ديوان الشاعر العلم والكبير الشاعر / رشيد بن زيد الزلامي

طي
X
 
  • التوقيت
  • إظهار
مسح الكل
المشاركات الجديدة
  • فيصل المسعودي
    مشرف عام
    • May 2005
    • 8296

    #1

    ديوان الشاعر العلم والكبير الشاعر / رشيد بن زيد الزلامي

    هذي مجموعه من قصائد الشاعر الكبير


    الشاعر الجبل /


    رشيد بن زيد الزلامي


    أحببت أن أنقلها لكم



    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    البارحه والناس غافيـن وهجـوع=جتنـي هجوسـي ورداً سارياتـي
    والليل طال وخط الارسال مقطـوع=ياليل ياطولك متى الصبـح ياتـي
    قزرت ساعاتك على ثومـة الكـوع=مالـي نديـم الا الثـلاث الخواتـي
    صفر الدلال اللي بها الهيل مشموع=باشكـال وارناقـا معـه لايقاتـي
    واصبحت من كثر الهواجيس مفجوع=وافكـار قلبـي شـرداً سارحاتـي
    ياسائلاً تسأل ترى الصوت مسموع=وما نشر بالصفحه قريتـه بذاتـي
    سويت لي مشروع من غير مشروع=والزمتنـي بالـرد دون شهـواتـي
    اكيد عندك يا فتى الجود موضـوع=والا مسوي بـك زمانـك سواتـي
    مسقيك من علقات الايـام قرطـوع=وتسمع صراعي فيـه ومغامراتـي
    فان كان هذا الامر بالشكل والنـوع=خـل الامـر لمكـون الكاينـاتـي
    ساير زمانك كان لك قلب وضلـوع=وارج الفـرج بايامـك المقبلاتـي
    وان كان ما طاعتك خلك لها طـوع=ما انته بضاربها برمـح الزناتـي
    اما سوالـك مـا جوابـه بممنـوع=ولو للحيـاه اسرارهـا الخافياتـي
    اجاوبك لو ما معي منـك منفـوع=تحب تعرف كيـف قصـة حياتـي
    حياة ذيباً عايـش الفقـر والجـوع=ليلـه يبـات وليلـة مـا يبـاتـي
    اعيش عيشة ذيب والراس مرفـوع=وان قلّ مالي عـزّ نفسـي غناتـي [/poem]


    .................................................. ......................


    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    الله على اللي شوحتـه تقطـع الـدار=يوصل غريب الـدار ديـرة ربوعـه
    أبيـه والله ميـر مغليـن الاسـعـار=والبنك ماادلـه ولااعـرف فروعـه
    وذي حالـة الدنيـا لهـا ادوار وادوار=يومـن تواصلنـا ويومـن قطوعـه
    وكـل البشـر فيهـم فقـارا وتجـار=ونفوس تتحمـل والاخـرى جزوعـه
    وحتى بنـوك النقـد تعجـز وتنهـار=ماهوب انا عجزي بعـاد(ن) رموعـه
    بس المهـم ودون توضيـح الاسـرار=وضعي ووضع الجيب شكله ونوعـه
    شريت لي جيب(ن)عسى ابـوه للنـار=بانـت عذاريبـه مـن اول اسبوعـه
    مزعج مع الصحراء ومزعج مع القار=ومـن يركبـه لازم يسكـر سموعـه
    مثل الشبـح ماينقصـه غيـر طيـار=شكلـه وتصميمـه وممشـاه روعـه
    من خف دمـه مابقـى فيـه مسمـار=ولايركبـون عيـال الانـذال نوعـه
    مايركبـون الا سفـاري وفكـسـار=آخر زمان(ن) جعـل بقعـا تصوعـه
    خلا رجـال المرجلـه مالهـم كـار=الذيـخ لـو يبكـي مسحنـا دموعـه
    الذيـخ يشبـع فالفضايـل والاسـوار=والذيـب مايـدرى بفقـره وجوعـه
    وقت(ن) يخلي صاحي الفكـر يحتـار=ويشوف من هول الدهـر مايروعـه
    تلقى الفقير وفزعتـه خمسـة انفـار=وتلقى الغني كـل الجماعـه فزوعـه
    ياعاشق الدنيـا تـرى مالهـا جـار=كما واحد(ن) في حبها طـار شوعـه
    اليوم تضحك لـه وتعطيـه الانـذار=وبكـره تلحويهـا محانـي ضلوعـه
    خلك علـى صكـات الايـام صبـار=ويوم(ن) يفوتـك لاتمنـى رجوعـه
    اقفى على مافيه مـن خيـر واشـرار=نجم(ن) هوى مايندرى عـن طلوعـه
    وماهي على كيفـك تمنـى وتختـار=ابعد على المخلوق مـن حـب كوعـه
    يخبرك من ذاق المتاعـب والامـرار=وحـاول ولاجالـه زمانـه بطوعـه
    ومرت به الدنيا على بعض الاقطـار=في رحلة(ن) ماغيرت مـن طبوعـه
    والله ماواطـن عيشـة الـذل والعـار=مـادام لـي شيمـه ونفـس قنوعـه
    وقرش(ن) عزيز افضل من الفين دينار=من مصدر(ن) للذل يعلـن خضوعـه
    ولو الوساده من صلافيـح الاحجـار=للراس اخير مـن التـرف والميوعـه [/poem]


