بـعض قصـائد جـــماعتي((الروســــان))

طي
X
 
  • التوقيت
  • إظهار
مسح الكل
المشاركات الجديدة
  • هلال الدوادمي
    عضو ماسي
    • Jan 2006
    • 868

    #31
    [poem= font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ألا ياعيوني والسهر سنـة العشـاق=ينام الخلي بس السهر سنة الشاقـي
    تنام العيون اللي عليها الفضا ما ضاق=ونا وش سواتي كان في الفضا ضاقي
    أخيل السحاب اللي تخافق به البـراق=رجا قفر أمحل في رجا الماطر الساقي
    أخيله ونا ما غير غصن وثرى ووراق=وخاف السنين المقبله تيبس أوراقـي
    رجايه ولا يقطع رجاواحـد مشتـاق=ولو ينجرح قلبي ولو ينكسـر ساقـي
    أحب الدروب اللي ثراها من الأعمـاق=دروب تجمع بين عاشـق وعشاقـي
    عذابي وجرحي من فراق تلاه فـراق=جروح تجـدد داخلـي مالهـا راقـي
    يداعب خيالي حلم أبيـض عليـه واق=سكن داخلي واليوم ما عاد له باقـي
    تقافت به سنين الشقا وارهقته ارهاق=ونسيته لوانه ساكن في أعمق أعماقي
    وتبين بعيني كـل شـي عليـه رواق=وعرفت المطر ماهوب راعد وبراقـي
    سحاب تهادى ما التفت في نبات دقاق=وكان الرجا كل الرجا لحظـة عناقـي
    دفنت أجمل أحلامي كما باقي العشاق=وعودت تنهيدت ألم تحـرق احراقـي
    وضميت بهدابي على دمعـي الدفـاق=نهايـة طريـق الحـب آلام وفراقـي
    ولا ياعيوني والسهر سنـة العشـاق=ينام الخلي بس السهر سنة الشاقـي[/poem]


    سالم بن محمد بن الحميدي المريبض الرويس العتيبي

    تعليق

    • هلال الدوادمي
      عضو ماسي
      • Jan 2006
      • 868

      #32
      [poem= font="simplified arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
      جهى المطر سافي الغرمول ما رشّـه=سحايبٍ .. والمطـر راعـد وبراقـي
      وش عاد لو نبّه العصفور في عشّـه=من كثر ما عذب العصفور ما ضاقـي
      تعلّق الدمـع فـي عينـه ولا مشّـه=عبايرٍ فـي عيونـه تحـرق حراقـي
      لو دنّق الدمع حـول بالجمـل قشّـه=لكّن دمع الكرامه لو نـزل .. راقـي
      ياصاحبي من كثر ما دمعـي اخشّـه=ماحدن درى عن جروحٍ تسكن اعماقي
      ما نيب هاك الغريـق معلّـق بقشّـه=انـا ثلـوم الليالـي جبّـرت ساقـي
      والله ما اجامل الغشاش فـي غشّـه=ورزقي على اللي معه مفتاح الارزاقي
      ويا صاحبي للـوداع قلوبنـا هشّـه=ما عاد تقوى اللقا اللي عقبه فراقـي
      الجرح يدمع ولا لي في الزمن هشّـه=وأردع همومٍ على الخفـاق تنساقـي
      لوّي فقير العبـاد ومسكنـي عشّـه=ما غيّر الوقت لا طبعي .. ولا اخلاقي
      لي حاجةٍ فـي تقـا الايـام منخشّـه=لا جابها لي زماني .. ياخـذ الباقـي[/poem]


