مجموعة قصائد .....للبطل ؟؟؟؟؟ادخل وشف

طي
X
 
  • التوقيت
  • إظهار
مسح الكل
المشاركات الجديدة
  • هلال الدوادمي
    عضو ماسي
    • Jan 2006
    • 868

    #1

    مجموعة قصائد .....للبطل ؟؟؟؟؟ادخل وشف


    بسم الله الرحمن الرحيم


    هـا أنا اعود لكم من جديد ومعي .....


    بـــــــاقة قصائد الشاعر ...والبطل....الغني عن التعريف .....


    اسمه ....هز .....وافزع ....قلوب البعض .....واترككم معه

    مع مجموعه جديده من قصائد هذا البطل....و مع شاعر اخر(عتيبي اكيد)


    بإذن الله تعالى

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يالله يالمطلـوب يـاريّـف iiالـحـال=يامن له الشكوى علـى كـلّ حالـي


    إنـك تسامحنـا بسيّـات iiالاعمـال=وتغفـر دقـاق ذنوبنـا والجـلالـي


    طالبك نـو(ن) تالـي الليـل iiهمّـال=يـزي الرغـاب ويمتلـنّ iiالهجالـي


    يصبح بها راعي الدبش طيّب iiالفـال=والعسر والمكـروه عنـه iiاستزالـي


    ياراكب(ن) حمرا تبوج اشهب الـلال=واللي عليهـا مـن قـروم العيالـي


    نصّه بني عمّـي قديميـن iiالافعـال=اهل المواقـف فـي نهـار iiالقتالـي


    تلقى لهم يمّ الحـوم نـزل iiواحـلال=أهل نجور(ن) مـن طربهـا تلالـي


    هل سربة(ن) قد ودّبنّـه iiبالاهجـال=أصايـل(ن) ومكرمـات(ن) iiبغالـي


    مترفع(ن) فيها اللحـم تقـل iiشيّـال=قحص(ن) تسـن لحيّهـا iiللحبالـي


    ويا نازح(ن) من ضدّهن جنّه iiارسال=وما يحتـري الأول لمفـزاع iiتالـي


    تركض بشبّان(ن) مداغيش iiوعيـال=ضاريـن فـي هدّاتهـم iiللفعـالـي


    تركض عألى راعي التفق ثابت iiالحال=ومولع(ن) ضوّه على القحف iiمالـي


    تاطـاه والمولـى عليـه التـوكّـال=يوم اللقا نرخص عمار(ن) iiغوالـي


    كم شيخ قوم(ن) في طرف شولنا مال=وكم سابق(ن) أضناه لفـح iiالحبالـي


    ترعى بنـا قطعاننـا غـبّ iiالافعـال=لا جا ترافـا البـدو عنـا iiشمالـي


    وباقي القبايل مانغـطّ لهـم iiافعـال=هـاذي فعايلنـا علـى كـلّ iiحالـي[/poem]

    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ




    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يازبن كرّب فـوق مايطـرد iiالنـوم=حرايـر(ن) يازبـن مثـل iiالاهـلّـه