    .................................................. ...........................


    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    ياهـن ابـن هـن مــاوالله ارداك=ومااردى نصيب اللي يسوي سواتـك
    ومااردى نصيب اللي من البعد ينصاك=يبا العشا ويشوف بعـض احركاتـك
    تحلق الشـارب مـن الديـن يـاذاك=ودك تخـدع المومنيـن بصـلاتـك
    لكـن وش تكسـب بدينـك ودنيـاك=لا صار ترك الواجبه مـن صفاتـك
    لا صار ضيـف الله تلقيـه علبـاك=باقي علومـك خشهـا فـي عباتـك
    الجـود مافقّـرك والبخـل مااغنـاك=ولا تحسب انك مت من موت شاتـك
    الخاتمه مـن يـوم هـاذي سوايـاك=بالله لا تعـطـي عتـابـه بنـاتـك
    تكثر بنا الرديـان مثلـك وشـرواك=وتـروح تشمتنـا الرجـال بشماتـك[/poem]


    .................................................. .................................


    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    عجيـب ياقلبـي وعجبتـك دوبــك=ماشوف علم ٍجايـزاً لـك و معجبـك
    ياقلـب حاسبنـي وحاسـب ذنوبـك=ماادري بخلان الرخـاوش مرغبـك
    وش ولعـك فـي نـاس ماقلدوبـك=ولاثمنـوا حقـك وقامـوا بواجبـك
    ربعـاً يذريهاالـذرى عـن هبوبـك=خسران لوتشكـي عليهـم مصايبـك
    وان حصلـوا مقصودهـم ربعوبـك=سووا لك الخط الزلـق ليـن يقلبـك
    وعندالنهايه برقـوا وضحكـوا بكـك=مـن ضحـوك ٍيستغيبـك ويشذبـك
    اليـوم صدقانـك وباكرحكـوا بـك=وبعدالرجـا منهـم تكدرمشـاربـك
    هراجـة المجلـس ليامالقـوا بــك=شيـاً يقولونـه حـداهـم تنكـبـك
    ومالوبسـوق المهزلـه ونزلـوا بـك=ضعاف العقول اللي تسولف على الدبك
    يحكي بك اللي عاجزاً عـن دروبـك=لافـاعـل ٍفعـلـك ولاهو مجنـبـك [/poem]


    .................................................. ...............................



    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    الزلامي كيف رمح الهوى صابه=والهوى ماصابنا من على اولنـا
    ياهل البيت الخضر سكرو بابـه=سكرو بيبانكـم ياعـرب عنـا
    وامسكوا ورع الهوى اللي بلشنابه=كـل ما جينا مـن الـزام قابلنـا
    هز رمش العين والاضحك نابـه=ضحكـة ٍمنها النجـوم يتهاونـا
    امسكوه ببيتكـم قبـل نبلابـه=وأن طلع لا تامنون العتـب منـا
    لايكلمنا ولا يطـلـع الـجـابـه=لوصبـاح الخير كنـه يلعـنـا
    مايخاف الله ولايرحم اصحابـه=جاهـلا ًبعيونـه السود يفتـنـا
    اتمنا حـرب مـدفـع ودبـابـه=والعيـون السود عنّـا يصدنـا
    بس ياهل الورع متنا من اسبابه=مايردالمـوت لاانتـم ولاحنـا
    ورعكم يلعـب ودنيـاه لعابـه=مـادرى انـا قد لعبنا وهـونـا
    مالقينا في طريق الهـوى ثابـه=زتنا في بحرالاهـوال واهملنـا
    ودنابيت الهوى نقطـع اطنابـه=ونطلب الوالي عسى العفو يشملنا[/poem]


    .................................................. .................................


