هذه مجموعه من قصائد الراااااااااحل بندر بن سرور::::::::::::::::::::::::::

طي
X
 
  • التوقيت
  • إظهار
مسح الكل
المشاركات الجديدة
  • فواز الشيباني
    موقوف لمخالفة الأنظمة
    • Apr 2005
    • 2001

    #1

    هذه مجموعه من قصائد الراااااااااحل بندر بن سرور::::::::::::::::::::::::::

    الله من عين طرقها صواديف
    **********عميت ويبسن بالعروق الصخافي
    شفت الوزا بالعين من عرض ماشيف
    **********شفته وغيري من فطن له وشافي
    وقت تغير فيه حتى العواصيف
    **********جا في عواصيف الرياح أختلافي
    شره قناطير وخيره مقاطيف
    **********يفطن له اللي يرضع الديد غافي
    كم واحد جاله زمانه على الكيف
    ***********واغترته نفسه يبا الجود وافي
    يطلع مطاليع العلا بالسواليف
    ***********بين العذارى عد روحه سنافي
    يفرح بهرج بالقفى يكره الضيف
    ***********قتات والقتات بالنار هافي
    يعلق قصيره علقة النار بالليف
    ***********عي ولد عي زنوده ضعافي
    ان رخصت الحذوه توفي عن الحيف
    ***********وان غليت الحذوه مشى اللاش حافي
    يرقد ويلحق والدينه تخاليف
    ***********دايم ومرقد ميت النار دافي
    هو مادرى ان الجود يبغى تكاليف
    ***********سهر الليالي مقبلات مقافي
    يبغى يدين للعطايا مغاريف
    ***********ويبغى رجول ماتمل الوقافي
    والصبر بنحور السنين الشواحيف
    ************اللي قساها مثل حد الرهافي
    مايقدرون الجود سود الأطاريف
    **********مشاركة بيض النسا باللحافي

    يقدر عليه اللي حكم نجد بالسيف
    ***********واودع مباغيض القبايل ولافي
    عبد العزيز اللي يبث المصاريف
    ***********يجدع قناطير الذهب بالفيافي
    يمشي على دربه جموع مراديف
    ***********نو تحدر ماه والجو صافي
    يشدي لواقيط الزبيدي بعد ريف
    ***********ومما كسى البيدا تفيد الضعافي

    ××××××××××××××××××××××××××××××××

    (سر ياقلم)

    سر ياقلم مالي على الصبر طاقه
    ***********صبري تعدى الحد ماعاد ينطاق
    أكتب لمثلي قصته واشتياقه
    **********في خطك الواضح على بيض الأوراق
    قصة حزين صافي الحر ذاقه
    **********انا بذكره ماصله خاطري ضاق
    باقو به الأصحاب والوقت باقه
    **********وصار الضحيه بين باير وبواق
    يمشي وهو ماحس في كسر ساقه
    ***********امسى على ساقين واصبح على ساق
    مهذي سواة الوقت شين اصطفاقه
    ***********الوقت لو يصفى لك ايام دراق
    لاشك يامن معك عقل ولباقه
    ************بنصحك كان انك للأمثال تشتاق
    صادق رجال يعرفون الصداقه
    ************يقفون صفك يوم يبسات الأرياق
    ومن يرغب فراقك فعجل فراقه
    ***********جاز الذي يجزيك أفراق بفراق
    يقوله اللي جاير الوقت عاقه
    ***********ولازال في غيبوبة الهم مافاق
    حظه على اقشر شي للنفس ساقه
    ***********بقبور الاحياء ينتظر يوم الأطلاق

    ××××××××××××××××××××××××××××××××××


    (الشاور غشاني)

    من بلاد الشام جينا بالمكينه
    *********فوق فرت ماتخثع بالطماني
    يحتدي مثل الجمل تسمع رطينه
    **********مع طمان القاع مثل الثعلباني
    والشفير من المدارس مطلعينه
    *********عيدهي يجدعه جدع الحصاني
    قذلة الطربوش ناطلها يمينه
    *********عن ظلام الليل شب الكهرباني
    ماتجيه يسار رجله شوف عينه
    *********غير يسر الطاركي باليماني
    يوم قال له الخوي عاشت يمينه
    *********شد رجله للكمك واحد وثاني
    يالله انك تنصره من نصر دينه
    *********ان عطى له مع غبا والا بياني
    قلت يالمطنوخ انا عيني حزينه
    *********عن شراب اللف ابيه وعنك كاني
    قد رمى بالكيس قدمي قال وينه
    *********دوك مابالجيب عن شي لهاني
    يقصد الكبريت معي منه عينه
    **********قد منا تلت غراميل متاني