    مرباعهم مابين ظلـم(ن) iiوالاكمـوم=ومـن السفايـف يرمحـنّ الأظلـة


    ملفاك شيخ(ن) بالقسا يذبـح الكـوم=شيـخ(ن) وشيخـان القبايـل تدلّـه


    تلقى محمد زبن من كـان مضيـوم=زبن الذليل اللي مخيـف(ن) iiمحلّـه


    واليا لفيت الشيـخ يازبـن iiملـزوم=تعطيه مرسوم(ن) بوسطـه سجلّـه


    وان كان جيت النضو يازبن iiماسـوم=رد الخبـر والنضـو يازبـن iiخلّـه


    جانا من الشايـب مكاتيـب iiوعلـوم=حيّ الكتاب اللي لفا حشمـة(ن) iiلـه


    الشايب اللي ينقـل الكبـر iiوالـزوم=باغي لحكمي مير انا عاصي(ن) iiلـه


    الله يغشّـك يـوم غشّيتنـا iiالـيـوم=تقـرا الكتـاب ولا تهـاب iiالمظلّـه


    جزاك من عندي من الخيـل iiحثلـوم=مثل البرد مـن مزنـة(ن) مستهلّـة


    إن كان تذكر سابق(ن) لك من iiاليوم=فرس عتيبـي ورد شاهـد(ن) iiلـه


    أنا برمحـي بـاول الخيـل iiملحـوم=والا انت رمحك عنـد سـارة تشلّـه


    أديت انا اربع قحص والخامس iiالتوم=بقعود زبن اللي بغا مـا حصـل لـه


    لا والله اللـي روحـوا ربعنـا iiقـوم=تنافضـت مـن بينـهـم بالأجـلّـة


    والحرب شب وشبشبة كـل شغمـوم=من اشتبه مخ الفرنجي عصا(ن) لـه


    إعرف ترى من طاح ماهوب مرحوم=ياكود من رب الملا شافـع(ن) iiلـه


    شافي وجرمان غدوا بـاول القتـوم=خلوا مطّوعهم وانا شاهـد(ن) iiلـه


    خلوا مطوعهم على غوجـة iiالتـوم=عزّي لمن حطّ الردي مسند(ن) iiلـه


    وانتم كما حوت(ن) على الشط iiلاهوم=وحنـا خلقـنـا للواهـيـم iiعـلـة


    وانتم كما ضلع(ن) طويل(ن) ومزموم=وحنـا خلقنـا الله نجـوم(ن) iiتهلـه


    وأنتم كما طير البحر ذاك ابا iiالحـوم=وطير البحـر مايذبحـه غيـر ظلّـه[/poem]ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    لا والله الا اقفوا وسـاع iiالنحايـا=ما هلّلوا ولهم على الحزم iiمعلوق


    يتلون من تبـدى عليـه الخفايـا=عقله رزين ومغلق(ن) له بصندوق


    يبون برّاق(ن) صـدوق iiالعشايـا=تشبع رعاياهم بعرفـج iiورقـروق


    أقفوا بغـرو(ن) مايطـبّ iiالقرايـا=تجيه حاجاته وهو مايجي iiالسـوق


    أنـا مريـض ودّوروا لـي دوايـا=من ماء البر والاّ ترى النقع iiمطروق [/poem]ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ


    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياراكب(ن) من فوق حـرً ذعيـري=سبق الظليم اليـا تقافـى iiبمـراوح


    يسرح من الطايف ويمسي iiالبصيري=دار العمور متيّهـة خلـف ولقـاح


    كعامـة العايـل بحـدّ الشطـيـري=بمسلبات(ن) مع معاطيـب iiورمـاح


    سلم على بن هنود راعي iiالقصيري=قل له قصيرك يابيض الوجه هو راح


    إما تقاضـى فيـه ولـد iiالأميـري=والأ تقاضى فيـه ياظبـي الابـراح[/poem]

    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياراكب اللي مـا يدانـي iiالصفيـري=هميلع(ن) من نقوة الهجن iiسرسـاح


    أمـه نعامـة واضربوهـا iiبعيـري=جا مشبهاني علـى خـفّ iiوجنـاح


    عليه خرج(ن) من سلوك iiالحريـري=وسفايفـه مثـل الغرابيـن iiطفـاح


    يسرح من الطايف ويمسي iiالبصيري=والسوق والبصرة دهجهن iiبمـرواح


    مزهبك ياراعيـه تمـر iiومضيـري=واحذر تشبّ النار يجفل من iiالضـاح


    والى ورد يشـرب ثمانيـن iiبيـري=ويشرب براسه من على جمّة iiرماح


    ياويش هو شي(ن) طويل(ن) قصيري=يسبق زعاجيل الهـوا يـوم iiتنـداح [/poem]
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ذاقول من غنّى ومن هاض مـا iiخفـى=بدت لي وغيري جاهل(ن) مادرى لهـا