    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    الوقـت يامقـسـى عـنـاه وعـذابـه=حطاب ليـل ولـه معاويـن وفـزوع
    احد (ن) منـه يمكـن يعالـج صوابـه=واحد (ن) يموت بعلته مـوت جربـوع
    يروح مثـل مقـاط محـد (ن) درابـه=لاحبـل يرقـى ولاصـوت مسمـوع
    بغـى يجيـب رشـاه ورشـاه جابـه=من عالي الشفه علـى ضربـه الكـوع
    هـذاه مقـاط اللـى ارشـاه التـوابـه=واصبح مثل للناس في كـل موضـوع
    قصـه مقـاط وقصـتـى ماتشـابـه=اسباب وقت وكـل قصـه لهـا نـوع
    مقـاط صفـى فـي زمانـه حسـابـه=وانا بلشت في وقت طامـع ومطمـوع
    كم واحـد (ن) وقـت اللـزوم تهقابـه=واليـا نصيتـه غيـر الطبـع بطبـوع
    والصاحب اللى صحبته ضحـك نابـه=يبينى ابقى لـه علـى الـدوم مـزروع
    ان شـاف وجهـي قـال يامرحبـابـه=وان غبت ينسانى على راس الاسبـوع
    واليـا نسانـى منهـو حظـره جنابـه=انساه واجعـل دونـه الخـط مقطـوع
    وعيب (ن) عليـه كـان طقيـت بابـه=لونى امسي بالخـلا ميـت (ن) جـوع
    مـن خلقـه الدنيـا تجـوع الذيـابـه=بس المهـم تعيـش والـراس مرفـوع
    وتكسب بعـز النفـس قـدر ورحابـه=وتمشى على خط (ن) سليم (ن) ومشروع [/poem]


    .................................................. .................................


    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    ياموزع النعم خل النعم لاصحابـه = ماينعطـي غيـر للـي يستحقونـه
    النعم يعطـي لرجـل فاتـح بابـه = للضيف وليا بغـوه بحـال يلقونـه
    اللي بوقت اللزوم يبيـن مضرابـه = سيـف تحـده لزومـه مايحدونـه
    والا الردي لاتقول ونعم يضرابـه = يرهي على نعم وهوه قاصر دونـه
    ليا قلت له نعم قـام يفتـل أشنابـه = يحسبك صادق مايدري نعم وشلونه
    يطمع بشي يموت الخبـل ماجابـه = ثم قال انا جبت نعم اللي يقولونـه
    بعض البشر يحلمون احلام كذابـه = ومن لاعرف قدر نفسه عد طبلونه
    يجيك مسرع مايدري ويش يبلابـه = من قلة العرف مايمشي على هونه
    اما على الاقربين اشتـال مشعابـه = والا بعرض المقفي سـل مسنونـه
    تناول الغيبيـن وكثـروا احزابـه = اللي علـى قلـة الخيـره يدفونـه
    واهل العقول سكتوا ماقالو الجابـه = لاينقصونـه بشـي ولايزيـدونـه
    قالوا هذا فيـه عاهـة وابتلشنابـه = والا هـذا فيـه شـي مايعرفونـه
    وخلوه يسرح ويمرح خاب من جابه = مانومس اللي من الصغر يترجونـه [/poem]


    .................................................. ............................


    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    البخـل طبـع مستحيـل عـلاجـة=والجود طب لكل الأمراض وعـلاج
    جيت الرفيق اللـي بشـوش حجاجـة=اللي بحـزات الرخـاء مثـل هـداج
    قال العلـوم وقلـت طـلاب حاجـة=حاجة يسر ماهي تكاليـف واحـراج
    ان كلفـت يكفـي العـذر والمواجـه=وان كان جت من يسر صاحبك محتاج
    واومى براسـه مثـل راس الدجاجـة=وهز المتون وراح وجهه كما الصاج
    واقفيت مـن عنـده مطفـي سراجـه=ولي حاجة ماعطيتهـا كـل هـراج
    عرض العلوم لغيـر اهلهـا سماجـة=والصاحب الطيب له الـدرب ينعـاج
    وكم ضيقـة ياتـي بعدهـا انفراجـة=ياليت كـل اصحابنـا مثـل سهـاج
    الصاحـب اللـي مايعكـر مزاجـة=ولا حطلـه كثـر المعاذيـر منهـاج
    ولا الردي صيـده يضيـع بعجاجـة=ماتسبقه في سرعـة الـروغ ميـراج[/poem]


    .................................................. ..............................