      سالم بن محمد بن الحميدي الرويس

      تعليق

      • هلال الدوادمي
        عضو ماسي
        • Jan 2006
        • 868

        #33
        [poem= font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
        اكهف النجم الحمر و الليـل هـوّد=آه من قلب جروحـه مـا تهيـدي
        آه من قلب علـى جرحـه تعـوّد=لين سميته من اللي جـاه عيـدي
        ما لقاله طـب ليـن الجـرح دوّد=وخالط الدم الحمر نزف الصديـدي
        وش يقول اللي من الشلفا مجـوّد=شكته من الوريـد اليـا الوريـدي
        سبة اللي عندنـا ذكـره مشـوّد=كل يـوم بالغـلا قـدره يزيـدي
        نضرم لشوفه وهـو عنـا منـوّد=مثل ما يضرم على أكل القات زيدي
        ويا سعد يا ليت مـن قفـا يعـوّد=دام لي عمر على الدنيـا مديـدي
        ليه يومنه علـى جرحـي يكـوّد=ليه قدام الشقـا مـا قـال ميـدي
        يمكن اني في حبالـه مـا تجـوّد=واتركة مع صاحب الحظ السعيـدي
        لا يقول انه علـى مثلـي مـزوّد=واعتزي واقول أنا ولـد الحميـدي
        رافع راسي وراسـي مـا يقـوّد=ما تقـود كـود ثنيـان الهريـدي
        سود الله وجه من وجهـه يسـوّد=ذا الكلام اللي عليـه الله شهيـدي
        واكهف النجم الحمر والليـل هـوّد=بس لي قلب جروحه مـا تهيـدي[/poem]

        سالم بن محمد بن الحميدي الرويس

        تعليق

        • هلال الدوادمي
          عضو ماسي
          • Jan 2006
          • 868

          #34
          [poem= font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
          دمع من الحزن لادمع من الفرح = ذاك الذي خضب الخدين بالقرح

          ذاك الذي طعم آمالي وذاكرتي = ولون حزني وشجو البلبل الصدح

          تئن خلفي رياح الحزن باكية=أحلامي البيض دمعا غير منسفح

          أُخذت منها وقلبي كله قرح="وأين كان غريب غير ذي قرح "

          وقفت بالشارع الغافي أسائله="لعــــــل فيه نواسيا على قدح "

          وقفت فيه ودمعي فيه منسكب=كم كان لي فيه من تين ومن بلح

          كم كان لي فيه من وصل ومن قبل=في مبسم الصبح أو في مبسم الملح

          كم كان لي فيه من حزن ومن فرح=واليوم قابيل حزني قاتل فرحي !

          أنا الغريب الذي حنت رواحله=لكل وجه جميل ريق سمح

          أنا الغريب الذي في سجن ذاكرتي=يقودني شبح الذكرى إلى شبح

          تغتالني ذكرياتي حين تأخذني=لكل درب بلون الحزن متشح

          إني وقفت بوجه الريح أجمعها=والدمع في قبضتي والريح في سرح[/poem]

          سالم بن محمد بن الحميدي الرويس

          تعليق

          • هلال الدوادمي
            عضو ماسي
            • Jan 2006
            • 868

            #35
            [poem= font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
            ماكنت أحسبني أبكي على أحد=حتي بكيت وما أبكي على أحد

            أبكي على ذكرياتي حين تذكرني=وحين أنفى غريب الروح عن بلد

            ياجنة كان كل الأنس يسكنها=واليوم مقبورة الأطلال في لحد

            تسفو عليها السوافي والنوى قدر=وأين منا هروب من يد القدر !

            تمحو السوافي خطى الذكرى وتلبسها=ثوب الحداد على روح بلا جسد

            تخط أوجاع حزني وحي قافية=حزينة من تباريحي ومن سهد

            حزينة ساعة اللقيــــــا تمزّقها=ثواني البعد لم تترك لها لغد[/poem]

            سالم بن محمد بن الحميدي الرويس

            تعليق

            • خلف القثامي
              عضو مميــز
              • Nov 2006
              • 5690

              #36


              مليار نعم في ربعك الروسان


              رجال كرم وشجاعه وطيبه
              وليس مستغرب منهم الافعال الحميده



              ورحم الله الشيخ / عبدالعزيز بن جامع واسكنه فسح جناته



              لاهنت يالغالي على ايراد القصائد الجزله

              تعليق

              • هلال الدوادمي
                عضو ماسي
                • Jan 2006
                • 868

                #37
                خلف القثامي
                نعم بحالك يا أخ .
                لا خلا ولا عدم .


                ....................................


