يقول ابويوسف

طي
X
 
  • التوقيت
  • إظهار
مسح الكل
المشاركات الجديدة
  • يوسف السليس
    عضو نشيط
    • Jun 2003
    • 53

    #1

    يقول ابويوسف

    [poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="groove,4,gray" type=0 line=200% align=center use=ex length=0 char="" num="0,black" filter=""]
    بسم الله الرحمن الرحيم


    يـقــول ابويوسف قــاف بــدابـه = قـبـل الـمشـيب وعقب سن الشبابي
    بـديـت قـافـي والـمـعــانـي تـشـابه = الله يــقــديــنـي لــدرب الـصـوابي
    مـاكـل رجــل يــسـتـرنـه ثــيــابـه = لـو يـلـبـس الـغـتره ويرهي الثيابي
    ولا كــل بــراق يـسـيل ســحــابـه = لــو يـشـتـعـل بـرقـه بـعز السحابي
    ولا كل مـرضـان يـفـيـد الدواء به = ولاكـل من يشفي على الدوم طابي
    ولا كل فارس ينتصر في الحرابه = ولا يـنـجـي الـخواف كثر الرعابي
    ولاكـل ذيـب يـدمـي الـحلـق نـابه = لـيا صـار مـايـسطـي يـذل ويـهابي
    ولاكـل مـن سـافـر وطـول غـيابه = يـلـحـق هـوى نـفسه بطول الغيابي
    ولاكل من سعى ورى المال جابه = ولاكــل رمــاي يـحـقـق صــوابي
    ولايـسـقي الـضمـيان لمعه سرابه = مـسـكـيـن ياطارد ضحاح السرابي
    ومن لايحوزالمجد في اول شبابه = مـايـدركــه مـن عـقـب شيخ وشابي
    هـذى خـلص وابـدي بقاف عقابه = مـوضـوع اخـر نـبـتـدي بــالادابي
    شفت الزمان اللي بصفوه صفابه = فـيـه الـثـعـل والـبـوم غـنـا وطــابي
    امـن وطـمـان ولاتـكـدر شـرابـه = تـرعـابـه الـدرعى وترقى الروابي
    في ظل حكام الرخى والصـلابـه = اسـتـورثـوه بـظـرب جـرد الـرقابي
    الله يـعـز الـحـكم واللـي سـعابـه =خـلـى الـغـنـم تـرعى بـصف الذيابي
    ذيـب الـغـنم جوف الـغنم متهابه = واطـيـه حـكـم مـطوعـيـن الـصعابي
    والــحر هـاد ولاتعلى هـضـابـه = والـحمرى تـرقـى بـروس الـهضـابي
    ولاينعرف طيرالرخم من غرابه = طــــيـر الـرخـم غـنى وغنا الغرابي
    يصلخ ويطبخ مادرى عن عيابه = ويـزعــم بــنـفـسه مـادرى للـعــيابي
    لا يـاحقـير الـكبريـاء وشـتــبابه = وانــتــه عـلـيـك الـعيـب من كل بابي
    ماتدري ان الوقت تمشي ركابه = تـــمـشيــبـه الايـام مــشـي الـركــابي
    وفي كل يوم يمر ينقص حسابه = يـنـقـص من اجـله لين يدنى الحسابي
    ويـحـط في قـبـره ويدفن ترابه = ويــمـضـي لـربه فـي ذهـاب وايــابي
    من يعمل الـحسـنه يلاقي ثوابه = ومـن يـعـمـل الـسـيـئه يـنـال الـعـذابي
    وخـلاف ذا يـاللي تـجيد الكتابه = اخـذ الـقـلـم والـبـوك واكـتـب كـتـابي
    اكـتـب ورتـب جابه عقب جابه = لــعــل قـيــفـانـي تـنــال الــعـــجــابي
    ذاقول من صاغ المثل واعتنابه = فـي قــدر مـعـرفـتـه يـنص الخــطابي
    وصلوعلى المختارسيدالصحابه= خــتــام مــاقــلـتـه وتــم الــجـوابي

    [/poet]

    احد قصائد الوالد رحمه الله امل ان تنال اعجابكم
  • ابن فرحان

    رابطة محبي الهيلا

    • Jul 2003
    • 1264

    #2
    رحم الله ابو يوسف رحمة واسعه ...

    ابياته جزله ولها معنى وروح . جزاك الله خير على نقلها يا يوسف ...

    اخوك \ ابن فرحان

    تعليق

    • ابو فراس
      مراقب سابق
      • Jun 2003
      • 1421

      #3
      الله يرحم والدك واموات المسلمين

      ومشكور يايوسف

      تعليق

      • الأزوري العتيبي
        عضو فضي
        • Jun 2003
        • 229

        #4
        كاتب الرسالة الأصلية ابن فرحان
        رحم الله ابو يوسف رحمة واسعه ...

        ابياته جزله ولها معنى وروح . جزاك الله خير على نقلها يا يوسف ...

        اخوك \ ابن فرحان

        تعليق

        • يوسف السليس
          عضو نشيط
          • Jun 2003
          • 53

          #5
          كاتب الرسالة الأصلية ابن فرحان
          رحم الله ابو يوسف رحمة واسعه ...

          ابياته جزله ولها معنى وروح . جزاك الله خير على نقلها يا يوسف ...

          اخوك \ ابن فرحان
          الله يرحمه ويرحم اموات المسلمين
          ابن فرحان مشكور على المرور
          لاتقاطع تحياتي لك

          تعليق

          • يوسف السليس
            عضو نشيط
            • Jun 2003
            • 53

            #6
            كاتب الرسالة الأصلية ابو فراس
            الله يرحم والدك واموات المسلمين

            ومشكور يايوسف
            امين اللهم امين

            العفو ياخوي
            سررت بمرورك يابوفراس لاتقاطع |4|

            تعليق

            العمل...