    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    اكتب ويكتبلي وانا اقول حتى ايش=حبراً على قرطاس ماهوب كافـي
    والوضع ماهو قابـلاً للمطاريـش=يا امير بشرنـي عساهـا عوافـي
    سجيت يوم غصون قلبي مواريـش=واليوم يا فرز الوغى شـاب قافـي
    وعروق قلبي يالسديري معاطيـش=امشي وانا مقفي واعايـن خلافـي
    رافقت حجاج الهنـود الدراويـش=وسريت مسرى الذيب رجلي وحافي
    وطال المسير وصار بالجو تشويش=متى على الله يصبح الجوّ صافـي
    شياّ يخدش ثومة القلـب تخديـش=وسره يعود الى القلـوب النظافـي
    يكفيك لايـح كلمتـي دون تفتيـش=وعندك خبر ما قال صقر النصافي
    مادام انا قلبي جزوعـا ليـا نيـش=حساس من كلمه سريـع العيافـي
    ارضاً خلا لو مابها لقمـة العيـش=اخير مـن رزق عليـه اختلافـي
    والرمز يكفي الحر والخاتمه ويـش=اقبل تحياتـي وانـا شـاب قافـي [/poem]


    .................................................. ..................................


    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    يا ونتي يا ما بصدري من الضيـق=من حسة لا جت بداخـل ضميـري
    كنيتهـا فـي مغلقـات الصنـاديـق=لين انكسر منها الضليـع القصيـري
    قالوا قدرت الصبر ما فيـه تبريـق=قلت اه من يقدر على الصبر غيـري
    مير انتهى واليا انكفى الميّ ما حيـق=سود الليالي عرقلـت خـط سيـري
    والله لو اشرب ماي سحب غداريـق=ما ظنتـي يبـرد ظمـاي الغديـري
    ولو اشرب الذوب المصفّى على الريق=زاد السعير اللـي بكبـدي سعيـري
    خط لفانـي حـرّق القلـب تحريـق=امحق بشـاره جبتهـا يـا بشيـري
    انا على عهـدٍ واظـنّ العهـد بيـق=اخر زمان وكـل شـيء يصيـري
    راحوا هل النمات مثـل الزواريـق=يسعـون عدوانـي بقرقـا عشيـري
    الله يجازي مـن سعـى بالتفاريـق=عن جنـة الفـردوس بالزمهريـري
    يا راكب اللي مع خطـاة الطواريـق=ينـوز نـوز الجافـل المستذيـري
    مـن وارده مالوعـوه السـواويـق=ولا داج للعبـري وشـال الاجيـري
    اخـر طـراز مغلـق الفـن تغليـق=اسبق من الاصوات عبـر الاثيـري
    هـافٍ يهيـف بمجرهـد الرقاريـق=يطوي الفيافي طي سلـك الحريـري
    عجل ليا دنَّـي وعجـل ليـا سيـق=والطير مـا يمديـه قدمـه يطيـري
    عليـه منـدوب ليـا نشـف الريـق=قرم ليـا سـال العـرق بالنظيـري
    داس الخطر من دون عهد ومواثيـق=يوم ان ولد الـلاش فكـره يحيـري
    خذلي كتاب منسـق القيـل تنسيـق=مكتوم مـا يقـراه غيـر السديـري
    محمـد الاحمـد مهـدي الصعافيـق=ليا عدوا اهل الطيب قاضي واميـري
    وان حلّـق الدخـان بالجـو تحليـق=اميـر فـي قـود السرايـا خبيـري
    وان صار بالجرعات كنّه وتشريـق=قاضي يحل العسـر حـلاً يسيـري
    وان جو وبيبـان المنـازل مغاليـق=ريفـاً لهشّـال الخـلا والقصيـري
    وسلم عليه وشلـق الهـرج تشليـق=واشرح له الموضوع حالي خطيـري
    يعطيك راياً مـا عطـوه المطافيـق=وانا بلشت ومـن بلـش يستشيـري
    وتراي بادي لك على الرجم ومويـق=عطشان شفقـان لشـوف السديـري[/poem]


    .................................................. ...................................


