رائعة من روائع بديوي الوقداني

طي
X
 
  • التوقيت
  • إظهار
مسح الكل
المشاركات الجديدة
  • سيف العدل
    عضو فضي
    • Jun 2003
    • 287

    #1

    رائعة من روائع بديوي الوقداني

    هذه قصيدة رباعيه للشاعر بديوي الوقداني
    يقول فيها:

    اول استبداي بسمك ياحنون 000 ياكريماً ما تخالفه الظنون

    امرك المحفوظ في كاف ونون000وانت لي في كل مغواة دليل

    هيج اشواقي حمام في الغصون000بات ساجع في بديعات الفنون

    بين تغريد وترجيع بهون000مادرى اني في الهوى مثله عليل

    ياحمام الدوح هيجت الغرام000ماسبب نوحك ومالك من مرام

    إعطني عهدك وخذ مني ذمام000بيعني شوقك وخذ شوقي بديل

    إن في قلبي جروحاً ماتطيب000مابدت حتى يداويها الطبيب

    من هواجس جات من فرقا الحبيب000باح مكنوني وصبري مستحيل

    كلما هب الصبا قلبي صبا000من غزال في الحمى فاق الظبا

    ظبي جازي يرتعي نبت الربا000يسلب العشاق بالطرف الكحيل

    مال عني بالتجافي والصدود000مابقى غير الحسايف والوجود

    كم رعيت النجم والعالم رقود000والمحاجر دمعها الصافي يسيل

    زارني طيفه كما طيف النسيم000جددالاشواق والعهد القديم

    وانثنى في داجي الليل البهيم000قلت زدني قال يكفيك القليل

    آه من هم شوى قلبي بنار 000وان طلبت الصبر ماألقاله قرار

    كيف ابا اصبر والحشا للهم دار000صار مالكني وانا عنده نزيل

    قمت مما حسني عند الهجوع000يوم كل نام ولعت الشموع

    والهواجس جاتني تمشي جموع000مثل ورد النحل في وادي طفيل

    او كما سيل تسايل من مضيق000يقلع الحيطان والسد الوثيق

    ياخذ الاشجار ويسد الطريق000زاد عن حده وضاق به المسيل

    طار نومي يوم نامت كل عين000بت ساهر مع نجوم الفرقدين

    من هواجس من جفا من جور دين000مابقى إلا البعد عنها والرحيل

    صوب ارض الشام او ارض العراق000عل يوم فيه ينحل الوثاق

    كم نقاسي والقسا مر الذاق000ربما نلقى عن المنزل بديل

    دع ابلاد الذل وارحل يالبيب000واغترب فالكل بالدنيا غريب

    القضا مكتوب والداعي نصيب000اركب الاخطار والهول المهيل

    وان جفتك الدار او مال الزمان000لاتعيش بدار ذل او هوان

    لو يظلي نبتها من زعفران000صاحب الاخطار واجعلها دليل

    شد عن ارض الاعادي والحسود000واطلب العليا وبالغ بالجهود

    لو يكون العز في غاب الاسود000خير من دار تعيش ابها ذليل

    كل من رام العلا يرقى لها000سلم الاخطار في اهوالها

    من تراخى عزمته مانالها000دونها مايقصر الباع الطويل

    اقطع البيدا على عوج النضا000لو يكن تمشي على جمر الغضا

    مايفوت العمر قدام القضا000دين عندك لين ياتيك العميل

    عاشر الاحرار من اهل الرتب000تستفيد العقل منهم والادب

    حيث هم اهل المروه والنسب000واترك الانذال مامنهم حصيل

    سل عن الجيران قدام النزول000وان سمعت الناس تهرج لاتقول

    تكتسي ثوب المعزه والقبول000والخلايق يذكرونك بالجميل

