رسالة الشاعر القدير / عجير العتيبي لأبنه في الغربة

طي
X
 
  • التوقيت
  • إظهار
مسح الكل
المشاركات الجديدة
  • الحدب
    عضو فعال
    • Nov 2006
    • 106

    #1

    رسالة الشاعر القدير / عجير العتيبي لأبنه في الغربة

    [align=center]قصيدة الشاعر الكبير/ عجير بن بلاج بن سمير الحزيمي العتيبي
    موجه إلى أبنه الشاعر/سعود بن عجير العتيبي
    عندما سافر خارج الوطن في مهمة عمل لخدمة هذا الوطن الغالي[/align]


    [poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=0 line=0 align=center use=sp num="0,black"]
    أبدا بذكرك وأبتهـل فـي بدايتك=وجوارحـــي من خشيتك في رهـوبي
    يالله تشملنــا بعـــفــوك ورحـمتك=يامجير عبــدك مـن عـذاب اللهــوبي
    تجعـــل لنــا عنـدك مـقـرٍ بجنتــك=مـــن ماقـــفٍ صلّـب عبادك صلوبي
    وعنت وجيه الخلـق من شـد رهبـتك =وكلٍ على ذاك الوقوف مغصوبي
    يا سعود دقيت الضماير بدقتك=وتليتها تلت سريح الغروبي
    أغروب فــــلاحٍ سوانيــه فاتتك =وقصب أرشاها مع محال الخبوبي
    دقيت جوالك وزدتـــه بكلمتــك=وهزت مشاعر دالهين القلوبي
    عسى ترافقك السلامة برحلتك=وتسعد بحض العز مع كل صوبي
    أنام والقلب المعنى بصحبتك =مشغول معكم في جميع الدروبي
    يزداد من زود الليالي بسمعتك =ويصفق لك القلب الحنون الطروبي
    أزود من زودك ولا أرضى بخصتك=وأرقب على شؤنك وفوقي رقوبي
    إن ضامني بعدك وتأثير غربتك=ماني بمشماتٍ قريب الحضوبي
    أحرص على نفسك وواجب حكومتك=ورزقك على مدرج نسيم الهبوبي
    أتعب على جلب الفضايل لدولتك=وأد العمل بإخلاص وأحسن أسلوبي
    الدين حرزك والمروة شهامتك=وراسك على صعب الدروب معصوبي
    عليك شرهه للوطن قبل شرهتك=إن قصرت عنها يدين الخنوبي
    مارحت سواحٍ تمتع بجولتك=واجب وللواجب سياجٍ قضوبي
    باسلوبك الناضج وعرفك وخبرتك=تضرب بها السالب ويطلع وجوبي
    تحصل على طرح الهدف من عزيمتك=شمر عن الساعد تنال العجوبي
    صبرك على الشدة ركيزة جزامتك=بالعزم صخرات الحجارة تذوبي
    حسم الأمور مع الشدايد طماعتك=ولا ياصل الحروة حصانٍ جذوبي
    أحفظ شرفك أللي يشرف قبيلتك=وبقيمته عند الرجال محبوبي
    بالعلم وأفعالك ورايك وهمتك=تصبح بها عند الجميع محسوبي
    إن ما كسبت المجد في عز شبتك=ولا غدت دلوك رشاها ذبوبي
    الصبر والعفة مزايا قرابتك=بيت الشرف يمنع جميع العيوبي
    مهما يكون الدين مصدر كرامتك=دين السلام أللي يلم الشعوبي
    هو درعك الواقي لجسمك وصحتك=وحصنك عن أللي ينفخون الذروبي
    الصبر خله في مساعيك مهنتك=والكذب خله من نصيب الكذوبي
    تقواك للباري يعزز رجولتك=في ماقفٍ محدٍ عن أحدٍ ينوبي
    أبذل جهد قدام تأصل نهايتك=لو كان في سبل المكارم صعوبي
    بعض المناظر لا تغرك بنظرتك=تلفت نظرك ومثل نبت العشوبي
    أنهض ليا شفت اللوازم تنصتك=عن تركها مالك صدود وهروبي
    مالك عن المكتوب في لوح قسمتك=ولا يمنع الطالع مخاب الجيوبي
    الدين أمانة قدم وجهك بذمتك=الله يجيرك من جميع الذنوبي
    لا يخدعك لذة فراشك ونومتك=في ساعة فيها نجاح ورسوبي
    تراك محسود على رفع قيمتك=عساك من كيد الحسود محجوبي
    ما فيه شك إنك نزيه برغبتك=وعرضك شريف وللمراجل كسوبي
    ون ركزت نظرة عيوني لشوفتك=ضبيت جنحاني عليها ضبوبي
    خل الوفا بين المناعير سلعتك=تبقى لبوسلك على كل ثوبي
    عسى نشوف بقمة المجد رايتك=وأسكب لها ورد الطبيعة سكوبي
    أشوش من زودك وأزاعم بطالتك=وكني بعيطاً في مصيف الجنوبي
    عساك ما تحتاج مدة جماعتك=من فضل من يغفر خطا من يتوبي
    لقمة حلال تسد ثغرات حاجتك=عن منة أللي بالمجالس نصوبي
    أفهم معانيها بدقه ليا جتك=وخذ الحساب إلها على كل بوبي
    عسى تحكم نصها في مهمتك=وهبة لوافين الخصايل وهوبي
    أبدعت في نظم القوافي لحضرتك=ألذ من در الصعود محلوبي
    وضحاً رعت بالوسم بأطراف ديرتك=ولا رعت يم العلم والهضوبي
    أحضن قوافيها بصدرك وفرحتك=وشرع لها بيبان صدرٍ رحوبي
    تمت ومضمون القصيدة سلامتك=وسلام أحلى من غشين السحوبي
    خمسين بيتٍ سجلت في صحيفتك=وفي سجل شعار القصيد أعلنوبي[/poem]