    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    الله مـن قلـب بـه النـار تشتـب=هبـت وشبـت واستمـرت شبوبـه
    قلـبٍ غـدى للهم مـا رد ومشـرب=وما ضاع من هم العرب راح صوبه
    همٍ على ربـع وهـمٍ علـى غبـب=اليـوم والساعـه همومـه تلـوبـه
    والله من عينآ تصب العبر صبصـب=القليـب اللـي تـدالـج غـروبـه
    يا عبيد انا ما نيب ضبٍ ولد ضـب=يصبر لمـا يسمـع وينفـخ ذروبـه
    انـا عتيبـيـآ عـريـبٍ مـعـرب=لي ما قفٍ كل الجميـع شهـدو بـه
    من سب داري قلتله كـب ثـم كـب=وارخصت روحي دون داري جلوبه
    لـو أنسجـن بسبابـهـا واتـعـذب=صبرت من شـان الوطـن للعقوبـه
    والسجن ما هو عيب شـئ مجـرب=يعلـم المسجـون مـا هـي ذنوبـه
    يلومنـي خبـلٍ إلا مــا تـغـرب=ينسى الوطن خسروا هله يوم جو بـه
    فوده مع الضفـران صفـر مكعـب=فطيس قلـب و لـذة النـوم دوبـه
    وانـا علـى كـل الجنـوب اتقلـب=ما ذقت حلو النوم يـوم اهتنـوا بـه
    اقنب قنيب الذيب فـي راس مرقـب=من حر ما به قـام ينهـش جنوبـه
    يحينـي الغربـي عصيـر إلاهـب=وريح الديار الطاهـره فـي هبوبـه
    ريحة هواها مكسبـي يـوم نكسـب=اخير من ريـح البحـر والرطوبـه
    عسى السحاب اللي من العصر ينصب=هلـت هماليلـه وهبـت انصـوبـه
    يسقى وطن راعي العقـال المقصـب=نجد العزيز وغـرب نجـد وجنوبـه
    ياديرتي مـا تقبـل الشتـم والسـب=يـا منبـع الإسـلام دار العروبـه
    يفوز مذهبهـا علـى كـل مذهـب=وعلـى مقلبـت المذاهـب عقوبـه
    يحكم بشرع الله وبالسيـف الأرقـب=ولا شق فيها طالـب الحـق ثوبـه [/poem]


    .................................................. ...................................


    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    قالوا تعلمـت قلـت عنـاد وفراسـة=أعاند النفـس والدنيـا وأصارعهـا
    ودرست في مدرسة من شيبت راسـه=دنيا العنا اللي قصيفـات مطامعهـا
    تلميذهـا دايـم تكتـب بقرطـاسـه=وتعطيه جملة دروس مـا يضيعهـا
    والله عطانا نظر وشعـور حساسـة=ناخذ علوم المعرفـة مـن مراجعهـا
    ونساير الوقـت ونقيسـه بمقياسـه=ونمشي مع النفس بالواقـع ونقنعهـا
    وترى حياة الفتى مهما قـوى باسـه=محفوفة بالخطـر والمـوت تابعهـا
    من مبتدى العمر لاما يلفـظ أنفاسـه=يمر فـي مرحلـة تكثـر زوابعهـا
    أول حياة الفتـى تدريـب ودراسـة=تكثر ظروف الحياة وينشغل معهـا
    وثاني حياة الفتى مشـوار وعساسـة=مسيرة في عجـاج الوقـت يقطعهـا
    وآخر حياة الفتى يرجع على ساسـه=النقطة اللـي بـدا منهـا يراجعهـا
    يرجع لسن الهرم ويضيـع الطاسـة=ويمشي مع الأرض ويخطط شوارعها
    والا تلاقت متونه وارتخـى راسـة=ضاعت جميع العلوم اللـي يجمعهـا [/poem]


    .................................................. ......................................

    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]

    أليا جهلت انشد ترى مابهـا عيـب=لا تنخدع للجهل وأنـت السبايـب
    عيب الفتى مافيـة شـك ولاريـب=ترك الفروض وقطع وصل القرايب
    والعيب ترك ملازمات المواجيـب=وتبع الردى ومجالسة كـل خايـب
    فالتجربة برهـان مافيـة تكذيـب=واليا جهلت انشد من القـوم شايـب
    ولا قول يوجد شايب يعلـم الغيـب=الغيب يعلـم بـه مديـر الهبايـب
    لاشك يوجد شايـب لـه تجاريـب=ومن الدهر شاف الفكر والعجايـب
    بيض النواصي جبهته كلها شيـب=من كثر ما مرت عليـة المصايـب
    قد صارع الدنيا على الخبث والطيب=فالغوص وإلا فوق عوص النجايب[/poem]


    .................................................. ....................................


