قصيدة للشاعر /فواد بن سعد بن خرصان الحافي الى الشاعر /والم بن سعدمع الرد

طي
X
 
  • التوقيت
  • إظهار
مسح الكل
المشاركات الجديدة
  • ابن خرصان
    عضو نشيط
    • Jul 2006
    • 81

    #1

    قصيدة للشاعر /فواد بن سعد بن خرصان الحافي الى الشاعر /والم بن سعدمع الرد

    قصيدة مرسلة لأخي/ والم بن سعد بن خرصان الحافي عندما كان في الإمارات العربية المتحدة
    [poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    بديت باسم الله قبل نظم الأبيات=عليه أنا متوكل و أستعينه


    من يوم أبو يوسف نقل للإمارات= وش عاد تسوى روحتي للمدينه

    ألا الزيارة للنبي بعض الأوقات= الله يوفقنا لتطبيق دينه

    دنيا تفرقنا وحنا بغفلا ت= الله يكافينا بلاوي سنينه

    والم عضيدي في الليالي العسيرات= يفزع بمال وحال والله يعينه

    والم ليا عدوا رجال المروات= فيه الكرم والطيب دايم قرينه

    منشاه في صدق وعزم وطاعات= لله الأول ثم رضا والدينه

    يقدّر أخوانه بكل المقامات= و يقدم لهم ما ملكته يمينه

    لو أحصي وصوفه كثار وعجيبات= ما هو بحاجة مدح يا عارفينه

    يا قلبي اصبر لا يجي فيك لوعات= و يا العين كثر الدموع لا تنثرينه

    ليا صار هو حي وأنا حي وش فات= لو طالت الغربه رجع للمدينه

    بتيسير علام الأمور الخفيات= الواحد اللي كلنا مرتجينه

    بأمره يلم الشمل من عقب الأشتات= رجّع على يعقوب صفوة بنينه

    جاك الجواب معطر بالتحيات= و صلوا على المختار يا سامعينه[/poem]الشاعر/ فواد بن سعد بن عماش بن خرصان الحافي العتيبي
  • ابن خرصان
    عضو نشيط
    • Jul 2006
    • 81

    #2
    رد الشاعر //والم بن سعد بن عماش الحافي العتيبي على اخيه فواد بن سعد الحافي

    [poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    حـي الجـواب وحـي من كـز الأبيـات=يــا جــعــل مـن ســـواه تـسـلـم يـدينه
    أهـلا هـلا بـه عــد خــضــر الـنـبـاتات=واعــداد ما خاض البحـر من سفــينه
    يـا بـو فهد يا مـسـنـدي في المهـمـات=يـا سـعــد مـن شــرواك دايـم عــوينه
    ذاخــرك للـضـدات في كـل الأوقـات=على صـروف الوقــت زيـنـه وشـينه
    فـواد شـيـّال الـحــمـــول الـثـقــيـلات=يـومــن ولــد الـلاش تـعـجــز يـمـينه
    ريـف الركايب في الليالي العـسيرات=يــدنـــي لـهــم بــن و شـــاة ســمــينه
    لا تـحــسـبـنـي لو تـطـول المسـافـات=أصـبـرأ و أنـسـى لو تــزايــد سـنـينه
    لـكـن شــان فـيـه قـضـيـان حـاجــات=أرجـي مـن الله يـفـرجـه و اسـتـعـينه
    مـن يـوم خـلـيـت الـديــار الـعــذيـات =اللـي مـزيـنــهـا الـحــرم و الــمــدينه
    و أمسيت في قاصي الديار البعـيدات =دار بــها مــن كل الأجــنـاس عـــيـنه
    تـعـافـهـا لا شفت كـثـر الخــواجــات=ورفـيق وسـط الـسـوق تسمع رطـينه
    و الـشـرع ماله في القضايا مـجـالات=و قـانـونـهـم محــشــوم و مـكـرمـينه
    لا أمـسـى سـواد الليل جـريت ونــات=مـثـل الـكـــســـير اللـي تـزايـد ونـينه
    و الـقلب صارت به هجوس وسجات=و الـهـم في وسـط الـضـمــاير كـنـينه
    إلـيـا ذكـرت الـيـوم وقــت لـنـا فــات=تـهـل عــبـرات الـعــيــون الـحــزينه
    مــنـّـول بـيـن الأهــل و الــقــرابــات=و الـيـوم حـال الـبـعـد بـيـنـي و بــينه
    يـا الله يـا رب الــوطـا و الـسـمــوات=و عـنـد الـبـلاء كـل الـمـلا قـاصـدينه
    إنـك تـلـم الشـمـل من عـقب الأشتات=يــا الـواحــد اللي كــلـنـا مـرتــجــينه
    يـا جـعـل هـمـّال الـمـزون الـثـقيلات =يـسـقـيـك يــا هــاك الـديــار الأمــينه
    وصـلـوا على المخـتار خير البريـات=و أيـضـا عـلى اللي بالهـدى تـابعــينه[/poem]

    الشاعر /والم بن سعد بن عماش بن خرصان الحافي العتيبي
    تم التعديل الأخير بواسطة ابن خرصان؛ 06-May-2007, 12:11 PM.

    تعليق

    • سعد الدهاسي
      عضو
      • Feb 2007
      • 15

      #3
      صح اللسان الشاعر / فؤاد بن سعد الحافي



      و الشاعر / والم بن سعد الحافي

      تعليق

      • ابوبجاد الرويس
        عضو مميز
        • Feb 2006
        • 4205

        #4
        مشكور يابن خرصان

        ونشكرك على مواضيعك

        وصح لسان الشعار

        تعليق

        • ابن خرصان
          عضو نشيط
          • Jul 2006
          • 81

          #5
          صحت ابدانكم يا الدهاسي وياابو بجاد وشكرا للمرور والمتابعه

          تعليق

          العمل...