مجاراةالشاعر\كديميس صالح لقصيدة الشاعر\عبدالله ابن عون

طي
X
 
  • التوقيت
  • إظهار
مسح الكل
المشاركات الجديدة
  • نامي
    عضو فعال
    • Dec 2006
    • 166

    #1

    مجاراةالشاعر\كديميس صالح لقصيدة الشاعر\عبدالله ابن عون

    [poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
    الشاعر\عبدالله ابن عون =



    انا قلبي عليه الحب لا طي = وصواب الحب في اقصى القلب ساطي
    تمكن حب خلي من ضميري = فتق في الجوف فتق ٍ ما يخاطي
    ولا بينت مابي لين حبه = بشع بالقلب واحدث به نفاطي
    شعاني جادل ٍ لا عاد عرفه = سقط حبه على قلبي سقاطي
    خياله مايفارق عن عيوني = على طول المغيبه والتباطي
    ولالاني مستحي ناديت باسمه = بوسط الماقفه كاني شراطي
    ومن جاني يقول انته علامك = اقول افزع لمن كثر اختباطي
    ترى الفزعه لها بالطيب ساعه = لو البارود غادن له شياطي
    انا محتاجكم ياهل الحميا = على درب الزرج عن كل خاطي
    تراني ماتذوق النوم عيني = لامن الصبح يبدي له شعاطي
    ليا من المعافا طاب نومه = لذيذ النوم في عيني سماطي
    اصارع هاجسي ماعندي الا = ثلاث دلا ل يشدن البطاطي
    مدابيح ٍ على جال المناره = خنين الهيل فيهن له عياطي
    ثلاث ٍثالثتهن دون منهن = صهدهن كانها غرنوق شاطي
    انا يصلاني الهاجس عليها = وهي تصلى على جمر الاراطي
    صلاها قهوجين ماتوانا = يسهرها لايا نام السباطي
    لياقدم لي الفنجان منها = تجلى خاطري بالانبساطي
    وخليت القلم يذرف مداده = على صفحات الاوراق القشاطي
    باهازيج ٍ تونس من قراها = من الاثمار القطهن لقاطي
    اقطف مازهى لي من ثمرهن = واخلي مايطيح من البطاطي
    عسى اللي يلحق العاشق ملا مه = من اللي صابني ياطاه واطي
    علشانه يعرف قدر المحبه = ولا عاد يتمادى فالاغلاطي
    وعساه ان ماعذر عقب التجارب = تصيبه في الجسد حمى رهاطي




    مجاراة الشاعر\ كديميس بن صالح العصيمي=


    انا مااكشف صناديق ٍمغاطي = وانا ادري ان الغطى وراه غاطي
    ولاني بعترض رجل ٍمجنب = ولا استعرض نشاطه مع نشاطي
    ولو صرت افتهم نضم القوافي = نشاطي مايزود عن انظباطي
    لكن ليا عرض بعض النوادر = مثل ماقيل في جمرالأراطي
    جذبني مستوى بيت القصيده = ولا قصدي تحدي واعتباطي
    انا احب المعاميل القديمه = الي معهن علاقه وارتباطي
    اذا كانت على خمسة عناصر = هذا غاية مرامي واشتراطي
    على البن اليماني والعويدي = وعلى الهيل المعلب بالشناطي
    وزباد وزعفران ٍمن سمطرا = وبعده العود في المدخن يعاطي
    ولا قصدي هواجيس الموده = ولا شاعفني الحب الحشاطي
    مجال اهل الهوى مالي وماله = ولا لي في بضايعهم تعاطي
    ماعاذ الله يجذبني هوايه = ليا الخلوه وحب الاختلاطي
    انا قد قال لي رجل ٍمجرب = يغوص البحر ويطوف الشواطي
    يقول انه تعرض له مشاكل = مع البيض العماهيج النشاطي
    يحطن العسل فوق الزمرد = مع السحر الحلال مع المشاطي
    ويقول المكر فيهن والخديعه = ورصدت لمكرهن كل احتياطي
    وغدن بمكسبي مع راس مالي = وخذن من تحت رجليني بساطي
    عقب ماكنت ادور للفوايد = رجعت اجلس على رقط البلاطي
    يقول ان الهوى بيت ٍمزبرق = وسيع ولا على بابه ارباطي
    مقر ٍللهموم وللحسايف = وبسؤ الظن والغيبه مُحاطي
    ويقول اهل الهوى فيهم طبايع = وبحرهم بين مده وانسفاطي
    بعضهم يعتلي روس المبادي = اله في مستوى القمه مواطي
    ليا شرف على راس البتيله = تجدد مابصدره واستشاطي
    وتواردته مزاهيف الروابع = وتذكر مامضى له بالنقاطي
    رجوله ماتفارقها الشواظي = وعيونه مايفارقها العراطي
    وبعضهم يجتلد كانه مكلف = بذرع الارض من شاطي لشاطي
    معه بندق ودربيل وربابه = ومعب ٍمزهبه داخل قواطي
    وليا شاف الحبيب اللي يحبه = تحزم المراقب واستحاطي
    جمع له صاحبه رغبه ورهبه = من الرهبه يخاف من الزراطي
    وبعضهم ينطوي كانه مصوب = وتمر ايام ماشاف السماطي
    وليا نامت عيون الناس عينه = تقول انه دخل فيها الحماطي
    كتوم ٍمايعلم بالسراير = فلا تامن عليه الانفراطي
    مثل ماصار مع مجنون ليلى = عقب ضغط الهوى صار انحطاطي
    نسأل الله عفوه والسلامه = اذا جا في البشر عالي وواطي
    لو ان الرجل ينظر في معاده = درى انه ماعلى الدنيا اغتباطي
    وحسب للغبن في يوم التغابن = نهار الحشر والعالم خلاطي
    وحضر ميزان لاعمال البريه =وعلى متن اللظى مد الصراطي
    وتبرى كل خل ٍمن خليله = اذا وصل العرق فوق الاباطي
    هذا اليوم الذي يحسب حسابه = يضيع ابه المجامل والتواطي[/poem]
  • مرزوق حمدان العتيبي
    مشـرف عام
    • Nov 2003
    • 20403

