مـــلحـــمــــــة عتيـــبـــه للشـــــاعر\كديميس صالح العصيمي

طي
X
 
  • التوقيت
  • إظهار
مسح الكل
المشاركات الجديدة
  • نامي
    عضو فعال
    • Dec 2006
    • 166

    #1

    مـــلحـــمــــــة عتيـــبـــه للشـــــاعر\كديميس صالح العصيمي

    [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يالله ياغافر خطايا عبيده = ياحاجزٍ مابين بحره وقاعه
    ارجوك باالدنيا حياة ٍ سعيده = وبالآخره رحمتك يوم المراعه
    إذا حصد راعي الحساب الحصيده = وتفقد المحصول راعي الزراعه
    اعمالنا من غير عفوك زهيده = انته رجاء الإنسان حين انصراعه
    وان كان كلٍ قام يفخر بصيده = يوم ان كل ٍ من حريبه متاعه
    سر ياقلم سجل مشد النشيده = نبي نجدد مامضى عن ضياعه
    عليك تصريح الخبر وتحديده = وانا عليّه صنعته واختراعه
    سجلي ابياتٍ نظافٍ وكيده = بكتاب عن نقد اللواعيب راعه
    حاول يصيرالبيت جمله مفيده = حتى يليق لمن قراه استماعه
    ابرسله لا بان جده وجيده = ليا منبع الحكمه وبحر الشجاعه
    اسندت لأبن حميد صدر القصيده = ويصدر عليها الحكم بعد اطلاعه
    سلطان ابن جهجاه شيخ البديده = حلال صعبات الأمور ابراعه
    شيخ ٍمحابيل العداء ماتصيده = ولوهاجمه وقته بحربٍ مااطاعه
    ولو شاف غاراته وسمع تهديده = ومخالط ٍ بعض النوايا لكاعه
    بثنا المحافل والعيون الحديده = ماهوب في صعب المواقف رعاعه
    وان جا نهارٍ فيه صايد وصيده = هوقايد الهيلا نهار الصعاعه
    هو قايد اليوم الكبير وعميده = ليا صار بالميدان شريه وباعه
    امارته ماهيب بدعه جديده = بالجود والأمجاد ياطول باعه
    له راية ٍ بيضاء عتيق ٍ عتيده = وعمودها فيه الرها با رتفاعه
    رايه يسلمها الكبير لحفيده = نعم الوديع ونعم ذيك الوداعه
    تركي سمع في وسط نجدٍ بجيده = ولا احدٍ يجيها الا يسوق الرتاعه
    من دونها قومٍ عصاة ٍ عنيده = واميرهم ماهوب سهل انصياعه
    وكتب مكاتيبه وطرش بريده = وساس الأمور بكل حلم ووقاعه
    وحاول بشتى الطرق يقنع ضديده = لكن عن رايه ياكود اقتناعه
    وبعد انغلق باب المساعي الحميده = شب الشعار وشاف راي الجماعه
    وقالوله ارسلك بيان بجريده = رد النقا لاهل النقا بالاذاعه
    ان كان يبغى الحرب حنا نريده = وفينا ليا حمي الوطيس استطاعه
    لابد مانرفع يده عن رصيده = وش عاد لو حصن حماه بدفاعه
    وشن الهجوم وصار تركي عقيده = وصمم على حرب الحريب ونزاعه
    وتواجهوا والله فعل مايريده = واحد ٍ كسب واحدٍ خسر له بضاعه
    تركي كسب دار ٍ عريض ٍ مديده = وخصمه كتب للدار حامض وداعه
    وا فعال ابن هندي بنجد ٍ مجيده = ان صارللحرب الضروس اندلاعه
    محمد لايا حكت حديده حديده = مافيه عن وجه الحريب انهزاعه
    شيخ ٍ يجندل في المعارك قنيده = فعله زرع بقلوب الاجناب راعه
    جدعة قبيله في اللقى ماتكيده = بالسيف من سرج الجواد انجظاعه
    اما قطع يمناه ولا وريده = ولا بحد السيف يبتر خناعه
    وليا عمد جمع ٍ هدم منه حيده = وليا انهزم خصمه يعاف اتباعه
    علط الأسنه باللقى ماتصيده = تقول معطيه الكريم المناعه
    يا ما ذبح يوم الرحى من فقيده = وخمسين من خيل الطنايا قلاعه
    محذِ اليدين الفارغه مايفيده = من القيوم يحذي مفلسين الجماعه