    إصحى تكن روع(ن) إالى شفت iiحـادث=تـزري تميّـز حرمهـا مـن iiحلالهـا


    إلى اوجعك ضرسك خذ القـاز iiواقلعـه=وإن كان في عينـك ف دوّر دوا iiلهـا


    تـرى حـلاة الرجـل لا شـقّ iiيرفـا=ذرب(ن) يميّـز فتلـهـا وانحلالـهـا


    عيب(ن) على اللي بدّل الهـدر بالرغـا=ولا كلّ مـن يبغـى المراجـل ينالهـا


    وانا ما بـلاي الا سبـاع(ن) iiتقانبـت=تناطف ملا كمهـا وجـرّ العـوا iiلهـا


    ومن شبّ نار الحرب للنـار iiيصطلـي=كـثّـر مقابيـسـه وزاد iiاشتعالـهـا


    كم غارة(ن) منّا على فاقـة iiالضحـى=يشبك علـى روس المعـادي ظلالهـا


    غزينا على الطرسان من دون iiصـارة=أخذنـا مغاتيـر(ن) نذّبـح iiعيالـهـا


    كم جادل(ن) من غبنّـا تذهـل iiالغطـا=ترفع صليب الصـوت تبكـي iiعيالهـا


    وكـم مهـرة(ن) قبّـا تجينـا iiقلاعـة=رمينـا براكبهـا وفـاخـت iiحبالـهـا


    أقوله وانا من لابـة(ن) تنثـر iiالدمـا=مناة الحرايـب دايـم(ن) فـي قتالهـا


    ذقنـا حلاويهـا وذقـنـا iiمـرورهـا=ولو هي صفت يوم(ن) سريع(ن) زوالها


    ولا تفرحـوا ياشامتيـن مـن iiالـعـدا=إن طالـت الدنيـا يجيـكـم iiبدالـهـا


    حقّ علينـا الهجـن تمشـي iiمسيمـة=وخيل(ن) أصايل معتبيـن الحـذا iiلهـا


    لعينـاك يانجـد المسـمّـى بفعلـنـا=والاّ منازلنـا فـلا احـد(ن) ينالـهـا


    إلـى قالـوا الحـكّـام رزّوا بـيـارق=ننسف على شيـب الغـوارب iiثقالهـا


    ولا عندنا فـي حلّـة(ن) عنـد iiحاكـم=على الراي حكّام(ن) طوال(ن) iiحبالهـا


    هذا وصلّوا يـا حضـور علـى iiالنبـي=أزكى قريـش وكلمـة الحـقّ iiقالهـا [/poem]ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    البارحـة بالـنـوم كـنّـي iiمــورّا=جا حلم ليل(ن) يوم عبّـر ولا iiشيـف


    أونست هاجوس(ن) على الصدر iiمـرّا=منه الفـواد معلّـق(ن) iiبالمخاطيـف


    وابدي كنيـن الـروح داخـل iiوبـرّا=من نقض مايفتل وفتـل(ن) iiبتكليـف


    يـارازق اللـي فـي رجـاك iiيتحـرّا=من مدّ في جودك ياوسيع iiالمحاريـف


    إن جـت مـن الله ماعـدوّ iiيـضـرا=وليا ادبرت قلّـت دبـور iiالمصاريـف


    مادون ربـك واحـد(ن) لـك iiيسـرّا=للربّ حكمـه بالمعانـي iiوتصريـف


    قـم يامحمّـد سـوّ حلـو(ن) ومـرا=رسم(ن) إلى جوك النشاما هل iiالكيف


    مع منسف(ن) حـول المنـارة يجـرّا=واشناق حيل(ن) صففوهـا ذواريـف


    واعمـل بخيـر ولاتجـازي iiبـشـرّا=وارج الفرج من عند والي iiالمصاريف


    واجهـد بتقـوى الله لـدار iiالمتقـرا=العبد طرقـيّ مـع ركابـه iiمناكيـف


    دنيـاك لـو زانـت تراهـا مـغـرّا=دنيـا خـراب ولا عليهـا تحاسيـف


    فيهـا لبيـب العـقـل iiمايستـغـرّا=لـو امهلـت لابـدّ رحلـة وتخفيـف


    إخشـع تواضـع لا تكـبّـر iiتــزرّا=ماشفـت ميـلات الليالـي iiمراديـف


    ورفيقـك الغالـي مـنـه لا iiتـبـرّا=إدمح خطـاه إلـى تعبـث iiعجاريـف


    يشرب معك صافي وكـدر(ن) iiومـرّا=ويارد معك حوض المنايا الى iiعيـف


    نوب(ن) تـذرّى بـه ونـوب iiيتـذرّا=عديل عمـرك بالليالـي iiالشفاشيـف


    جرّ القلـم واكتـب لنـا اللـي تـورا=سلام(ن) احلى من حليب iiالمشاغيـف


    منّي لمـن تابـع هـوى كـل iiغـرّا=شيخ(ن) يروّي بالملاقى شبا iiالسيـف


    زيـزوم غلبـا كـل يـوم(ن) iiتجـرّا=واطرافها تاطـا الغبـا iiوالمشاريـف


    ذولـي يسرّحهـن وذولـي iiتـسـرّا=وذولي مغيرات(ن) وذولـي iiمناكيـف


    والى عـدا باللـي عـدا فيـه iiغـرّا=بربع(ن) على قحص المهار المزاغيف


    سلاحهـم شغـل العجـم iiوالمـجـرّا=ودهـم الفرنـج مفرّقـات المواليـف

    وصلّوا على المختار والصحـب iiطـرّا=ماهبّت الانسام مـن رايـح iiالصيـف [/poem]
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ


    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يا راكب(ن) من عندنـا نابيـة شـطّ=تشدي ظليم(ن) بالخـلا صايعـه ذور


