ابن دخين يهدي نصيحة للجميع ....

طي
X
 
  • التوقيت
  • إظهار
مسح الكل
المشاركات الجديدة
  • عبدالعزيز2007
    عضو ماسي
    • Oct 2007
    • 597

    #1

    ابن دخين يهدي نصيحة للجميع ....



    الشيخ / عبدالله بن دخين الذويبي الثبيتي ( ابو عتابه ) رحمة الله رحمة واسعه واموات المسلمين والمتوفى عام 1412 هـ ، ويسرني عبر هذا المنتدى ان انقل هذة القصيدة والتي يتعلق موضوعها بالنصيحة وهي اول مرة تنر النور عبر منتداكم هذا ..........

    الأولـه يالله فـي حسـن الأعمـال
    ياخالـقٍ روحـي وعالـم باجلـهـا
    قال الـذي يبنـي جديـدات الأمثـال
    ولا كـل بيبـان الشعـر مكتملـهـا
    أبني هواجيـسٍ عريضـات وطـوال
    واسهر على البـن اليمانـي لاجلهـا
    يطرب لها الخاطر على شرب فنجـال
    ولا أدري وش اللي فالعرب يطرب إلها
    قدامنا كـم مـن تمثـل ومـن قـال
    عــوارفٍ وأقوالـهـم مانصلـهـا
    وحنا نمشيهـا مـع الدهـر لا مـال
    وكـلٍ يـوّرى جابتـه مـا مثلـهـا
    وياما بدانا فـي عسيـرات الأطـلال
    وياما مشانـا بالقـدم فـي سهلهـا
    وياما لبسنا من جديـدٍ مـن العـال
    وياما سترنا الـروح بادنـى سملهـا
    ويامـا تنطّحنـا المواجيـب عجّـال
    نعجـل لخطـار العشـا وانعقلـهـا
    مـن حايـلٍ مابـيـن بـايـع ودلال
    نرضـي مربيهـا بسـلـمٍ بدلـهـا
    وياما تعذّرنـا علـى تمشيـة حـال
    والروح نكظم غيظهـا مـن خجلهـا
    ومن كان فالماجوب يبخل على المال
    عسـى يمينـه يابسـه مـن شللها
    وياعبيّـد أبوصيـك ياطيـب الـفـال
    وصّيـةٍ مـن طـاب حظـه قبلهـا
    الديـن للداريـن سـاسٍ ومـنـزال
    وياسيـن كـم قدامنـا مـن نزلهـا
    وانهو عن المنكر بـلا رّي واخيـال
    وكلمة هل المعـروف بالجـد قلهـا
    وصون الأمانه عن خبيثين الأعمـال
    تعرف خبيثين العمـل مـن عملهـا
    واحذر من الصعلوك لاحـل واحتـال
    وكيـل دنيـا والأمـانـات أكلـهـا
    متلبسيـن الديـن برقِـي وخـتـال
    وانشـاف غـرات الموالـي ختلهـا
    ويكفيك عن ما اوصيك عرفك بالأنذال
    ومن يصحب الأنـذال يكسـب نذلهـا
    ومن جالس الأنذال يتهـم بالأخمـال
    لن كـان تعرفهـا وتعـرف خملهـا
    ولا تفتخـر بمعـرب الجـد والخـال
    ماكامـل ألا مـن يكمـل خصلـهـا
    وكم من عريب الجد والخـال مـازال
    يمشـي مماشيهـا ويفعـل فعلـهـا
    يقولـون فالدنيـا غيـارات واميـال
    وهذي سواليف العرب مـن جهلهـا
    الله خلـق دنيـاه وايــام وإلـيـال
    في دبـرت الله ماشيـه فـي عدلهـا
    ما الغيـره ألا مـن تِغيـار الاجيـال
    مابيـن شـد إرحالهـا مــن حللها
    غوغـات جيـل مستخفيـن زعـال
    فالديـن والشيمـه كثيـرٍ كسلـهـا
    وإن جا خصومه بين خصمين في حال
    كلـن تولـم واشتـرك فـي جدلهـا
    ودقـوا مزاميـرٍ وزيـرٍ وجلـجـال
    وقاموا لها صفين مـن دون أهلهـا
    وحطوا على الخصمين مقفا ومقبـال
    ويرمون مابيـن الخصـوم ابدقلهـا
    والخيـر فاللـي للشرابيـك حــلال
    بيبـان حـق إليـا فتحهـا دخلـهـا
    والصدق ينجي فالمخاطـر والأهـوال
    ويبـدي علامـات الرجـال وعقلهـا
    والكذب إلـه كيـال ويجيبـه أحمـال
    معاشـر الكذبـان لا تضحـك إلهـا
    واليا ضحكـت ايحملونـك وتشتـال
    ويقولون إلك بالمِـد والصـاع كلهـا
    ولاكل مـن يزهابـه الثـوب رجـال
    ولا كل من شـال الحمايـل جملهـا
    هذي نصيحـه ياعبيّـد مـن البـال
    يجني ثمرها كل مـن يسمـع إلهـا
    وصـلاة ربـي عـد ماهـل همـال
    علـى نـبـيٍ والأمـانـه حملـهـا