    يريد صعبات الأمور وتريده = ليا صدعن صعب الأمور الزعاعه
    ولأبن بجاد بنجد سيره رشيده = رمزالمهابه والتقى والقناعه
    شيخ ٍ نشر بين العباد العقيده = واعلن منار الدين واشرق شعاعه
    ومن شذ عن درب الجماعه يعيده = بالوعض والا بالسلاح ارتداعه
    كم شيخ قوم ٍ حط بيديه قيده = حتى استقام الشيخ بعد امتناعه
    وقاد السرب لإ خضاع من لايفيده = عن الوعظ والإرشاد فيه انقطاعه
    يالله عسى روحه بعفوك شهيده = حيثه عمل بكتاب ربه واطاعه
    ولهم قبيله كل فن ٍ تجيده = فالحرب لاعم البلاد اتساعه
    بالسيف والرمح الرديني طريده = وهدف ٍ يشيلن الهدف بالسراعه
    وشلف ٍ على قب ٍ عراض ٍ حديده = قبل يجي عصر الفضا والصناعه
    عاشت بنجد سنين جرد ٍ عديده = وجيرانها ناوينها بالقطاعه
    محفوفة ٍ من كل صوب ٍ بمكيده = وقوم ٍ لهم في كل يوم ارتباعه
    من احزاب من كثر العدد مستفيده = هذا يهاجمها والآخر ارداعه
    مر ٍجمع عبده ومرٍ عبيده = مرٍ هل العارض تميم وخزاعه
    ومرٍجمع علوى وعلوى نكيده = وبريه هم واخواننا بالرضاعه
    لكن ردت كل جمع ٍ بكيده = وكل ٍ تبرى من حليفه واضاعه
    قامت ترد الصاع صاع وتزيده = كل ٍ تكيل اله المنايا بصاعه
    واقفوا لهم مع كل فج ٍ سريده = السالم اللي راح يسحب كراعه
    وارست قواعدها بنجدٍ وطيده = وتخيرت مثناة نجد ورفاعه
    برقا وروق الهم مواقف فريده = وفيهم على جمع الحريب اندفاعه
    مثل العضيد اللي يساند عضيده = والجمع دايم عزته باجتماعه
    يلجاء لهم من كان حمله يكيده = من الخوف والا في ليالي المجاعه
    برقا هل الروز الثقيل الوحيده = ليا بنى حرب القبايل شراعه
    اليا واجه الموعود راع الوعيده = وتعانقت حدب السيوف بشناعه
    يا ما نحوا بسيوفهم من بديده = عن نجد يوم انه تقانب اسباعه
    دقلاتهم جمع المعادي تبيده = ليا حاربوا جمع ٍ يتم انقشاعه
    مثل الخيال اللي مزونه سديده = سيله يطم المنخفض والرفاعه
    واولاد روق اللي خطاهم بعيده = اللي لهم كزالمجوخ ولاعه
    قطاعة الفرجه ليا جت شديده = يوم ان كل ٍ نجدته من ذراعه
    من اللي خذا طرش الحفيف وعبيده = وهفه وتفه من شفاتٍ لقاعه
    وليا بدا زحف الحديد لحديده = عا داتهم كسب النصر وانتزاعه
    وقعة طلال ام العلوم الأكيده = بالكتب سجلها جهاز الطباعه
    يوم ان ابن فيصل نواهم بكيده = وسحب مطير ومن يحب الطماعه
    وبعد انتهى دور السبر والقعيده = وقالوا هل الرايات للخيل فاعه
    لبسوا دروع ٍ محكمات ٍ جويده = وسلوا سيوف ٍ مطعمه سم ساعه
    وردوا شديد الباس عما يريده = واقفا يحث مع الخريمه رباعه
    وليا ولوا خلوا للأعداء شريده = ويشهد على ميدان معتق ضلاعه
    شيمة عرب حتى المحارب تفيده = ليا ذل تترك له طريق انجلاعه
    هذا بيان ومصدره من جريده = جريدة الأخبار ساعه بساعه
    بأقلام لا عجله ولاهي بليده = مأمونة الاطراف عن كل تاعه
    لا تنقص الواقع ولاهي تزيده = كل ٍعلاماته على مااستطاعه
    عديت بعض اللي نويت تعديده = وكشفت عن وجه المجلد قناعه
    وانهيت بالصفحه مطاف النشيده = وصلوا على صاحب مقام الشفاعه [/poem]
  • ابوبجاد الرويس
    عضو مميز
    • Feb 2006
    • 4205