    [align=center]وقدر رد عليه أبنه الشاعر سعود بن عجير العتيبي
    بهذه القصيدة[/align]

    [poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="double,7,crimson" type=0 line=0 align=center use=sp num="0,black"]
    يامرحبا ترحيب يرقا لهامتك=ترحيب مشتاقٍ لفوله غيوبي
    تحيةٍ عطرة لحضرة جنابتك=والمسك والعنبر عليها يذوبي
    وعسى ولي العرش يقبل بدعوتك=ويجير روحك ياعطيب الضروبي
    يابوي هلت عبرتي من رسالتك=وحضنتها في ما علا من جنوبي
    إرسالةٍ مضمونها من قريحتك=نضمتها وأندبتها لي ندوبي
    وحكمتها وأرزنتها من رزانتك=ونقدتها عن كل شئٍ يشوبي
    وحضبتها وأرويتها من خصوبتك=ونجبت جزلات البيوت الذروبي
    وأغلا الجواهر ما أحتوتبه قصيدتك=ألبستهـــا وأتحفتهــــا بالعـــذوبـي
    وعن ناقدين القول ترقا بنقوتك=وأنا على بدع القوافي نجوبي
    وهاجت بي أفكاري لتحقيق غايتك=وشهرت للي بالسنام أشهروبي
    وشاشت بي بيوتٍ صفت من صفاوتك=وسبحت معها مع حتين الغروبي
    وشرعت بيبان الضمير إلنصيحتك=وأسقيتها للقلب مثل الشروبي
    ويابوي ودعت الضماير وداعتك=ولا أنسقت مع درب الهواء في نحوبي
    في كل لحظاتي أراقب وصيتك=ما أنشبت نفسي في هواها نشوبي
    وبإذن الكريم إني ما أخالف ربوتك=وأسعدك وأسعد من وفوا واسعدوبي
    ويابوي عزي من معزة مكانتك=أسمك يشرفني ويرفع نسوبي
    أفخر إليا جابوا مجالك وسيرتك=سيرة شرف وافخر بها مع صحوبي
    حضيت من مهد الطفولة مودتك=وأنا لعسرات المراقي خطوبي
    ومنك أحتضنت العز وأصغي لحكمتك=وأوفي ونزهين الشوارب وفوبي
    وعهدٍ علي لأحفظ مكانة ريادتك=وأسكن مساكنها النحر والتروبي
    وعلمت نفسي من معالي نزاهتك=وقوم الغيا مع دربهم ما غووبي
    عشت بحياتي منهلي من مروتك=ما عشت فيها بالحيل والنهوبي
    هابتني العدوان من هول هيبتك=وعادت بهم جمع الهزايم سروبي
    شجاعتي ورثتها من شجاعتك=وحنا لصلفات الليالي طبوبي
    وكسبت منك أرقى المكارم بعفتك=وبها كريمين الجناب أمدحوبي
    أعلا صروح المجد وأحفظ وجاهتك=ولا همني أهل الحسد لو حكوبي
    على عروش القلب ترسي معزتك=لو غربتي تشعل بقلبي شبوبي
    رهنت روحي في مطالب زعامتك=أسهر ولو قوم الرخا ما دروبي
    أساير أحوالي وأسير بسياستك=ولا أحدٍ على سيرتك يلقى شذوبي
    واقف مواقيفٍ تشرف بوقفتك=وأفخر إليا من الرجال أنتخوبي
    أسلى بقربك وأتشرف بخدمتك=وبعدك يكدر شرب مايه بكوبي
    مع كاسبين الطيب سادة سيادتك=ووجبتهم في واجباتك وجوبي