    كم كلام راح من اجله نفوس000وانت ما تاخذ على نقله فلوس

    لاتفتش كل حب فيه سوس000كم تخوض الناس في قال وقيل

    صون عرضك عن ملاغات السفيه000واترك الكذبان سودان الوجيه

    من حكى عنهم يعود الكذب فيه000كيف تاخذ هرج من باير هبيل

    اترك البيت الردي وانص الرجال000خذ عريب البيت من عم وخال

    يوم تنظر في ولدها كالهلال000وان مشى بالدرب مايغوى الدليل

    خذ عزيز البز من زين القماش000والردي لو كان يعطونك بلاش

    مايفيدك كيف تاخذ شي ماش000بيعة المغبون منها يستقيل

    دور الطيب ولو غالي الثمن000 لو يكون القصد في صنعا اليمن

    لاتغرك صقلة الوجه الحسن 000إبذل المجهود بالمال الجزيل

    الذهب مايخلطونه بالنحاس 000غير بعض الناس ماعنده قياس

    خذ نصايح ماحواها ابن واس000مثل نظم الدر واللولو الاصيل

    وان ملكت المال لاتغدو شحوح000اطعم الجيعان واكسي كل روح

    الدبش والمال لابده يروح000والثنا والمجد جيل بعد جيل

    هم روحك واغتنم عصر الشباب000ان للايام ميل وانقلاب

    وانت فيها تنطوي طي الكتاب000لاتغرك بالملاعب والشكوك

    كم غرق فيها وكم غرت ملوك000ضحكها غرار مااسرع ماتميل

    العدو لاتامنه لو بعد حين 000لو حلف بالبيت والركن اليمين

    الحقد والبغض في قلبه دفين000وان ضحك بالوجه قلبه لك غليل

    خل عنك الكبر فالله الكبير000لاتحاقر عاجز والا فقير

    واعلم ان الامر لله الخبير000يقصم الجبار ويعز الذليل

    كم فقير مات قدام الممات000موت بعض الناس خير من الحيات

    ان بكن او مابكن النايحات000البكا خسران في بعض الهزيل

    الف صلوا ماسجع بالاشتراك000ساجع القمري على غصن الاراك

    في رياض علها نوء السماك000كل يوم الركب له فيها مقيل

    تبلغ المختار والصحب النجوم000ماسعى اوطاف بالبيت القدوم

    والمصاحف والمكاتب والعلوم000والحصا والرمل ميل بعد ميل




    ارجو ان تحوز هذه المشاركه على رضى الجميع

    اخوكم سيف العدل














































































    ق
  • صبي التوحيد
    عضو
    • Jun 2003
    • 11

    #2
    [SIZE=4]
    [poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
    بيض الله وجه من جاب الثمينة
    عن بديوي جابها سيف العدل
    جعل سيف العدل تسلملي يمينه
    ناقل الجزلات مافيها جدل[/
    [/poet]SIZE]

    تعليق

    • سيف العدل
      عضو فضي
      • Jun 2003
      • 287

      #3
      شكرا ياصبي التوحيد على هالابيات وحنا ماوجدنا في هالمنتدى الا لخدمة هذه القبيله وشعرائها وعساني اكون عند حسن ضنك في انت واعضاء المنتدى

      اخوك سيف العدل

      تعليق

      • ابن نجد
        عضو فضي
        • May 2003
        • 270

        #4
        وهذه ايضا من قصائد بديوي واعتقد تستحق الصفحة التثبيت لان قصائد شاعرنا الكبير كثيره .