    وقـم الربـاع ونابهـا مابعـد iiنـط=تكسرعصّي الكور لو كـان iiماسـور


    تشدي لكـدريّ القطـا حيـن قـرّط=إنصفّ ريشه عقب ماهـو iiبمنشـور


    فوقه غلام(ن) لا اظلم الليـل ماغـط=أدلّ من فرق القطـا صـوب خابـور


    تلفي بنـي عمـي ورا نجـد بهبـط=أهل بيوت(ن) كنّهـا شمّـخ iiالقـور


    أهل صحـون(ن) بالمجاعـة تقلـط=ذباحة(ن) مازاد نيّـه مـن iiالخـور


    إن جيتهم ملزوم بالصـوت iiتصعـط=وعطهم مكاتيبي قبل تجـدع iiالكـور


    واخبر بني عمي ترى الشيل بي iiغـط=والنفس ماتصبر على الضيم iiوالجور


    عطّوا كما عطّت حصان(ن) الى عـط=خطو الأصيل اللي من الزاد iiمبـرور


    لعينيـك ياللـي بالعويـدي iiتمشّـط=دقيق رمش العين كنّه مـن iiالحـور


    ليته حضرنا يـوم سـوّ البـلا شـط=نار الذليـل وردّهـا كـل iiمسطـور


    شمالنا من مـسّ الارسـان iiتنفـطّ=وايماننا تطلق مـن السـوّ iiمقـدور


    وارخصت عمري عند جيش iiالمخلّـط=ماهمّني ناس(ن) يقولـون iiحـاذور


    الغوج ردّيتـه علـى غيـر iiيصفـط=على شنق كنّه من القيـن مكسـور


    كم فارس(ن) من راس رمحي تفرشط=مدحّ راسـه حـط فالحـزم iiجافـور


    عليه خفرات(ن) بالاسـلاب iiتشعـط=خلّي عشا لمرهفـل الذيـب وطيـور[/poem]ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    فكّـر وناظـر يامحمـد تـرى iiالحـال=نفسـي وتاليهـا مـع الله iiخبـرهـا


    العين كاين لهـا عـن النـوم iiعـذّال=تسهر وغاد(ن) نومها عـن iiحجرهـا


    والكبـد ماتقبـل مـن الحلـو iiفنجـال=والمرّ لو هـو عشـرق(ن) iiمانقرهـا


    دنيـا هيـال ولا لحقنـا لهـا iiجــال=وأزريت اميّز سهلهـا مـن iiوعرهـا


    كـان اقبلـت ياحلـو هـاك التبهـلال=وان ادبرت سوّ(ن) على اللي iiحضرهـا


    ماظنّ فيهـا واحـدن(ن) دالـه iiالبـال=إحفظ لدينـك وانتبـه عـن iiخطرهـا


    تـراه مثـل الـفـيّ لابــد iiيـنـزال=والشمس هي ويّا القمر مـن iiفكرهـا


    الحـق ينكـر والتفاخـر iiبـالامـوال=لاهيـن فـي غفلاتهـم فـي iiدوّرهـا


    كم فرقّت من دولـة(ن) حـلّ iiواجيـال=والـى ومرهـا الله عطتهـم iiنحرهـا


    فعّـال نـو الخيـر لامـوه الانــذال=كثرت تخاليف العـرب فـي iiصورهـا


    يالله ياعـالـم خفـيّـات iiالاحــوال=ياللي ذنـوب العبـد لا شـا iiغفرهـا


    كـم واحـد(ن) يمشـي مـع iiالنـاسمهذال=يرعى سواة العاذرة من بقرهـا


    لاشاحنـه علـم(ن) ولا وراده iiحــال=ولا يميّـز وردهـا مــن iiصـدرهـا


    ثوب النقا مايرخصـه لبـس الاسمـال=سلم الرجـال اللـي تلامـع iiشهرهـا


    إن كان ما انت ب في معانيـك iiحمّـال=عمل الـردى يهويـك مظلـم iiحفرهـا


    ذا قول مـن عـدّل غريبـات iiالامثـال=بيوت(ن) عسيرات(ن) لمن لا iiقدرهـا


    أنا احمـد الله بّـدل الشمـس iiبظـلال=وهانـت مصاعبهـا ونقطـف ثمرهـا


    ماهمنّـي دنيـا ولا همـنّـي iiمــال=الرزق ياتـي مثـل هاتـف iiمطرهـا


    شفّـي ومقصـودي مــن iiالخـيـل=مشوال شقرا نواصيها كثير(ن) iiشعرها


    شفّي عليها كان هـو زعـزع iiالمـال=ومن الهنادي صارم(ن) فـي ظهرهـا


    وبالكفّ من غالي المطارق هوى iiالبال=يـروي بحـزّات اللقـا مـن iiحمرهـا


    ونجرٍ توالي الليل تسمع له اعوال ودلال=يلقـى الكيـف مـن هـو iiنحـرهـا


    بريّـةٍ يطـرب لهـا كــلّ شـغّـال=والزعفـران مـع العويـدي ذعرهـا


    تهـدى لماضيـن التجـارب والافعـال=زيـزوم عيـرات(ن) تعايـل iiجررهـا


    وتهدى لمـن يثنـي نهـار التجيـوال=مودع جيـاد الخيـل تركـب iiوعرهـا


    والثالث اللي بالقسـا يرخـص iiالمـال=له ربعـة(ن) دايـم تناطـف iiسفرهـا


    وصدّه عن اللي مع دروب الردى iiعـال=يمناه عـن طيـب المعانـي iiقصرهـا


    وصلّوا على من صار للحـقّ iiمرسـال=عداد مـا خضـرّ ورق فـي iiشجرهـا [/poem]ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    سرنا لينبوع الصخـا مكـرم الجـار=اللـي سعـى لرعيتـه بالصلاحـي


