قصيدة في احدى المعارك مع قبيلة قحطان!!!!!

طي
X
 
  • التوقيت
  • إظهار
مسح الكل
المشاركات الجديدة
  • سيف العدل
    عضو فضي
    • Jun 2003
    • 287

    #1

    قصيدة في احدى المعارك مع قبيلة قحطان!!!!!

    هذه القصيدة لمشيلح بن رويبح الشيباني قالها في احدى المعارك مع قبيلة قحطان ويقتقد انها في اول القرن الثالث عشر الهجري في اول المعارك بين عتيبة وقحطان يقول فيها:


    بديت ذكر الله على اول كلامــــــــي000على المقام وهجعتي في المنامــــي

    الروح لابده محل الاثامـــــــــــــــي000مانفعله يالله تكافي سبايبـــــــــــــــه

    انا على المعبود علقت عانـــــــــــي000 ولاني بعارف غيبها في زمانـــــي

    ادخل على الله من حوايم لسانـــــــي 000وياخالق روحي تهون عذايبـــــــه

    قلته وانا مبداي في راس منـــــــواع000في راس رجم للهبايب وملـــــواع

    بديت حيد وللشياهين ميقــــــــــــاع000عسى صدوق الغيث يسقي شعايبــه

    طرى على قلبي مبادي ركونــــــــه000لو كان مايبديه سحاب شونـــــــــــه

    سقاه رواح الحيا من مزونــــــــــــه000يازين عند العصر مبدا شذايبـــــــه

    رديت لي قاف حسين البنايــــــــــــا000ماولفوه مكثرين الحكايـــــــــــــــــا

    احلى من البرني بروس الودايـــــــا000ينشط اللي كاثرات تعايبـــــــــــــــه

    حلو سواة الذوب وسط الخليــــــــــه000يقري منه لو كان ربع الوقيـــــــــه

    يبري الكبود اللي بهن الشكيــــــــــه000من الصيف جانيه النحل في جنايبه

    طاري طرى في خاطري كل طاري00هواجيس عنها اللاش ماهوب داري

    ذكرت لي يوم جرى منه جاري 000ادرك احد واحد نجا من كرايبــــــــــه

    لايا نهار جا علينا ومنــــــــــا000نوه غطا روس الاقاذيل عنــــــــــــــــــا

    واحد ادرق في غيبته ماتمنـــــى000يشق للقلب المفقه رعايبــــــــــــــــــــه

    خيل خياله يم خشم ذهلانــــــــي000من دون دلعة فرع قصر الادانـــــــــي

    روق ورقرق حول ذاك المكاني000ورنت رعوده في ستايم سحايبـــــــــــه

    برقه سيوف الهند ورعوده الروم000وثعله غلب عود من العج مقتـــــــــوم

    وسيله حمر دم وربانه لحــــــوم000وبراده قطع محبب من حبايبـــــــــــــه

    جونا هل الجنوب لحاسة الــــدم000وشيوخهم تقدى الجموع المــــــــــــردم

    واللي يبى التوخير قالوا تقـــــدم000وكل جمع قومه وجمع حظايبــــــــــــه

    وكل لبس له لبسة يوم عنـــــــي000وخيل بخيل بيننا روحنــــــــــــــــــــي

    اقفن بالفرسان ثم اقبلنــــــــــــي000كم من صبي تقلعه في غرايبــــــــــــه

    جونا كما سيل نحا مع مسيلــــه000اللي مع الجرعا يحده قفيلــــــــــــــــــه

    من جاهز نؤ الثريا مخيلـــــــــه000وحنا كما نؤ مزعنه هبايبــــــــــــــــــه

    بالكثر راعونا وحنا نروعهـــــم000وجموعنا قرت وقرت جموعهــــــــــم

    ياشوف عيني يوم قمنا نلوعهــم000بصافي الحديد اللي دقايق رقايبـــــــــه

    جوهم عزاتي للمنى يامناعيـــــر000والخيل مردمة علينا صوابيـــــــــــــر

