قصيدةا لشاعر / فاروق بن نايف بن ثعلي في ملتقى مزاين قبيلةعتيبة الهيلا

طي
X
 
  • التوقيت
  • إظهار
مسح الكل
المشاركات الجديدة
  • سلطان بن ثعلي
    عضو ذهبي
    • May 2007
    • 325

    #1

    قصيدةا لشاعر / فاروق بن نايف بن ثعلي في ملتقى مزاين قبيلةعتيبة الهيلا

    ...
    بسم الله الرحمن الرحيم
    قصيده للشيخ فاروق بن نايف بن سعيد بن ثعلي
    (من مشائخ اهالي المحاني ) والتي اسماها (بالمزيونه )
    وقد القاها في ملتقى عتيبه 1428



    [poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    باسمك ابدأ يالهي ياعلام الغيوب = ومن بدأباسمك ومن هو توكل بك كفا
    واطلبك تغفر ذنوبي ياغفار الذنوب = انته اللي تغفرالذنب واكرم من عفا
    معترف بالذنب لكني استغفر واتوب = توبةالمسلم من الذنب تمحي ما خفا
    ثم اصلي ثم اسلم على خير محبوب= النبي الهاشمي الحبيب المصطفى
    هب في حفلة عتيبة من الغربي هبوب = جوها صافي وطيب ومن طيبه صفا
    جات من روس الجبال الطوال أم النصوب = في ليال الشتو لكنها هبت دفا
    والهوى الغربي ليا هب نشوه للقلوب = وكل قلب فيه غصن خضر يمه هفا
    والهوى ما هو هوى الهو بنتً نصوب = جات محتشمه وملبوسها الضافي ضفا
    جات مختاله وتمشي على روس الكعوب = وكل نورً من سنا نورها هس وطفا
    جات تقصر في خطاها وتمشي دوب دوب = والملا كله يكاسرلها سر وخفا
    النحر قنديل والكحل فالمحجر يذوب = والجديل اشقر وجت تا تلمه وانكفا
    وقفت فالحفل تختال والزين محبوب = ودها تنشد وودنها لاتعرفا
    ونشدوها قالو انتي من ايات الشعوب = قالت ان ضيفت الحفل واللافي لفا
    قالت انا يعربيه وانا بنتً طروب = ولاطرب الا للنشاما ولرجال الوفا
    ولاطرب الا من منول ليا شفت الحروب = والتقا صفً بصف وجا مد الجفا
    ولاطرب الا فالمواجهه وحزات الكروب = يوم تكشير البراطم ويبست فالشفا
    ولاطرب الامع حساس الفرنج ام الزهوب = صوتها يصحي به النايم اللي قد غفا
    ولاطرب الا في مفاري الرماح مع الجنوب = فالنحر وسع الدحاله وتظهر فالقفا
    ولاطرب الايوم تذبح مغلقت النبوب = من شحمها يوم تمشي تقول ابها حفا
    والاطرب الايوم تذبح كبيرات العصوب = حايلً يصبح شحمها على المنسف طفا
    والاطرب الامع رجال النقا عند الخطوب = فالنقا للجار والا الدخيل ليا انجفا
    ومع خويً مايخون الخوي طول الدروب = مايخون ولاغدرمع خويه لو هفا
    كل هذي في عتيبة وانا البنت اللعوب = ولاعشق الا اللي جمع كل ماقلت ووفا
    والقبايل طيبه فا لشمال وفالجنوب = كل دار بحقها من هل الطيب وكفا
    مار انا اللي في عتيبة لقيت اكبر عيوب = عيبهم ماينستر مثل نارً في شفا
    عيبهم والله لا قوله ولاهوب محجوب = عيبهم من جاء مناحر مالقوه القفا
    وعيبهم من يرفع الراس ويكض الذروب = هو هدفهم لان راسه يوقع فالصفا
    وعيبهم من يرخي الراس راحو عنه صوب = للعنيد اللي يعاند ومخه ماصفا
    وعيبهم للضيف والجارتقديم الوجوب = الخوي والجار ماقد شكا منهم جفا
    ياعتيبة عيبكم غير لكن محبوب = ليت كل العيب هذا على الامه ظفا
    ياعتيبة ميت العشق فيكم مايتوب = ماعشقت الا عتيبة وانا بنت الوفــــا
    مار انا وحده فريدة وياكثر الخطوب = وكل واحد من عتيبة كفا والله كفا
    ان بغيت الشيخ والا اللذي مثلة ينوب = القبيلة كلبوها مشا يخ وعرفا
    وان بغيت الفارس اللي يعزل ام الدبوب = كلكم فريس والفعل والله ماخفا
    وان بغيت اللي كريمً وفالوجود محسوب = المثل عنهم بذباحة الحايل كفا
    اسمحولي ياعتيبة مهديت الصعوب = هاضني برقً خياله على العارض ضفا
    بارقً رسا خياله وبراقة شبوب = عم كل المملكة وعقبة الشر انطفا
    ذاك هو صقر الجزيرة مكمل كل نوب = حاكم خلا القبايل توالف وحلفا
    كانت الاموال توخذ من اهلها نهوب = وعقب جاء عبدالعزيز اختفا الضلم اختفا
    وحد اطراف الجزيرة بعد كانت شعوب = دولة حكامها نهجهم نهج خلفا
    يابلادي من لباس الفخر كاسيك ثوب = كل ماجاء حاكم زاد في العدل ووفا
    وان بغيت اعشق رضاوان بغيت اعشق غصوب = غيرعبدالله وسلطان ستر الله ضفا
    هم هوايه هم منايه ولاعنهم هروب = شمت لآل سعود وبغا السموحة والوفا
    ابن ثعلي جاء يعرف بنفسه في اسلوب= عزوتي تاج على الراس واصلي ماخفا
    عزوتي من روق وعتيبة الهيلا تنوب = ياعتيبة عل ماقلت في الواجب كفا