    نقّاض مايفتـل حيـول(ن) iiومكـار=يصمت ولو هو يسمع العلم iiصاحـي


    جبنا له اللـي كنّهـا ظبـي الاقفـار=مركوب من يروي شبـاة iiالسلاحـي


    لافين عنّـه عنـد مـا قلّـط iiالنـار=ولاني على اللي ينتوي له iiشحاحـي


    واقبل لنا بالعلـم واقفـى iiالدويـدار=وجانا من الفندي جواب(ن) iiقراحـي


    قالوا جواب(ن) لاحكي به ولا صـار=الله يعين اهـل العقـول الصحاحـي


    جانا بعذر وقلت انـا الـربّ iiستـار=رزقي على مذري هبـوب iiالرياحـي


    الرزق ياتي مثـل هتـاش iiالامطـار=ماله مصـك ولاش دونـه iiسلاحـي


    ان كان تسمع من هل الكذب والعـار=ودّع بنـا رازق خفـوق الجنـاحـي


    وعدنا على هجن(ن) من البعد iiضمّار=من القفل يشـدنّ النعـام iiالمداحـي


    تودع حصا الرشراش بالـدوّ iiطيّـار=الاّ ونقـدع روسـهـن iiباللـواحـي


    خذوا عليهن ساعة(ن) وقم iiمغـوار=وعن الوعر عطوا بهـن iiالسماحـي


    كم ليلة(ن) سرنا على هجن iiومهـار=نطلب من اللـي خزنتـه iiماتباحـي


    حنّا كما حـرّ(ن) مراقبـه iiالاوعـار=يشهر الى شاف الجفا عنـه iiراحـي


    وحنا مسقّية العـدو كـاس الامـرار=ومعشّية بالضيـق بـرق الجناحـي


    ياما نزلنا منزل(ن) غـبّ iiالامطـار=السبر ينطـش والجهامـة iiضواحـي


    كم ذود مصلاح(ن) على راع iiالاقفار=ناخـذ قلايعهـن بـروس الرماحـي


    والطرش جاك مشوح(ن) عقب iiماذار=هجّ الحـلال وغثبـروا iiبالصياحـي


    يا ما حديناهم على الميسـم الحـار=هدّات حرّ(ن) تعجـب اللـي iiيناحـي


    وجاني جواد(ن) مارج(ن) زنيه وسار=بايمان ربـع(ن) يبعـدون iiالمناحـي


    كان الخطـا منكـم تقبّلنـا iiالاعـذار=وان كان منّـا طالبيـن iiالسماحـي


    ما ابيع دينـي بالدراهـم والافجـار=المال يذهب وأخـر العمـر iiماحـي [/poem]ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يالله ياللـي مـاش حـال(ن) iiيـكـوده=رب(ن) لطيف(ن) يصرف الكون تصريف


    إن ترحـم اللـي وحًـدوا بـه iiجنـوده=إحد(ن) صلح واحد(ن) تحدّر على السيف


    نزلـت يـم القهـب بأوسـط iiنـفـوده=واصيـح للغلبـا بـروس iiالمشاريـف


    ماحـدّت الأبـرق لشرقـي iiسـنـوده=حامينهـا الغلبـا بـحّـد iiالمراهـيـف


    اهـل ديـار(ن) موسعيـن(ن) iiحـدوده=واهـل مهـارن يلعبّـن iiالغطـاريـف


    وانشد سعد عن خالهـم ويـش iiفـوده=اللي يصّرف له مـن الحكـي تصريـف


    هو جاب طهطام(ن) حصان(ن) iiيقـوده=أو مهرة(ن) تبـرا لجيـش iiالمناكيـف


    إن خـاف قـرب جدكـم مـن iiجـدوده=وهم على عامـر عصـاة(ن) مواليـف


    وليـا منـه ليّـم عليـكـم iiجــروده=جاكم مع الوادي جمـوع(ن) iiمراديـف


    يـوم الحويّـة مـا أمّنتكـم iiعـهـوده=رمـا وصبحكـم بجمـعّـه iiتخالـيـف


    وحنّـا اليـا كـلّ(ن) تمصلـح iiبقـوده=نصلح بنمر(ن) فوق قبّ(ن) iiشواحيـف


    طريحنـا سحـم الضـواري iiتــروده=إلـى ركبـنـا ليّـنـات المحـاريـف[/poem]
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ


    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياراكـب(ن) مـن فـوق بوّاجـة iiالخـلا=مـن البقـل مابانـت مـواري iiفطورهـا


