قصيدة الجنادرية بالصوت لـ - خلف بن هذال -

طي
X
 
  • التوقيت
  • إظهار
مسح الكل
المشاركات الجديدة
  • ^المقاطي^
    عضو ماسي
    • Oct 2002
    • 747

    #1

    قصيدة الجنادرية بالصوت لـ - خلف بن هذال -

    مقطع من قصيدة الشاعر خلف بن هذال في الجنادرية الاخيرة

    ----> http://www.abunawaf.net/store5/khalaf.ram <----

    سماسر الحروب المفسدين عن الوطـن يخسـون @@@ خسى بس يخسى من ينـوي اضعافـه وتقسيمـه

    ولا نسمع ولا ناخـذ كـلام مـن خـادع ملسـون @@@ لسانـه يلحـس اذنـه ويتحاكـى مـع بلاعيمـه

    تـرى التنديـد والتهديـد والتصعيـد تلفزيـون @@@ كـلام اعلام ناقـص فـاقـدن نـصـه وتقييـمـه

    كمـا البالـون ينفـخ بالهـواء ويطيّـر البالـون @@@ يحوم شـوي ويطيـح الهـواء ويخـف تحويمـه

    هذا وقـتن ابه الجمـع يتفـرق والعميـل يخـون @@@ يكدر مـن دخـل ساحتـه مـن كثـر اساويمـه

    طفح كيل الأعادي يـا بـلادي وامتـلا الماعـون @@@ طغى وأزبـد مثـل مـوج البحـر متعـدي تيمـه

    خطير الكوكب اللي بات بانواع الفتـن مشحـون @@@ ولو صابه خلل يصعب علـى العقـال ترميمـه

    نحذر من يفكـر فـي حماقـة مـا تسـر الكـون @@@ ومن يقدم يعض مـن النـدم باطـراف أباهيمـه

    يجيك من الجهالة ما يسبـب لـك عنـا وغبـون @@@ يكدّر جوّك اللي بـان صبحـة وانقشـع غيمـه

    ولا تـرهـي على الدنيا ولا تاثق من المجنون @@@ يعرضك الصيـاح ويوقـظ الفتنـه وهـي نيمـه

    ينوح المسجد الأقصى من الدب الحمـر شـارون @@@ عـدو الله يدنـس حرمـة الـقـدس بمناسيـمـه

    يصول ويجتول كنه على ذبـح العـرب مـاذون @@@ يجرب ما تطـور مـن سـلاح ومـن جراثيمـه

    يهـوديٍ تكشـف عـن سرايـر حقـده المدفـون @@@ يبـا يفشـل وتصبـح خاتمـة هتلـر خواتيمـه

    عطوه الضوء الأخضر وانطلق بأمرت بني صهيون @@@ جهـاز آلـي علـى الريمـوت تأخيـر وتقديمـه

    اليا دار الرحا ملعـون حـول واستلـم ملعـون @@@ ملاعيـنٍ تخطـط فـي فنـا العالـم وتحطيمـه

    ولو دارت رحانا مع رحاهـم دقـق المطحـون @@@ بقدرة مقتـدر يمضـي بهـم حكمـة وتحكيمـه


    وانتظروا المقبل ..
  • فارس الهيلا
    عضو فضي
    • Apr 2003
    • 228

    #2
    مشكور

    اخوي ا^المقاطي^
    على نقلك لهذه القصيده الصوتيه
    لشاعر الوطن خلف بن هذال

    تعليق

    • ^المقاطي^
      عضو ماسي
      • Oct 2002
      • 747

      #3
      ..

