قصيدة تكفى ترى تكفى تهز الرجاجيل .!!! ( كامله ) .

طي
X
 
  • التوقيت
  • إظهار
مسح الكل
المشاركات الجديدة
  • بدون نك
    عضو
    • Nov 2007
    • 7

    #1

    قصيدة تكفى ترى تكفى تهز الرجاجيل .!!! ( كامله ) .

    [align=center]للشاعر محمد الدحيمي الشهري ( اخو تكفى )[/align]

    [poem=font="Simplified Arabic,4,black,normal,normal" bkcolor="transparent" bkimage="backgrounds/1.gif" border="double,4,gray" type=0 line=0 align=center use=ex num="0,black"]
    علم العفا وعفاك .. يا وافي الكيـل = ببساطه أبشّرك .. في خيـر وعفـا


    نكفي بعضنا ,, وانتكافا على الشيل = واللي تعب من الحطّ والشيل يكفـا


    من ذاق حرّ القايله يعشـق الليـل = ومن شبّ ضّوه ليلة البرد .. يدفـا


    لاعاد ليلٍٍ نمت به في حرى سهيـل = وخايلت نوضٍٍ يخطف العين خطفـا


    امسيت من جيل ٍ ولاهوب ذا جيل = واصبحت ... والاّ ديرتي شبه منفـا


    كنّا على فال الشحـم والمعاميـل = ونفوسنا انقى من نقى العدّ .. واصفا


    وانا ولو راحت بقولـة : تساهيـل = صلف وصروف الوقت تحتاج صلفا


    ياترج جدّاني .. زحول الرجاجيـل = يحرم فلا لي عنك ياتـرج .. مقفـا


    إمّا لطمنا العيل .. والاّ الطم العيـل = مادام شبّ النار مندوب الأطفـاء


    خل ابرهه الأشرم على ذمّة الفيـل = وانظر لشيٍ .... مايوصفّه وصفـا


    ياذيـل والله ماتجـي راس ياذيـل = علمٍ ماهو يغبـى ولاهـوب يخفـا


    واللي حمـا بيتـه بطيـرٍ ابابيـل = ماجيتـك ادوّر لمـن راح واقفـا


    ولا جيتك اطلب منك بن ٍ ولا هيل = جيتك وجرح الظلم .. غاديه يشفا


    جيتك بكلمة .. كنّها صعقة الويـل = إن قلت تكفا ... لا تهاون بتكفـا


    تكفا .. تراها كلمةٍ تقطـم الحيـل = لا بالله الا تنسـف الحيـل نسفـا


    تكفا .. ماهي لمعقبيـن الفناجيـل = تكفا لصلف وعادة القـرم صلفـا


    تكفا .. ترى تكفا لها هدرة السيـل = في صدر حرّ .. ينتف الطيب نتفـا


    تكفا .. ترى تكفا لها تسرج الخيـل = إن كان لك باالخيل سرج ٍ و عسفا


    تكفا .. تبيّن كـلّ لاشٍ وحلحيـل = تسمع لها بالصـدر هبـدٍ ورجفـا


    تكفا .. وتكفا ماتسـاق لمهابيـل = تكفا .. تخلي القـرم لاشٍ وهطفـا


    تكفا .. تجنّبني هل القـال والقيـل = مانيب من ينكف على كـل ملفـا


    تكفا .. تراني من قروم ٍ مشاكيـل = حمّاية الساقـه .. بسيـفٍ وشلفـا


    تكفى ترا تكفـى تهـز الرجاجيـل = ولولا صروف الوقت ما قلت تكفى


    تكفى يا مزيد ما يبا العلم تفصيـلالمشكله كبرت على عماش تكفـى


    ما قلت تكفى غير من فترة الحيـل = وانته ولد من يفعل الطيب تكفـى


    انخاك من كثـر العنـا والبهاذيـل = الفقر حطمني .. وانا ازريت تكفـى


    غديت مثل اللي برك ضامه الشيـل = تضحك بي ضعوف الرجاجيل تكفى


    يومٍ لك وقفه .. وجاه .. ومداخيل = ما غنتني عن مثل شـرواك تكفـى


    افزع ترا وقتي غدى كنـه الليـل = والعلم ما يخفـاك يالقـرم تكفـى


    ما عاد بي شده ولا عاد بـي حيـل = ضدتني الايام ... والقـلّ تكفـى


    اروح وارجع ما حصلي محاصيـل = والرجل بادت .. يا فتى الجود تكفى


    واليوم عندك يا رفيـق المشاكيـل = العذر ما ينفع وانـا قـول تكفـى


    حيثك من اهل الطيب واهل المفاعيل = يا زبن من جاله ومن قـال تكفـى


    الجيب فاضي .. واليالـي مقابيـل = عجزت اعيش مع الرجاجيل تكفى


    والراتب المحدود .. يـروح تحويـل = من الاداره .. لاهل الديـن تكفـى


    حتى عيالي ما قدرت الهـم الكيـل = والازمه لا جات .. صديت تكفـى


    ارجى الفرج والله يجيب التساهيـل = واعيش في راحه مع الناس تكفـى


