قصيدة مميزه في مدح الهيلا

طي
X
 
  • التوقيت
  • إظهار
مسح الكل
المشاركات الجديدة
  • سيف العدل
    عضو فضي
    • Jun 2003
    • 287

    #1

    قصيدة مميزه في مدح الهيلا

    هذه قصيدة لاحد شعراء عتيبه الذين سارت الركبان باشعارهم وهو الشاعر زبن بن عمير البراق0




    بديت ذكر الله على كل ماكان 0000 كتاب رزق العبد فيما ينوبه

    واللي مهيضني على بدع الالحان00 هرج مدورة الدواوي رموا به

    قلته وانا من جيلها الوقت فكران 00 ابا اتعجب من زماني عجوبه

    وانا كما طير على روس عسبان 00 بس يتحرى وين تذري هبوبه

    ولاني مسوي سالفة ظبي رمان 00 الرزق بالدنيا وانا اعرف دروبه

    يااهل الركاب اللي لفيتو مسيان 00 ليا صارقاصركم زهاب وجلوبه

    اما ادفعوهن يم قصر ابن فيحان 00 والا ادفعوهن يم بدر التجوا به

    والمدح كله والثنا لابو سلطان 00 مسلط يااهل ضيم اللياي التووا به

    والا ادفعونه على طير حوران 00 الياحل بالا سعار قحط وشبوبه

    عند ابو ماجد قضبوهن بالارسان00 هداج تيما اللي نحا الهجن صوبه

    وتخيرو في نسل مسلط وسلطان 00 يااهل النضا مابه عليكم معوبه

    ماكر حرار كلها فرض رحمان 00 وتبعه يقنص ماعنا وصقروا به

    تواجهون صحون رز وخرفان 00 وتبجحوا عقب الجفا بالمثوبــــه

    واليا سرحتو فوق سلسات الاقران 00 ماصار يامال الربيع اهرجوبه

    هذي سواة شيوخنا كل ماشـــان 00 وجه الزمان ولاذ در الحلوبه

    وذا طبعهم من قبل عصر ابن بدران 00 سلم على جدانهم ولعوا به

    ماعندهم في وقت شـــان او زان 00 ماجودهم من مالهم واعبثوابه

    يوم ان خطو اللاش يسمن مع الضان 00 يخضر ويابس مع يباس الدعوبه

    ماجمعو مــــال لوارث وديـــان 00 من مات مات ومن قعد سد نوبـــــه

    الا ومع هذا لك الله بــو كـدان 00 اليا زبنهم مجرم عنـــــــزوا بــــــــه

    لوكان هو من حبل الادراك بلشان00 نسل حبال الحمل وهم اشتقوبــــــه

    واليوم نرعى في ذرا حكم سلطان00 00حكم السعود اللي حموه وبنوا بــــه

    فزنا بعز وجالنا عندهم شــــــان00 00 والعلم الاول ماجهلنا دوربــــــــه

    وان جا نهار فيه سوقات الاظعان0 000 مولمين لمن بغانا وجوبـــــــــــه

    والخيل قرح وابيض الخـــد ميدان 0000 وكل يمد يديــــــه قدر محسوبـه

    ياناشد عنا بالافعــــــــال ثبتـــــان 0000 جـــد يعرفونـــه جميــع العروبه

    ماحدرت جده لنجد لصمــــــــــان 0000 ثابت االى زعزع جميـع اعتزوبه

    في ضف ابو ماجد بني عم واخوان 00 وراي يقوم من الامير اقتضوبــــــه

    ماقال ذا روقي وهذا ابن شيبـــــان 0000 يضفي على عوراتهم ردن ثوبه

    هو بيتنا المبني وحنا له اركــــان 0000 وحنا ذراة اللي يقطب جنوبــــه

    ظل لنا عن لاهب القيظ هــولان 0000 ومن اونسوا ولب السموم التجوا به

    مقدم عتيبه تتبعه سر وعـــــلان00 00 هيـــــــلا تهايل غالبة ومغلوبــه

    يرعون نبت الوسم من حيث مازان 0000 ومن اين ماطاح الربيع نزلوبه

    ولهم بنجد اليا اصرم العود مقطان 00 على القسى واللين مارخصوا به

    ولانزلوها بالعواني والاثمـــــــان 00 وقد انزحـــوا عنه الشمال وجنوبه

    بمصقلات سيوف بيدين غلمــــان 00 وشلف على قب ولـــــوف محسوبه

    فرسان عيان على شعب راكـــان 00 تمحا اليدين ودثرهم مامحوا بـــــه

    يتلون شيخ فعل يمناه قـــد بـــــان 00 ساس على مــفراص مااسترفدوبه

    مقدم ثمانين الف بسنا وعنـــان 00 واسمه مقاديم الحرابه حكوبــــــــــه

    شيخ اليا من العدو بالردى بان 00 نبب على الهيــــلا جميع وبدو بــه

    واليا نوى له واحد بات سهران 00 من ولبهم حسب دقايق ذنوبـــــــه

    كونه تصابيح وسنا الصبح مابان 00 يرتع بغرات العدا ماهقوبــــــه

    رثعة عقاب لابرق الريش شفقان 00 غادي على جول الحبارى عقوبه

    واليا صفق ذولا بذولاك حدمان 00 كم واحد بنحورهم طوحوبــــه

    وغدالها مع طلعة الشمس دندان 00 غادي لطقطاق المخابيط شــوبه

    مثل البرد ينهل من غـــر الامزان 00 محتـقها ماهيب عنـه محجوبه



    ارجو ان تكون هذه المشاركه قد نالت اعجابكم


    اخوكم سيف العدل
  • ابن شامان
    عضو ماسي
    • Mar 2003
    • 426

    #2
    لاهنت وبيض الله وجهك وصح لسان من قالها


    تحياتي

    تعليق

    • ابو وعيل
      مراقب سابق
      • Aug 2002
      • 1707

      #3
      بيض الله وجهك وصح لسان قايلها


      لاهنت يا سيف العدل

      تعليق

      • عبد الاله
        عضو ذهبي
        • Apr 2003
        • 335

        #4
        صح لسانك يا شاعر
        وبيض الله وجه من نقلها وحطها هنيا
        وحفظ الله كل منتدى ينشرها
        وكل وجه يقراها ويطالعها

        تعليق

        • سيف العدل
          عضو فضي
          • Jun 2003
          • 287

          #5
          اشكر جميع الاخوان وانشاالله نكون ادينا الواجب

          تعليق

          • ((الدلبحي))

            رابطة محبي الهيلا

            • Mar 2003
            • 6010

            #6
            اخوي سيف العدل
            تسلم يمناك وبيض الله وجهك وصح السانك والسان الشاعر زبن

            تعليق

            • سيف العدل
              عضو فضي
              • Jun 2003
              • 287

              #7
              مشكور يالدلبحي على هالمرور وجهك ابيض يا ابن العم0

              تعليق

              • ابن سقيان التوم
                عضو نشيط
                • May 2003
                • 51

                #8
                يعطيك العافيه سيف

                اخوك

                ابن سقيان

                تعليق

                • سيف العدل
                  عضو فضي
                  • Jun 2003
                  • 287

                  #9
                  الله يعافيك يا ابن سقيان ومشكور على المرور وتقبل تحياتي:

                  اخوك000سيف العدل000

                  تعليق

                  العمل...