    قلت ثالث قال يالله لاتهينه
    ********قلت خامس قال قير يطلب نقل ثاني
    قالت واحد والكمك ظام المكينه
    ********قال لي من يرحم القاسي لياني
    قلت والله يرحمونه صانعينه
    *********قد زعلت من اللهيب اللي غشاني
    قال ماتاثق بذمه مقننينه
    ********عن مشاور غير عرفي قد كفاني
    قاطع عرقين مدري وين وينه
    *********قد وصلت الأرض واسمع صوت ثاني
    يوم يرفع موخره قو المكينه
    *********يرتخي صدره وانا الشاور غشاني
    قلت دوك اللف خابو شاربينه
    ********غطني عن شوف شي قد غشاني
    قال عن وقلت بأيا لحينه
    *********قال قل ناسي خوي مانساني
    قلت عاش الشيخ واللي ناجبينه
    **********عادة الطيب اليا جا الجد عاني

    ______________________________________________


    (صدر وردوف)

    يابنت ياللي عمرها صدر وردوف
    ********بيض محاجرها وحلو نباها
    ودي بشوفك مير يوم اقصر الشوف
    ********عيني بعد هاك الرمد قل ماها
    سويت لي يابنت بالعين معروف
    ********بأسباب رجل بعدتها خطاها
    والا ترى قلبي ليا اصطك بالجوف
    *********اومى بحالي لين تابس عصاها
    |||||||||||||||||||||||||||||||||||||||||||||||||| |||||||
    ( لاتجربونه)

    ياهل الونيت اللي يبي مشتل البيب
    **********مادق صدره بالخطوط الغزيره
    يوم يتخثع مع محير الأداعيب
    **********يشدي تخثع جادل في حريره
    لاتجربونه مايبي الفرت تجريب
    **********قد جربه بالبيت الأبيض خبيره
    عدوه لابن حزام سيد اللواعيب
    **********لعاب زينات البيوت العسيره
    ثم قل لقاعد مانبي منه تدريب
    **********الوقت دربنا على كل سيره
    لو كل من قاد السبب يعلم الغيب
    **********ياما كرهت النفس من باب خيره
    ان قفت الأيام ماها مغاريب
    **********واليا اقبلت يازين صافي غديره
    قل له رميت الكيس بين الشواريب
    **********واليوم ادوج مالقيت اتعميره
    //////////////////////////////////////////////////



    (لاتسقط شرفها)

    الله من شي بحالي نحفها
    ***********من مالجى بالقلب حالي نحيفه
    من كثر ماتكتم تزايد تلفها
    ***********بين كداها بالعروق الصخافي
    كم واحد له حاجة ماصرفها
    ***********يصد عن صرافها لايضيقه

    يخاف لايقضب نديم طرفها
    ***********قلبه صدى واطراف جسمه نظيفه
    والله خلق بيد الذلول وعسفها
    ************للي يبي المنهاج مثل القطيفه
    والفضل للي مدها ماقصفها
    ************وانهج من الدار المحل للمريفه
    وانصحك ياللي غرته ماعرفها
    *************شيب تشيب مايحول رديفه
    رديفها يركض ويركز هدفها
    *************وقت يقص العظم من حد سيفه
    وان جتبك الدنيا وجابك صدفها
    *************لاتعتزي بأهل النفوس الضعيفه
    وأنصحك نفسك لاتسقط شرفها
    **************ترى بعض بيض المجالس مجيفه

    ًًٌٌٌٌٌٌٌٌٌٌٌٌٌٌٌَُُ****************************** ******************


    (خبيث التجاره)
    لاوالله الا طولن بالوقوفي
    **********عيا يحملهن خبيث التجاره
    بفلوسنا ياعبيد ماش معروفي
    **********متى نجي ياعبيد مع خشم صاره
    ياركب من فوق صاف البلوفي
    ***********مقعد امبير الزيت نيم الحراره
    فراق مابين القلوب الولوفي
    ***********فرت كما وبل السحايب غباره

    &&&&&&&&&&&&&&&&&&&&&&&&&&&&&&&&&&&&


    (شيب الفلاحي)

    بديت ذكر اللي بسط سبع بوتاد
    ***********واللي رفع سبع بليا عمدها
    والكار للي صار غيث للأجواد
    ************لاقبلها صارت ولا من بعدها
    زايد على كل العرب بالوفاء زاد
    ************ساق المراجل لين وقف عددها
    حلحيل حلو مر زراع حصاد
    ************كبد يداويها وكبد لهدها
    ولي عجوز من ورى شط بغداد
    ************سمت على شيب الفلاحي ولدها
    تبغاه يطلع مثل زايد ولا فاد
    ************ماكل من هاز الطويله صعدها
    ياشيخ انا جيتك على غير ميعاد
    *************من خوف روحي لايجيها وعدها


    $$$$$$$$$$$$$$$$$$$$$$$$$$$$$$$$$$$$$$$$$$$$$$

    (صنايع يهود)