                الفائزة بالمركز الأول في مسابقة السامر

                عز الرياض وعز وادي حنيفه
                * وعز الأمارة والأمور العظايم

                عدل الحكم سلمان بالعز ريفه
                * خمسين عام كل أبوها غنايم

                تبصر بعدله عين حي كفيفه
                * المجد له والطيب والعز دايم

                وتقصر بحكمه كل يمنىً عنيفه
                * عن بطشها سلمان عوق الخصايم

                المنهج القرآن والشرع سيفه
                * وسلمان عدله يرتكي للظلايم

                وتنصر بعزه كل رملاً ضعيفه
                * ذاقت من أسباب الحياة الهضايم

                كفه لدمعات اليتامى وليفه
                * ياما مسح دمع للأوجان رايم

                وليا جمد دم العروق الصخيفه
                * وطير المنايا في سما الحبس حايم

                جاه الذي ياخذ من السيف ضيفه
                * ويعتق رقابٍ راهنتها غرايم

                من عقب ماهي للسيوف الرهيفة
                * من فضل أخو نورة كستها عمايم

                بالجاه فاديها فدتها الكليفة
                * وبالمال شاريها ولا هوب سايم

                خمسين عام والأيادي عفيفة
                * لكن على المحتاج مثل الغمايم

                خمسين عام وخدمة الشعب كيفه
                * ماقيل ما داوم ولا قيل نايم

                وطويق يدري ما على نجد خيفه
                * وأبو فهد في ماكر العز قايم

                يرسي كما ترسي الجبال المنيفة
                * ويرقى على متن القمر والنعايم



                محمد بن خلف بن علي الرويس

                تعليق

                • هلال الدوادمي
                  عضو ماسي
                  • Jan 2006
                  • 868

                  #38
                  تكفون لا تخطون في حق راما
                  ترى زعلها عندي اكبر خطيه
                  مقبل عليها من كبير العماما
                  وشلون لا جت من خوال البنيه
                  ياناس راما مثل بدر التماما
                  لانور على ريضان نجد العذيه
                  للزين في راما محل ومقاما
                  تفردت بالزين صبح وعشيه
                  الخد يشبه بارق (ن)بالظلاما
                  لاقبل من القبله يسابق لضيه
                  والعنق كنه عنق ضبي العداما
                  لامن تمشى بالفياض الخليه
                  والعين عين اللي على الصيد حاما
                  حرن فريد ومنتقينه نقيه
                  والخشم سلت مصقلات الحساما
                  لا صاحو الفريس واهل الحميه
                  والقرن قرن المهره ام اللجاما
                  اللي ذبح من دونها الشيخ حيه
                  منهو خطا في حق راما يضاما
                  ومنهو وقف في صفها واهنيه
                  عمامها من روس قوم(ن)حشاما
                  وخوالها حماية(ن)للونيه
                  بفعولهم مثل الحرار الحداما
                  اللي على ضرب الثنادي صطيه
                  وتكفون لا تخطون في حق راما
                  ترى زعلها عندي اكبر خطيه



                  سعد بن مناحي بن محمد بن عوجان الرويس

                  تعليق

                  • هلال الدوادمي
                    عضو ماسي
                    • Jan 2006
                    • 868

                    #39
                    البارحه ليلي قضيته على الكوع
                    لين اذن المذّن وقوّم صلاته

                    كني يتيمٍ من عنا الوقت مليوع
                    واليه ظالم جايرٍ في ولاته

                    يمسي على همٍ ويصبح على جوع
                    حافي قدم والثوب بالٍ بلاته

                    باسباب غرون لاعني بلهوا لوع
                    يحمل تواصيف الضباء في صفاته

                    شبيه خشف الريم زامي ومتلوع
                    حذرن على نفسه بكثر التفاته

                    في وسط قلبي له بساتين وزروع
                    يبذر ويسقي ثم يحصد غلاته

                    قعدت اطالع ساعتي منه مفزوع
                    وراه يبطي جعل عمري فداته

                    اناضر الهاتف اذا دق وافوع
                    شفقن على صوته وهمس إكلماته

                    والوقت يسرقني وانا عنه مردوع
                    والحظ عيا لا يقرب اخطاته

                    وحلفت يبقا الحب سامي ومرفوع
                    حتى يفيق صويحبي من سباته

                    هاذي قوانين الهوى شرع مشروع
                    وكلن على حضه يحقّق مناته

                    احدن مع خله سقيمن وموجوع
                    واحدن معَ خله سعيد بحياته



                    سعد بن مناحي بن محمد بن عوجان الرويس

                    تعليق

                    • هلال الدوادمي
                      عضو ماسي
                      • Jan 2006
                      • 868