    [align=center]في الختام


    أتمنى من الجميع إذا عندهم إضافات ان يتفضلوا بها


    لأن شاعر علم وشاعر كبير مثل ابو جميل


    يجبرنا على معرفة كل جديده المميز والقيم


    تشكرون


    تحياتي لكم
    [/align]
  • فواز الشيباني
    موقوف لمخالفة الأنظمة
    • Apr 2005
    • 2001

    #2
    اخي فيصل المسعودي

    مشكور على لايضاح الرائع عن قصائد الشاعر الكبير الزلامي

    الله يعطيك العافيه

    تعليق

    • ابن سهاج
      شـــاعــر
      • Mar 2003
      • 172

      #3
      فيصل المسعودي


      لله دررررك على هالجهد


      ورشيد مدرسه شعريه بحد ذاتها

      تعليق

      • خلف بن مرزوق
        مشرف سابق
        • Apr 2005
        • 2765

        #4
        00

        لاهنت يافيصل ولي عودة بعد اعادة التنسيق ان شاء الله
        اهداء لاعضاء وزوار الهيلا
        777
        77
        7

        ديوان الشاعرالعملاق / رشيد الزلامي

        ديوان الشاعر الكبير / حبيّب العازمي

        al3azmi@w.cn

        تعليق

        • ((الدلبحي))

          رابطة محبي الهيلا

          • Mar 2003
          • 6010

          #5
          بيض الله وجهك على المجهود الطيب


          تحياااااااااااااااااااااااااااااتي

          تعليق

          • ابـن نـعـيـس
            مشرف سابق
            • May 2005
            • 5666

            #6
            بيض الله وجهك ولاهنت


            تحياااااااااااااااااااااااااااااتي
            [align=center][/align]

            تعليق

            • وليد الزراقي
              موقوف لمخالفة الأنظمة
              • Jan 2006
              • 1585

              #7
              بيض الله وجهك ولاهنت
              الرجاء من الاخوان التثبيت
              تحياتي

              تعليق

              • كليب
                عضو نشيط
                • Jan 2006
                • 32

                #8
                فيصل تكفا نسق الموضوع بسرعة

                تعليق

                • كليب
                  عضو نشيط
                  • Jan 2006
                  • 32

                  #9
                  لاهنت يافيصل ولي عودة بعد اعادة التنسيق ان شاء الله



                  ( تكفا يا خلف نسقو الموضوع بسرعة )

                  تعليق

                  • عــ الد ـــيـــ لبحي ـــد
                    عضو فعال
                    • May 2008
                    • 132

                    #10
                    الله لا يهينك وصح لسانك ولسان قايلها

                    تعليق

                    • فيصل المسعودي
                      مشرف عام
                      • May 2005
                      • 8296

                      #11
                      تم تعديل التنسيق والمعذره يالغالين على التأخير

                      شكراً لمروركم جميعاً

                      تحياتي

                      تعليق

                      • عبدالمجيد النفيعي
                        مشرف القسم الإسلامي والاقسام العامة
                        • Jul 2007
                        • 2048

                        #12
                        مشكور يافيصل

                        ونطمع بالمزيد من القصايد

                        رشيدالزلامي منمل من قصايده
                        تذكر

                        قول الرسول صلى الله عليه وسلم :-"المسلم من سلم المسلمون من لسانه ويده"





                        أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

                        تعليق

                        • كليب
                          عضو نشيط
                          • Jan 2006
                          • 32

                          #13
                          بيض الله وجهك يا فيصل

                          تعليق

                          • العطاااااوي
                            عضو فعال
                            • Mar 2006
                            • 180

                            #14
                            لاهنت يالمسعودي

                            وبيض الله وجهك

                            تعليق

                            • بدر الديحاني
                              عضو ذهبي
                              • Nov 2007
                              • 306

                              #15
                              ابوجميل

                              يجيد المحاوره والنظم

                              وكلاهما قوي ومفترس

                              الله دارك يابوجميل وطال الله بعمرك

                              ودك بالصحه والعافيه ،

                              الاخ فيصل المسعودي بيض الله وجهك

                              على ديوان وكثر الله من أمثالك

                              تعليق

                              العمل...