عتبـان يزبنهـم كبـيـر الجنـايـه / الشاعر الكبير / كديميس العصيمي

طي
X
 
  • التوقيت
  • إظهار
مسح الكل
المشاركات الجديدة
  • فيصل المسعودي
    مشرف عام
    • May 2005
    • 8296

    #1

    عتبـان يزبنهـم كبـيـر الجنـايـه / الشاعر الكبير / كديميس العصيمي

    للشاعر الكبير / كديميس العصيمي العتيبي


    [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    هـات القلـم ياللـي تجيد القـرايـه=واكتب على الصفحه بيانن بتفصيـل
    للي حذف لـه هرجتـن فـي قفايـه=والهرج له سامـع وراوي وتسجيـل
    وللـي يبا رايـي تبـيـع ٍ لـرايـه=يقـول برنامجـك يحتـاج تعـديـل
    قلـه تـرى مانيـب شاعر دعـايـه=ولاخذعلى نظم القوافـي محاصيـل
    مـالـي بتـرويـج القصايد هـوايـه=ولالي هدف في كثرة القول والقيـل
    الا ليـا زادت عـلـوم خصمـايـه=وكثرت بصندوق البريـد المراسيـل
    والحذف من دونـي وشـيٍ ورايـه=وغنتبهـا فـوق الجريـد البلابـيـل
    رفعت لي من بيـن الاعـلام رايـه=وللبيت عمدانـه وللحـرف تحليـل
    وضربت مابيـن العيـون بعصايـه=لابان غيض هـل القلـوب المغاليـل
    وليا ركـب فـوق المحالـه رشايـه=يبـا يدلـن الجـمـال الجـواديـل
    والمجتمـع يحكـم علـى مستوايـه=لا جاء المجـال وميـزوه الريجيـل
    وفالناس شاياتـن وانـا فـي شايـه=مانيب عن واجب هل الواجب بخيـل
    اقـوم بالواجـب بمعنـى العنـايـه=واعرف مقام البدر والجدي وسهيـل
    واعرض عن المعرض وراع الوشايه=ولانيب اصد عن الوجيـه المقابيـل
    ولا يشتكـي منـي رفيقـي خطايـه=وصديقي اصدق معه لو طول الطيل
    مـدام واف ٍ لـي يحصـل وفـايـه=رفقة شرف مـا يعتريهـا عراقيـل
    وقومي هل المعروف واهل الرعايـه=للواجبـات اللـي عليهـن دوالـيـل
    عتبـان يزبنهـم كبـيـر الجنـايـه=لا مالقـى عنـد القبايـل مداخـيـل
    يـوم الحرايـب يحكمـون الرمايـه=لا جاء المفاهم من خشـوم المفاتيـل
    يـوم القبايـل عندهـم نجـد غايـه=والا امتـداده معتلـج قـرح الخيـل
    وسنا الاسنه مثـل شمـس المرايـه=بهجـنٍ مشاويـحٍ وخيـلٍ مشاويـل
    اخذوا على المثنـاه صـك الولايـه=من محكمة حدب السيوف المصاقيـل
    وصارو لها عن كل طامـع حمايـه=ومن دونها شربوا رهيـب الفناجيـل
    شرقـي منازلهـم بـلاد الفـوايـه=وغربي منازلهم بلـد محبـس الفيـل
    وفيهم الى شـان الزمـان ارتكايـة=وقت القسا مثل الجمـال المحاميـل
    اليا صار في بعض الرجال التوايـه=تبينـوا لـمـدور الـبـن والهـيـل
    وحيل ٍ عليهن الشحـم تقـل صايـة=وكلامنا احلى من شـراب الشهاليـل
    ويكفي عـن الشـرح الكثير الروايـة=مصـادر التاريـخ فيهـا التفاصيـل
    ومدام هـم قومـي وسـاس انتمايـه=وعضدي الى صكت علي المحابيـل
    وشلون اجنّب عن طريق اعضدايـة=والـدرب مرفوعـه عليـه القناديـل
    ومن لا اهتدى بآثـار الأقـلام تايـه=اللي تقـص اخبـار جيـل بعدجيـل
    للمهتـدي يابـيـن درب الهـدايـة=والمنحرف لو كان يعطـى درابيـل
    يمشي علـى عميـاه حتـى النهايـة=والى انتهى دارت عليـه المحاحيـل
    عميـت ماخصيـت راع الحكـايـة=وان عاد علمناه مـن سـاري الليـل[/poem]
  • شامان
    عضو ماسي
    • Dec 2005
    • 573

    #2
    صحّ لسانك ولسان العصيمي .. وبيّض الله وجهك ..

    ولا يستغرب أن نجد منك كل جديد وممتع .. اليك منّي كلُ إحترامٍ وتقدير ..

    تقبّل تحيات أخوكـ/ أبوشمروخ الحافي ......

    تعليق

    • أبو نجر النفيعي
      مشرف سابق
      • Jun 2006
      • 6683

      #3
      مشكووور

      على النقل الرايع

      يافيصل المسعودي

      وصح اسان شاعرها



      وتقبل تحياتي



      ^^
      .....




      تعليق

      • شيباني للأبد
        شـــاعــر
        • May 2005
        • 116

        #4
        [align=center]لاهنت اخوى/ فيصل المسعودي..

        وصح السان القرم الشاعر الكبيررر (( كديميس بن صالح العصيمي ))

        ولاهي مستغربه على صعوووط المجانين...

        وتحياتي[/align]

        تعليق

        • ابـن نـعـيـس
          مشرف سابق
          • May 2005
          • 5666

          #5
          صح لسانك ولسان النجم كديميس


          لاهنت يالغالي


          تحياااااااااااااااااااااااااااااااتي
          [align=center][/align]

          تعليق

          • الفراهيدي
            مشرف سابق
            • Jan 2005
            • 3188

            #6
            صح لسانك

            لاهنت على النقل

            وصح لسان

            الشاعر الكبير / كديميس العصيمي العتيبي


            AL-frahedi@hotmail.com


            تعليق

            العمل...