                      #40
                      قصيدة في فيحان الشغّار



                      [poem= font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                      سلام يالشغـار شيـخ الدماسيـن=ياراعي الفزعـه قـوي العزومـي
                      جينا على الدعـوه لقـدرك ملبيـن=ناصين شخصك جعل عمرك يدومي
                      لو عندنا من شغـل بقعـا ملاييـن=عـن واجبـك ياجعلهـا ماتقومـي
                      ومن ربعنا الغياب يمـك موصيـن=عذرك لمنهو للظروف امحكومـي
                      ياشيخ يامطلق سـراح المساجيـن=ياعز من ينخاك وقـت اللزومـي
                      راع المواقف لاغدى العلم علميـن=لامنها ضاعـت كبـار العلومـي
                      وطالت دعاويها مع اهل القوانيـن=وكبرت على حب اللحا والخشومي
                      وعن حلها عجزو دهاة المحاميـن=اللي لهم حجـه بنقـض الختومـي
                      فزعتك يافيحـان مثـل الوداديـن=تشفي غليل اللي شوتـه السمومـي
                      حصنن منيع بحزة العسر والليـن=ملاذ مـن زادت عليـه الهمومـي
                      يالركن يالشامخ على العز والديـن=تفخر بك الهيـلا وكـل العمومـي
                      وترفع لك البيضاء بشتى المياديـن=ياشاهراً بالصيت فـوق النجومـي
                      ياذخر شيخن جاء لطيبه براهيـن=ناصر عشير الطيب سقم الخصومي
                      مشهور فعله عند الاقصى والادنين=بين الرجال اللي تعرف السلومـي
                      عساه فالجنه معـي قولـوا اميـن=شيخن رحل واخّر شيوخن قرومي
                      [/poem]


                      زيد بن نيف بن مذكر الرويس

                      تعليق

                      • هلال الدوادمي
                        عضو ماسي
                        • Jan 2006
                        • 868

                        #41
                        مجاراة عبدالله بن عون لابن زويبن الحربي


                        [poem= font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                        على وسق جيبٍ كنـه الريمـي المذعـور=رفعنـا الهجينـي يـوم فوقـه تـوازنـا
                        انا والزميـل منيـف والمنهـي المامـور=دِعِينـا وأجبْنـا لابوسلـمـان واذعـنـا
                        بعد مافهـق صلبـوخ بـادرت بالميسـور=نغني بيوتٍ مـن قصيـدٍ ماهـوب النـا
                        وابو بدر جاوبنا ولا بـان منـه قصـور=ثلاثـه ورابعـنـا رفــض لايعـاونـا
                        وابو بدر مثل مقـدي الخـور بالمقهـور=ليـا شافنـا تهنـا الطريـقـه تماكـنـا
                        ويقول انت قدامـي وانـا دوب بالناظـور=أشوفه وهـو قدمـي علـى مثـل ماكنـا
                        لاشك الرهـا ماحـط للشـك عنـده دور=عقيـدٍ لحالـه ماغـزا معـك يامهـنـا
                        هو الشاعر الكابر وانا الشاعـر المكبـور=وكلام الصراحـه مـن كمالـت مراجلنـا
                        لو الشعر له لجنـة عدالـه ولـه دستـور=لابوبـدر جــزلات الجـوايـز تعـدنـا
                        لاشك نحمد ربي على وضعنـا المستـور=لجـان القصايـد مثـل لجنـة مزايـنـا
                        ارى شعر بعض الناس رشٍ بـدون انـذور=الـى مـره العاصـوف شالـه ولا ثـنـا
                        على جرته تلقا وسـاع الفجـوج ادهـور=اليا جـاء الفيـاض الضاميـه ماسقاهنـا
                        كلامٍ رخيصٍ لـو يصفّـق لـه الجمهـور=ولـو شجّعـه مـاراح مـنـا ولا مـنـا
                        يحور ويدور بفكرته مايجـي المحضـور=عـن المنهـج المعتـاد ماهـون ومثـنـا
                        نجامل ولا نشره على العمي هن والعـور=اليا مارضن اللـي قبلنـا كيـف يرضنـا
                        ومزار الحويفي نعتلي بـه خشـوم القـور=وعلـى ضلـع ابـان ومـا تبيـّن تبينـا
                        هشاشٍ بشـاشٍ كـل ماحصّلـه مدمـور=ودماره علـى الخرفـان والهيـل والبنـا
                        عسى اللي سواته من صدوف الدهر ماجور=ويـمـد بحيـاتـه ويحمـانـا ويمّـنـا
                        يابو بدر ماعني وعن صاحبـي مذخـور=تعجرف علينـا وانـت بالطيـب ضامنـا
                        انا والشويب كلنا فـي رضـاك حضـور=نجاملـك وانتـه ياجـب انـك تجاملـنـا
                        نقدّرك ونرّاعيـك ونـرد لـك بالشـور=ومدامـك علـى هالحـال لاعـاد تامنـا [/poem]



