الشاعر المرحوم :بديوي الوقداني العتيبي

طي
X
 
  • التوقيت
  • إظهار
مسح الكل
المشاركات الجديدة
  • بن عويد

    #1

    الشاعر المرحوم :بديوي الوقداني العتيبي

    قصيدة أيامنا والليالي .. للشاعر بديوي الوقداني العتيبي --رحمه الله--

    ------------------------------------------------------------------------


    أيامنا والليالي


    أيامنـا والليالـي .. كـم نعاتبهـا = شبـنـا وشـابـت وعفـنـا بـعـض الأحـوالـي
    أيــام فــي غلـبـهـا وأيـــام نغلـبـهـا= وأيـــام فـيـهـا ســـوا والـدهــر مـيـالـي
    تاعـد مواعيـد والجاهـل مكذبهـا =واللـي عـرف حدهـا مــن همـهـا سـالـي
    إن أقبلت يوم مـا تصفـي مشاربهـا= تقفـي وتقبـل ومـا دامـت علـى حالـي
    فـي كـل يــوم توريـنـا عجايبـهـا =والـيـوم الأول تــراه أحـسـن مــن التـالـي
    جربـت الأيــام ومثـلـي مــن يجربـهـا= تجـريـب عـاقـل وذاق الـمـر والحـالـي
    يضحك مع الناس والدنيا يلاعبهـا =يمشـي مـع الفـي طـوع حيـث مـا مالـي
    كــم مــن عـلـوم وكــم آداب نكسبـهـا =والشـعـر مــازون مثـقـال بمثـقـالـي
    أعرف حـروف الهجـا بالرمـز وأكتبهـا= عاقـل ومجنـون حـاوي كـل الأشكالـي
    لكـن حظـي ردي والـروح متعبهـا =مافـادنـي حـسـن تأديـبـي مــع أمثـالـي
    إن جيـت أبـي حاجـة عـزت مطالبهـا =والعفـو ماواحـد فــي الـنـاس يـاوالـي
    قـوم لـيـا جيتـهـا رفــت شواربـهـا= بالضـحـك وقلوبـهـا فيـهـا الــردى كـالـي
    وقوم ليا جيتهـا صكـت حواجبهـا= وأبـدت لـي البعـض فـي مقفـاي وإقبالـي
    ماكنـي إلا مسـوي حـال مغضبـهـا= والـكـل فــي عشـرتـه مـاكـر ودجـالـي
    ياحيـف تخفـى أمـور كنـت حاسبهـا= واللـي علـى بالهـم كلـه علـى بـالـي
    الـجـار جـافـي وكــم قــوم محاربـهـا= والأهــل وأصحابـنـا والــدون والعـالـي
    والروح ويش عذرها في ترك واجبها= راح الحسب والنسب في كثر الأموالي
    نفسـي تبـا العـز والحـاجـاة تغضبـهـا= تـرمـي بـهـا بـيـن أجـاويـد وأنـذالـي
    المـال يحـي رجـال لا حيـاة ابهـا =كالسيـل يحـي الهشـيـم الـدمـدم البـالـي
    عفـت المنـازل وروحـي يـوم اجنبهـا= منـهـا غنيـمـة وعنـهـا البـعـد أولالــي
    لاخير في ديـرة يشقـى العزيـز ابهـا= يمشـي مـع النـاس فـي هـم وإذلالـي
    دار بـهـا الـخـوف دوم مايغايبـهـا= والـجـوع فيـهـا ومعـهـا بـعــض الأحـوالــي
    جـوعـى سراحينـهـا شبـعـى ثعالبـهـا= الكـلـب والـهـر يـقـدم كــل ريبـالـي
    عـز الفـتـى راس مـالـه مــع مكاسبـهـا= يامرتـضـي الـهـون لا عــز ولا مـالـي
    دللـت بالـروح ليـن أرخصـت جانبـهـا= وأنــا عتيـبـي عـريـب الـجـد والخـالـي
    قـوم تـدوس الأفاعـي مـع عقاربـهـا= والـهـا عـزايـم تـهـد الشـامـخ العـالـي
    خــل المـنـازل وقــل للبـيـن ندبـهـا= يبـكـي عليـهـا بـدمـع العـيـن هطـالـي
    لا تعمـر الـدار والـقـالات تخربـهـا= بـيـع الــردي بالخـسـارة واشـتـر الغـالـي
    ماضاقـت الأرض وانـسـدت مذاهبـهـا= فيـهـا السـعـة والمـراجـل والتفتـالـي
