من روائع الشاعر العلم عبدالمعين بن ثعلي

طي
X
 
  • التوقيت
  • إظهار
مسح الكل
المشاركات الجديدة
  • ماجد الرويس
    شـــاعــر
    • Dec 2005
    • 281

    #1

    من روائع الشاعر العلم عبدالمعين بن ثعلي

    [poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    عديت مجـدار علـى كـل مجـدار=عيطاً بديت بـراس عالـي وعرهـا
    ماواق في عالي حجـاه الاّ الاطيـار=وإلا السبـاع القـى مداهيـل اثرهـا
    إكرام عيـن تشتهـي مـد الأنظـار=فسحة نظـر للعيـن مـدّت نظرهـا
    وإن كان في مد النظر خير وأشـرار=ننظر لحـال وحـال عنـه نهجرهـا
    ننظر لدرب الخير نقصر عن الضـار=ولاخير في عيـن نظرهـا ضررهـا
    واقول من زيـن التماثيـل واختـار=واجنى من اطراف المثايـل ثمرهـا
    وماقل دل وكـل عـود لـه اثمـار=تثمر وحلو اثمارهـا مـن شجرهـا
    والفرق في طلع النوامي والاشجـار=من زيـن تربتهـا وحسنـى مدرهـا
    حولت منها امشي مع الدرب مـرار=مريـت منـزال البيـوت وذكـرهـا
    قلبٍ عليهـم كـن فـي داخلـه نـار=وعيـن عليهـم مستمـرٍ سهـرهـا
    سج القدم في منزل البيـت واحتـار=من صبح لين الشمس طبـت بحرهـا
    منزل بيـوت عطرهـا بـن وبهـار=واشناق حيل مـن خبرهـم خبرهـا
    سـلام يامنـزل طويليـن الاشـبـار=لـو مامكـان بيوتهـا إلا حجـرهـا
    منازل اللي تكرم الضيـف والجـار=مامـن يحـل بجالهـا إلا شكـرهـا
    خذولهم قيضـه ومشتـى ومصفـار=ومرباع لين العشبـة اقفـى زهرهـا
    وشافو لهم برقٍ علـى نجـد سمّـار=تحـت مطاليـع النجـوم وقمـرهـا
    شرقٍ مـن القبلـة مطاليـع الانـوار=غرب من العارض ضواحي هجرهـا
    يبون مربـاع مـن الوشـم ويسـار=واقفى ربيع العيـن واقبـل دهرهـا
    معهم عشيرٍ هوجر القلـب هوجـار=هوجار هوجـارٍ بروحـي هجرهـا
    روحه على روحي تسابيب واخطـار=اسبابـه المخطـر عقـد مؤتمـرهـا
    يشير عليه من الخطر حسب الاضرار=شقر القرون ومابـدى مـن نحرهـا
    تـاج عليهـن العماهيـج وشـعـار=ياشيخـة الخفـرات واهنـه جبرهـا
    اقفى وقفوا به هـل المجـد والكـار=شرب الدغش مـر الكبـود وكدرهـا
    وانـا بـدار وليّـن العـود مـن دار=لاكنهـا حجّّـه وكتـبـت عمـرٌهـا
    قلت النسب قالوا بدا يـدك والحـار=أولى بها من ربعهـا اللـي حجرهـا
    يالاد روق اللي لكم صيـت واذكـار=لاطـار عـج غبارهـا مـن وبرهـا
    وإن جاء لميدان الرمك عـج وقتـار=كـم حولـوا بمـدرعٍ مـن ظهرهـا
    تسببوا لي فيـه مـن كـل ماصـار=اذن عـيـنٍ يفـتـح الله بصـرهـا
    أمـا بدفـع المـال وإلا بالابـصـار=وإلا بصلب أريا الرجـال وظفرهـا
    مايقطع الفرجات من طـاع الاشـوار=ولاطوّع الاصعـاب مـن لاوطرهـا
    وإلا هي الدنيا على الضـار والبـار=مـن لا دمـر بنيانـهـا ماعمـرهـا [/poem]
  • نادر العش
    عضو مميز
    • May 2006
    • 407

    #2
    [align=center]..

    بيض الله وجهك يا شارب فنجال بوش


    وصح لسان عبدالمعين بن ثعلي ـ حفظه الله ـ



    قصيدة خالدة بالجزالة..



    أشكرك مرة أخرى[/align]

    تعليق

    • سهم العضيان

      رابطة محبي الهيلا

      • Feb 2006
      • 1171

      #3
      لاهنت
      وصح السان شاعر عتيبه والله يحفظه
      جزله من جزل
      التحيه

      تعليق

      العمل...