تركي بن حميد...والسهر

طي
X
 
  • التوقيت
  • إظهار
مسح الكل
المشاركات الجديدة
  • عتيبي معاصر
    عضو ماسي
    • May 2006
    • 546

    #1

    تركي بن حميد...والسهر

    [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

    تلعب طرب وانا بنومي هواجي=ماسامرك بالليل كثر الهمومي
    أسهر إلى نامت عيون الهداريس=بالليل أساهرساهرات النجومي
    أونس بقلبي مثل صلي المحاميس=الله يلوم اللي لحالي يلومي
    قالوجهلت وقلت جهل ٍ بلاقيس=الجاهل أللي مايعرف اليمومي
    أشوف عدلات اليالي معابيس=ولأحد ٍ من الدنياعظامه سلومي
    ماينبني بنيان من غير تاسيس=ومن لاتعلم ما تثيب العلومي
    ولاخير في كثر الحكاوالتماليس=وقول ٍ بلافعل ٍ يجيبه وهومي
    واليا ركبت إمعالجات المضاريس=يبردعلى كبدي لهيب السمومي
    بالليل أصالي حاميات المحاميس=والصبح أصالي كل قبّا وكومي
    وأقفن بنا مثل النعام المماريس=إلى هف عجل ٍمع رفيع الحزومي
    نستلحق أللىّ يطلبون النواميس=أللىّ من الاقصين وأدنا اللحومي
    ولومي على أللي ينقلون العبابيس=أهل الفرنج وكل رامي لحومي
    وشلف ٍ تركب بالرماح الأناسيس=وسلت المهار وكل قبا قحومي
    والعز فوق معسكرات السواديس=إلى قصدت اللي بالاشيا رحومي
    قب ٍتنازا بالنشاما كراديس=والطير في روجاتهنه يحومي
    إن جن بالميدان مثل الدواويس=وتعاقبوا من فوقهن السهومي
    عرِّج بهلهن كنهن القرانيس=على الطريح مصوبرات ٍ كضومي
    حتى يزين إلنا المثل والتوانيس=والكيف طاب لمن يفك القحومي
    ومن لايقلط شذرة السيف والكيس=يصبح عليه من الليالي ثلومي
    ومن لايدوس الراي من قبل لاديس=عليه دا سوه العيال القرومي
    ومن لااخذ الدنيا بميز ٍ وتقييس=مثل الذي يسبح ببحر ٍ يعومي
    كلّ القلم من كتبنا بالقراطيس=وركابنا من كثر الادلاج تومي
    وشيخ ٍ لنا يعطي الفقارى المفاليس=عساه بالدنيا بعز ٍ يدومي
    حر ٍ ليا دبت عليه النواميس=إليا اعترض جول الحباري صرومي
    اليا اكترب من بعض الاشيا سبابيس=أعزم ولا بد الفرج للعزومي
    ثوب الفرح لبسك نظيف الملابيس=إن قيل بايام الكرب والزحومي
    واعمل وتلقا وفهم العلم بالقيس=دنياك لو زانت تراها نقومي
    تضحك وتخفي لك خفي الهناديس=تفطر لنا يوم ٍ ويوم ٍ تصومي
    أربع اسنين ودمع عيني أماريس=العين تسهر كن فيها الهزومي
    يجلى صدا قلبي ضبيح المهاريس=لاجاك شراب الحشايش يعومي
    ودلال فوق النار دايم محابيس=إكرامهن دايم علينا لزومي
    ابهارهن عشر ٍ بليا دنافيس=كيف يعدى للنشاما القرومي
    عده لحماي الجياد المراويس=والا الحصان اللي بقيده يهومي [/poem]
  • سهم العضيان

    رابطة محبي الهيلا

    • Feb 2006
    • 1171

    #2
    الله الله يا سلام رائعه من روائع الشيخ تركي
    وتشكر على النقل يا عتيبي معاصر
    وتقبل التحيه

    تعليق

    • مؤمن
      مراقب سابق
      • Mar 2006
      • 1080

      #3
      ولاخير في كثـر الحكاوالتماليـس
      وقول ٍ بلافعـل ٍ يجيبـه وهومـي


      رحم الله شيخنا واميرنا الراحل تركي ابن حميد



      اخوي عتيبي معاصر

      جهد تشكر عليه الله يعطيك العافية

      تعليق

      • عتيبي معاصر
        عضو ماسي
        • May 2006
        • 546

        #4
        سهم العضيان

        الله يعافيك وتشكر على توصلك

        في الردود

        تعليق

        • عتيبي معاصر
          عضو ماسي
          • May 2006
          • 546

          #5
          اثلث

          الله يعطيك العافيه وتشكر

          على مرورك الرائع

          تعليق

          العمل...