        دنياك هذه كلها هز قاووق
        ما تعرف الصاحب من اللي معاديك

        اكثر كلام الناس بالمكر والبوق
        يهرج معك واليا تقفيت يرميك

        المال دايم صاحبة مرتفع فوق
        والقل خايب لو ترفعت يرميك

        عزي لمن دور لها عند مخلوق
        إما بخل ولا منن يوم يعطيك

        أوصيك بالطيب إذا كان لك ذوق
        أرمه وراك ولازم إنه يلاقيك

        يا عبد هون كل مطرود ملحوق
        لا تشتحن لك رب ما هو مخليك

        اللي جعل لك روح جاعلك مرزوق
        كما تكفل بك من الخلق كافيك

        يعطي وباب الرزق ما هو بمغلوق
        واليا طلبته ونت محتاج يعطيك

        الرزق له حسبه وله وقت مطلوق
        وان مت ظلا عند قبرك يناديك

        والموت جايك لو تقع جوف صندوق
        دع عنك مابك من حذر لا يعنيك

        لا تشتغل بالمال والمال ممحوق
        ما مالك إلا ما تمده أياديك

        إن كان مالك يافتى ضيق السوق
        تراه عند الموت ما هو منجيك

        الجار والعاني لهم شرط وحقوق
        والضيف واجب تكرمه يوم يأتيك

        وإن كان تبغي تأخذ المدح مطبوق
        خلك مشمر دون ضيفك وعانيك

        صون الامانه واظهر الهرج بصدوق
        ولاتعاشر صاحب البوق يعديك

        لا تصحب الخاين ولا تأمن النوق
        وان لاح براق الحيا عذرت فيك

        والدرب لاتامن ولو كنت مرفوق
        إلا بحد في يمينك يباريك

        أترك طريقة كل عاشق ومعشوق
        ترمي بروحك في الشرك ثم يرميك

        والكلب ما يتبعك لو تلبسه طوق
        وإلا خلاخيل الذهب ما يراعيك

        وبالصبر تغلب صاحب العزم يا شوق
        والعزم طيب مير حزات يرميك

        وافرح آليا منك عن الشر مدروق
        واحذر صديقك واحذر اللي يواليك

        هذا كلام الصدق ما هو بمسروق
        وابيات يا قلبي بناها يسليك

        من هاجس يطمي كما بحر صافوق
        أحذر على القلب الشقي يوم يطريك

        يارب تجعلني من النار معتوق
        واجعل ختامي طيباً يوم ألاقيك




        وهذه مشهورة اكيـــــــد


        أيامنا والليالي كم نعاتبها
        شبنا وشابت وعفنا بعض الأحوالي

        تاعد مواعيد والجاهل مكذبها
        واللي عرف حدها من همها سالي

        إن أقبلت يوم ما تصفى مشاربها
        تقفي وتقبل وما دامت على حالي

        في كل يوم تورينا عجايبها
        واليوم الأول تراه احسن من التالي

        أيام في غلبها وايام نغلبها
        وايام فيها سوا والدهر ميالي

        جربت الأيام مثلي من يجربها
        تجريب عاقل وذاق المر والحالي

        نضحك مع الناس والدنيا نلاعبها
        نمشي مع الفي طوع حيث ما مالي

        كم من علومٍ وكم آداب نكسبها
        والشعر مازون مثقالٍ بمثقالي

        اعرف حروف الهجاء بالرمز واكتبها
        عاقل ومجنون حاوى كل الأشكالي

        لكن حظي ردي والروح متعبها
        ما فادني حسن تاديبي مع أمثالي

        إن جيت ابي حاجةٍ عزت مطالبها
        العفو ما واحدٍ في الناس يا والي

        قومٍ الى جيتهم رفت شواربها
        بالضحك واقلوبها فيها الردا كالي

        وقومٍ الى جيتها صكت حواجبها
        وابد ت لي البغض في مقفاي واقبالي

        ما كني إلا حال مغضبها
        والكل في عشرته ماكر ودجالي

        يا حيف تخفي أموراً كنت حاسبها
        واللي على بالهم كله على بالي

        الجار جافي وكم قومٍ محاربها
        والأهل وأصحابنا والدون والعالي

        والروح ويش عذرها في ترك واجبها
        راح الحسب والنسب في جمع الأموالي

        نفسي تبى العز والحاجات تغصبها
        ترمي بها بين أجاويد وانذالي

        المال يحي رجالاً لا حياة ابها
        كالسيل يحي الهشيم الدمدم البالي

        عفت المنازل وروحي يوم اجنبها
        منها غنيمه وعنها البعد أولا لي