    ولجة عزاوينا سواة الحداديــــــر000يوم اشهب البارود ثارت حطايبــــــه

    ربعي مرزنة القلوب الشفاقــــــا000برقا هل العادات يوم الملاقــــــــــــــا

    اهل الملاقا يوم يبس الرياقـــــا000يوم التمام السو تدنى قرايبــــــــــــــــــه

    نادى علينا شيخنا بالحمايــــــــل000قام ونخانا بالجدود الاوايــــــــــــــــــل

    يقول هوشو هوشة اهل الصمايل000والروح بخطوط القلم في كتايبـــــــــه

    قمنا وسبلنا غوالي العمـــــــــارا000ماعندنا في اللي يجيها مــــــــــــداري

    نبيعها في سوق بيع الخســــــارا000سوق مذاريب النشامى جلايبـــــــــــه

    ياغافل عن عصر هاك العشيـــه000ليتك تحلى عزوة لي دنيــــــــــــــــــه

    يوم اصطفاقات الجموع القويـــه000في يوم ضيق مبهمات نشايبــــــــــــه

    يوم اعتزوا عليهم الاد شيبـــــان000راحوا كما صيد مع الجو شتـــــــــان

    والهوش منهم ضيعه كل ديقـــان000وكل نسى فتنة ومنزل قرايبــــــــــه

    هذي مع شيخاننا عادة لنــــــــــا000حريبنا من حدنا ماتهنــــــــــــــــــــا

    نادى لنا عند الاله المنــــــــــادي000مدبر الساعات والي العبــــــــــادي

    وقمنا عليهم مثل حوم الحنــــادي000شعيبهم بالدم تنبت عشايبـــــــــــــه

    الاد العصيمي هم الاد المروحي000جمع لهم يوم الترايح روحـــــــــــي

    حدوا سعد على طويل ملوحـــي000وابوي لا لاهم لزوا في زرايبـــــــه

    الاد العصيمي محكمين الحرابه000وافعولهم من يوم عصر الصحابـــه

    طريحهم قعد عشى للذيابــــــــه 000تاكل عصابينه وتاكل ترايبــــــــــه

    اسيوفهم يوم الحرابه تسلـــــــه000تشيل راس اللي خصم من محلـــــه

    ياسعد منهم باللقا فزعتلـــــــــه000خصيمهم قفى كاثرات مصايبـــــــه

    والاد الفليحي يقصر الذم عنهم000ربع ليا ركبوا تقضوا دحنهــــــــــم

    كم سابق مخل ظهرها طعنهــم000علم اليا قلته توثق حقايبـــــــــــــــه

    على الخيل دهم ارماحم علقوها000وكم سابق عن جريها عوقوهــــــا

    كم جادل من شوقها طلقوهـــــا000غير الصويب اللي تجدد عصايبـــه

    ربع على ايسرنا خذوهم طيارا000كل يعاين فعلهم بالقــــــــــــــــرارا

    على دربهم ياكن جضع السكارا000جثايا هشيم دانيات حطايبـــــــــــه

    الاد الكريزي لابعد الرب دارهم000ربع اليا ركبوا تقاطى مهاراهــــم

    كم من صبي طايح في كرارهم000سرواله التومان شقر ذوايبـــــــــه

    الله معاضدهم بحظ وسعادة000والهم على كسب النواميس عـــــــــاده

    كم فارس في نجد كبوا شداده000غدا عليه الذيب يقنب قنايبـــــــــــــه

    ومسلط على اليمنى حكم له جموعي000لباسة الجوخ الحمروالدروعي

    يبا قفى جمع علينا يفوعي000ظاري بركضات تقطع عقايبــــــــــــــه

    حكمه بعيد ومحتضن له حضيه000حكمه بعيد ولادرى عنك نيـــــــه

    والله قضاها ساعة في شويه000مثل الطليب اليا خلص من طلايبـــــه



    ولكم تحياتي 0000سيف العدل0000
  • ابن فرحان

    رابطة محبي الهيلا

    • Jul 2003
    • 1264

    #2
    الاخ سيف العدل ..

    احسنت وبارك الله فيك يا الطيب على ها القصيده النادره ...