      العفو

      تعليق

      • فيصل محمد

        رابطة محبي الهيلا

        • Apr 2003
        • 1079

        #4
        قصيدة خلف بن هذال في جنادريه 18

        قصيدة خلف بن هذال في جنادريه 18

        سـلام الله سـلام الله سـلام الـخاطرالـممنون *** عـلى الـلي شـرّف الـحفل الـكبير وتم تنظيمه

        تـفيض أبيات شاعر من مشاعر شعري الموزون *** وأمـيـز مـاثبت بـالشرع تـحليله وتـحريمه

        وأنـا وأنـا وأعـوذ مـن الأنا لأهل الثنا مديون *** سـعـوديٍ ظـفـر بـمعاهدة مـولاه وزعـيمه

        يـعيش الـمهرجان ان ماحتواه الجوهر المكنون *** تـراث أمـجاد وأرث أجـداد واضـحةٍ مـعاليمه

        حـفلنا وبـرعاية مـن يـقود الـمركب الميمون *** عـلـى بـر الأمـان مـجملٍ شـكله وتـصميمه

        فـهد والله فـهد والله فـهد مـادون شـعبه دون *** حـبيب الـشعب واصـل واصـلٍ شعبه وأراحيمه

        عـلى الـوالد على القايد سلام أربع طعش مليون *** مـن الـشعب الـكريم أربع طعش مليون تسليمه

        تـخص الـفهد فـرداً فرد من عاشق ومن مفتون *** نـهيم بـحب مـن صـان الـبلاد وجـالها قيمه

        غـرام رجـال فـيه رجـل السلام وللغرام فنون *** تـجسد بـالفخر والـطيب والـناموس والـشيمه

        عـمرنا الأرض يـوم الله عـطا والمستحيل يكون *** بـدينا بـالعمل بـاعلان ابـو فـيصل وتـعميمه

        بـدا الـنهضة بـثروات البلد واستخدم المخزون *** وغـنا الـطير طـير الـخير واسـمعنا ترانيمه

        زرعـنا الـقمح وأصـناف النخل والتين اولزيتون *** وفـاح الـورد والـريحان وبـالغصن وبـراعيمه

        ولا مـومن قـنط مـن رحمة الله والحيا مضمون *** ولايـصدق مـنجم لـو صـدق لـلناس تـنجيمه

        لـيا شـفت الـسما تدقل مثل شقح البكار مزون *** تـحرى الـرجع وابـشر بـالحيا واتبع مقاديمه

        تـحت قـمرا قـمر مـاهل ضـامر كنه العرجون *** بـزغ كـامل وهـذا هـو ولا بـالشوف تـعتيمة

        مـلكنا الـحاكم الـعادل مـلكنا المؤمن المامون *** مـلكنا الـلي عـلى بـذل العطا تصدر مراسيمه

        مـلكنا الـداعي الـواعي ملكنا الراعي المظنون *** ف ظـنـتنا لـيـا لـذنـابه الـحفنا بـأكاميمه

        مـلـكنا ظـلـنا ويـظلنا صـيواننا الـمصيون *** الا يالله الا يالله لا تــهــدم لــنـا خـيـمـه

        مـلكنا الـلي يـفك أعن الرقاب ويطلق المسجون *** زعـيمٍ فـي قـلوب الـناس تـقديره وتـعظيمه

        لـيا قـلنا مـلكنا لامـة الاسـلام عـز وعـون *** أبـا الـنجدات والـفزعات والـدعمات تـدعيمه

        نـدى الـكف لـو يـجمع بـكفه ما جمع قارون *** عـطـاه الـمستحق ولا يـحسب فـي مـغاريمه

        ولا أكـرم منه ولا أرحم منه بعد الله حجا وركون *** ولا اسـرع منه في نصر الضعيف اليا شكا ضيمه

        ولا ابـتع مـنه فـي قمع الحريب ولا يقال ظنون *** حـقايق مـن رفـع راسـه على شامان تحجيمه

        ولا امضى منه وامضى من شباة الماضي المسنون *** الـيا عـدّو صـواريم الـزمان أصـرم صواريمه

        مـلكنا يـا مـلكنا لـلمروه فـيك طـبع ولـون *** تـحـلي بـالوفا وشـيمة الأخـيار إلـك شـيمة

        جـميع الـمسلمين امـن المساجد يا فهد يدعون *** دعـاهم يـا جـليل الـملك تـرعى فـهد وتديمه

