قصيدة للشاعر/حبيّب العازمي فى الشيخ/عبدالمحسن التوم

طي
X
 
  • التوقيت
  • إظهار
مسح الكل
المشاركات الجديدة
  • الفراهيدي
    مشرف سابق
    • Jan 2005
    • 3188

    #1

    قصيدة للشاعر/حبيّب العازمي فى الشيخ/عبدالمحسن التوم

    قصيده للشاعر العلم / حبيّب العازمي في مدح عبدالمحسن التووم بعد جهده
    بالوجه والجاه في عتق رقبة ثلاثة اشخاص ابتليوا بقضيّة قتل ..




    [poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    سلام الله على زبـن الدخيـل مـورد الهيـاب=عقيـد القـوم قايدهـا ليـا رفـت بيارقـهـا
    ليا شبـت شبايبهـا ودقـت طبلـة الحـراب=حضوره يفرح الصدقـان والعـدوان يشرقهـا
    هـذا التـوم مـع الأصـحـاب والأجـنـاب=طلع صيته مثل شمس الضحى من يم مشرقهـا
    على وضح النقا بادي ٍ بصيته عالي المرقـاب=وثيقة مجـد فالماضـي وفالحاضـر موثقهـا
    ليا جات اللزوم الحاضيه حضر فيهـا ماغـاب=ومـن طيبـه ولـو تكثـر مطاليبـه يحققهـا
    صليب الراي حلال المشاكـل معتـق الأرقـاب=ثلاث أرقاب مرهونه لحـد السيـف وأعتقهـا
    بذل ماله وجاهه ليـن حررهـا مـن الأجنـاب=ونـال الطيبـه والطيبـه قـدمـه مسبقـهـا
    هذا الحصن الحصين لمن جالـه ذرا وحجـاب=بإرادة من يفرجهـا علـى العبـد ويضيقهـا
    ليا منه بذل جاهـه بجاهـه يـدرك الأسبـاب=ولا ياكـم نـاس ٍ ورا البيـبـان وأطلقـهـا
    أحد مبلي بـلاه الله بدعـوىً مالهـا مجنـاب=تحملهـا وقـام أبهـا وهـو ماهـو بطايقهـا
    وتخلـوا عنـه ربعـه وصـك دونـه بــاب=ودونـه واحـدٍ مـن دونـه البيبـان مغلقهـا
    مالـه جـدا ألا عضـة الإبـهـام بالأنـيـاب=وقع في مشكلـه والمشكلـه طالـت طرايقهـا
    ولولا فزعة اللي فزعتـه يحسبلهـا بحسـاب=خطير أنـه يقضـي العمـر فيهـا مايفارقهـا
    لكن الله فرجلـه يـوم جـاه مفكـك الأنشـاب=بعد جـاه الخصيـم اللـي للأخصـام يرهقهـا
    وخاصم دونه الأخصام وساند دونهـم بعتـاب=وجابه مـن ورا البيبـان والأخصـام خلقهـا
    وأحد مطلوب دين ولا معـه مايوفـي الطـلاب=تمادى لان روحه في حـلال النـاس وهقهـا
    وأحد من قلت الدنيـا وقـل المراجـل شـاب=مغيـر أتصافقـه دنيـاه بالفقـر ويصافقهـا
    وجا الأول مع الثاني لراع الجـود والترحـاب=كريم ٍ فالكـرم لـو يجمـع الأمـوال ينفقهـا
    وعطاهم من حلاله عقب ضيفهم ثلاث وجـاب=وكـل ٍ راح ويديـه مـن الخيـرات مغرقهـا
    هذا موجز ملخص عن فعول معـرب الأنسـاب=فعول ٍ يدري الأدنى والأقصـى عـن حقايقهـا
    حقايق والحقايق مثـل نـور ٍ فالدجـا جـذاب=يدل اللـي تضيـع فالـدروب وفـي مفارقهـا
    أقوله والعرب تدري عن الصادق من الكـذاب=ونـاس ٍ تدعـي بالـزور ربـي مايوفقـهـا
    ضعيفين النفوس اللي يبيعون الزمـن بتـراب=على شان اللحايـس فالبلـد شبـوا حرايقهـا
    يثيرون الفتن ويلاحقـون النـار بالمشهـاب=وهم مامنهـم اللـي كلمتـه بالحـق ينطقهـا
    ولا منهم ولا واحد حضر فالماقـف الغصـاب=علايـق والعـرب ماهـم فيهـا ألا علايقهـا
    لكن الروس دايم روس ماتقرن مـع الأذنـاب=وروس العرب تعرف ولـوا ماتقـرا بطايقهـا
    ولا ياكم رمي ٍ علـى غيـر السنـع ماصـاب=عوافي يارمـاةٍ لـو رمـت هطـفٍ بنادقهـا
    لكن بعض الدعاوي مالهـا قـاري ولا كتـاب=خطيه والخطيـه تعشـق المخطـي ويعشقهـا
    ومن جاب الخطيه على راسه جالها مضـراب=قبل ياصفها على غيره علـى نفسـه يطبقهـا
    سوى أنه من حدا الأقصين ولا من حدا الأقراب=علوم مسيلمه الكذاب ما أفلـح مـن يصدقهـا[/poem]