    #2
    [align=center]..
    .
    هذا والله صمخ البيوت اللي عليه الكلام
    قافيه لايجيدها الا العمالقه ومعاني ذربه ودرر ثمينه
    صح لسان بن عون وصح لسان كديميس
    اشهد بالله انهم اعلام ... وعتيبه هل الشعر
    ...
    لاهنت يانامي وبيض الله وجهك
    ....
    [/align]
    [align=center]
    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
    حط حبه في كياني ماتغيّره السنيني = وانثني من دون عرضه بالذراع وباللساني[/poem]







    @Marzouq_MHD
    [/align]

    تعليق

    • نواف العصيمي
      مشرف عــام
      • Sep 2006
      • 10282

      #3
      [align=center]صح لسان بن عون وصح لسان كديميس

      شعار المعنى والجزاله . يعطيك العافيه . لك التقدير والإحترام [/align]

      تعليق

      • الينوفي1
        موقوف لمخالفة الأنظمة
        • Aug 2006
        • 58

        #4
        صح السان ابن عون وكديميس هم والله هل الشعر والمعاني الغزيرة ماعندهم الا نحت من صم الصفا الله يخليهم لقبيلتنا ويحفظهم وبقية شعرائنا المجيدين للشعر ونحتتتتتتتتتتتتتتتته وماقصرت يانامي على إيراد هالقصيدتين ويعطيك العافية

        تعليق

        • فهيد مقعد الرويس
          شـــاعــر
          • Sep 2005
          • 2284

          #5
          نامي

          سلمت على حسن الاخنيار

          وصحة اللسنت الشعار

          تقبل تحياتي

          تعليق

          • القيصر
            عضو
            • Aug 2006
            • 2

            #6
            بيض الله وجهك
            وصح لسان بن عون وكديميس
            لاهنت

            تعليق

            • مشعل الريمان
              عضو فعال
              • Nov 2006
              • 161

              #7



              نامي


              تسلم يمينك على النقل الاكثر من رائع



              أعلام من أعلام عتيبه وشعراء كبار



              الله يطول بعمارهم


              عبدالله ابن عون وكديميس ابن صالح


              ولكـ خالص ودي وأحترامي

              تعليق

              • الخليفي
                عضو فعال
                • May 2003
                • 194

                #8
                اللة اكبر
                صح الله لسان الشاعرين الكبيرين

                وبيض الله وجهك على النقل الرائع

                واللة لا لله ثم لا للعتباان ليصير الشعر مثل الهندي اللي يقلب نعالة



                لكن الشاعرين وش يقصدون

                انــا مااكـشـف صنـاديـق ٍمغـاطـي.......وانـا ادري ان الغـطـى وراه غـاطـي

                احسن شي نبعد عن لعب الكبار ونتفرج ومن بعييييييييييييييييد

                تعليق

                • ابن نميان
                  فريق التصميم والتطوير
                  • Jul 2005
                  • 2581

                  #9
                  قصيد جزلـ وقافيه لايستطيعهاإلا الفطاحله


                  صحت ألسنتهم جميعا
                  ’,’




                  ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’,

                  [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

                  تعليق

                  • نامي
                    عضو فعال
                    • Dec 2006
                    • 166

                    #10
                    اشـــــــــــــــــكركــــــــــــــم جميعاً على المرور





                    مع خالص ودي واحترامي

                    تعليق

                    • فيصل الحويماني
                      عضو ماسي
                      • Apr 2006
                      • 513

                      #11
                      هذا والله صمخ البيوت اللي عليه الكلام

                      قافيه لايجيدها الا العمالقه ومعاني ذربه ودرر ثمينه

                      صح لسان بن عون وصح لسان كديميس

                      اشهد بالله انهم اعلام ... وعتيبه هل الشعر
                      ...
                      لاهنت يانامي وبيض الله وجهك

                      تعليق

                      • @المهاجر@
                        عضو
                        • Jan 2007
                        • 27

                        #12
                        بيض الله وجهك على هذه الروائع للشعار الكبار جدا

                        تعليق

                        • نامي
                          عضو فعال
                          • Dec 2006
                          • 166

                          #13
                          اخوي المهاجرماعليك زود


                          ولا هنت مشكور على المرور

                          اخوك:نامي

                          تعليق

                          • نامي
                            عضو فعال
                            • Dec 2006
                            • 166

                            #14
                            اخوي فيصل لاهنت

                            مشكور على المرور


                            مع خالص ودي واحترامي

                            نامي

                            تعليق

                            • نواف بن منصور
                              عضو فعال
                              • Feb 2006
                              • 132

                              #15
                              [align=center]صح لسان ابن عون

                              وصح لسان كديميس

                              وبيض الله وجهك يا نامي على هالقصايد

                              الله يعطيك العافيه[/align]

                              تعليق

                              العمل...