-------((((قصيده غزليه للشاعر زبن قالها عام 1353))))-------
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]المرقب اللي صاحبي قد رقابه=حق علي اليا وطيته لعديه
والله لعدي فيه واروح ترابه=من حشمة اللي عقبي العام راقيه
واظهر جزا ما قال بي من جوابه=العام يبكيني وانا اليوم اببكيه
لو صد عني والزمان انتحابه=مانيب لو طالن الايام ناسيه
دايم وهو عندي على كل جابه=لو غاب عني زوله احييت طاريه
وراي مابكي لابتعد واهذابه=راعي جديل فوق الامتان غاذيه
اصفر عفر توه على اول شبابه=كنك من البيض العماهيج ناقيه
عمهوج نبنوب ليان ولبابه=ملحه من اقدامه الى الراس غاشيه
كن البرد من بين مفلج عذابه=الا وريح المسك من بين اشافيه
الله يغل الود ومن اشتقابه=وش ينبغى بالود والموت قافيه
اثره سبب غضر الشباب وعذابه=مبداه زين وسم ساعه بتاليه
خلا صناديق الضماير خرابه=مازل عام الا يجدد مكاويه
لاوالله الا اشتد فيه صوابه=وعجزت لاالقالي طبيب يداويه
ماظنتي يبريه مما لجابه=الا دوا من حط رسم البلا فيه
ان مت حطولي كفن من ثيابه=وخلو لطيف الروح فوقي يساويه
اظني اسلم باللحد منعذابه=واروح بسمل الثوب من ريح راعيه
واليا حضر قبري ولمس جنابه=حتى ولو قفى هاك اليوم ابرجيه
الموجب انه خابر وين انا به=ماعاد ينشد عني احد ويغويه[/poem]



[/align]
تعليق