    دار بـــــدار وجــيـــران نـقـاربـهــا= وأرض بـــــأرض وأطــــــلال بــأطــلالــي
    والـنـاس أجانـيـب لـيـن انــك تقاربـهـا= وتـكـون منـهـم كـمـا قـالـوا بالأمثـالـي
    الأرض لله نـمـشــي فــــي منـاكـبـهـا= والله قــــدر لــنـــا أرزاق وأجــالـــي
    حــث المطـايـا وشـرقـهـا وغـربـهـا= وأقـطــع بـهــا كـــل فـــج دارس خـالــي
    واطعن نحـور الفيافـي فـي ترايبهـا= وابعـد عـن الهـم تمسـي خالـي البالـي
    مـــن كـــل عمـلـيـة تـقـطـع براكـبـهـا= فـدافــد الـبـيـد درهـــام وزرفــالــي
    تبـعـدك عــن دار قــوم ودار تقربـهـا= واخـتــر لنـفـسـك للـمـنـزال مـنـزالـي
    لومـت فـي ديـرة قفـرا جوانبـهـا= فيـهـا لـوطـي السـبـاع الغـبـس مدهـالـي
    أخـيـر مــن ديــرة يجـفـاك صاحبـهـا= كــم ذا الجـفـا والتجـافـي والتـعـلالـي
    دوس المخاطـر ولا تخـشـى عواقبـهـا= الـمـوت واحــد وبـعـد الـعـز يجـلالـي
    إن المنايـا إذا مـدت مخالبهـا= تدركـك لــو كـنـت فــي جــو السـمـا العـالـي
    ماقرت الأسد في عالي مراقبها= تسعى على الرزق ماحنت فـي الأشبالـي
    والشمس في برجها والغيم يحجبها= تقفي وتقبل لها في العـرش مجدالـي
    رب السمـوات يامحصـي كواكبهـا= يامجـري السفـن فـي لـجـات الأهـوالـي
    ضاقـت بنـا الأرض واشتبـت شبايبـهـا= والغـيـث محـبـوس يامعـبـود يـاوالـي
    يالله مــن مـزنـة هـبـت هبايبـهـا= رعـادهـا بــات الــه فــي البـحـر زلـزالــي
    ريـح العوالـي مـن المنشـا تجاذبهـا= جـذب الدلـي مـن جبـا مطـويـة الجـالـي
    ديمـومـة سلـبـت وارخــت ذوايبـهـا= وانـهـل منـهـا غـزيـر الـوبــل هـمـالـي
    تسقـي ديـاراً شديـد الوقـت حاربهـ=ا ماعـاد فيـهـا لبـعـض الـنـاس منـزالـي
    ياجـاهـل اسـمـع تماثـيـل مرتبـهـا= فيـهـا معـانـي جمـيـع القـيـل والـقـالـي
    مثـل المحابيـب زادت فـي قوالبهـا= فـي صرفهـا زايــدة عــن قــرش وريـالـي
    يــارب تـوبــه وروحـــي لا تعـذبـهـا= يـــوم القـيـامـة اذا مـاضـاقـت أعـمـالـي
    وأزكـى صـلاة علـى المختـار نوهبهـا= شفيعنـا يـوم حـشـر فـيـه الأهـوالـي



    مع تحياتي <بن عويد>
    تم التعديل الأخير بواسطة ضيف؛ 30-Aug-2007, 06:08 PM. السبب: إملائي
  • طحطوح نجد
    عضو نشيط
    • Aug 2007
    • 57

    #2
    شكراً يابن عويد على الاختيار الرائع للقصيده الجميله

    تعليق

    • مالك الذيابي

      رابطة محبي الهيلا

      • Feb 2007
      • 2018

      #3
      [align=center]بيض الله وجهك يابن عويد[/align]

      تعليق

      • بندر الحافي
        فريق التصميم والتطوير
        • Oct 2006
        • 661

        #4
        لاهنت يالغالي

        تحياتي لك
        [align=center][/align]

        تعليق

        • تذكار هايم
          عضو ماسي
          • Mar 2005
          • 664

          #5
          بيض الله وجهك يابن عويد وصح لسان الشاعر

          تعليق

          العمل...