ديوان الشاعر / فالح بن فويز الشيبي الشيباني ..(( أرجــو الــتـثـبـيت ))

طي
X
 
  • التوقيت
  • إظهار
مسح الكل
المشاركات الجديدة
  • الـــقـــرم
    عضو ماسي
    • Nov 2006
    • 568

    #1

    ديوان الشاعر / فالح بن فويز الشيبي الشيباني ..(( أرجــو الــتـثـبـيت ))

    بسم الله الرحمن الرحيم

    السلام عليكم ورحمة الله وبركاته

    اليكم ديوان الشاعر الكبير فالح بن فويز بن فرهودي الشيبي الخليفي الشيباني ,
    وهذا الديوان عبارة عن بعض قصائد الشاعر العديدة , وهي:

    1- رثائية في فقيد الامتين العربية والاسلامية , الملك فهد بن عبدالعزيز ال
    سعود:

    [poem=font="Simplified Arabic,4,black,bold,normal" bkcolor="transparent" bkimage="backgrounds/17.gif" border="outset,10,gray" type=0 line=1 align=center use=ex num="0,black"]
    مات الزعيم اللي علينـا خسـاره = خسـارة مـره ومـر طعمـهـا

    والكبد فيها مـن لهيـب الحـراره = والنفس تشكي حزنها اللي هضمها

    كل الوطن يبكي وتـذرف عبـاره = والناس لو تبكي ترى الحزن المها

    الله يبيح اللي رحـل عـن ديـاره = خـلا بـلاد مـا ينكـس علمهـا

    ذاك المليـك اللـي حكيـم قـراره = العاهل اللي سيرتـه مـا ثلمهـا

    متفوق فـي حكمتـه والجسـاره = راس الملوك وقمـة مـن قممهـا

    والحزن فوق الناس مضفي ستاره = هول المصيبه لـو تكلـم لجمهـا

    عسى العوض باللي بقى في مساره = عبدالله اللي عقب حكمـه حكمهـا

    الله يـعـزه دوم ويـشــد إزاره = بخوانه اللي مـا يكـذب سهمهـا

    ويحفظ ولي العهـد نمـر النمـاره = راعي يميـن مـا يبطـل كرمهـا

    ويعـز ديـن الله ويرفـع شعـاره = وفي قول كل الحق يمضي قلمهـا[/poem]


    2- قصيدة أخرى يبدع فيها , وتحمل معاني لمن يتعض من أحوال الدنيا , ويبرز
    الشاعر معانته وذهوله من عناء الدنيا ويقول فيها:

    [poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="outset,10,gray" type=0 line=1 align=center use=ex num="0,black"]
    ياحول مـن دنيـا العنـا والعذابـي = من جورها واهولها صـرت مغبـون

    أدعت فوادي مـن عناهـا مصابـي = وأدعت عيونـي كـل يـوم يهلـون

    مذكر لها يـوم بـه الكيـف طابـي = دايم ونا مـن كثـرة الهـم محـزون

    ياناس راسـي شـاب وأنـا شبابـي = وشلون باق العمر يانـاس وشلـون

    قلت السؤال منكـم أبغـى الجوابـي = ياهل المعرفـة والتجاريـب تكفـون

    معـاد عنـدي حيـل همـي غدابـي = والحال ينقص صـار مـن فـي دون

    من شوفتـي دنيـا عناهـا سطابـي = مالي سواء الشكوى على خالق الكون[/poem]


    3- قصيدة للشاعر يصف بعض زملاء السوء :

    [poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="outset,10,gray" type=0 line=1 align=center use=ex num="0,black"]
    نفسي من أهل السو صاحت وناحـت = وأسرارها من شدت الغيض باحـت

    شافت خطا وأثر الخطا يجذب الخطـا = وهاضت وطول ليلها مـا استراحـت

    وأصبح نديمي صافي الطرس والقلـم = والقافيه من حامي الغيـض فاحـت

    وأجلـس ليامـن البلابيـل غـردت = لامن شمس الكـون لليـل زاحـت

    ثم قمت أصوغ القاف وأنظم عقودها = في مجلسي ليننها الشمـس طاحـت

    وأمسي حصيلي من جواهر مشاعري = قصيدة من خافـي الـروح ساحـت[/poem]