        نـصرك الله واذل عـداك وامـره بين كاف ونون *** يـمـثل مـا يـريد بـزمرة الـشر وشـراذيمه

        حـماك اللي حما موسى ضحى عاشور من فرعون *** فـلق عـنه الـبحر وانـجاه من فضله وتكريمه

        وأعـز الله عـضيدك عـز عينك من وراك عيون *** عـيـونٍ سـاهـره مـن يـمها مـابان تـثليمه

        ولـي الـعهد فـي خدمتك يرخص غالي المثمون *** سـلم راع الـعقال الـلي تـرازم عـن مرازيمه

        مـقر الـجود عـبدالله هـو المزبن هو المزبون *** مـزابن مـن شـكا الـحرمان والرمل ومفاطيمه

        الـيا قـلت مـواردهم عـلى عـد الـروا يردون *** مـعـينه مـرتـكي تـتبع مـناظيمه مـناظيمه

        يـده بـكل لـطف وعطف تمسح دمعه المحزون *** يـفـرج كـربـته ويـقوم بـاسعاده وتـنعيمه

        ولا نـنسى فـضل سلطان وأهل الفضل ما ينسون *** تـرك فـي لـوحة الـعرفان لـلمعروف تبصيمه

        مـع الـشكر الـجزيل وقـاصدينه بـالثنا يثنون *** جـمـيله يـبعد الـهم الـمخيم عـن مـهاميمه

        عـساكم يـا عـيال الـعود يا اسود الوغا تحيون *** حـياةٍ طـيبة يـا حـزن مـن طـاحت محازيمه

        الا يـا عـيال مـن قـدم حـياته للوطن عربون *** أخـذ جـرعة مـن الغربة وأخذ من نجد تطعيمه

        يـحن ويـجتلد ويـعن مـعسوف ويـبل شـنون *** نـوى عـقد اللواء يا مطيب الراس وصماصيمه

        عـلى سـرج وظـهر مهره وكور مقوسٍ مرسون *** يـسوج ابـها الـبطان مـهجنٍ ريمان من ريمه

        مـطا قـباً تـراقص بـالحوافر رقـصة المزيون *** لـيا طـب الـمزيّن مـن يـبا يـجرا بـتكليمه

        سـرى مـسري السباع اللي تجاوب فالخلا بلحون *** مـجاهيم الـذياب وقـبل مـا تـجهم مـجاهيمه

        ابـو تـركي لـفا يـضحك حجاجه بالسعد مقرون *** بـنى وحـده وحـدّد واكـتمل رسـمه وترسيمه

        بـناها واحـتماها وارتـفع مـنها قـمم وحصون *** مـلاذ الـضيف والـلاجي و مـن جتبه مقاسيمه

        لـنا الـهيبة عـلى شبه الجزيرة من ثلاث قرون *** سـلاطـينٍ تـشرّف صـفحة الـتاريخ ومـقيمة

        أهـل صحوة واهل دعوة واهل نخوة عرب وظعون *** واهـل مـنسب وسـيف وتـنشر العلم ومفاهيمه

        مـلوكٍ مـا يـهدمون الـقيم مـن طبعهم يبنون *** أيـاديـهم تـشـيّد مـنـبر الاســلام وتـقيمه

        كـما تـرسي شـماريخ الـجبال ملوكنا يرسون *** لـيـا قـام الـخفيف يـرمي الـقش بـمهازيمه

        لـيا عـادو عـدوا جـاه العذاب وصابه الطاعون *** يـزوغ ومـن وحـمهم تـرجد الـحمى محاميمه

        عـليهم مـن فـتح عينه يذر ابها الدوا مسحون *** يـعوّد مـا يـشوف وصـفقة بـالوجه تـعليمه

        وعـليهم مـن يـفتل شـاربه من قاعته محسون *** وكـم مـن شـاربٍ يـفتل وافاق وضاع توهيمه