    زعول(ن) من الراكب جزوع(ن) من العصا=خطر(ن)علـى فزّاتهـا قصـم iiكـورهـا


    ركّابـهـا مــن ربعـنـا iiخابـريـنـه=دليلـة الظلمـا الـى غــاب نـورهـا


    انص بن هـادي ريـف هشالـة iiالخـلا=ريـف الهجافـا فـي ليالـي iiعسورهـا


    في مجلسـه تلقـى علـوم(ن) iiطرايـف=وحيل(ن) تطاهـا كـل يـوم(ن) قدورهـا


    قل له طلبنـا الصلـح منكـم ولا iiحصـل=دنيـاك مايبـقـى بـهـا الاّ iiصبـورهـا


    ترى الحرب سقم العين ماهـو ب iiراحـة=تسهـر ويقـزا نومـهـا ب iiحجـورهـا


    والــى حربتـونـا فحـنّـا iiحـريـبـة=ماحن بشيّـان(ن) قصـار(ن) iiشبورهـا


    تضدوننـا بالكـثـر وحـنـا iiنضـدّكـم=باكـوان منّـا مـا تجـبّـر iiكسـورهـا


    نقفـي وحنّـا عينـنـا فــي iiحريبـنـا=نعقّـب لهـم نمـر(ن) تعاقـب سبورهـا


    ونـردّ سـرحـات الخـلايـع iiمشـايـع=كبـار القفـايـر نابـيـات iiظهـورهـا


    امـا نوافـق غــرّة(ن) تتـفـق لـنـا=والا مقابـيـس(ن) تـقـدح iiشـرورهـا


    يرجـا لفزعتنـا الــى جــا iiكمينـنـا=بدهم الفرنج اللـي وسـاع(ن) iiقرورهـا


    كرامـة(ن) لـلـي تـشـوّق لحربـنـا=لـو انتحـوا عنـا بعيـد(ن) iiنـزورهـا


    ومـا اذمكـم يـا ربعنـا نعـم(ن) iiبكـم=أنتـم سبـاع الهيـش وحنـا iiنمـورهـا


    وأنتم كما ضلع(ن) صبور(ن) على iiالشقـا=وحنا حـرارّ(ن) فـي مشاذيـب iiقورهـا


    ساعـة تجيـكـم خيلـنـا iiعارفينـهـا=معاريـض ماهـي معطيتكـم iiنحـورهـا


    وساعـة تجيـنـا خيلـكـم عارفينـهـا=نحـدّ السبايـا ليـن تركـب iiوعـورهـا


    كـم سربـة(ن) دهمـا دهـوم iiنجرّهـا=تحاكـوا بهـا غيّابهـا مـع iiحصورهـا


    الــى نسيتـوهـا عليـكـم iiنجـرّهـا=تموتـون وانتـم مانسيتـوا iiحـرورهـا


    تصبح مداس الخيـل مـن غـبّ iiكوننـا=تشبـع حناديـهـا وبـاقـي iiنسـورهـا


    ماينفـع الا الصـدق والفـعـل iiوالنـقـا=وباقـي الحكايـا بايهـات(ن) iiأمـورهـا


    عاداتنـا لطـم المعـادي علـى iiالنـقـا=والا العميلـة راتـعـة مــا iiنـذورهـا[/poem]ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياما حلا ياعبيد في وقـت الاسفـار=جذب الفراش وشبّ ضـوّ المنـارة


    مع دلة(ن)جذا على واهـج iiالنـار=ونجر إلـى حـرّك تزايـد iiعبـاره


    في ربعة(ن)ماهيب تحجب عن الجار=لا منّ خطو اللاش ما شـبّ iiنـاره


    النجـر دقّ وجاوبـه كـل iiمـرّار=مالفّه الملفـوف مـن دون iiجـاره


    وأخير منها ركعتين(ن) iiبالاسحـار=لاطاب نوم اللـي حياتـه iiخسـاره


    تلقاه في يوم(ن) يضيعن(ن) الافكار=يوم(ن)على المخلوق ما اطول نهاره


    وقم في قصير البيت حشمه iiومقدار=لو جار فادمح له ولو بـه خسـاره


    ترى النبي وصّى على الجار لو iiجار=خذ الحذر ياعبيـد عقـب iiالنـذاره


    رافق قويّ الدين حفّـاظ iiالاسـرار=ينفعك في يوم(ن)يجي بـه iiكـراره


    ترى الهوى والغيّ هن شرّ iiالاشرار=ومن داس عار الناس داسوا iiلعـاره


    جنّـب رديّ الكـار مافيـه iiتعبـار=مافيه من فعـل المناعيـر شـاره


    جنّب عنه خلّه لقصّـاف iiالاعمـار=واحفظ وصتاتـي يارفيـع iiالمنـاره


    واسلم ودم بالخير يا طيـر iiغيمـار=وصلّوا على المختار ما غار iiغـاره[/poem]ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    تلعب طرب وأنا بنومـي iiهواجيـس=ماسامرك بالليـل كثـر iiالهمومـي