    4- قصيدة يوضح فيها الشاعر , فوارق البشر ومميزات بعض من شرايح المجتمع:

    [poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="outset,10,gray" type=0 line=1 align=center use=ex num="0,black"]
    بعض البشـر ودي أمـره وأجيلـه = وبعض البشر أكره مجيـه وطريـاه

    وبعض البشر يانـاس ياحبنـي لـه = وبعض البشر ياكره نفسـي لحليـاه

    وبعض البشر دمعي من أجله هميله = وبعض البشر ما نيب باكي لفرقـاه

    بعض البشر أفرح على مقابلي لـه = وبعض البشر ماهم قلبي ولا أشقـاه

    وبعض البشر لو غاب يذكر خليلـه = وبعض البشر يجفي صديقة وينسـاه

    وبعض البشر حاز الامور الفضيلـه = وبعض البشر تقصر عن الطيب يمناه

    وبعض البشر بالجود يبذل حصيلـه = وبعض البشر ثور هذا كبـر علبـاه

    وبعض البشـر الله يسهـل سبيلـه = وبعض البشر عسـاه كثـر رزيـاه[/poem]


    5- قصيدة الشاعر , يصف فيها معاناته مع احد عديمي الوفاء , يقول:
    [poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="outset,10,gray" type=0 line=1 align=center use=ex num="0,black"]

    عفا الله عن عينن تغمض بي الأنعاس = لكن الهموم نعاسها تسرقـه سرقـا

    تسامر نجوم الليل تسهر كما الحراس = ايلينن شمس الصبح تطلع من الشرقا

    صدمت الزمان بصحبه الخائب البلاس = ولا ولامها إلا جاهلن راسـه معرقـا

    زمانن بشداته يليـن قـوى الـراس = كذا والحديد ايلين من حامـي الطرقـا

    لكن التجارب علمتني وانـا حسـاس = لقيت الوفاء في ذا الزمن كذبه زرقـا

    وهذا الذي خلاني أذم بعـض النـاس = لان الردي في سلم المجد مـا يرقـا

    وهذا الذي خلاني أمدح كريم السـاس = لو أنه من أقصى الناس وانا حداء برقا[/poem]


    6- وهذه قصيدتين , بين الشيخ نايف بن هندي ابن حميد , والشاعر فالح بن فويز
    الشيباني , وكان البادئ الشيخ نايف , يقول:


    [poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="outset,10,gray" type=0 line=1 align=center use=ex num="0,black"]
    يافالح النـوم عيـا لايجـي عينـي = كن الرمد يابن مشيب في محاجرها

