الله من قلب به النار ......../رشيد الزلامي

طي
X
 
  • التوقيت
  • إظهار
مسح الكل
المشاركات الجديدة
  • هلال الدوادمي
    عضو ماسي
    • Jan 2006
    • 868

    #1

    الله من قلب به النار ......../رشيد الزلامي


    هديه صغيره ............لمحبي هذا الشاعر

    (ترقبوا ..... مجموعة قصائده...النوويه)


    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    الله من قلب به النار تشــــتب=هبت وضبت واســـتمرت شبوبه

    قلبٍ غدى للهم ما رد ومشــرب=وما ضاع من هم العرب راح صويه

    همٍ على ربع وهمٍ على شـــبِ=باليوم والســــاعه همومه تلويه

    والله من عيرنٍ تصب العبر صب=صب القلـــيب اللي تدالج غروبه

    يا عبيد انا ما نيب ضبٍ ولد ضب=يصبر لما يســـمع وينفخ ذرويه

    انا عتـــــيبي عريبٍ معرب=لي ما قفٍ كل الجمــيع شهدو به

    من سب داري قـلتله كب ثم كب=وارخصت روحي دون داري جلويه

    لو أتعبن سبابها واتـــــعذب=صبرت من شان الوطن للــعقوبه

    والسجن ما هو عيب شئ مجرب=لعلم المسجون ما هي ذنــــوبه

    يلومني خبلٍ إلا ما تــــغرب=ينسى الوطن خسروا هله يوم جو به

    فوده مع الضفران صفر مـكعب=غطـــــيس قلب لذة النوم دويه

    وانا على كل الجنوب اتقلـــب=ما ذقت حلو النوم يوم اهــتنوا به

    واقنب قنيب الذيب في راس مرقب=من حر ما به قام ينهش جـــنوبه

    يحيني الغربي عـــصير إلاهب=ريح الديار الطاهره هـــــبوبه

    ريحة هواها مكسبي يومنــكسب=اخير من ريح البحر والرطـــوبه

    عسى السحاب اللي من العصر ينص=دلت هما ليله وهبت انصــــويه

    يصقى وطن راعي العقال المقصب=نجد العزيزه وغرب نجد وجــنوبه

    ياديرتي ما تقبل الشتم والـــسب=يا منبع الإسلام دار الــــعروبه

    يفوز مذهبها على كل مذهـــب=وعلى مقلبت المذاهب عــــقوبه

    يحكم بشرع الله والـسيف الأرقب=ولا شق فيها طالب الحـــق ثوبه[/poem]

    رشيد الزلامي ..............
  • ذيب الزيادي
    عضو فعال
    • Apr 2007
    • 166

    #2
    صح لسانه مليون ...رشيد الزلامي
    والله يعطيك العافيه يا هلال ولاتحرمنا من جديدك .

    تعليق

    • هلال الدوادمي
      عضو ماسي
      • Jan 2006
      • 868

      #3
      ذيب الزيادي ....

      الله يعافيك وهذا واجبي تجاه كل شاعر (عتيبي)

      ان لا نبخل بنشر قصائده .....سواء القليل او الكثير منها


      لاهنت على المرور يالغالي


      تقديري ...واحترامي

      تعليق

      • ابوبجاد الرويس
        عضو مميز
        • Feb 2006
        • 4205

        #4
        اخوي هلال الدوادمي

        وصح لسان الشاعر ابوجميل

        وتسلم يمنيك على النقل الرائع ,,,,,,,,,,,,,,,,

        تعليق

        • فهـد الجـذع
          عضو فعال
          • May 2007
          • 190

          #5
          انـا عتيبـي عـريـبٍ مـعـرب لي ما قفٍ كل الجميع شهـدو بـه
          صـح لسـان الشاعـر & رشيـد الزلامي

          ولاهنــت يـا هلال الدوادمـي



          تحيــاتي


          أخوك

          فهـد الجـذع

          تعليق

          • متعب العصيمي
            مشرف سابق
            • Aug 2006
            • 4855

            #6
            صح لسان الشاكر الكبير/ رشيد الزلامي.

            والله يطول بعمره .. ولاشلت يمين الناقل ويعطيه العافيه..

            ولك كل التقدير..

            تعليق

            • هلال الدوادمي
              عضو ماسي
              • Jan 2006
              • 868

              #7
              ابو بجاد الرويس ..

              هلابك يالغالي ...

              ولاهنت ..على التواصل في الردود على المواضيع

              عسى فالك الاشراف ... يالغالي

              لاهنت00لاهنت00على المرور

              تعليق

              • هلال الدوادمي
                عضو ماسي
                • Jan 2006
                • 868

                #8
                فهد الجذع ...

                ولا انت يالغالي ...

                لاهنت على المرور ...

                تقديري..واحترامي

                تعليق

                • هلال الدوادمي
                  عضو ماسي
                  • Jan 2006
                  • 868

                  #9
                  متعب العصيمي ..

                  هلابك والله..

                  ولايمينك عسى عمرك يطول ..

                  الله يعطيك العافيه

                  يالغالي

                  تعليق

                  العمل...