    أسهر إلى نامت عيـون iiالهداريـس=بالليل أساهـر ساهـرات iiالنجومـي


    أونس بقلبي مثل صلـي iiالمحاميـس=الله يلـوم اللـي لحالـي يلـومـي


    قالو جهلت وقلـت جهـل iiبلاقيـس=الجاهل أللي مـا يعـرف اليمومـي


    أشـوف عـدلات اليالـي iiمعابيـس=ولأحد من الدنيـا عظتمـه سلومـي


    ما ينيني بنيان مـن غيـر iiتاسيـس=ومن لا تعلـم مـا تثيـب iiالعلومـي


    ولاخير في كثر الحكـا و iiالتماليـس=وقـول بلافعـل يجيبـه iiوهـومـي


    واليا ركبت إمعالجـات المضاريـس=يبرد على كبـدي لهيـب iiالسمومـي


    بالليل أصالي حاميـات iiالمحاميـس=والصبـح أصالـي كلقـب اوكومـي


    وأقفن بنـا مثـل iiالنعام المماريـس=إلى هف عجل مع رفيـع iiالحزومـي


    نستلحق اللـي يطلبـون iiالنواميـس=اللي من الاقصين وأدنـا iiاللحومـي


    ولومي على أللي ينقلون iiالعبابيـس=أهل الفرنج وكـل رامـي iiلحومـي


    وشلفت تركب بالرمـاح iiالأناسيـس=وسلت المهار وكـل قبـا iiقحومـي


    والعز فوق معسكـرات iiالسواديـس=إلى قصـدت اللـي بالاشيارحومـي


    قـب تنـازا بالنشامـا iiكـراديـس=والطيـر فـي روجاتهنـه يحومـي


    إن جن بالميـدان مثـل iiالدواويـس=وتعاقبوا مـن فوقهـن iiالسهومـي


    عـرج بهلهـن كنهـن iiالقرانيـس=على الطريح مصوبـرات iiكضومـي


    حتـى يـزن إلنـا iiالمثل والتوانيـس=والكيف طاب لمـن يفـك iiالقحومـي


    ومن لا يقلط شذرة السف iiوالكيـس=يصبح عليـه مـن اليالـي iiثلومـي


    ومن لا يدوس الراي من قبل iiلاديس=عليـه دا سـوه العيـال iiالقرومـي


    ومن لااخذ الدنيـا بميـز iiوتقييـس=مثل الـذي يسبـح ببحـر iiيعومـي


    كل القلـم مـن كتبنـا iiبالقراطيـس=وركبنـا مـن كثـر الادلاج تومـي


    وشيخ لنا يعطي الفقارى iiالمفاليـس=عـسـاه بالدنـيـا iiبعـزيـدومـي


    حـر ليـا دبـت عليـه iiالنواميـس=إليا اعترض جول الحباري iiصرومـي


    اليا اكترب من بعض الأشياء سبابيس=أعـزم ولا بــد الفرجللعـزومـي


    ثوب الفرح لبسك نظيـف iiالملابيـس=إن قيل بابـام الكـرب iiوالزحومـي


    واعمل وتلقا وفهـم العلـم بالقيـس=دنيـاك لـو زانـت تراهـا iiنقومـي


    تضحك وتخفي لك خفـي iiالهناديـس=تفطـر لنـا يـوم ويـوم iiتصومـي


    أربع اسنين ودمع عينـي iiأماريـس=العيـن تسهـر كـن iiفيهاالهزمـي


    يجلى صدا قلبي ضبيـح iiالمهاريـس=لاجاك شـراب الحشايـش iiيعومـي


    ودلال فـوق النـار دايـم محابيـس=إكرامهـن دايـم علينـا iiلـزومـي[/poem]ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يـاراكـب الـلـي بقلـهـن تـــو iiثـنــا=فـج العضـود مدمثـات iiالمحاصـيـر
    لاهـــن لاقـعــس ولا هـــن iiبــدنــا=متيـهـات فــي ليـالـي iiالمخـاضـيـر
    الصبـح مـن وادي الرشـا iiينشرنـا=من بيت ابو خالد زبون المقاصيـر
    يلفـن ابــو تـركـي زبــون المجـنـا=ريف الهشالي في الليالي المعاسير
    الشيـخ مثلـك مانـزل الشعـر iiعـنـا=وادنـى عتيـبـة حـايـل دون iiالنـيـر
    جانا الصعيري قال صولوا iiوصلنـا=صلنا نحسب انه علـى راي iiتدبيـر
    أثـر الصعيـري فزعتـه مـاج iiعـنـا=واقفن ظعونه عقب ماهـن مناحيـر
    وجينا على ركـب الحريـب iiونزلنـا=صرنـا دواويـر وصـاروا iiدواويــر
    ياكبـر زبــر جموعـهـم يــوم iiجـنـا=أرواحنـا ترخـص وهـي iiللمقـاديـر
    يـإيـمـانـنـا صـــــوارم iiيـقـطـعـنــا=سقى القنيدة من حقوق iiالشخاتيـر
    مـن عـقـب هــذا لا مطـيـر iiوحـنـا=لا صلـب جـد ولابهـم نـيـة iiالخـيـر
    لكنـهـم يــوم انجـلـى الـسـو iiعـنــا=هــذا طـريــح وذاك ذب المعـابـيـر
    لـي لابـة تشلـع مــع الـسـن iiسـنـا=إن كــان بالـغـارات والا iiطـوابـيـر
    ناس الى حلوا علـى القحـص iiجنـا=فـي منتهـاه ننـزح النـمـر والـزيـر[/poem]