    اخوك \ ابن فرحان

    تعليق

    • @عريب الساس@
      عضو ذهبي
      • Mar 2003
      • 316

      #3
      الرائع لا يأتي الا برائع دائما" تسلم يمينك على هالقصيده وصح لسان شاعرها

      ورحمه الله برحمته ،،،،،

      ياشوف عيني يوم قمنا نلوعهــم000بصافي الحديد اللي دقايق رقايبـــــــــه

      جوهم عزاتي للمنى يامناعيـــــر000والخيل مردمة علينا صوابيـــــــــــــر


      لله دركم يالهيلا |239||239||239| قبيلة قل وندر نضير لها,,

      تعليق

      • فيصـل العضياني
        عضو فعال
        • Aug 2003
        • 137

        #4
        سيف العدل

        يعطيك العافيه اخوي

        وصح السانك والسان بن رو يبح الشيباني

        ولاعدمناك وماقصرت يالغالي


        تقبل تحياتي

        تعليق

        • ابو فراس
          مراقب سابق
          • Jun 2003
          • 1421

          #5
          عافاك الله ياسيف العدل

          مشاركه رائعه بارك الله فيك

          تعليق

          • سيف العدل
            عضو فضي
            • Jun 2003
            • 287

            #6
            الاخ ابن فرحان لاهنت على المرور 0

            ولك مني اطيب تحيه00سيف العدل00

            تعليق

            • ابن مشيب
              إدارة أقسام القبيلة
              • Nov 2002
              • 9791

              #7
              بيض الله وجهك ياسيف العدل , مشاركاتك دائماً متألقة وانت متألق , ومن يوم اشوف اسمك جايب مشاركة ادري انها جزله من غير اقراها لنك معودنا على الجزل.

              وهذة قصيدة عظيمة وقويه وتحمل كثيراً من العبر وتصف كيف كانت هذة المعركة الشرسه بحثافيرة , رحم الله قائلها ورحم الله الموتى في تلك المعركة من الطرفين , ورحم الله اموات المسلمين.


              تقبل تحياتي القلبيه.

              تعليق

              • نهيان الحمادي
                عضو ماسي
                • Jul 2003
                • 677

                #8
                سيف العدل الله يعطيك العافية
                اخوك نهيان الحمادي

                تعليق

                • الصنهاتي
                  عضو فعال
                  • Mar 2003
                  • 137

                  #9
                  الاد الكريزي لابعد الرب دارهم000ربع اليا ركبوا تقاطى مهاراهــــم

                  كم من صبي طايح في كرارهم000سرواله التومان شقر ذوايبـــــــــه

                  بيض الله وجهك ياسيف العدل على نقل هذا القصيدة
                  وبارك الله في ناقلها ورحم الله قائلها

                  الصنهاتي

                  تعليق

                  • سيف العدل
                    عضو فضي
                    • Jun 2003
                    • 287

                    #10
                    اخوي @عريب الساس @ مشكور على الاطراء واسعدني مرورك وتواصلك الكريم وعسى الله يقدرنا على خدمة الهيلا 0

                    وتقبل تحياتي000سيف العدل000

                    تعليق

                    • سيف العدل
                      عضو فضي
                      • Jun 2003
                      • 287

                      #11
                      ابن روق تسلم ولاهنت على المرور وتقبل تحياتي 0

                      0000سيف العدل0000

                      تعليق

                      • سيف العدل
                        عضو فضي
                        • Jun 2003
                        • 287

                        #12
                        ابو فراس شكرا على تواصلك ولك مني اجمل تحيه

                        اخوك 000سيف العدل000

                        تعليق

                        • سيف العدل
                          عضو فضي
                          • Jun 2003
                          • 287

                          #13
                          ووجهك ياابن مشيب هذا والله من طيب اصلك ومشكور على الاطراء الجميل ولاهنت على المرور اللي اسعدني اخوك 0

                          00000سيف العدل0000

                          تعليق

                          • سيف العدل
                            عضو فضي
                            • Jun 2003
                            • 287

                            #14
                            سحاب نجد مشكور على المرور 0

                            اخوك000سيف العدل000

                            تعليق

                            • قلب الاسد
                              عضو نشيط
                              • Sep 2003
                              • 32

                              #15
                              كاتب الرسالة الأصلية ابن مشيب
                              بيض الله وجهك ياسيف العدل , مشاركاتك دائماً متألقة وانت متألق , ومن يوم اشوف اسمك جايب مشاركة ادري انها جزله من غير اقراها لنك معودنا على الجزل.

                              وهذة قصيدة عظيمة وقويه وتحمل كثيراً من العبر وتصف كيف كانت هذة المعركة الشرسه بحثافيرة , رحم الله قائلها ورحم الله الموتى في تلك المعركة من الطرفين , ورحم الله اموات المسلمين.


                              تقبل تحياتي القلبيه.

                              تعليق

                              العمل...