    وسلامتكم


    AL-frahedi@hotmail.com


  • سهم العضيان

    رابطة محبي الهيلا

    • Feb 2006
    • 1171

    #2
    صح السان الشاعر العلم حبيب وصح السان نا قلها
    وما قصرت يالفراهيدي على النقل الجميل والفين نعم بشيخ الحفاه بني عمنا وما هي غريبه عليهم البطولات

    تعليق

    • السّامي
      عضو فضي
      • Aug 2005
      • 262

      #3
      الله يـعـطـيـك الـعـافـيـه

      وصـح لـسـان شـاعـرنـا الـكـبـيـر حـبـيـب الـعـازمـي

      قـصـيـده جـزلـه

      والـنـعـم فــي شـيـخ قـبـيـلـة الـحـفـاه (الــتــــــــوم) غـنـي عـن الـتـعـريـف


      تـحـيـاتـي لـك يـالـغـالـي اخـوكــ الـنـفـيـعــي_الــنـيـــــــر

      تعليق

      • أبو مرحبا
        مشرف عــام
        • Jan 2005
        • 8037

        #4
        الفراهيدي


        صح السانك والسان الشاعر الكبير حبيب العازمي


        لاهنت على النقل
        [align=center]



        [/align]
        [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
        [align=center][/align]

        تعليق

        • الأمــير

          رابطة محبي الهيلا

          • Aug 2005
          • 5162

          #5
          الفراهيدي


          صح لسان حبيب


          وشكرا على النقل

          والنعم والله في ابو غازي الله يرحمه

          تعليق

          • ابن مشيب
            إدارة أقسام القبيلة
            • Nov 2002
            • 9791

            #6
            انعم واكرم بالحفاة وفي الشيخ التوم , قبيلة عرف رجالها بالشجاعة والشهامة , قصيدة رائعة , والاروع انها من الشاعر الكبير حبيب العازمي , سلمت وسلم بنانك يالفراهيدي



            تحياتي

            تعليق

            • ابـن نـعـيـس
              مشرف سابق
              • May 2005
              • 5666

              #7
              صح لسانك ولسان ابو فيصل


              والله وسبعه انعام بالتوووم وبالحفاه كلهم




              لاهنت



              تحياااااااااااااااااااااااااااااااااتي
              [align=center][/align]

              تعليق

              • الفراهيدي
                مشرف سابق
                • Jan 2005
                • 3188

                #8
                سهم العضيات

                النفيعي النير

                قخص

                ذيـــب الحنــابج

                ابن مشيب

                ابن نعيس



                صحت ابدانكم

                وشكرا على المروركم الكريم

                تحياااااااااتي


                AL-frahedi@hotmail.com


                تعليق

                • أبن مسلم
                  شـــاعــر
                  • Apr 2006
                  • 415

                  #9
                  [align=center] الفراهدي

                  صح لسان أبوفيصل


                  والتوم شيخ ويستاهل المدح


                  وسلمت يمينك على نقل هذه الدره


                  تحياتي
                  [/align]

                  تعليق

                  • الفراهيدي
                    مشرف سابق
                    • Jan 2005
                    • 3188

                    #10
                    أبن مسلم


                    صح بدنك.. مشكورر على مرورك


                    تحياااااااااااااتي


                    AL-frahedi@hotmail.com


                    تعليق

                    • الزائري
                      عضو
                      • Sep 2005
                      • 8

                      #11
                      [align=center]

                      شاعر مبد ع كعادته


                      ويتواصل العطاء من شعراء عتيبة الأفذاذ



                      سلمت يمينك أخي الفراهيدي[/align]

                      تعليق

                      • الأمــير

                        رابطة محبي الهيلا

                        • Aug 2005
                        • 5162

                        #12
                        تسلم يالفراهيدي







                        والى الاماااااااااااااااااااااااااااااااااااااااام سر

                        تعليق

                        • الفراهيدي
                          مشرف سابق
                          • Jan 2005
                          • 3188

                          #13
                          الزائري

                          مشكرا على توزاااصلك لاهنت

                          تحياااااااتي


                          AL-frahedi@hotmail.com


                          تعليق

                          • مهنـا العتيبي
                            عضو ذهبي
                            • Nov 2010
                            • 305

                            #14
                            رحم الله ابو غازي

                            علم من اعلام الجزيره

                            تعليق

                            • احمد منير الواصل
                              عضو ماسي
                              • Mar 2009
                              • 945

                              #15
                              والله ونعم بتوم وبالحفاه كلهم شلوة الكفار
                              وصح لسان الشبح /ابوفيصل قصيده من اجمل القصايد

                              تعليق

                              العمل...