                        عبدالله بن نايف بن عون الرويس

                        تعليق

                        • هلال الدوادمي
                          عضو ماسي
                          • Jan 2006
                          • 868

                          #42
                          مجاراة لقصيدة محمد بن مبارك الدوسري ..


                          [poem= font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                          تعلّيت مرقابٍ صعيب على الرقّاي= هبوب الصبا تسهج ركونه زوابعها
                          بديته ضحى وكهابة الغاربة مضواي=أدوّر ذهيبٍ صاحبي ضم ضايعها
                          شفاتي بوضحٍ كنها وضح ابن عصّاي=خيارٍ محمد قد عزل من قرايعها
                          وتعيّفت من محوال رجلي ومن مرقاي=وطلبت الدلال وحضّروا لي توابعها
                          بدون الثلاث الغايبة مايقوم بناي=ثلاثٍ خوات مجاوب الذيب رابعها
                          ثلاثٍ من الرسلان رابعهن العوّاي=على جال صلو النار ترخي مخاذعها
                          وتحايلت شردٍ بين الإرباع والاثناي=محمد بوسمه يوم ياسم مروّعها
                          غفالٍ ثمنها ينثني دونها الشرّاي=لها قيمةٍ ما كل شرّاي يدفعها
                          عسى الله يابن زايد يخطريك شر دعاي= على حرث نارٍ فيّ ودّك تولعها
                          بوجدك على ليلاك ذكّرتني ليلاي=وجرحت لك روحٍ مايهمّك تجزّعها
                          تشكّى وانا قلبي صخيفٍ معَ الشكّاي=بشكوى غرامٍ بيّناتٍ دوافعها
                          وانا يامحمّد من ثمان إسْنوات وجاي=جميع الشكاوي قبل شكواك مانعها
                          بعد ماطويت من الموارد طويل رشاي=والافلام الاولى سامحٍ من متابعها
                          نبشت المشاعر لين جاء عندها نوناي=وهي هاجعٍ قدّام شكواك هاجعها
                          تهب الهبايب بالغرايب بدون رضاي=وانا كل شكوى الحب ماودّي اسمعها
                          لحيث إحتواي الحلّ ماهوب في مخباي=وهوج الرياح العاتية من يصارعها
                          عسى اللي على قلبك مساويةٍ العرقاي=تزيد الطعون اللي ضمايرك توجعها
                          اليا شفتها تومي بقلبك هاذيك أوماي=أبارك واقول الحق معها واشجّعها
                          ولو اعرف عربها كان بشرح لها دعواي=عساها تلمّس لاقرب الطرق واسنعها
                          عيون الوحيش اللي يتاوق على الهوهاي=على اقصى التّلاع اللي تعلّق مفارعها
                          اليا كوبر الحفّال يدلي عليه إدلاي=بكفٍّ معاليق الدواغر تمزّعها
                          ولو عرّضوها اللي لها بالسماء غلواي=تلاشى مسافتها اليا قام يذرعها
                          على كف شيخٍ جاه مِهْداً عليه إهداي=ابو تركي اللي راية الطيب رافعها
                          سلالة شيوخٍ مايهابون قطع النّاي=شيوخٍ سلاح الحق ماهوب يمنعها
                          شيوخٍ يبدّون القِعِيدة على الضوّاي=واهل رايةٍ مايقدر أحدٍ ينازعها
                          والا يامحمّد كان قصدك تبي فتواي=توقّع ونفسك فالهوى لا تطاوعها
                          اليا شفت غيداً عودها فوق مثل الياي=يشابه زقار الكنت اطاريف اصابعها
                          لها هرجةٍ تحيي هشيم الهميد حياي=ولها شيمةٍ عن طامن الحكي ترفعها[/poem]