    والله كريم .. يبدل الحـال تبديـل = وما قلّ دلّ .. وصامل الهرج تكفى[/poem]



    [align=center]تحياتي للجميع ،،،[/align]
  • الرتوعي
    عضو ماسي
    • Aug 2004
    • 525

    #2
    مشكوووووووووووووووووووووور
    وصح لسان قايلها ولا عدمنا ناقلها

    لكن اخي بدون نك الا تعرف السبب ان كنت تعرف فلا تبخل علينا
    اخوك الرتوعي

    تعليق

    • على الغيم
      عضو فعال
      • Jun 2005
      • 114

      #3
      الف شكر اخوي بدون نك وصح لسان قايلها

      تعليق

      • عبدالعزيز2007
        عضو ماسي
        • Oct 2007
        • 597

        #4
        بيض الله وجهك على هذه القصيدة الطيبه

        تعليق

        • هلال الدوادمي
          عضو ماسي
          • Jan 2006
          • 868

          #5
          صح لسانك ...

          ولاهنت على النقل ...

          بس لو كان في الشعر الشعبي ... لكان افضل ...

          لانه غير عتيبي ....

          * المشكله انا ما نطالع قوانين الاقسام

          على العموم لاهنت على النقل

          تعليق

          • طفحان
            عضو نشيط
            • Oct 2007
            • 43

            #6
            لا هنت على نقل هذه القصيده الجزله ..

            وعجل علينا بسبب القصيده لأنها فعلا مؤثره جداا ، علشان لا جينا نسولفها فليهي قصيده بسالفتها .

            تحياتي لك..

            تعليق

            • راع العوجا
              عضو ماسي
              • Nov 2007
              • 674

              #7
              لاهنت طال عمرك على النقل

              وصح لسان صاحبها صراحة قصيدة مليئة بالحكم والامثال ونخوة الرجال

              الحلاحيل .

              تعليق

              • البعيـد النـايف
                عضو ماسي
                • Oct 2007
                • 546

                #8
                [frame="7 80"][align=center]

                بدون نك بيض الله وجهك وقصيده لها وزنها ومشكور على النقل ان لم تكن انت الشاعر وصح لسانك الشاعر

                [align=left]
                مع تحياتي[/align]
                [/align][/frame]

                تعليق

                • بدون نك
                  عضو
                  • Nov 2007
                  • 7

                  #9
                  اشكر كل من مرّ من هنا

                  أما سبب أو سالفة هذه القصيدة فلا أعرفه


                  واعذروني على القصور



                  تحياتي للجميع ،،،

                  تعليق

                  • مستشار القبيلة
                    عضو ماسي
                    • Dec 2006
                    • 516

                    #10
                    اخوي بدون نك صح لسانك و صح لسان شاعرها

                    و مشكور على طرحها

                    تعليق

                    • محب الهيلا
                      عضو ممـــيز
                      • Nov 2007
                      • 20292

                      #11
                      مشكوووووووووووووووووووووووووووور وماقصرت

                      تعليق

                      • عبدالله هادي ناشي الفليت.

                        رابطة محبي الهيلا

                        • Sep 2007
                        • 1791

                        #12
                        صح لساااااااااااااااانه

                        تعليق

                        العمل...