        لا خير في ديرةٍ يشقى العزيز ابها
        يمشي مع الناس في همٍ وإذلالي

        دارٍ بها الخوف دومٍ ما يغايبها
        والجوع فيها ومعها بعض الاحوالي

        جوعى سراحينها شبعى ثعالبها
        الكلب والهر يقدم كل ريبالي

        عز الفتى راس ماله من مكاسبها
        يا مرتضي الهون لا عزٍّ ولا مالي

        دللت بالروح لين ارخصت جانبها
        وانا عتيبي عريب الجد والخالي

        قومٍ تدوس الافاعي مع عقاربها
        ولها عزايم تهد الشامخ العالي

        خل المنازل وقل للبين يندبها
        يبكي عليها بدمع العين هطالي

        لا تعمر الدار والقالات تخربها
        بيع الردي بالخساره واشتر الغالي

        ما ضاقت الأرض وانسدت مذاهبها
        فيها السعه والمراجل والتفتالِ

        دارٍ بدار وجيرانٍ نقاربها
        وارضٍ بأرض وأطلالٍ بأطلالي

        والناس اجانيب لين إنك تصاحبها
        تكون منهم كما قالوا بالأمثالي

        الارض لله نمشي في مناكبها
        والله قدر لنا أرزاق وآجالي

        حث المطايا وشرِّقها وغرِّبها
        واقطع بها كل فجٍّ دارسٍ خالي

        واطعن انحور الفيافي في ترايبها
        وابعد عن الهم تمسي خالي البالي

        من كل عمليةٍ تقطع براكبها
        فدافد البيد درهامٍ وزرفالي

        تبعدك عن دار قومٍ ودار تقربها
        واختر لنفسك للمنزال منزالي

        لو متّ في ديرةٍ قفراً جوانبها
        فيها لوطى السباع الغبس مدهالي

        اخير من ديرةٍ يجفاك صاحبها
        كم ذا الجفا والتجافي والتعلالي

        دوس المخاطر ولا تخشى عواقبها
        الموت واحد وبعد العز يجلالي

        ان المنايا إذا مدت مخالبها
        تدركك لو كنت في جو السما العالي

        ما قرت الاسد في عالي مراقبها
        تسعى على الرزق ما حنت للاشبالي

        والشمس في برجها والغيم يحجبها
        تقفي وتقبل لها في العرش مجدالى

        رب السماوات يا محصي كواكبها
        يا مجري السفن في لجات الأهوالي

        ضاقت بنا الأرض واشتبت شبايبها
        والغيث محبوس يا معبود يا والي

        يا الله من مزنةٍ هبت هبايبها
        رعادها بات له في البحر زلزالي

        ريح العوالي من المنشا تجاذبها
        جذب الدلى من جباء مطوية الجالي

        ديمومةٍ سبلت وأرخت ذوايبها
        وانهل منها غزير الوبل همالي

        تسقي دياراً شديد الوقت حاربها
        ما عاد فيها لبعض الناس منزالي

        يا جاهل اسمع تماثيلاً مرتبها
        فيها معاني جميع القيل والقالي

        مثل المحابيب زادت في قوالبها
        في صرفها زايده عن قرش واريالي

        يا ربي توبه وروحي لا تعذبها
        يوم القيامه إذا ما ضاقت اعمالي

        وازكى صلاةٍ على المختار نوهبها
        شفيعنا يوم حشرٍ فيه الأهوالي



        مع تحيات اخوكـــم

        ابـــ نجــد ـــــــن

        تعليق

        • متعب الجعيد
          عضو نشيط
          • Apr 2003
          • 51

          #5
          تحيه من القلب

          اخوي سيف العدل . لقد عجزت عن التعبير لأرفع لك عن شكري وتقديري
          بهذه القصيده التي نحن بامس الحاجة لمثلها ولكن لانستطيع الا بواسطة المثقفين
          مثلك وشرواك . لك تحياتي

          تعليق

          • سيف العدل
            عضو فضي
            • Jun 2003
            • 287

            #6
            اخوي متعب الجعيد مشكورعلى هالاطراء وشرواك الطيب يا ابن العم0


            0000سيف العدل0000

            تعليق

            • الجزل
              عضو فضي
              • Aug 2006
              • 243

              #7
              الله يرحم بديوي الوقداني


              ولاهنت يا سيف العدل


              تقبل مروري

              تعليق

              العمل...