    لاجيت ابرقد على جنبـي تصحينـي = دايم تخفي علـى قلبـي سرايرهـا

    وليا ذكـرت الديـار الـي تسلينـي = عسى السحايب علاها هل ماطرهـا

    ذكرا تذكرت مـن حينـن الياحينـي = يفز قلبـي يافالـح يـوم نذكرهـا

    عساك لوحيت منطوقـي تواسينـي = وعيني على ماتهقوابـة تباصرهـا

    كثرت التجارب معي بس ايام وسنيني = يقولها الي عرفهـا مـن دوايرهـا

    ابيـك يالقـرم بالطرقـة تخاوينـي = الربـع نختـار بالطرقـة نوادرهـا

    مادمت من لابتاً بالضيـق تشفينـي = تعجبك يوم الملاقى في محاضرهـا

    يعجبك شوف النشامي الي مضحيني = ودلال صفراً على الصالـي نبهرهـا

    حراً لياشفت لونـة قلـت لونينـي = دواغرة بيـض ومتونـة تشاقرهـا

    حراً وحش شابكينة شبـك بيدينـي = من الهضبة الي طويلاتاً مواعرهـا

    لاشلت طيري على يدينـي يسلينـي = ينسينـي الـي دقيقاتـاً خواصرهـا

    ياماخذالة عليهـن مـن تمارينـي = هـذي تعلابهـا وهـذي محدرهـا

    يازين شوف الحباري بين دعبينـي = لشفـن الحـر كوبرلـة مكوبرهـا

    شوف الحباري مع الدشة ينسينـي = يسوى ديـاراً طويلاتـاً عمايرهـا

    شفت الجنوبي يلوح الفجر بالعينـي = والقيض قفت لياليـة و مخاطرهـا

    على دخول الوسم باقي سبوعينـي = والعين قامـت تذكرنـي مخابرهـا

    الله على جيباً ابيـض وارد الفينـي = علية نفسي مـع الجيـان اسيرهـا

    رقت مع نـاس للامجـاد راقينـي = حرار تعرف يابومقـرن مواكرهـا

    اسمع كلامـاً وزنتـة بالموازينـي = ومن لاوزن هرجتة بالطيب يخسرها[/poem]

    وهذا رد الشاعر فالح بن فويز الشيباني


    [poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="outset,10,gray" type=0 line=1 align=center use=ex num="0,black"]
    ابن فويز بـداء زيـن التلاحينـي = ببيوت شعراً على كيفة يصخرهـا

    رداً على من خطابة تـو ناصينـي = برسالة وافيـة بالحيـل شاكرهـا

    يامرحبا ماسجع ورق البساتينـي = يارسالة من عزيزاً جاء مسيرهـا

    حليها بالذهب واحـد وعشرينـي = عند وباقي العرب ماني مشاورهـا

    من شاعراً عارفاً كـل القوانينـي = لولا الشعر شارتاً لقـال يكسرهـا

    مادم ربي بقول الشعـر معطينـي = يالزم عليـة بيوتـة ماتحاقرهـا

    حيثة عزيز وعندي مركزة وينـي = عند النجوم الذي من فوق نسبرها

    والي سواتـة يقـدم بالدواوينـي = وتساقلة صبة الدلـة ومجمرهـا

    لوقالو السلم يبداء الصب بيمينـي = اقول مقـارن السـادات بجبرهـا

    نايف حريب الرداء مايلحقة شينـي = سلايل حميد معروفـة مفاخرهـا

    يفداة منهـو بـلا دنيـا ولادينـي = اللي على ماش وتلـوي مناخرهـا

    وخلاف هذا رفيقي يـوم يدعينـي = امر وانا رفعـاً يمنـاي وشهرهـا

    والله والله متـرك مـن يناديـنـي = وانا عنة لو يبا العينيـن مذخرهـا

    يشرح ضروفة وغاياتة ويبغينـي = اسايرة فـي ضروفـة ماتعذرهـا

    لمح بغى يقـول تكفـى لاتخلينـي = ببيوتة الي على القرطاس سطرها

    واليوم ابترك اشغالي خوف تلهيني = ومشي معة في لوازيمن يقررهـا

    لوني مشغول وضروفي تلاوينـي = وهموم قلبي ودنيايـة تعاسرهـا

    وجحد همومي وجار الوقت كاويني = واصبر ودنياي تصفقبي عوايرهـا

    لكن مدام ابـو سلطـان يدعينـي = في صحبةً ماخسر منهو معاشرها

    الطير والجيب واصحاب نصيحينـي = والشعر والصيد والشعلة وساعرها

    والزل وشداد وفـروخ الشياهينـي = والدلة الي بزود الهيـل ذاعرهـا

    بذي فرصةً ماتعوض حسب تخميني = والا فدنياك معروفن وش اخرهـا[/poem]

    7- وهذه معاناة الشاعر مع سيارته:

    [poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="outset,10,gray" type=0 line=1 align=center use=ex num="0,black"]
    تعطل موتري من عقب ماحضرت للمسيـار = ولادري وشهي الاسبـاب يومنـه تعطلبـي

