ديوان الشاعر / غازي بن مهنا الشيباني

طي
X
 
  • التوقيت
  • إظهار
مسح الكل
المشاركات الجديدة
  • عابـــــر
    عضو فعال
    • Mar 2005
    • 144

    #1

    ديوان الشاعر / غازي بن مهنا الشيباني

    أخواني أضع بين أيديكم بعض من قصائد الشاعر غازي مهنا الشيباني آمل أن تحوز على رضاكم ودمتم سالمين وياليت الاخوان ينسقونها .....
    -----------------------------






    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    جندت نفسـي لنفسـي عـن معاثرهـا=اخـاف مـن عثـرة تصعـب تواليهـا
    لعل ربـي علـى الاصـلاح يامرهـا=النفس تجهل وأخـاف ابليـس يغويهـا
    اخـاف تسـرح مـع الدنيـا تغيرهـا=اهـدي النفـس لـو كثـرة طواريهـا
    اتعب علـى السمعـة العليـا وادورهـا=وليا بغـت مسلـك الـزلات عاصيهـا
    ابـي لهـا المرجلـه مانـي بعاذرهـا=لـو المـراجـل تعيـبـات مراقيـهـا
    اقص الأمجاد وأمشـي مـع جرايرهـا=اتبع طريقـة رجـال الجـود وامشيهـا
    اغلي هل الطيب ماضيهـا وحاضرهـا=احـب عاداتـهـم مـانـي مخليـهـا
    واصبر ليا ضقـت ليـن الله اييسرهـا=لو خصني حاجـة للنـاس مـا بديهـا
    والهرجـة اللـي تعدانـي مـا فسرهـا=ولا شفق على كشفها مـن دون راعيهـا
    واتـرك سبيـل العـرب لله يدبـرهـا=تجينـي السالفـة ماكـنـي أوحيـهـا
    أقول مدري بهـا لـو كنـت خابرهـا=واللـي سألنـي يبيهـا قلـت ناسيـهـا
    وش لي وراء الناس يوم اجرح مشاعرها=الفتنـة الميـتـة مـانـي بمحييـهـا [/poem]


    **********




    [poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    كريـم يابـرق بعيـد سحـابـه=جعله على هاك المشاريف صباب
    جعله على المشقوق يسقي ترابـه=ويسقي سحيله والينوفي وعبـاب
    والهضب من سيله تدفق شعابـه=دار يحن القلب يمه ولـو غـاب
    دار بها تسمـع تعـاوى الذيابـه=فيها النبشتي ما يوقف على الباب
    منزال ربع كـل ابوهـم قرابـه=ما بين عم وخال ما فيهم اجنـاب
    قلبي كمـا دلـو تجـدد خرابـه=يقفي ويقبل بين غارف وجـذاب
    دلـي علـى عـد قليـل شرابـه=لاروى الهليك ولا لقا عنه مجناب
    شفي بمشقـوق جديـد خصابـه=فيه البيوت اللي تبنـا بالاطنـاب
    اخير من قصر الا صـك بابـه=اليا لفاه مسير مـن هلـه هـاب
    سلم الحضارة خاطري مارضابه=لكن اطيع الوقت والوقت غصاب
    كل على ما قيـل وقتـه مشابـه=وانا بوقتي سرت والكيف ما طاب
    قلب ذكر ما ضيه جـدد عذابـه=والراس من كثر التفاكير قد شاب [/poem]




    **********



    [poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ملبوس غيرك لـو لبستـه يعيبـك=وهرج بلا معنـا يعـود سماجـه
    ان كان حملك ما تشيلـه مناكبـك=اطلب جزيل المد وادعـه وناجـه
    لا ترتجي من واحد مـا يوجبـك=لو كان من دنياك مستـك حاجـه
    ترا كثير الناس لو كـان يعجبـك=سحاب صيـف مقتفيتـه عجاجـه
    ان شاف عندك شي حبك وقربـك=وان قل ما بيدك كثيـر احتجاجـه
    ان جدت له وده من الخير ينهبـك=واليا نصيته صد واخـلا مداجـه
    اليـا بدالـك لازم فيـه جنـبـك=وقدم عـذاره ليـن يلقـا خراجـه
    خل الردي من رفقته ويش مكسبك=خلـه بحالـه لا تعكـر مـزاجـه
    وقت السعه لا غبت مـره يعاتبـك=والا بوقت اللازمـه مـا يواجـه
    انصى الرفيق اللي ليا ضاق حاجبك=لا جيت يمه قام يضحـك حجاجـه
    يفرح من افراحك ويجزع لصايبك=وعلاج ضيمك لا تصعب اعلاجه [/poem]



