غزليه

طي
X
 
  • التوقيت
  • إظهار
مسح الكل
المشاركات الجديدة
  • ساري 3
    عضو فعال
    • Dec 2006
    • 111

    #1

    غزليه

    عدّيت فـي راس الطويـل المطلّـي**
    اللي يوصّف في دجى الليـل لونـه
    عـن الرجـوم النايفـه مستقلـي**
    ترفا الحرار أوكارهـا فـي ركونـه
    عيني على العالي وأحـب التعلّـي**
    والطيب عالـي والنشامـى يبونـه
    وغنّيت يوم إن الغنـاء عـادةٍ لـي**
    اضبط معاييـره وأخفّـف لحونـه
    من خزنـةٍ ماهيـب خزنـة مقلّـي**
    تاجـر وعنـدي بالرمايـه مرونـه
    أرمي ليا شفت الهـدف بيّـنٍ لـي**
    رمية ذريفٍ رميتـه مـن عيونـه
    ليا خطر بالصيـد جـاب المجلّـي**
    عَـدْلٍ قطرهـا والنظـر مايخونـه
    لي صاحبٍ غالي ولا أدري وش اللي**
    خـلاّه مـن يمّـي تغيّـر ظنونـه
    ليـا عزمتـه مايشـرّف محـلـي**
    وليا بحثته فـي نقاشـه خشونـه
    وأزريت من راع الغـوج والتغلّـي**
    أمّـا أمدحـه وألاّ عطانـي متونـه
    خلّـه يولـي .. والمولـي مولـي**
    ماينفع البائـق لـو إنـك تصونـه
    مهف غـربٍ مارجـع يـوم دِلّـي**
    فـي راس حبـلٍ ذايبـاتٍ منونـه
    عوّد يلولـح بالهـواء يـوم تِلّـي**
    والغرب بأقصى البير والجـم دونـه
    ومهف طرشٍ عند الأجنـاب خِلّـي**
    متكانفينـه بأربعـيـن مْعَنـونـه
    لقوه في وصـط المضامـي مفلـي**
    ماحال دونـه مـن يعقّـد ردونـه
    مانـي مطيعـك يارفيـق التسلّـي**
    دوّر خروفٍ تسحبـه فـي قرونـه
    :
    :
    "عبدالله ابن زويبن المعمري الحربي"
  • @المهاجر@
    عضو
    • Jan 2007
    • 27

    #2
    بيض الله وجهك على هذه الغزليه الرائعه

    وعلى هذا النقل الرائع.

    تعليق

    • ناصر الدغيلبي
      عضو فعال
      • Dec 2005
      • 155

      #3
      [frame="7 80"]السلام عليكم ورحمة الله وبركاته صح لسان الشاعر الحربي والله يعطيك العافيه على النقل الرائع يا
      ساري ونتمنا منك المزيد من المشاركات
      [/frame]

      تعليق

      • ساري 3
        عضو فعال
        • Dec 2006
        • 111

        #4
        وبيض الله وجهك على مرورك الكريم اللي زادني فرح
        اخي المهاجر
        تحياتي,,,,

        تعليق

        • ساري 3
          عضو فعال
          • Dec 2006
          • 111

          #5
          وعليكم السلام ورحمة الله وبركاته اخوي ناصر الدغيلبي مسيت بالخير
          ولاهنت على مرورك
          تبشر بعزك ياولد النعيري اخوك ساري.

          تعليق

          العمل...