هدية ابن نجد : ديوان الشاعر الكبير شقير بن عقيل الجذع العتيبي

طي
X
 
  • التوقيت
  • إظهار
مسح الكل
المشاركات الجديدة
  • ابن نجد
    عضو فضي
    • May 2003
    • 270

    #16
    قصيدة (15) : غزلية ويخلط ذلك بوصف عجيب لايقدر عليه الا هو


    وصاحبي هذا محله ومبناه
    قبل اسبوعٍ جيت فيه ولقيته

    واليوم جيت لمنزله ما لقيناه
    واللي لقينا عقبهم ما بغيته

    شفت الرسوم وجدد الشوق ذكراه
    وناديت باسمه مرتين وبكيته

    قالوا علامك قل جفنٍ كفى ماه
    لا رد لي رايه وانا ماعصيته

    خلوه لين الدمع يظهر خفاياه
    اما ومرته زود ولا نهيته

    يمكن غزير الدمع تبري سواياه
    قلبٍ كواه الحب انا ما كويته

    سبت خليلٍ خلّ قلبي وخلاه
    ماطور مطرودٍ خلط ماه زيته

    جمسٍ مخيف وضايمه طول مسراه
    وتكانفه جيب الخفر مع ونيته

    لازام قدمه والابيتر تعداه
    والله رماه بفرقةٍ مستبيته

    جاين عنه تبليغ وهيه تحراه
    وراحو معه فالعرق الاول عميته

    وعقب احرجوه الجيب دقر له ارطاه
    وسايق ونيت الخفر غرز ونيته

    وهو سرى صفق الهوا مع زواياه
    اعصار عاصوفٍ تسوقه سحيته

    وعقب اظهروهن فاختٍ درب ممشاه
    وشافولهم ليتٍ يحالي ليته

    جمس ابدوٍ ضايع له ولد شاه
    طفله غدى ويدوره حول بيته

    اننعطب مجاهاه وهو بمجاهاه
    وراحت سوالفهم اطلاب وشميته

    وكلٍ بقى يشمت خويه ويشناه
    ويقول للرامي ورا مارميته

    قال البلا السواق غرز وخلاه
    وانا من الربشه سلاحي نسيته

    وهفو مهف امقيط فالضلع ورشاه
    وضاعوا وراحوا فالخلا عن فتيته

    والجمس سواقه بليله تسراه
    الحمل جاير والهوا مجتفيته

    وقعد خوي دريول الجمس ينهاه
    ويقول ضاعوا قال ياليت ليته

    ولا المدارا اليوم ما به مداراه
    والله لنزل حملته ما دريته

    وليا انكسر من تانكيه حرقناه
    اما فقر ولا حياةٍ بخيته

    وسروا وحمله تالي الليل وطاه
    فالموقع اللي نيته منتويته

    وعقب أمنه وقف وحول وطفاه
    واصبح ليا نصى شنابر حتيته

    الوجه رايح والاديتر كفى ماه
    وعيار زيته ناقصن عنه زيته

    قالوا علامه قال من كثر ماجاه
    ليا حداه العرق يمه حديته

    ليا انثنى العرق الموالي قطعناه
    وليا زما العرق المناحر نصيته

    بثنين احده ونهمه وتحداه
    وليا عصاني عن طلوعه عصيته

    انحره عرق طويلٍ معداه
    ولا عذاعذ خلتٍ مستميته

    خايف وحاديني مقاطع ومضماه
    ولو لا كذا عن ماجرى له رفيته

    قيره وبنصه والدركسون يجداه
    وان ضيع الدرب الدليله قديته

    وهذا ودرب الجمس كملت معناه
    بقافٍ لعشاق المثايل بنيته

    تعبير من عينه بخله مشقاه
    الصاحب اللي لو نسي مانسيته

    احب اجامل خاطره وترضاه
    وليا قطع وصلي على الله شكيته

    لو هو جفاني بالهوى مقدر اجفاه
    وان باعني برخيص غالي شريته

    لوني لو قلت احلي حلاياه
    اتعب وبعض اوصافهم ما لقيته

    الضبي فيها جملة من حلاياه
    والخيل فيه اصوف منه ان هقيته

    زينٍ طبيعي بس كحله وحناه
    ما خالطه شي معه مشتريته

    وجدي عليهم ياهل العرف وجداه
    وجد اليتيم اللي تقول وتليته

    عوباٌ توريه العزاير وتقفاه
    وثقبها اللي جعلها ينهد بيته

    ليا بكي قالت هذا الورع شرواه
    يبكي لو اني كل شي عطيته

    عقب امه اللي تاخذه بالمداراه
    اونس من العمه حياة الشميته

    تعليق

    • ابن نجد
      عضو فضي
      • May 2003
      • 270

      #17
      قصيدة (16) : وهذه غزلية جميلة من شاعر كبير


      وقلبي اللي صايرٍ به خوايا
      يحتاج عن حب العماهيج منظار

      سبة ثلاثٍ جدد(ن) به سوايا
      العصر يوم الله قسم لي بمسيار

      جني وأثر هن ناوياتٍ نوايا
      يبن قتلي عمد واللي نوّن صار