    **********




    [poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياللي على الماضي توجد من اليـاس=تبكي على الماضي وبالصدر ضيقـه
    انس الزمان اللي عليـه الدهـر داس=مـن يرجـع ايـا الشبـاب العتيقـه
    وان هب لك من صاف الوقت نسناس=خلك بدرب الجـود رجلـك طليقـه
    وان شفت ناقل شيخة مالهـا سـاس=سـراب صبخـا لا يغـرك بريقـه
    عزك من الله ماش عز ورا النـاس=مكن ايدينـك مـن عـراه الوثيقـه
    وارفع مقام النفس عن درب الادناس=والا تـرا ضلـع الندامـه تويـقـه
    ترا دروب الهون ماترفـع الـراس=اسـأل مجـرب يخبـرك بالحقيقـه
    واختر لنفسك مع هل الجود مجـلاس=وراع الردا والخبث جنـب طريقـه
    ترا دروب الهـون مافيـه نومـاس=والطيب حملـه كايـد مـن يطيقـه
    ومن طاوع الشيطان يبشر بالافلاس=من طاوع الشيطان يصبـح رفيقـه
    ابليس لايغويك فـي كـل وسـواس=ويرميك في موج البحـور العميقـه [/poem]


    ***************



    [poem=font="Simplified Arabic,5,chocolate,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    البارحه في منامي هـاض هوجاسـي=من ضيقة في الضمير أخفي مرامسها
    تحز في خاطري واخفيت الارماسـي=من عام الاول وانا في بالي ادرسهـا
    اتعب علـى بنيهـا واجـود الساسـي=واخـاف وادرا الليالـي لا تنكسـهـا
    واكن في ضامري لاتـدري الناسـي=واهدي النفـس والاسـرار حابسهـا
    ابصر بحالي واكيل العلم من راسـي=وهدوم غيري من العـازات مالبسهـا
    والرجل أجنب بها عن بهض الاجناسي=واسكـر الاذن لاتسمـع وساوسـهـا
    ما كني اوحي خبر لو كـان حساسـي=بعض السوالف ترا السمعـه تدنسهـا
    وان شفت ماعفت ما طول بمجلاسـي=وسراقت الهرج ما جلس في مجالسهـا
    تمضي الليالـي جديـدات ومراسـي=محمد كشف غيب الايـام ودسايسهـا
    دنيـا تبـذ الخفـا وتليـن القـاسـي=لو ربحة نـاس ابـه نـاس تفلسهـا
    صار الحصيني بها والذيب متواسـي=نفسـه تهقويـه ويحـاول ينومسهـا
    وابوحقب في زمانه صـار قرناسـي=يشره على ذبحة الصيـده ويفرسهـا [/poem]



    ****************





    [poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    طال الزمان وشيب الراس ما رتحت=توميبـي الأيــام مـنـا ومـنـا
    وأن مسني حاجه بالأسرار ما بحت=ويـم الوجيـه الهابيـه مـا تعنـا
    أثر العرب ما تلتفت فيك لو صحت=ألا كريـم (ن) مـد جـوده شملنـا
    أمسيت في ديره وفي ديره أصبحت=وعيا الزمن ما طاع غـازي مهنـا [/poem]



    ******************




    [poem=font="Simplified Arabic,5,tomato,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    أمشي بحكم الوقت والله عويني=نوب غني ونوب مخباي خالي
    ما تصفي الدنيا على كل حيني=ولا حدن من الدنيا سليم وسالي
    بالحظ والمقسوم عندي يقينـي=الوقت حكمه ما يطيع الرجالي
    ولو بالتمني ما طلبته يجينـي=بنيت قصرا على الدرب عالي
    وما دام ما تعطي شمالي يميني=ما فادني عمي وفزعة خوالي
    رزقي من الله كاتبه في جبيني=لو اشتكي للناس ما حدن بكالي
    أصبر ولا بد المخفى يبينـي=ما ني ببين للعرب ما جرالـي[/poem]