    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    من يوم صندوق الحشـا بالخفـا iiبـان=والعيـن سهـرت بيـن هـم وهوجـاس
    البارحـة جفنـي عـن النـوم سـهـران=كني عليل مسهره بعـض iiالأضـراس
    علـى جــواد ضـالـع غــب iiالأكــوان=فيها اختلـط حبـل الرجـا هـو الايـاس
    جندرتها مـن صـوف سلـك iiوريمـان=وانـا لهـا عــن لــذة الـنـوم iiحــراس
    مانـي مجندرهـا عـلـى زود iiالاثـمـان=إلا لـيــوم فـيــه الاريــــاق iiيــبــاس
    لاجـا نـهـار فـيـه روغــات الاذهــان=باغـي عليهـا بـاول الخـيـل نـومـاس
    عرج إلى مـا طبحـن خلـف iiالاظعـان=والسـوق مابـيـن الأجـاويـد مقـيـاس
    ياعبيد قيـس ماعلـى الـروح iiضمـان=رزقك من اجلك خط في طلح قرطاس
    ما خط لك مـا فـات شـوف iiبالاعيـان=وبعض الأوادم ما معـه ميـز iiوقيـاس
    لا حاسـد يمـنـع ولا يــرزق iiانـسـان=إلا بتدبـيـر الصـمـد والـــي iiالـنــاس
    ثم انصح الباقي ترى القصر iiخربـان=ما اعتز قصـر مايوثـق علـى iiسـاس [/poem]
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ


    [cc=مــــــدّها............ياعتيبي]الشااعر/ الامير تركي بن حميد العتيبي [/cc]
  • ابوبجاد الرويس
    عضو مميز
    • Feb 2006
    • 4205

    #2
    ماشاء الله عليك دائما مبدع ومواضيعكـ مبدعه يابومحمد

    ولاهنت على القصائد لشيخنا تركي ابن حميد ,, والله يرحمه

    والله يعطيك العافيه يابوووووووشنب ,,,,,,,,,,,,,,

    تعليق

    • فهد النفيعي
      مشرف سابق
      • Dec 2005
      • 11363

      #3
      الله يرحم ابن حميد قصايده قول وفعل
      ولا هنت على النقل يا الذيب

      تعليق

      • فهـد الجـذع
        عضو فعال
        • May 2007
        • 190

        #4
        الله يـرحـم أبن حميـد ويرحــم أموات المسلميـن


        لاهنــت يـا هلال على الموضوع وشكـرا على جهــدك



        تقبـل مروري


        أخـ فهـد الجذع ـوك

        تعليق

        • قف امامك عتيبي
          عضو ماسي
          • Mar 2007
          • 430

          #5
          مشكوررررررررررررر يابو محمد والله يعطيك 1000000 عافيه والا هنت وصح لسان شاعرنا تركي بن حميد



          وتقبل مرورك

          تعليق

          • هلال الدوادمي
            عضو ماسي
            • Jan 2006
            • 868

            #6
            ابو بجاد الرويس ...

            مرحبا والله ومسهلا ...

            الله يعطيك العافيه على المرور ..

            نورت الصفحه ...يابو بجاد ..والله

            لاهنت00لاهنت

            تقديري ...واحترامي

            تعليق

            • هلال الدوادمي
              عضو ماسي
              • Jan 2006
              • 868

              #7
              ابن الدلوح....

              لاهنت على المرور يالغالي ...

              تقديري ..واحترامي

              تعليق

              • هلال الدوادمي
                عضو ماسي
                • Jan 2006
                • 868

                #8
                فهد الجذع ...

                لاهنت على المرور يالغالي

                والعفو 000العفو 000لاشكر على واجب

                طال عمرك ...


                تقديري واحترامي

                تعليق

                • هلال الدوادمي
                  عضو ماسي
                  • Jan 2006
                  • 868

                  #9
                  مرحبا والله يالدغيلبي ...

                  الله يعافيك ... والعافيه وجود كبار شعرائنا ...

                  في صفحات المنتدى..

                  لاهنت على المرور ..

                  تقديري واحترامي

                  تعليق

                  العمل...