    الطيب والشيمة مكاسب تجارتك=وحصنتها عن ملحقين الشهوبي
    من همتك ما يلحق الضيم جارتك=عطفك شمل ماهوب دوبك ودوبي
    فيك اقتران العز يشمل رحابتك=خليت عدوانك تزايد عطوبي
    جاوزت جيلك في مبادي صبوتك=ونزهت نفسك عن جميع الهزوبي
    وميزات نزهين القيم ما تعدتك=عسفتها واستيسرت لك رغوبي
    رمي الهدف ما أخطته دقة إصابتك=وأخذت صفوتها وعفت الصروبي
    حزت المراجل في شبابك لشيبتك=وعزيت عن مجلس عيال الخروبي
    وأنا على يمناك وأحذو بخطوتك=وأخفض جناحي لك بلينٍ وأدوبي
    يرتاح بالي في سرورك وراحتك=وضيقك أعده كربةٍ من كروبي
    وأنا على ما تطلبه رهن أشارتك=وأجلب حياتي دون روحك جلوبي
    وأشقى بروحي لأجل أحقق مسرتك=لو راحت أضلوعي من أجلك حطوبي
    وأنا مع أحرارٍ ربت تحت عزتك=أفخر بهم ياسيدي وافخروبي
    علمتنا من مبتدأ العمر خوتك=وحنا بمرحلة الصبا والهذوبي
    لو قلت عذبات الطواريق ما أوفتك=شخصك غني عن ما كتب فالكتوبي
    هذا وصفحتها رديفة لصفحتك=عسى تنال أرضاك في كل نوبي
    وأقبل تحياتٍ تعانق تحيتك=من شبلك اللي للمكارم طلوبي
    ولا يادهر ماني خضوعٍ لميلتك=أقسى من الفولاذ يادهر طوبي
    صارم بهوماتي وأقاسي صرامتك=من فضل ربي ما ألتفت للسبوبي
    رغم أنها تعيي المناعير قسوتك=خضتك ولاني عن مرامي قصوبي
    أعيش بأمجادي وأجنب متاهتك=وأغزي مع اللي فاللوازم غزوبي
    ويالله تقبل لي سجودي لطاعتك=وعفوك ولطفك في نهار عصوبي
    يافارجٍ لأيوب من سوء كربتك=أغفر خطاي وما كتب بمكتوبي[/poem]

    [align=center]وفي الختام لا يسعني إلا أن اشكر القائمين على هذا الصرح العملاق لقبيلة الشجاعة والفروسية (الهيلا)
    مع أملي أن تحوز هذه المشاركة على رضا من يقراها
    ودمتم بخير وسلام
    تحياتي للجميع
    ((((الحــــدب))))[/align]
  • الحدب
    عضو فعال
    • Nov 2006
    • 106

    #2
    [align=center]على العموم حصل مجاراة للقصيدتين السابقتين
    من الشاعر المعروف / محمد بن سمير بن بلاج العتيبي

    وسوف أحاول تسجيلها لكم

    في وقت لاحق إن شاء الله تعالى

    دمتم في خير


    أخوكم


    (( الحــــدب ))
    [/align]

    تعليق

    • سلطان الجـذع
      الإسطــوره

      • Jul 2006
      • 5673

      #3
      الحدب مشكور على الموضوع المميز


      وابشرك حازت على رضانا واكثر



      شكرا لك وفي انتظار جديدك

      تعليق

      • مرزوق حمدان العتيبي
        مشـرف عام
        • Nov 2003
        • 20403

        #4
        ...
        .

