الا يا بندقي والله مشيلك في يدي نصاب

طي
X
 
  • التوقيت
  • إظهار
مسح الكل
المشاركات الجديدة
  • نواف ابن ثعلي
    عضو فعال
    • Nov 2006
    • 118

    #1

    الا يا بندقي والله مشيلك في يدي نصاب

    قصيدة/الشيخ نايف بن سعيد بن ثعلي في بندقه

    [poem=font="Simplified Arabic,6,white,bold,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
    الا يا بندقي والله مشيلك في يدي نصاب = ولابه خوف فالاسلام نحمد ربنا الوالـــــــــــــــي

    والا يا بندقي والله مكبك وانقل المشعاب = والا انقل سبحهٍ فا نت عساها ما لها والـــــــــــي

    هواي ليا نقلتك في يميني مثل فرخ الداب = واخذت من الفشق شكلين ما ابغا غيرها اشكالي

    ابو نجمه وعماني سليم الشرك والاكذاب= ليا مني نقلته في حزامي ينشرح بالـــــــــــــــي

    والا يازين ذعذاع الهبوب بعالي المرقاب= على ذر الخلا والصيد له جره ومدهالــــــــــــي

    والايازينهن ون جن من يم الوغش هراب = لزمت انحورهن باللي تحل الدم وتسالـــــــــــي

    ليا مني لزمت انحورهن طاب قلبي طاب = يطيب القلب من طرد الجوازي فالخلا الخالـــي

    والا يازين طرح القايده والحظ له جلاب = ليا قام النصيب وطاح الاول نطرح الثانــــــــي

    والا يازين حس الخبه اللي تشلع المضراب= طلوع الشمس يوم الخبل يرغب نومه الحالــــي

    شكيل الناس يصبح في سرير النوم تقل اجراب = مقامه من منامه مايقوم الا الضحى العالــي

    يعيش العاهل اللي ريح الشبان والشياب = وخلاهم سوى مايعرف العالي من الدالــــــي

    ابو عبدالله اللي محتم ٍ شعبه من الاجناب = حمى الشعب السعودي واحتمى الاسلام ماسالي[/poem]
  • مشاري
    مشرف شؤون الأعضاء والتفعيل
    إدارة قسم الشكاوي والاقتراحات
    • Oct 2002
    • 1831

    #2
    الله الله

    لاهنت والله يانواف بن ثعلي على نقلك لها القصيده الرائعه للشيخ نايف بن سعيد بن ثعلي
    ونعم فيك وفي كل الثعاليه

    مودتي لك

    مشاري...

    تعليق

    • عبدالمجيد الثعلي
      شـــاعــر
      • Dec 2006
      • 891

      #3
      ابو نجمه وعماني سليم الشرك والاكذاب

      ليا مني نقلته في حزامي ينشرح بالي


      صح لسان الشاعر/ نايف بن سعيد بن ثعلي


      مشكور يابن ثعلي على النقل الجميل والاختيار الرائع

      تعليق

      العمل...