    الا يانديبي فوق دوج عليه شراع
    **********ماقال انفخ التشريق جاء في مواصيره
    ليا هبت العليا وقام العجاج وراع
    **********يهيظك مع السكه تزاوغ معاصيره
    صنايع يهود لايبدل ولا ينباع
    **********يقربك من دار ويبعدك عن ديره
    بعد ماطلعوه مشيك مايبي المرجاع
    ***********سمع من وراه الفوج غنت مواطيره

    ليا دق سلفه قام صوته يرج القاع
    **********ماجاه المعاون يشتغل في مساميره
    عطاه اثنين وداس بلأبنص وفاع
    **********رزيمه رعد مزن تهلع دناقيره
    خرط له بثالث عقب نشه بعزم وزاع
    **********شتله برابع مايضيع تغاييره
    ليا شال عزمه ريحه آمن مارتاع
    **********مسك مع يمين الخط ويلد لأنبيره
    نص جو سمنه مايبطنج مع الأرواع
    **********منصيه شيخ ماتبطل جزازيره
    على سلم جده مايشاور ضعيف الناع
    ***********يدلك بفعله كاثرات دواويره

    ########################################


    (حج الجمل)

    انا ليامني نويت افتل البيت
    ***********فتلت والشعار ما ينقضونه
    بينت راسي للمغني وغنيت
    **********وين انت ياللي مرمسات ديونه
    حج الجمل ياهل المثايل وحجيت
    ***********والناس راس العبد مايقطعونه
    دوك السويتش وشغل الفرت يابخيت
    ***********وارد حفيز وكاملات فنونه

    !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!



    (عجل على المسجد)
    *********ياكثر يافيحان صبر صبرناه
    امس الشهر عديت باقي اسبوعه
    **********لاتغبط اللي صار زوده بدنياه
    يتبع هوى نفسه وغير طبوعه
    ***********مخطي طريق الحق غاد بعمياه
    يجمع وصخ مال زوال نفوعه
    **********اغبط تقي صار زوده بتقواه
    عبد لصوت العبد يرخي سموعه
    **********يفرح بصوت منادي الحق ناداه
    عجل على المسجد بطيْ ركوعه
    ************والا ترى الدنيا حدود مسماه
    لابد مايقفي وتقفي زروعه

    >>>>>>>>>>>>>>>>>>>>>>>>>>>>>>>>>>>>



    (رجتني الأيام)
    ياسخيف الذرعان ماني بمرجوج
    ***********رجتني الدنيا بغدر وحيله
    يابنت لولا اللي على تاسع الفوج
    **********تركت نجد وعزوة بالقبيله
    لاشك حاديني على نجد هيدوج
    ***********مسقي الفيافي لين يدرج مسيله
    تركي ليامن الليالي غدن عوج
    ***********حمله عتيبه كلها ماتشيله
    يرسي كما مينا البواخر على الموج
    ***********ومنين ماصك البحر يرتكيله
    مادام تركي حي ماودي ادوج
    ***********وان غاب غبت من الرجوم الطويله


    %%%%%%%%%%%%%%%%%%%%%%%%%%%%%%%
    (انحاس بالي)

    انحاس بالي يامحمد وصديت
    **********من كثر الصدات قلت شطونه
    ماني وانا بندر بهيت ولد هيت
    *********هيت يجامل خمة يكرهونه
    من كثر ماجربت واقبلت واقفيت
    *********قولة هلا لمن لايودك مهونه
    سلط على النصراني اللي لقا الزيت
    *********لعل نبع الزيت يعمي عيونه
    لاشك تحتاج المراجل شفاليت
    *********تحتاج شي يقصر النذل دونه
    عزم على الفرجه وقطع الخلا الميت
    **********حتى عيال البوم مايقطعونه
    ثلاث*من كل المعاني تنقيت
    **********واللي بقى كل الملا يقدرونه
    مابغى جزاهن غير من خالق البيت
    **********عمالهن للناس ماينفعونه

    <><><><><><><><><><><><><><><><><><><>

    (دوك الفرت)
    يامنير دوك الفرت واخذ الفواتير
    *********وافحص عليه ودخله بالقراجي
    اللي يبي بنزين ركب مواصير
    *********واللي تبيه النار ركب بواجي
    واليا ستعد وصخر البعد تصخير
    ***********تصخير شيهان لفرخ الزراجي
    حده على اللي مايعد المخاسير
    ***********ركاز عمدان الخشب للنعاجي

