مدح في قبيلة عتيبه

طي
X
 
  • التوقيت
  • إظهار
مسح الكل
المشاركات الجديدة
  • الجمش فوق الرمش
    عضو
    • Jun 2006
    • 6

    #1

    مدح في قبيلة عتيبه

    الشاعر/محماس بن شميسان العتيبي
    من غير نقص بحق باق القبايل :: يا سعد من ربعه قبيلة عتيبه : مدح في قبيلة عتيبة

    [poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
    من غير نقص بحق بـاق القبايـل=يا سعد من ربعـه قبيلـة عتيبـه
    أهل الصخا والجود وأهل الجمايـل=وأهل المواقف فالظروف العصيبـه
    قوم لهـم روس المعالـي ذلايـل=بأيمانهم تنسـاق سـوق النجيبـه
    ذباحة الحايـل عمـى كـل عايـل=من وصفهم فيهم سماحـه وهيبـه
    تاريخهم يروي عطـاش المثايـل=ماضي وحاضـر فعلهـم ينحكيبـه
    لو نستمد مـن السنيـن الأوايـل=شي موثق مـا دخـل فيـه ريبـه
    نأخذ من الواقـع خيـار الدلايـل=المعجم اللي قسمهم مـن غريبـه
    يوم المراجـل بالهمـم والصمايـل=حضارهم يكفـون مـن فالمغيبـه
    مضالهم صولات فـوق الأصايـل=يوم المصيبـه تنتهـي بالمصيبـه
    ليا ولعوا للحـرب روس الفتايـل=هداتهم في مـن حربهـم غضيبـه
    مركاضهم يرم العشـاء للمخايـل=وسهومهـم دم العـدا ترتويـبـه
    وإن عصبوا للروس دون الجلايـل=يا ويل من عوب الظنـون تهويبـه
    سطواتهم تقعد صغـى كـل مايـل=إما رضي تمضي عليـه الغصيبـه
    كم جمع سلطـانٍ عليهـم تهايـل=جمـعٍ مـدورة الطمـع تلتجيبـه
    أقبـل وقفـى بالهزيمـه شلايـل=عقب الطمع منهـم قنـع بالغليبـه
    ويوم إن جيش الترك صايل وجايل=خاضـو طوابيـره كتيبـه كتيبـه
    وجايلمن فعلهم شاف النظام الهوايل=وعدّل عن أهدافٍ براسه غصيبـه
    وغيره وغيـره منجـزات جزايـل=كـم ميسـمٍ جابـه عـدوٍ كويبـه
    واللي بعد حاول بشتـى الوسايـل=كم ساق دقلات الجمـوع المهيبـه
    خمسين من زيزوم بـرزان حايـل=ما رجحت ميزان منغـص حريبـه
    منهم حدت دهم الجمـوع الفعايـل=مـا طمنـوا هاماتهـم للضريبـه
    ياما ويامـا بـردوا مـن غلايـل=وكم طوعوا بالفعل روس صعيبـه
    في نجد تشهد مقفـرات الخمايـل=وتشهد لهم هوجه ويشهـد جذيبـه
    مروين عطشان القنـى والسلايـل=يـومٍ كـل مـا فعـل ينجزيـبـه
    وان قربت شهب السنين الحفايـل=تندى يديهـم والجوانـب خصيبـه
    يبدون للعانـي حجـا كـل طايـل=رجالهـم مـا يدخـر مـا بحيبـه
    ودخيلهـم هـمٍ يعانـيـه زايــل=أدنـى عتيبـي فالكـرب يعتزيبـه
    مزبان من ضاقت عليـه الوسايـل=بالعز صـرح امجادهـم يعتليبـه
    لو إن سهره من عنا الوقت طايـل=اليـا زبنهـم مرقـده يهتنيـبـه
    عن الخوي فزعاتهـم مـا تمايـل=وحق القصيـر سلومهـم تعتنيبـه
    عتبان فيهـم وافيـات الخصايـل=ميزاتهم في كـل منهـج عريبـه
    عنهم كتبت مـن الكثيـر القلايـل=في ما مضى يا أهل القلوب اللبيبه
    قبل يلـم الشمـل يبـس البلايـل=عبد العزيز اللي عسـى الله يثيبـه
    جاها وسكـان الجزيـره سحايـل=جازف عليها وأصبحت من نصيبـه
    وحنا على البيعه وننفـى البدايـل=مـن طبعنـا وال أمرنـا نقتديبـه
    واليـوم نوفـي حقنـا والمكايـل=وطيـبٍ بدينابـه نبـي ننتهيـبـه
    ماضي وحاضـر حقنـا فالزلايـل=ما صار في منهاجنـا مـا يعيبـه
    عتبـان رمـزٍ للكـرم والجزايـل=والعرف والعفه والأرياء الصليبـه
    فالمدن ما أحرف مجتمعهم دخايـل=مجالـس تلفـى وجلسـات أديبـه
    والضيف للترحيـب والقـدر نايـل=غير المناسـف والـدلال الربيبـه
    وإن سبّلت بالوبـل غـر المخايـل=أبواشهم ترعى القفـور العشيبـه
    يرعون قطعـان تغيـض الغلايـل=للنصر في ماضي وحاضر قضيبـه
    ويبنون لللافـي بـروس البتايـل=ومن تاه نـور عقودهـم يهتديبـه
    أنوارهـم فالليـل مثـل القوايـل=تجلى خراميـس الظـلام المهيبـه
    في وصفهم لو قلت ما نيب عايـل=عشـاق عـز وللتوافـه حريبـه
    مثل العدود ليـا أغـورن الثمايـل=تزود مـع مـر السنيـن التعيبـه
    قـولٍ يعرفونـه عيـال الحمايـل=ومن قال قول الزور ربـه حسيبـه
    والناس كـل ٍلـه سلـوم وفعايـل=وكلٍ عـن الثانـي مكفّيـه طيبـه
    ومن غير نقص بحق باق القبايـل=يا سعد من ربعـه قبيلـة عتيبـه[/poem]
  • شامان
    عضو ماسي
    • Dec 2005
    • 573

    #2
    عتيبة تستحق الكثير ،،

    والقصيدة جزلة ، ومن جزل ،،،

    ولاهنت على هالقصيدة الرائعة يا(الجمش فوق الرمش)


    تقبّل تحيات
    أخوك/ أبوشمروخ الحافي ................

    ....

    تعليق

    • الجمش فوق الرمش
      عضو
      • Jun 2006
      • 6

      #3
      مشكوووووووووووووور يابو شمروخ
      وبيض الله وجهك على هالرد

      تعليق

      • ابـن نـعـيـس
        مشرف سابق
        • May 2005
        • 5666

        #4
        صح لسانك ولسان شاعرها


        قصيده رائعه


        واسمح لي على تنسيقها



        تحياااااااااااااااااااااااااااااااااااااااتي
        [align=center][/align]

        تعليق

        • ولد النخيش
          عضو
          • Jun 2006
          • 8

          #5
          صرااااااااحه قصيده طيبه يالجمش فوق الرمش والله لا يهنيك على هالقصيده المنظمه

          تعليق

          • ذيب الدلابحه
            عضو
            • Nov 2006
            • 3

            #6
            قصيدة طيبه من رجال طيب من ديرة طيبه

            عتابه طيب على طيب

            تعليق

            العمل...