    عقب ماني مشخص كاوين ثوبي تملى غبار = ووجهي شاحبٍ لونه ومن شافـه تهولبـي

    اجامل من يكلمني على الجوال يبغى اخبـار = وانا كن الحطب والنار وسط الجوف تشعلبي

    هذا وارد عراوي باربي يوم ابتدا المشـوار = بركبي في يمين الخط كنـه بركـت الثلبـي

    وانـا لـو ادري يـوم تعتـع نيتـه بـوار = لاقطع كل لياتـه لعيـن الصلـب بالخلبـي

    درادع والدرادع تشتكي من جورها الشعـار = مثل ذاك المطيري قال حذرا تشترون البـي

    حصله موقفٍ محرج وانا مثله حسب ماصار = مطيري مع عتيبي يشتكون الضيم والغلبـي

    وانا يكفيني الي صارلي في واضح النهـار = تكانفنـي ثلاثـة لموزينـاتٍ تبـي سلبـي

    علام الناس ماتفزع لمن وضعه يبي تعبـار = ثمان اسنين انادي ماحصل واحـد تجملبـي[/poem]



    8- وهذه قصيدة للشاعر في حديث الناس هذه الايام , وهي الاسهم , يقول:



    [poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="outset,10,gray" type=0 line=1 align=center use=ex num="0,black"]
    8- وهذه قصيدة للشاعر في حديث الناس هذه الايام , وهي الاسهم , يقول:




    بسـم الله أبـدأ وأبدابـه = والقـاف يونـس هندابـه

    غنى ابن فويز من قافـه = من قافه قال وغنـى بـه

    ياصف في قوله ماشافـه = يملي من فكـره بكتابـه

    دامـه كـلٍّ دلـى دلـوه = دلى دلـوه والمـا جابـه

    آصف ماشفـت وعاينتـه = وأذكر ماجوبـه وأسبابـه

    واللي طـرّى هـذا كلـه = سوق الأسهم ما يصخى به

    عجل عجل عجـل عجـل = ترى الدعوى فيـه نهابـه

    كـل كاسـب كـلٍّ رابـح = كلٍّ يرصد وسـط حسابـه

    كلٍّ يشطـخ كـل يمطـخ = كـل عبـى جيـب ثيابـه

    يدخل به طفـران مفلـس = ماتشعل نـاره مشهابـه

    يأخذ له مده ثـم يصبـح = يصبح هامورٍّ يدعـى بـه

    ياكـل هـذا ويعـدم هـذا = والعالم يلعـب بأعصابـه

    يصبح ماله بعـد الطفـره = مايحصي كم قدر نصابـه

    كانه ودك تصبـح تاجـر = والخير يفتِّـح لـك بابـه

    تملك بيـت وتملـك فلـه = تلعـب كالنـاس اللعابـه

    سجل في قايمـة الأسهـم = وأحذر من نـاسٍ نصابـه

    وأحذر وأحذر وأحذر وأحذر = من هامورٍ مايـدرى بـه

    يقشط رزقك وأنته غافـل = وتصيبك جلطـة بأسبابـه

    خلك عارف خلـك فاهـم = وأنته داخل وسـط الغابـه

    وأسرح بـدري لا تتأخـر = وأصمت لا تنطق بالجابـه

    طالع للشاشـه وانظرهـا = وأرسل سهمك في مضرابه

    هـذا قـولٍ لأبـن فويـز = وانته جرب وش تلقى بـه[/poem]


    اتمنى ان يحوز هذا الديوان للشاعر الكبير / فالح بن فويز الشيباني على استحسانكم.