    [/poem]
    تم التعديل الأخير بواسطة سلطان بن ثعلي؛ 26-Nov-2007, 03:02 AM.
  • مرزوق حمدان العتيبي
    مشـرف عام
    • Nov 2003
    • 20403

    #2
    ..
    .
    اشهد بالله انها المزيونه بحق وحقيقه
    صح لسانه واعتلا شانه جديره بالتثبيت

    والله لايهينك ياسلطان
    ...
    اخوك
    ...
    [align=center]
    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
    حط حبه في كياني ماتغيّره السنيني = وانثني من دون عرضه بالذراع وباللساني[/poem]







    @Marzouq_MHD
    [/align]

    تعليق

    • بعيدالهقاوي
      عضو فعال
      • Nov 2007
      • 115

      #3
      [frame="8 70"]صـــــــــــــــــــــح لســــــــــــــــــــــــــــــــــانك
      وبيض الله وجهك[/frame]

      تعليق

      • عمرالروقي
        مشرف سابق
        • Jul 2005
        • 2728

        #4
        بيض الله وجهك على النقل
        وصح لسان شاعرها
        وفعلا انها المزيزنه
        ..................

        تعليق

        • سلطان بن ثعلي
          عضو ذهبي
          • May 2007
          • 325

          #5
          مرزوق العتيبي

          بعيد الهقاوي

          عمر الروقي

          صحت ابدانكم ولاهنتوووا واشكركم على المرور

          وتحيـــــــــــــاتي
          سلطــــــــــــان بن ثعلي

          تعليق

          • عدنان(أبن هليل)
            عضو
            • Nov 2007
            • 16

            #6
            صح لسانك

            وبيض الله وجهك




            وعساك عالقوه

            تعليق

            • نايف بن ملحق الثعلي
              شـــاعــر
              • Mar 2007
              • 2120

              #7
              ابن ثعلي جاء يعـرف بنفسـه فـي اسلـوب
              عزوتي تاج علـى الـراس واصلـي ماخفـا
              عزوتـي مـن روق وعتيبـة الهيـلا تنـوب
              ياعتيبـة عـل ماقلـت فـي الواجـب كـفـا



              الله الله
              انشــــــــــــــــــهد انها المزيـــــــــــــونه
              لاهنت على النقل الرايع
              وصح لسان الشاعر
              ما هوب لازم توقيع00

              تعليق

              • ابو رامي
                كــــاتب
                • Apr 2006
                • 291

                #8
                هذا الشعر والا فلا

                الحقيقة فيه شعراء كبار الاعلام ما اعطاهم حقهم ولا انصفهم

                بيض الله وجهك يا بن ثعلي

                وصح لسان الشاعر الشيخ فاروق بن ثعلي

                تعليق

                • بندر الهيلا
                  عضو فعال
                  • Nov 2007
                  • 155

                  #9
                  الاخ /سلطان بن ثعلي
                  لاهنت يالغالي

                  على هالقصيده المزيونه بحق وحقيقه والتي فرضت اسمها من اول سماع لها ولاغير اسم المزيونه يليق على هذه القصيده

                  وصح لسان الشيخ/فاروق بن نايف بن ثعلي

                  تحيـــــــــــــــــــــــــــاتي

                  بنــــــــــــــــــــد الهيــــــــــلا

                  تعليق

                  • سلمان الروقي
                    (شـــاعــر)
                    • Nov 2007
                    • 242

                    #10
                    صح لسان الشيخ/فاروق بن نايف بن ثعلي

                    وهذه القصيده هي المزيووونه بالفعل

                    شكرآ الاخ سلطان على النقل الرائع


                    وبيض الله وجهك ... تحيــــأأأأأأأأأتي

                    تعليق

                    • محب الهيلا
                      عضو ممـــيز
                      • Nov 2007
                      • 20292

                      #11
                      مشكور على القصيده الرائعه

                      تعليق

                      • شاعر القوابعه
                        موقوف لمخالفة الأنظمة
                        • Oct 2007
                        • 341

                        #12
                        صح لسان شاعره

                        تعليق

                        • خيال الجريبا
                          عضو ماسي
                          • Nov 2007
                          • 432

                          #13
                          مشكور ولاهنت

                          تعليق

                          • شبيب شافي الملعبي
                            عضو ماسي
                            • Sep 2007
                            • 472

                            #14
                            لاهنت على النقل

                            تعليق

                            • أســ القاع ــد
                              عضو نشيط
                              • Nov 2007
                              • 34

                              #15
                              [الله الله صح السان الشاعر

                              وبيض الله وجهك يا سلطان بن ثعلي

                              وهاذي والله القصيدة الجزلة من شاعر جزل

                              وصحيح انها المزيونة




                              ومشكورررررررررر اخوي سلطان بن ثعلي

                              تحياتي،،،

                              أســ القاع ـــد



                              تعليق

                              العمل...