبخل بجودك على من جاك رايد =اعطني من بعض جودك ما الزمك بالجود كله


    في بحورك ماسبحنا كود لجزال القصايد =والهزيل من القصايد نرفضه دقه وجله


    شاعر بنات فكره ماتجي له بالفرايد =احسن ينوخ ركابه عن طريق ما تدله


    كم نشوف وكم سمعنا كم قرينا في الجرايد =هرج يلبس لباس الشعر تنشره المجله


    شاعر ما ينبني شعره على جلب الفوايد =وش محل الشعر يوم انه يقول وش محله


    ما يحصل من وراه الا تشراه ونقايد =يمكن يقال اشرب الما بعد شعرك ما تبله


    للشعر عقد فريد ينظم نظم القلايد =لو بغى شخص يفله ما استطاع انه يفله


    والمشاعر ما تحرك كود في وقت الشدايد =لاشتعل نار الحشا منها وفارت فور دله


    وانتثر قدمك جواهر اختر ونق الشرايد =لين عقدك لانظمته مايجي لك فيه خله


    واترك وخل وتباعد وابتعد عن الزهايد =خل عنك الطامن من الشعر والهزلان خله


    والمشاعر موج بحر في الحشا يحتاج قايد =يغترف منه الفريد ومن سما فكره يزله


    لا رعد سحاب فكره جت لك مزونه تهايد =يشرب الظامي عطش منها وماها ما يمله


    والشعر لو ينشدونه قال محتاج لضمايد =ابتلاني بعض ناس مالهم في الشعر مله


    القوافي وزنها للمستمع ناقص وزايد =والمعاني هابطه والوضع يبغى من يحله


    مثل ما نبدى نختم القاف ماني بمتحايد =قل نعم للي ينادي ياجزيل الشعر قل له


    مشعل بن شباب العتيبي
    [/poem]
  • فهد النفيعي
    مشرف سابق
    • Dec 2005
    • 11363

    #2
    تشكر على القصيده الرائعه

    تعليق

    • زياد المغيري

      رابطة محبي الهيلا

      • Nov 2005
      • 1110

      #3
      صح لسان شاعرها وسلمت يد ناقلها


      بيض الله وجهك يالقسامي

      تعليق

      • محب الهيلا
        عضو ممـــيز
        • Nov 2007
        • 20292

        #4
        مشكور وماقصرت

        تعليق

        العمل...