      المخ اخلن فيه بعض الخلايا
      والقلب خلنه يفكر ويحتار

      بزين الوصوف وفارقات التهايا
      وسود العيون وزين شكبات الاعمار

      الضبي منهن فيه وصف وحلايا
      وازريت لافرق بينهم والقدم حار

      جني بلبس وكن هنه عرايا
      لبس الدلع وانا يشوقن الانظار

      خشوف اللي من ذيرتها الرعايا
      ما يرتعن الا جديدات الاقفار

      هيم البطون دقيقات الشفايا
      نجل العيون نحورهن مثل الانوار

      منزيات كن ابطونهن قوايا
      مغار صدر وردف ووسوط ضمار

      وشقرٍ على الارداف مثل العوايا
      اشقر تقول بمقدمه يشتعل نار

      سودٍ لطراد المحبه منايا
      ليا شافهن صاحي الفكر ينهار

      عين اشقرٍ وايق بعين الحجايا
      يشوف له جولٍ تدارج ولا طار

      واللول كنه بين هاك الثنايا
      او قحويانٍ نابتٍ فيه نوار

      بعد ثلاث وسبع واربع عشايا
      في ماقعٍ خالد ساقيه الامطار

      ولو قلت ادورهن بسبع النحايا
      ياضنتي عن وصفهن ملقى الاذكار

      لا هن متان ولا نحاف هرايا
      سبحان خلاق البشر محيي الاشجار

      غصون موز فوق حوض روايا
      في فيّ وناش تساقيه الانهار

      او عود ريحانٍ يوزع هدايا
      تشريه تجارٍ وتجلب لتجار

      ماشفت انا لوصافهن تهايا
      لا والذي لمكسر العظم جبار

      الا من الغزلان فيهن حلايا
      طول الرقاب وصدة الضبي لانذار

      وفيهن عن الغزلان فرق ومزايا
      بعدّ التواصيف تقول عِيِّب الابكار

      اجسام بالطول المعدل رهايا
      لا هن نعانيعٍ ولاهن بقصار

      مثل الذهب يفرق بوزن الوقايا
      يزيد سعره لو يطيحن الاسعار

      الا حلاهن بزينة سجايا
      وانا بليت بحبهم سر وجهار

      وجدي على ما مز هاك الشفايا
      قدام يلقى العمر قصاف الاعمار

      وجدي عليهم وجد راعي ودايا
      يبست سواقيهن وماء عدهن غار

      من عقب ما كانن جمامٍ سرايا
      نشفت مجاري ماه مافيه قطار

      الجبو مقطع وقطعن الركايا
      وحتى الحمام اللي على جوهن طار

      وراحت جرايدهن سوات الحنايا
      يبس الجريد وحت عرجون الاثمار

      او وجد من ماله بنا به بنايا
      حول به الزلازل من عشرة ادوار

      ويا لجتي لجتة ذهيبٍ ضمايا
      وردن وردوهن رديين الاشوار

      في لاهب المرزم ضماين حفايا
      وعلى المراكيب برّكن فوق الازوار

      ودكن وقامن يسبرن الهبايا
      بجوٍ خلا ما به من النزل ديّار

      على الذي منهم جروحي خفايا
      كن الحشا من عقبهم يلهبه نار

      حطن عليه مثلثات الكوايا
      وراع الهوى دايم على الجرح صبار

      منهم عنا قلبي منهم دوايا
      ومنهم شربة من الهوى كاس الامرار

      هوى النفوس انواع وهما هوايا
      لو خيروني غيرهم ما نبا اختار

      ولو قلت اوصي ماتفيد الوصايا
      اخاف انا من هرج حاسد ومغتار

      اخاف ياخذها بعين الخطايا
      ولا يوصلها ليا كشف الاسرار

      يفرح عليه بكلمةٍ من عدايا
      الوقت باير واكثر الوقت بوار

      ماغار افكر من خلاي بخلايا
      واعوي عوا ذيب سبرله بمسبار

      قنيب سرحيٍ حدته الضرايا
      يحوفله فرقٍ ورا شبك وحضار

      يا من سمّيه بين هايا وهايا
      ويا من سمّيه بين غايب وحضار

      هدمت قلبي هدم خطو الهبايا
      لجرها وادٍ من الوسم معتار

      بخدٍ عليه رموش عينك ضفايا
      كنك تدق ابها على قلبي اوتار

      وردتني بالحب حوض المنايا
      ترقد وانا نومي هواجيس وافكار

      والعفو يا معطي جزيل العطايا
      اطلبك غفرانك وعتقك من النار

      تعليق

      • ابن نجد
        عضو فضي
        • May 2003
        • 270

        #18
        قصيدة (17) : مساجلة بينه وبين غازي بن جري العقيلي المطيري ، والبداية مع قصيدة غازي ثم رد شقير عليه