        شـوارب مـا نـكرمها وشـارب بالشحم مدهون *** لـيا اوعـدنا وفـينا والـوعد نـصدق بـتتميمه

        نـدافع عـن عـقيدتنا ومـن هـذا المكان نمون *** مـلازيـم الـرجـال وكــل رجـلٍفي مـلازيمه

        شـريعتنا هـي الـدستور مـا بـدل بـها قانون *** لـنا مـنهج حـياه وعـصمة الـمسلم وتحشيمه

        نـدافع عـن كـرامتنا ومن يرضى الهوان يهون *** يـموت بـذل مـن عـقب الـمهانة موتة بهيمه

        نـدافع عـن وطـنا والـوطن بـارقابنا مـرهون *** ولـو نـفنا عـن آخـرنا مـن اوساطه لاقاليمه

        يـدينا مـن وراه وبـالحضون الآمـنه محضون *** امـانـه لايـضـيع ولا تـفرط بـه شـغاميمه

        سـماسر الـحروب المفسدين عن الوطن يخسون *** خـسى بـس يخسى من ينوي اضعافه وتقسيمه

        ولا نـسمع ولا نـاخذ كـلام مـن خادع ملسون *** لـسانه يـلحس اذنـه ويـتحاكى مـع بلاعيمه

        تـرى الـتنديد والـتهديد والـتصعيد تـلفزيون *** كــلام اعـلام ناقص فـاقـدٍ نـصه وتـقييمه

        كـما الـبالون يـنفخ بـالهواء ويـطيّر البالون *** يـحوم شـوي ويـطيح الـهواء ويخف تحويمه

        هـذا وقت بـهالجمع يـتفرق والـعميل يخون *** يـكدر مـن دخـل في سـاحته مـن كـثر اساويمه

        طـفح كـيل الأعـادي يـا بلادي وامتلاء الماعون *** طـغى وأزبـد مـثل مـوج الـبحر متعدي تيمه

        خـطير الـكوكب اللي بات بانواع الفتن مشحون *** ولـو صـابه خـلل يـصعب على العقال ترميمه

        نـحذر مـن يـفكر فـي حـماقة ما تسر الكون *** ومـن يـقدم يـعض مـن الندم باطراف أباهيمه

        يـجيك مـن الـجهالة مـا يسبب لك عنا وغبون *** يـكدّر جـوّك الـلي بـان صـبحة وانقشع غيمه

        ولا تــرهـي ولا تــاثـق مــن الـمـجنون *** يـعرضك الـصياح ويـوقظ الـفتنه وهـي نيمه

        يـلوح الـمسجد الأقصى من الدب الحمر شارون *** عــدو الله يـدنس حـرمة الـقدس بـمناسيمه

        يـصول ويـجتول كـنه عـلى ذبح العرب ماذون *** يـجرب مـا تـطور مـن سـلاح ومن جراثيمه

        يـهوديٍ تـكشف عـن سـراير حـقده المدفون *** يـبا يـفشل وتـصبح خـاتمة هـتلر خـواتيمه

        عطوه الضوء الأخضر وانطلق بامرع بني صهيون *** جـهاز آلـي عـلى الـريموت تـأخير وتـقديمه

        الـيا دار الـرحا مـلعون حـوّل واسـتلم ملعون *** مـلاعـينٍ تـخطط فـي فـنا الـعالم وتـحطيمه

        ولـو دارت رحـانا مـع رحـاهم دقق المطحون *** بـقدرة مـقتدر يـمضي بـهم حـكمة وتحكيمه ..

        وسلامتكم..

        تعليق

        • يوسف السيحاني
          عضو ماسي
          • Mar 2006
          • 426

          #5
          صح لسان الشاعر الكبير / خلف بن هذال الحافي



          ولا هنت يا الغالي المقاطي

          تعليق

          • الجزل
            عضو فضي
            • Aug 2006
            • 243

            #6
            أخــوي المقاطـي مشكور على القصيدة الرائعه
            لـشاعر الوطن / خلف بن هذال

            تعليق

            العمل...