                          عبدالله بن نايف بن عون الرويس

                          تعليق

                          • هلال الدوادمي
                            عضو ماسي
                            • Jan 2006
                            • 868

                            #43
                            مجاراة لقصيدة بن زويبن

                            [poem= font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                            ياحي عـذب القيـل ياحـي ياحـي=المهنة اللـي قـل مـن يمتهنهـا
                            اقفال ما يدخل على اسرارها عـي=اللـي يخبـز السالفـة ويعجنـهـا
                            جواهـرٍ قلبتهـا بـيـن أيــادي=وعجبت فاللي مع بعضهـا قرنهـا
                            واللـي تبناهـا وموضوعهـا نـي=واللي على افضل ما يناسب وزنهـا
                            جتني وانا غربي دراويـش وهبـي=في ديرة جعـل الغشيـن ايغشنهـا
                            مثل الهنوف اللي عليها اجمل الزي=اللي مشاحن جيلهـا مـا شحنهـا
                            حيث ان الاولى هي والفايزة هـي=ولا قد وخذ عند المراهـن رهنهـا
                            وعنها نشدني واحـد مـن بنيخـي=قلت انشدوا عنها مديـر امخزنهـا
                            لابن زويبـن فوقهـا طابـع حـي=ويكفي كتابة رمزهـا عـن علنهـا
                            ولا ادري تسمى هند والا اسمها مي=والا تسمى باسمها اللـي ضمنهـا
                            عند المواجه يـوم حلـت حوالـي=حبيـت منهـا مابـدا مـن لدنهـا
                            ويوم المليحة حركت لـي طـواري=من حسن جوهرها وطيب امعدنهـا
                            نويت اجاريها لـو اقـدام رجلـي=حفيا وهي يتعب مجـارى ضعنهـا
                            ولديت اشوف اللي بقى في مخابـي=واللي بوسمه صاحبي مـا سجنهـا
                            وإلا سميـي لاوٍ أرسانهـا لــي=لين اذعنت له طايعة مـا شطنهـا
                            طرايف من مـآردٍ عـذب ورهـي=ما هو همـاج كـل كبـدٍ وسنهـا
                            المآرد اللي يكتفـى منـه بشـوي=مثل الدوا لا جـاء فتـوقٍ وشنهـا
                            لا صار عذبٍ ماه ورهـي ورخـي=بصر العدود مهلكـة مـن قطنهـا
                            [/poem]

                            عبدالله بن عون

                            تعليق

                            • ابو نايف الحافي
                              عضو ذهبي
                              • Nov 2009
                              • 387

                              #44
                              هلا والله براعي ديرتنا داورد

                              ونعم فيك وفي ربعك الروسان


                              كلهم شعار جزلين ومعروفين


                              تحياتي

                              تعليق

                              • فهد العازمي العتيبي

                                مشرف ديار واخبار القبيله

                                • Mar 2003
                                • 5407

                                #45
                                ..


                                ونعم والله بالروسان وشعارهم الكبار

                                ولاهنت اخوي على ايراد القصائد الرويسيه ...
                                للتواصل على تويتر

                                https://twitter.com/falotaibi5115


                                ،،

                                تعليق

                                العمل...