    ومن كانت لديه قصائد للشاعر , اتمنى ايضافتها في ديوانه


    تحياتي
  • مشاري الحبردي
    ذيـب الـهـيـلا
    • Aug 2006
    • 4888

    #2
    مشكور اخوي على هذا الجهد وان شاء الله الشباب يضيفون القصائد الباقية

    تعليق

    • الـــقـــرم
      عضو ماسي
      • Nov 2006
      • 568

      #3
      مــشكــور اخوي (( مـــشـــاري الحبردي )) على الــمــرور

      وأرجــو من الأخــــوان الــمشرفيــن تــثـبـيـت الــموضــوع عــاجــلاً لــمــا يــحتــوي على قــصايــد جزلــه للــشاعــر ..,

      [line][/line]
      [line][/line]
      [line][/line]

      تـــحياتـــي // الـــقـــرم

      تعليق

      • أبو الوليد
        شـــــــاعر و أديـــب
        • Aug 2004
        • 2326

        #4
        صح لسانك يالقرم ولسان الشاعر فالح الشيباني
        قصائد جزلة وخاصة قصيدة ( الاسهم ).
        ويا ليت تعطينا المزيد من قصائده
        تحياتي
        https://twitter.com/abalwled


        [poem=font="Simplified Arabic,6,white,normal,italic" bkcolor="transparent" bkimage="backgrounds/21.gif" border="double,4,green" type=2 line=1 align=center use=ex num="0,black"]

        عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات
        أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ[/poem]

        تعليق

        • الـــقـــرم
          عضو ماسي
          • Nov 2006
          • 568

          #5
          صــح بــدنــك يــ (( أبــو الــوليــد ))
          و
          مـــشكـــورعـلـى المرور ..

          تعليق

          • خالد السيف
            موقوف لمخالفة الأنظمة
            • Mar 2006
            • 253

            #6
            بيض الله وجهك يالقرم

            واسم على مسمى يالغالي

            ونتمنى تثبيت الموضوع من قبل الإدارة

            تعليق

            • الـــقـــرم
              عضو ماسي
              • Nov 2006
              • 568

              #7
              مـــشـكــــور أخـــوي (( *&^^& خــالــد الــسـيـــف *&^^& )) عـلـى الــمرور

              وهـــذا من ذوقـــك يا بعدي ..,

              تعليق

              • الذيب العصيمي
                عضو فعال
                • Feb 2007
                • 147

                #8
                مشكووووووووووووووووووووور

                تعليق

                • نامي
                  عضو فعال
                  • Dec 2006
                  • 166

                  #9
                  اخوي القرم مجهود تشكر عليه

                  يعطيك الف عافيه

                  وصح لســـــــــان ابو مقرن

                  تعليق

                  • الـــقـــرم
                    عضو ماسي
                    • Nov 2006
                    • 568

                    #10
                    الأخـــوه :ـ
                    ــــــــــــــــ
                    الـجـد مـحصـان / مــشكــور عــلــى الــمرور
                    ..

                    *& نـــامــي &* / لاشـكـر على واجــب ومشكووور على المرووور


                    تحياتي / الــــقـــرم ..,

                    تعليق

                    • رويشد المورقي
                      عضو فضي
                      • Feb 2007
                      • 247

                      #11
                      يعطيك العافية ولاهنت

                      تعليق

                      • الـــقـــرم
                        عضو ماسي
                        • Nov 2006
                        • 568

                        #12
                        أخـــوي ( رويـشـــد الـــمورقـــي ) مـشـكــووور على المرووور

                        والمقصود من كتابة هذا الموضوع هو اكتشاف قصايده وقرائتها ,, لأنــه مهوب اعلامـي الله يهداه

                        ولا كان تشوف قصايده تردد فالشرق والغرب ..

                        تعليق

                        • احمد المقاطي

                          رابطة محبي الهيلا

                          • Mar 2006
                          • 1107

                          #13
                          مشكور يالقرم على قصائد الشيباني

                          تعليق

                          • الـــقـــرم
                            عضو ماسي
                            • Nov 2006
                            • 568

                            #14
                            المقاطـي مشكووور على المرووور

                            تعليق

                            • عنتر زمانة
                              عضو نشيط
                              • Nov 2006
                              • 86

                              #15
                              [align=center]مشكور يالقرم ولا هنت
                              جهد تشكر عليه
                              تحياتي[/align]

                              تعليق

                              العمل...