    ******************




    [poem=font="Simplified Arabic,5,deeppink,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    فكرت في دنياي بالعرض والطول=وأصبح خطاها ما يساوي نصفهـا
    لو طاب لي في عيشها كل ماكـول=كيف أهتني في تمرها من حشفهـا
    تضحك لنا الايام والغيب مجهـول=واتعبت نفسي مـا تحقـق هدفهـا
    نفسي لها هومات وتصول وتجـول=ولا بـد دورات الزمـان تعسفهـا
    لو أشرب الصافي قراح ومزلـول=كـم شربـة للكبـد تنكـر عدفهـا
    أسمع وانا قلبي عن الهرج مقفـول=وفي صدري الأسرار ما احد كشفها
    لو تعجبك يمناك والزنـد مفتـول=لا بد مـا الايـام تثبـت ضعفهـا
    تصفي لك الايام ساعـات وتـزول=لو مهلت لك منك تخلـي طرفهـا
    كم واحد كنه عن المـوت مكفـول=واقفا وباقي عملتـه مـا صرفهـا
    وش عاد لو عمرك يكمل مية حول=من شاف تاليـة النهايـة عرفهـا
    أعرض عن الزلات وابعد عن القول=وخالف هوا نفسك ونـزه شرفهـا
    وترا الطريق اللي عن العدل معزول=أمـا يهيـن النفـس ولا حرفـهـا [/poem]



    *******************




    [poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    القلب له غفلات في بعض الاوقات=واليا انتبه نطيت روس الشواهيـق
    يجيه هاجوس الضحى عشر مرات=من كثر ما يبدي على الرجم ويويق
    عليـك ياساكـن ديـار بعيـدات=اللي عطاني عهد منـه ومواثيـق
    ودي بقربـه والليالـي معـيـات=يا ما عصن قبلي رجال مطاليـق
    اخذت لي في ماضي العمر سجات=سجات عني تبعد الهـم والضيـق
    واليوم طاروق الهواء بيننا مـات=باقـي هوانـا نتركـه للعشاشيـق
    عايش على ذكرى الزمان الذي فات=وضاق الضمير اللي سدوده مغاليق [/poem]


    *****************
  • سطام الرويس
    عضو فضي
    • Nov 2005
    • 203

    #2
    الله لا يهينك
    وصح لسان الشاعر
    مع ان القصائد تحتاج لتنسيق الا انها رائعه
    وشكرا على نقلك الرائع...........

    ملاحظه...........
    اذا كتبت الشطر الاول حط نقاط لين تبدا في الشطر الثاني
    ونسقها بتطويل الكلمه عن طريق shift وحرف التاء

    تعليق

    • يوسف عبيد
      عضو ماسي
      • Dec 2004
      • 487

      #3
      صح لسانك ولسان الشاعر غازي الشيباني

      تعليق

      • ابو غازي
        مستشار المنتدى
        • Feb 2003
        • 2315

        #4
        بيض الله وجهك ياعابر على هذه المشاركة
        وقد تم تنسيق القصائد

        تعليق

        • عتيبي نجد
          عضو فعال
          • Jan 2005
          • 136

          #5
          صح السانك ياعابر والسان الشاعر الكبير غازي بن مهنا الشيباني

          تعليق

          • ابن مشيب
            إدارة أقسام القبيلة
            • Nov 2002
            • 9791

            #6
            [align=center]صح السان الشاعر الكبير والإعلامي المعروف/ غازي بن مهنا الحفري الشيباني , واسئل الله ان يشفيه وان يكون مااصابه طهور إن شاء الله.

            وسلمت يداك على كتابة هذا الديوان الرائع ياعابر



            تحياتي[/align]

            تعليق

            • عابـــــر
              عضو فعال
              • Mar 2005
              • 144

              #7
              اشكر الجميع على مرورهم الكريم وصحة أبدانكم وجميع وأشكر أخوي ابو غازي على التنسيق الأكثر من رائع ودمتم سالمين ................

              تعليق

              • أبو الوليد
                شـــــــاعر و أديـــب
                • Aug 2004
                • 2326

                #8
                مشكور يا عابر
                قصائد رائعة وجزله
                صح لسانك ولسان الشاعر
                غازي بن مهنا الشيباني
                تحياتي
                https://twitter.com/abalwled


                [poem=font="Simplified Arabic,6,white,normal,italic" bkcolor="transparent" bkimage="backgrounds/21.gif" border="double,4,green" type=2 line=1 align=center use=ex num="0,black"]

                عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات
                أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ[/poem]

                تعليق

                • عابـــــر
                  عضو فعال
                  • Mar 2005
                  • 144

                  #9
                  صح بدنك يابوالوليد وشاكر مرورك تحياتي ،،،،،

                  تعليق

                  العمل...