    هذا وتقبلوا تحياتي وتقديري ،،،،،،،،،،،،،،،
    تم التعديل الأخير بواسطة عبدالعزيز2007؛ 15-Nov-2007, 11:44 PM.
  • ابو راكان
    عضو فضي
    • Dec 2002
    • 222

    #2

    تعليق

    • عبدالعزيز2007
      عضو ماسي
      • Oct 2007
      • 597

      #3
      الرجاء من ادارة المنتدى ثبيت هذا الموضوع فضلا لا امرا .

      تعليق

      • الــوآفــي
        عضو اداره
        • Mar 2003
        • 3629

        #4
        اخي العزيز

        ليس كل قصيده نقوم بتثبيتها


        نرجو منك انزال موضوع يشتمل كل او اغلب قصائد ابن دخين رحمه الله لنقوم بتثبيته واضافته لموضوع دواووين شعراء عتيبه
        [align=center][flash=http://assa97.jeeran.com/azzoz.swf]WIDTH=450 HEIGHT=350[/flash]



        [align=center]



        [align=center]ليا جاء طاري الهيــــــلا يفز القلب فزة شوق[/align]






        ألبوم صور



        مدونه مميزه



        [/align][/align]

        تعليق

        • عبدالعزيز2007
          عضو ماسي
          • Oct 2007
          • 597

          #5
          اخي ذيبان اشكر مرورك العطر

          تعليق

          • عبدالعزيز2007
            عضو ماسي
            • Oct 2007
            • 597

            #6
            يا اخوان يا قراء المنتدى الموضوع له اكثر من اسبوع فقط شخصين مرو على الموضوع !!!!!!!!!!!!!!!!

            تعليق

            • على الغيم
              عضو فعال
              • Jun 2005
              • 114

              #7
              رحم الله شاعرنا رحمه واسعه

              تعليق

              • عبدالعزيز2007
                عضو ماسي
                • Oct 2007
                • 597

                #8
                اخي على الغيم اشكر لك مرورك

                تعليق

                • عبدالعزيز2007
                  عضو ماسي
                  • Oct 2007
                  • 597

                  #9
                  رحم الله الشيخ رحمة واسعة واموات المسلمين

                  تعليق

                  • عبدالعزيز2007
                    عضو ماسي
                    • Oct 2007
                    • 597

                    #10
                    رحم الله ابو عبدالرحمن رحمة واسعة واموات المسلمين

                    تعليق

                    • فهااد
                      عضو فضي
                      • Mar 2008
                      • 223

                      #11
                      مشكور يا الدماسي على هذه القصيده الجزله للشيخ عبدالله بن دخين رحمه الله

                      تعليق

                      • الامير حريبيش

                        رابطة محبي الهيلا

                        • Jan 2007
                        • 1071

                        #12
                        لاهنت علي الموضوع الجزل ياعبد العزيز والله يرحم ابو عتابه ابن دخين شاعر وقاضي وشيخ حكيم وعاقل
                        تم التعديل الأخير بواسطة الامير حريبيش؛ 25-Feb-2010, 10:42 AM.

                        تعليق

                        العمل...