    #2
    مشكور يالغاالي

    وصح لسانك الشاعر الكبير / كديميس

    والله يعطيك العاافيه

    تعليق

    • راجح النفيعي
      عضو ماسي
      • Apr 2007
      • 935

      #3


      الله يعطيك العافيه اخوي النامي على النقل

      صح لسان الشاعر/كديميس العصيمي على القصيده

      الطيبه والرائعه والله لا يهينك يا الغالي مع التحيه أخوك

      راجح النفيعي

      تعليق

      • الرأي الآخر
        عضو ماسي
        • Mar 2007
        • 563

        #4
        يعطيك العافية على النقل المميز لهذه القصيدة الرائعة للشاعر الكبير (كديميس العصيمي )<<<<<وصح لسانه

        تعليق

        • نامي
          عضو فعال
          • Dec 2006
          • 166

          #5
          ابو بجاد

          راجح

          الرأي الآخر

          الله يعافيــــكـــم

          مشكورين على المرور

          تعليق

          • مخاوي العتبان
            موقوف لمخالفة الأنظمة
            • Sep 2006
            • 506

            #6
            الله الله

            اخوي نامي بيض الله وجهك يالغالي


            وقصيدة الشيخ كديميس العصيمي شاعر عتيبه في النظم من اجمل قصائده


            بارك الله فيك يالغالي ولاتحرمنا من قصايد كديميس

            تعليق

            • فهدالعضياني
              عضو فضي
              • May 2006
              • 261

              #7
              مشكوراخوي نامي
              وصح السان الشاعرالكبيركديميس

              تعليق

              • متعب العصيمي
                مشرف سابق
                • Aug 2006
                • 4855

                #8
                صح لسان ابو صالح والله يطول بعمره..

                لاهنت على نقل ألقصيدة..

                ولك كل ألتقدير..

                تعليق

                • مـجـول الـعـصـيـمـي
                  عضو فعال
                  • Jun 2007
                  • 121

                  #9
                  [align=center]وصح لسانك الشاعر الكبير / كديميس[/align]

                  [align=center]والله يعطيك العاافيه[/align]

                  تعليق

                  • شامان
                    عضو ماسي
                    • Dec 2005
                    • 573

                    #10
                    صح لسان الشاعر ،، ويعطيك العافية على النقل .

                    تعليق

                    • نامي
                      عضو فعال
                      • Dec 2006
                      • 166

                      #11
                      مخاوي العتبان

                      فهد العضياني

                      متعب العصيمي

                      مجول العصيمي

                      ابو شمروخ

                      تسلمــــــون ومشكورين على المرور

                      تعليق

                      • آل رداد
                        موقوف لمخالفة الأنظمة
                        • Sep 2005
                        • 22

                        #12
                        أشكرك على النقل المميز
                        وصح لسان الشاعر الكبير شاعر عتيبة/ كديميس العصيمي
                        والقصيد من نوادر الشعر وأجزله
                        تمتع القارئ ومتذوق الشعر
                        أشكرك ولا تبخل علينا بجديد شاعرنا المفضل كديميس

                        تعليق

                        • عاشق النير
                          عضو فعال
                          • Jul 2007
                          • 131

                          #13
                          قصيده جميله ولوما ذكر فيها بن ربيعان ولكن صح لسان الشاعر


                          ولاهنت ياعزيزي

                          تعليق

                          • الهراني المقاطي
                            عضو نشيط
                            • Mar 2007
                            • 40

                            #14
                            انشهد ان بعض القصيد مثل قطع البواتير

                            صح الله لسان الشاعر / كديميس

                            تعليق

                            • نامي
                              عضو فعال
                              • Dec 2006
                              • 166

                              #15
                              آل رداد

                              عاشق النير

                              الهراني المقاطي

                              لا هنتوا:اشكركم على المرور

                              دمـــتـــم بـــــود

                              تعليق

                              العمل...