        هيونا جمسٍ جديدٍ مديله
        مصنوع حسب مواصفاتٍ وتفصيل

        ما فوقه الا سايقه والدليله
        وازروف فيها بين الاحباب تسجيل

        لكن حذف المرو من خلف ويله
        حذف البرد من مستهل الهماليل

        المهد مسراحه عفيفٍ مقيله
        تلفي على اللي فالقسا يذبح الحيل

        شقير شيال الحمول الثقيله
        شيال حملٍ للهوى ما بعد شيل

        ثم اخذوا جلستٍ وتعليله
        والزعفران يدور بين الفناجيل

        في مجلسٍ يستانس اللي يجيله
        بيبان بيته مدهلٍ للرياجيل

        واعطو له المكتوب والله وكيله
        ولاهو محتاجٍ مترجم وتحليل

        يا شقير انا قصة غرامي طويله
        قريبةٍ وابعد من الجدي وسهيل

        ما ينعذل سيل النحا عن مسيله
        دايم على مجرى النحا يمشي السيل

        هذا بعد حاولت من كل حيله
        وفشلت مساع الواسطة والمراسيل

        ولولا على الاجوا مزونٍ ضليله
        لصبح صباحن بتهليل

        صباح يشفي به قلوبٍ عليله
        بفريس مشتركين جذعان وعقيل

        ثم رد الشاعر الكبير شقير بن عقيل الجذع عليه بعد ان عرف مطلبه بهذه الابيات:

        حي الكتاب وحي من جاء يشيله
        وحي الونيت اللي لافاني بتكميل

        جمسٍ عليه من المطيري رسيله
        بأبيات شعرٍ لنشاما تعاليل

        غازي عليه ارسل حروفٍ جميله
        فيها لعرّيف النشاما دواليل

        يقول بالمظروف جهز رسيله
        واللي لفتني صورةٍ مالها صيل

        ارسلي الصورة ورد الاصيله
        مدري وراه يبدل الاصل تبديل

        مدري الورق عنده فروخه قليله
        ولا شحيح لمدت الاصل وبخيل

        حنا عتيبه ما نمد الهزيله
        ولا نقتنع بالهزل ولو هو من القيل

        نأخذ من الجزله ونعطي الجزيله
        ونحلل الكلمه ثمانين تحليل

        نأخذ ونعطي كل بيضاً جليله
        بالمد ولا بالعلوم المقابيل

        ننطح نحورالهرج ما نستخيله
        وكلٍ على كيله نزود له الكيل

        نكيل له من صاعه اللي يكيله
        وحنا لصعبات المواقف مناهيل

        وجنابنا ريف من يلتجي له
        لجا نهارٍ فيه منع ومداخيل

        يومٍ ولد اللاش يلطم دخيله
        دخيلنا في راس عيطاً عن الميل

        وليا نخانا اللي سواتك نجيله
        ونمد له حبل طويل المواصيل

        حبلٍ ليا من تحقق حصيله
        يشفى ضمى بعض القلوب المعاليل

        يشفى القلوب الهايمات العليله
        وقلوب يوريها حياة البهاذيل

        صديقنا نشفي ضماه وغليله
        وحريبنا نسقيه زاد المفاتيل

        نسقيه فأثنى المعركة حنظليله
        بمسلبات زادهن فالمناقيل

        حريبنا عند الوعيد نعني له
        بالفور ما نأخذ للاوعاد تأجيل

        حنا عتيبه كم فن وقبيله
        لطامة العايل على مثل ماقيل

        دقلاتنا مثل المزون الثقيله
        ينزل بردها فوق روس الاقاذيل

        وليا قدح فالنار زند الفتيله
        تنذر بنا الاتراك شعب البرازيل

        يا بن جري عقب النخا ويش هيله
        ابشر بمطلوبك على كل تسهيل

        بأسم الله الخلاق منشي المخيله
        محيي هشيم القاع بأمره مكاييل

        وجمسك وصل بعد الدروب المهيله
        ولاهله قدمت اشقر البن والهيل

        وحيلٍ من اتجار الغنم نشتريله
        مع كلمةٍ تقري بليا مواكيل

        وجهزت لي معه اربعه من مديله
        ما ناش بويتهن يا كود المناديل

        دلايلٍ له لو يتيه الدليله
        ولا يجي بالدرب ريبه وتزويل

        واللي جرح غازي وبيح حفيله
        لازم تجيبونه لو انه ورا النيل

        اخذ النعت من خوف تيه وعيله
        ترا لهم بأطراف حاذه مداهيل

        والهضبه اللي فالحفيظ البتيله
        من راسها مدوا جداد الدرابيل

        اما على الضيحه تشيفون زيله
        ولا يجيكم من عربهم دواليل

        يجيك بالاخبار مومي شليله
        اهل الذهيب مدورين المقاييل

        وما كف ذخر اللي مفايض نجيله
        وما ردت الحرة ليا شّعرّ وكحيل

        اما يوصف نايفٍ تقتدي له
        ولا تشوفون العرب والمنازيل

        وليا لقيت النزل لا تستسي له
        اما رضي بالعلم شيلو إله شيل

        ثم سلموا غازي ولاية خليله
        وخل العقيلي بالفرح يطرد الويل

        الجم مايغطى مجمه نثيله
        ولايقطع امواج البحر بارد الحيل


        ونرجوا ان تحوز على اعجابكم وانشالله ان وجدت قصائد اخرى لشاعرنا الكبير سوف ادرجها هنا ، كما ارجو تعاونكم في تفعيل الصفحه بقصائد شاعرنا شقير بن عقيل العتيبي.
        -----------------------------------------------------------------------
        زماننا غير زمانهم وحتى نتذكر الاولين
        اخوكم ابن نجـــــــــــــد

        تعليق

        • ابن داعج
          عضو فعال
          • Jun 2003
          • 151

          #19
          بيض الله وجهك

          وصح لسان الشاعر الكبير

          تعليق

          • ابن نجد
            عضو فضي
            • May 2003
            • 270

            #20
            ماقصرت يا ابن داعج
            وانشالله نشوف مشاركاتك والاخوان

            اخوك ابن نجد

            تعليق

            • ابن مشيب
              إدارة أقسام القبيلة
              • Nov 2002
              • 9791

              #21
              بيض الله وجهك , ماقصرت على هذا الديون العظيم لشاعر العملاق شقير الجذع , قصائد في قمه الجزاله وقوة المعاني , وهذة ليست غريبه على هذا العملاق شقير.

              اخوي ابن نجد , بيض الله وجهك , ومشاركاتك دائماً متميزة , كثر الله من امثالك.


              تقبل تحياتي:
              ابن مشيب.

              تعليق

              • ابن نجد
                عضو فضي
                • May 2003
                • 270

                #22
                الله يبيض وجهك يا ابن مشيب ويسلمك ، بس ترى اليد الوحده ماتصفق ، نرجو المساعدة والتعاون بشكل جماعي من الجميع

                وهذه مشاركة سابقة قد وضعتها في قصة وقصيدة لشاعرنا الكبير ، وهذا مكانها المناسب في هذا الديوان .


                مساجلة صوتية بين الشاعر شقير الروقي العتيبي والشاعر ابن جريدي الدلبحي العتيبي
                يشكي بها الدلبحي من الحب ويتغزل ، ويرد عليه الشاعر شقير بما هو ادهي وأمر.




                ونرجو ان تحوز على اعجابكم

                اخوكم ابن نجد

                تعليق

                • محمد البام
                  عضو فضي
                  • Aug 2007
                  • 200

                  #23
                  الله لا يهينك



                  وماقصرت

                  تعليق

                  • عبدالله الجـــذع
                    مشرف منتدى قصه وقصيده
                    • Sep 2007
                    • 8093

                    #24
                    بيض الله وجهك قصائد عصماء ورائعه بالفعل..

                    مشكور يأبن نجد وبيض الله وجهك يالغالي..
                    قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                    .
                    قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                    فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                    .

                    موقع يضم جميع القراء


                    هنا

                    تعليق

                    • محب الهيلا
                      عضو ممـــيز
                      • Nov 2007
                      • 20292

                      #25
                      [align=center]لاهنت على النقل

                      مشكور وماقصرت
                      [/align]

                      تعليق

                      • كحيلان الهيلا
                        عضو فعال
                        • Sep 2009
                        • 185

                        #26
                        بيض الله وجهك يابن نجد


                        بس ودنا انك اطربتنا ببعض قصائد القامه


                        الشعريه شقير


                        وخاصه في الجيوب


                        ومنها اللي يقول

                        يابو سعد حزتي في مسند الشده


                        واخر منظم شقير في وصف الجيب اللي يقول,,,,,,


                        راكب اللي لابليد ولاغشيم

                        تعليق

                        العمل...