        بيض الله وجهك يالحدب
        مساجله رائعه صح لسان الوالد وابنه
        وصح لسانك يالقرم
        ....
        [align=center]
        [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
        فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
        حط حبه في كياني ماتغيّره السنيني = وانثني من دون عرضه بالذراع وباللساني[/poem]







        @Marzouq_MHD
        [/align]

        تعليق

        • الحدب
          عضو فعال
          • Nov 2006
          • 106

          #5
          [align=center][align=center]
          تم النشر في الأصل بواسطة { سلطان الجذع } عرض المشاركة
          الحدب مشكور على الموضوع المميز


          وابشرك حازت على رضانا واكثر



          شكرا لك وفي انتظار جديدك
          [/align]

          [align=center]شكراً على مرورك أخوي (سلطان الجذع)
          هذا من طيب ذاتك
          وعسى ربي يبشرك بالخير ودامت لك الأفراح

          وانتظروا ما يليق بهذا المنتدى الذي يتشرف من ينتسب له

          أخوك
          {الحــــدب}[/align]

          تعليق

          • الحدب
            عضو فعال
            • Nov 2006
            • 106

            #6
            [align=center]
            تم النشر في الأصل بواسطة مرزوق العتيبي عرض المشاركة
            ...
            .

            بيض الله وجهك يالحدب
            مساجله رائعه صح لسان الوالد وابنه
            وصح لسانك يالقرم
            ....
            [align=center]أهلاً بمدير الأدب

            شرفني مرورك الكريم
            [/align]

            [align=center]وصح بدنك يامروزق العتيبي
            ومنكم نستفيد يا شهم الصفات
            وسأبذل قصارى جهدي بما يرضيكم ويرضى زوار هذا الصرح الشامخ لقبيلة الكرم والجود
            أكرر شكري وتقدير لحضرتك[/align]
            أخوك
            { الحـــــــــــــــدب } [/align]

            تعليق

            • (أبو قحص)
              عضو
              • Jan 2007
              • 13

              #7
              [align=center]
              تم النشر في الأصل بواسطة الحدب عرض المشاركة
              [align=center]على العموم حصل مجاراة للقصيدتين السابقتين
              من الشاعر المعروف / محمد بن سمير بن بلاج العتيبي

              وسوف أحاول تسجيلها لكم

              في وقت لاحق إن شاء الله تعالى

              دمتم في خير


              أخوكم


              (( الحــــدب ))
              [/align]
              [align=center]أخوي الحدب الله لايهينك على هالنقل الموفق
              قصائد جميلة جداً من شعراء لهم كلمتهم الراقية بالمفردة العذبة

              بس لي عتب بسيط يا اخوي وين مجارات الشاعر محمد بن سمير بارك الله فيك ترا طالت السالفة

              ارجوا منك نقلها لنا ودمت بسلام

              تقبل عتبي عليك يا غالي[/align][/align]

              تعليق

              • محب الهيلا
                عضو ممـــيز
                • Nov 2007
                • 20292

                #8
                مشكور وماقصرت على القصيدة الرائعة

                تعليق

                • ابو عطا
                  عضو ماسي
                  • Oct 2007
                  • 975

                  #9
                  مشكوووور وبيض الله وجهك

                  سعدت بقراتها .

                  والله يوفق الولد ويطول بعمر شااايبة

                  تعليق

                  • القادم بقوة

                    رابطة محبي الهيلا

                    • Jan 2008
                    • 2463

                    #10
                    الله يسلمه
                    والله قصيدة تصلح لي لأنه نزل اسمي مع مبتعثي استراليا
                    أسأل الله التوفيق

                    تعليق

                    • عبدالله الجـــذع
                      مشرف منتدى قصه وقصيده
                      • Sep 2007
                      • 8093

                      #11
                      بصراحه قصيده محزنه بلاشكـ وجميله وتعبر عن أثر الغربه على الأهل..

                      الله يردهم جميعاا سالمين غانميــن يارب العالميــن..
                      قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                      .
                      قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                      فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                      .

                      موقع يضم جميع القراء


                      هنا

                      تعليق

                      • محمد بن غازي
                        مشرف عــام
                        • Jun 2005
                        • 5252

                        #12
                        مشكور يالحدب وصح لسان الشعراء وقصائد جزله كما عهدناهم والله يرجع ابو فريد بالسلامه .

                        تعليق

                        العمل...