[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياطير حذف ما بقى لك من الريـش=وسهيل موعدنا حـرآ كـل قنـاص
في طلعته زانت جميـع المطاريـش=وننسى وداد اللي تزين بالاخـراص
وصقار برقى قـدم كـل المداغيـش=وهو عمدة الطرقه على جيبه الشاص
واليا نزلنا فـي فيـاض" مباهيـش=ماسج فيها وخاصها اليـوم خـواص
اللي بها جـول الحبـارى مفاريـش=من كثرها ما طلبت اليوم قصـاص
وأول سعدنا هـدة الطيـر للجيـش=جيش الحبارى الربد والطير بخـاص
مابين تنجيـم" وضـرب" بتنفيـش=وأضرب مثاله فالبحر غوص غواص
والريش من كفـه ثريـر" مناتيـش=كاسي القشع كنه مشابـه للاقمـاص
قميـص عـذرآ" ماليتـه الدناديـش=مطرزينه بالذهب والذهـب خـاص
ومقناصنا للصيد ماهـو بتطشيـش=نقنص ولا نكثر على الصيد الانقاص
ونرجع لعزبتنـا تعابـى معاطيـش=على دلال مبهـره تمرهـا خـلاص
وسوالف" تحكي زمنا مـع الطيـش=ذاك الزمان اللي جرت فيه الاقصاص
هاذي حلاة العمر ياصاحبي عيـش=وان عشت بأذن الله بتسعد بمقنـاص[/poem]
للشاعر منصور ابن شحبــــــه الجعيد
وامل ان تنال اعجابكم
ياطير حذف ما بقى لك من الريـش=وسهيل موعدنا حـرآ كـل قنـاص
في طلعته زانت جميـع المطاريـش=وننسى وداد اللي تزين بالاخـراص
وصقار برقى قـدم كـل المداغيـش=وهو عمدة الطرقه على جيبه الشاص
واليا نزلنا فـي فيـاض" مباهيـش=ماسج فيها وخاصها اليـوم خـواص
اللي بها جـول الحبـارى مفاريـش=من كثرها ما طلبت اليوم قصـاص
وأول سعدنا هـدة الطيـر للجيـش=جيش الحبارى الربد والطير بخـاص
مابين تنجيـم" وضـرب" بتنفيـش=وأضرب مثاله فالبحر غوص غواص
والريش من كفـه ثريـر" مناتيـش=كاسي القشع كنه مشابـه للاقمـاص
قميـص عـذرآ" ماليتـه الدناديـش=مطرزينه بالذهب والذهـب خـاص
ومقناصنا للصيد ماهـو بتطشيـش=نقنص ولا نكثر على الصيد الانقاص
ونرجع لعزبتنـا تعابـى معاطيـش=على دلال مبهـره تمرهـا خـلاص
وسوالف" تحكي زمنا مـع الطيـش=ذاك الزمان اللي جرت فيه الاقصاص
هاذي حلاة العمر ياصاحبي عيـش=وان عشت بأذن الله بتسعد بمقنـاص[/poem]
للشاعر منصور ابن شحبــــــه الجعيد
وامل ان تنال اعجابكم
تعليق