    ثم قل لبو بندر ترى وقتنا غير
    ************تبدلت سحب المطر بالعجاجي
    قومه عتيبه شيوخهم مابهم خير
    ************لايدعي بشيوخ شيوخ الخراجي
    نبكي سيوف سمرت نجد تسمير
    ************تسمير عود الساج في عود باجي
    حدن محمد ابن هادي ورى النير
    ************والفرم محسن عقبنه سواجي
    ربع رسو بين الحفيفين يامنير
    *************ماسلمو لمدور الباج باجي
    رحنا ندوج ونتسمى مناصير
    **********نمشي على البيدا بليا مزاجي
    متى يجي في نجد بعض التغايير
    ***********حتى يجي للصابرين انفراجي

    منقول
  • شيخ القبيلة
    عضو ماسي
    • Nov 2005
    • 657

    #2
    آآآآآآآآآآآآآآآآآآآآآآآآآآآآآه الله يرحم بندر بن سر ور وتشكر على النقل

    تعليق

    • فواز الشيباني
      موقوف لمخالفة الأنظمة
      • Apr 2005
      • 2001

      #3
      اخي شيخ القبيلة
      على المرور الرائع
      يعطيك العافيه
      لاخلا ولاعدم يا غالي

      تعليق

      • مرزوق حمدان العتيبي
        مشـرف عام
        • Nov 2003
        • 20403

        #4
        ...
        .
        مشكور يابو طلال والله يعطيك العافيه
        ..
        ..
        [align=center]
        [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
        فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
        حط حبه في كياني ماتغيّره السنيني = وانثني من دون عرضه بالذراع وباللساني[/poem]







        @Marzouq_MHD
        [/align]

        تعليق

        • فواز الشيباني
          موقوف لمخالفة الأنظمة
          • Apr 2005
          • 2001

          #5
          اخي مرزوق العتيبي

          مشكور على المرور المشرف

          الله يعطيك العافيه ولاهنت

          تعليق

          • روق والسماء فوق

            رابطة محبي الهيلا

            • Feb 2006
            • 1090

            #6
            مشكووووووووور اخوي فواز


            ولاهنت يالغالي

            تعليق

            • مركز المعلومات
              عضو فعال
              • Feb 2006
              • 195

              #7
              ابو طــــلال الكبيــــر كبــــيـــر

              كل يوم تفاجئنا بأبداعاتك الرائعه

              الله يعطيك الف عافيه

              ومشـــكــور على التنسيق

              والنقل الرائع

              اخوك المـــــــروي

              تحياااااااااااااااااااااااااااااااااااااااااتي،،،

              تعليق

              • فواز الشيباني
                موقوف لمخالفة الأنظمة
                • Apr 2005
                • 2001

                #8
                اخي روق والسما فوق

                شاكر لك تواجدك


                لاخلا ولا عدم ياغالي

                تعليق

                • فواز الشيباني
                  موقوف لمخالفة الأنظمة
                  • Apr 2005
                  • 2001

                  #9
                  اخي المروي


                  شاكر لك مرورك الكريم

                  اسعدني تواجدك وردك المشرف

                  الله يعطيك العافيه

                  تعليق

                  • ابـن نـعـيـس
                    مشرف سابق
                    • May 2005
                    • 5666

                    #10
                    بيض الله وجهك

                    ولاهنت

                    رائع دائما


                    تحيااااااااااااااااااااااااااتي
                    [align=center][/align]

                    تعليق

                    • فواز الشيباني
                      موقوف لمخالفة الأنظمة
                      • Apr 2005
                      • 2001

                      #11
                      وجهك ابيض يا اخوي
                      الله يعطيك العافيه
                      على المرور الرائع
                      لاخلا ولاعدم ياغالي

                      تعليق

                      • مؤمن
                        مراقب سابق
                        • Mar 2006
                        • 1080

                        #12
                        مشكور على هذا الجهد الرائع اخوي فواز ولاعدمناك

                        تعليق

                        • فواز الشيباني
                          موقوف لمخالفة الأنظمة
                          • Apr 2005
                          • 2001

                          #13
                          اخي اثلث



                          الله يعطيك العافيه

                          على المرور

                          الرائع

                          لاخلا ولاعدم ياغالي

                          تعليق

                          • تاج السلاطين
                            عضو فعال
                            • Nov 2005
                            • 126

                            #14
                            فـــواز الشيانــي

                            اللـــــه يعطيك العافيه يالغالي ع النقل الاكثر من رائع..

                            وسلمت يمينك اخوي على جهودك الجباره

                            ورحةالله على متني عتيبـــه


                            تقبل تحياتي
                            تاج السلاطين

                            تعليق

                            • غشام نجد
                              مشرف سابق
                              • Aug 2005
                              • 2631

                              #15
                              [frame="11 70"]السلام عليكم ورحمة الله وبركاته
                              مشكور يابو طلال والله يعطيك العافيه

                              لكن اخي الكريم تم تكرير قصائد بندر اكثر من مرة

                              تسلم على النقل والسلام
                              ..[/frame]

                              تعليق

                              العمل...