قصيده بديوي الوقداني

طي
X
 
  • التوقيت
  • إظهار
مسح الكل
المشاركات الجديدة
  • صلف النخيش
    عضو
    • Mar 2006
    • 11

    #1

    قصيده بديوي الوقداني

    بديوي الوقداني .. أحد عمالقة الشعر
    وكان صاحب لغه متفرده

    إليكم :



    [poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
    أيامنـا و الليـالـي كــم نعاتبـهـا=شبنا وشابت و عفنا بعـض الاحوالـي

    تاعـد مواعيـد الجاهـل مـا يكذبهـا=واللي عرف حدها مـن همهـا سالـي

    إن أقبلـت يـوم ماتصفـى مشاربهـا=تقفي و تقبل وما دامـت علـى حالـي

    فـي كـل يـوم توريـنـا عجايبـهـا=واليوم الأول تراه أحسن مـن التالـي

    أيـام فـي غلبهـا وأيــام نغلبـهـا=وأيـام فيهـا سـوى والدهـر ميالـي

    جربـت الأيـام مثلـي مـن يجربهـا=تجريب عاقـل وذاق المـر والحالـي

    نضحك مع النـاس والدنيـا نلاعبهـا=نمشي مع الفي طوعٍ حيث مـا مالـي

    كـم مـن علـومٍ وكـم آداب نكسبهـا=والشعـر مـازون مثقـالٍ بمثقـالـي

    اعرف حروف الهجا بالرمز واكتبهـا=عاقل ومجنون حاوي كـل الاشكالـي

    لا شك حظي ردي والـروح متعبهـا=ما فادني حسـن تأديبـي مـع أمثالـي

    إن جيت أبي حاجـةٍ عـزت مطالبهـا=العفو ما واحدٍ من المخلوق يـا والـي

    قـومٍ إلـى جيتهـم رفـت شواربهـا=بالضحك واقلوبها فيها الـردى جالـي

    وقومٍ إلى جيتهـم صكّـت حواجبهـا=وابدت لي البغض في مقفاي واقبالـي

    ما كنـي إلاّ مسـوى حـال مغضبهـا=والكل في عشرتـي ماكـر ودجالـي

    يا حيف تخفي أمـور كنـت حاسبهـا=واللي على بالهـم كلـه علـى بالـي

    الجـار جافـي وكـم قـومٍ نحاربهـا=والأهل وأصحابنـا والـدون والعالـي

    والروح واشعذرها في تـرك واجبهـا=راح الحسب والنسب في جمع الاموالي

    نفسي تبي العز والحاجـات تغصبهـا=ترمـي بهـا بيـن أجاويـدٍ وأنذالـي

    المال يحيـي رجـالاً لا حيـاة ابهـا=كالسيل يحيي الهشيـم الدمـدم البالـي

    عفت المنازل وروحـي يـوم اجنبهـا=منها غنيمـة وعنهـا البعـد آ ولالـي

    لا خير في ديرةٍ يشقـا العزيـز ابهـا=يمشي مع النـاس فـي هـمٍ وإذلالـي

    دارٍ بهـا الخـوف دومٍ مـا يغايبـهـا=والجوع فيها معه من بعض الاحوالـي

    جوعـاً سراحينهـا شبـعـاً ثعالبـهـا=الكلـب والهـر يقـدم كـل ريبالـي

    عز الفتى راس مالـه مـن مكاسبهـا=يا مرتضي الهون لا عـزٍّ ولا مالـي

    دللت بالروح لين أرخصـت واجبهـا=وأنا عتيبـي عريـب الجـد والخالـي

    قومٍ تـدوس الأفاعـي مـع عقاربهـا=لهـا عزايـم تهـد الشامـخ العـالـي

    كـب المنـازل وقـل للبيـن يندبهـا=تبكـي عليهـا بدمـع العيـن هطالـي

    لا تعمـر الـدار والقالـه تخربـهـا=بيع الردى بالخسـاره واشتـر الغالـي

    ما ضاقت الأرض واشتبـت شبايبهـا=من كل حر شهر فـي راس ماطالـي

    دارٍ بــدار وجـيـرانٍ نقـاربـهـا=وأرضٍ بـأرض وأطـلالٍ بأطـلالـي

    والناس أجانيب ليـن إنـك تصاحبهـا=تكـون منهـم كمـا قالـوا بالأمثالـي

    الأرض لله نمشـي فــي مناكبـهـا=والله قــدر لـنـا أرزاق وآجـالـي

    حـث المطايـا وشرِّقهـا وغرِّبـهـا=واقطع بهـا كـل فـجٍّ دارسٍ خالـي

    اطعن انحـور الفيافـي مـع ترايبهـا=وابعد عن الهم تمسـي خالـي البالـي

    مـن كـل عمليـةٍ تقطـع براكبـهـا=فدافـد البـيـد درهــامٍ وزرفـالـي

    تبعـدك عـن دار قـومٍ ودار تقربهـا=واختر لنفسك مـن المنـزال مغزالـي

    لو مـتّ فـي ديـرةٍ قفـراً جوانبهـا=فيها لـوطء السبـاع القبـس مدهالـي

    اخيـر مـن ديـرةٍ يجفـاك صاحبهـا=كـم ذا الجفـا والتجالـي والتحلالـي

    دوس المخاطر ولا تخشـى عواقبهـا=الموت واحد ولا عنـد الحـذر جالـي

    إن المنـايـا إذا مــدت مخالـبـهـا=تدركك لو كنت في جو السمـا عالـي

    ما فرت الأسـد فـي عالـي مراقبهـا=تسعى للارزاق مـا حنـت للاشبالـي

    والشمس في برجها والغيـم يحجبهـا=تقفي وتقبل لها فـي الفلـك مجدالـي

    رب السمـوات يـا مجـري كواكبهـا=يا مجري السفن في لجـات الأهوالـي

    ضاقت بنـا الأرض واشتبـت شبايبـه=اوالغيث محبوس يا معبـود يـا والـي

    يالله مـن مـزنـةٍ هـبـت هبايبـهـا=رعادها بات له فـي البحـر زلزالـي

    ريح العوالـي مـن المنشـا تجاذبهـا=جذب الدلي من جبا مطويـة الجالـي

    ديمومـةٍ سبلـت وأرخـت ذوايبـهـا=وانهل منهـا غزيـر الوبـل همالـي

    تسقي اديار عزيـز الوقـت حاربهـا=ما عاد فيها لبعـض النـاس منزالـي

    يـا جاهـل اسمـع تماثيـل مرتبـهـا=فيها معانـي جميـع القيـل والقالـي

    شبـه الدنانيـر تزهـا فـي قوالبهـا=في صرفها زايد عن قـرش واريالـي

    يـا رب توبـة وروحـي لا تعذبـهـا=يوم القيامة إذا مـا ضاقـت أعمالـي

    وأزكى صلاةٍ على المختـار نوهبهـا=شفيعنا يوم حشر فيه الاهوالي[/poem]
  • عبدالله العريدي
    عضو ماسي
    • May 2005
    • 627

    #2
    ابن حشاش

    صح السانك و السان الشاعر بديوي الوقداني

    تحيايت لك

    تعليق

    • ابـن نـعـيـس
      مشرف سابق
      • May 2005
      • 5666

      #3
      صح لسانك ولسان العلم بديوي


      لاهنت



      واسمح لي في تنسيقها

      تحياااااااااااااااااااااااااااااااااتي
      [align=center][/align]

      تعليق

      العمل...