قصـــــــــــيده رثــــــاء في سلطان بن جهجاه بن حميد

طي
X
 
  • التوقيت
  • إظهار
مسح الكل
المشاركات الجديدة
  • روق والسماء فوق

    رابطة محبي الهيلا

    • Feb 2006
    • 1090

    #1

    قصـــــــــــيده رثــــــاء في سلطان بن جهجاه بن حميد



    احدى قصائد المرثيات في الامير
    سلطان بن جهجاه بن حميد
    يرحمه الله





    [poem=font="Simplified Arabic,4,black,bold,italic" bkcolor="transparent" bkimage="backgrounds/35.gif" border="none,4,gray" type=1 line=0 align=center use=ex num="0,black"]

    الدمع مـا بلّـل كمـوم و مناديـل=
    بلّل قلوب النـاس وأدمـى حشاهـا
    وأصعب بكاء - بكي القلوب المعاليل=
    وش انت يا ملح المحاجـر وماهـا
    الدمع - دمـع الأفئـده والهماليـل=
    من سبّلـت كـل المحانـي مداهـا
    ضاقت وسيعات الصدور المداهيـل=
    بالحـزن والضيقـات لا واعناهـا
    لقى عليهـا الهـم بـاب ومداخيـل=
    حتى تفرعـن فالضلـوع ورقاهـا
    واخذ يرتلها على الضيـق ترتيـل=
    حتى إستوت منبر شجـون وتلاهـا
    للحشرجه وسط الصدور المواويـل=
    وألاّ الذيابـه يـوم تقنـب عواهـا
    والمـوت هـدام الملـذات والحيـل=
    وخنّاق الأنفـس لا دنـا واعتراهـا
    في كل يوم يحـط فالنـاس ويشيـل=
    ولا نشد عن غيضها مـن رضاهـا
    والنـاس ماهـي للخلـود التماثيـل=
    مدامهـا حـيّـه قفـاهـا فنـاهـا
    بس الفقيـده فـي رحيلـه بهاذيـل=
    وسلطان موته كسـرةٍ مـا وراهـا
    ما مات رجّال وتعوضه رياجيل=
    ماتت بلاد إب مدنهـا وإب قراهـا
    ومن السما طاحت بموتـه قناديـل=
    وخفت من شموس المكـارم سناهـا
    ومن الصخاء شلّت اكفوف ومكاييل=
    يامـا بجـزلات العطايـا ملاهـا
    ومن الفضيله مالت أبـراج والميـل=
    حل بديار الجـود واربـك حجاهـا
    في غيبته عزّا الجدي مطلع اسهيـل=
    وعزّا النجـوم المرقبـات وسماهـا
    وعزّت عليه الخيل مرابـط الخيـل=
    وسروجهـا وأرسانهـا وامْعداهـا
    والقود تخلج والثمـر والمحاصيـل=
    سنبل بها حزن الرحيـل وطواهـا
    وألاّ السيوف المرهفـات القواتيـل=
    سلاّتها تنعى القضـاء فـي حداهـا
    وعزّت به ( الهيلا ) بعضها مغاليل=
    وعزّت به اجناب الرجـال اقرباهـا
    وعزّا الحجاز جباله السود والسيـل=
    عـزّا الحجيـج وبادلتـه بدعاهـا
    والورد وأزهـار الشفـا والأكاليـل=
    على فضاء الطايف عزاهـا شذاهـا
    ونجد الشكاله والكـرم والمشاكيـل=
    عزّت قبايلهـا علـى مـا دهاهـا
    مجالس الاجواد عـن كـل تعليـل=
    يرودهـا حـزن الفـراق وحكاهـا
    وامست تسامر ضيمهـا والمعاميـل=
    واحسن عزانا الله واحسـن عزاهـا
    فاللي حياته مدرسة جيل عن جيـل=
    نتاجهـا حمـد الرجـال وثنـاهـا
    له فالحناجر كل مـا ينذكـر قيـل=
    نعـمٍ يـردد فالحناجـر صـداهـا
    سلطان بن جهجاه والسيره النيل=
    وبجاله غصـون المديـح ونماهـا
    علـى ضفافـه للشواهـد دواليـل=
    ومن الشجر طيب العروق وزكاهـا
    عليـه زاحمنـي كـلام وتفاصيـل=
    وإليا ارتبـط فيـه الكـلام يتباهـا
    كن الكلام البيـد واذكـاره السيـل=
    والسيـل لا مـر البسيطـه حياهـا
    من يمّه الطـاري مزايـا وتبجيـل=
    والطيب والكف الجزيـل ورهاهـا
    ومن يم جدّانه فمـي يمتلـي هيـل=
    وأرمي عقالـي للفعـول وطراهـا
    كم سرّجوا للمعضـلات المشاويـل=
    وكم درّجوا علـى المهانـه رحاهـا
    بأرماحهم جـاء للمنايـا مراسيـل=
    من زرقها تلقى الضواري عشاهـا
    تاريخهم جغرف اديـار ومنازيـل=
    يـوم الديـار اديـار للـي ولاهـا
    وشهودهم منهـا حيـود وغراميـل=
    يحكـي حصاهـا ويتكلـم ثراهـا
    لقبورهم غيـث الحيـا والمخاييـل=
    ولعظامهـم بـرد الجنـان وجناهـا
    [/poem]
    للشاعر مرزوق النفيعي العتيبي
  • فهيد مقعد الرويس
    شـــاعــر
    • Sep 2005
    • 2284

    #2
    تسلم يمينك ياروق والسمافوق

    وصح السان النفيعي

    والله يرحم الشيخ سلطان

    تحياتيييييييييييييييييييييييي

    تعليق

    • ابـن نـعـيـس
      مشرف سابق
      • May 2005
      • 5666

      #3
      تسلم يمناك

      وصح السان النفيعي

      والله يرحم الامير سلطان


      تحيااااااااااااااااااااااااااااااااتي
      [align=center][/align]

      تعليق

      • فواز الشيباني
        موقوف لمخالفة الأنظمة
        • Apr 2005
        • 2001

        #4
        تسلم يمينك ياروق والسمافوق

        وصح السان النفيعي

        والله يرحم الشيخ سلطان
        يعطيك العافيه على النقل

        تعليق

        • فيصل المسعودي
          مشرف عام
          • May 2005
          • 8296

          #5
          صح لسان النفيعي


          والله يرحم الأمير سلطان بن حميد


          تشكر على نقلها


          تحياتي

          تعليق

          • المؤرخ1
            عضو نشيط
            • Sep 2005
            • 82

            #6
            الله الدايم

            صح لسان الشاعر فقد اجاد
            والله يرحم الأمير الشيخ ساطان بن جهجاه بن حميد رحمة واسعه
            وان يسكنه فسيح جناته وكل المسلمين آمين.

            تعليق

            • ((الدلبحي))

              رابطة محبي الهيلا

              • Mar 2003
              • 6010

              #7
              تسلم يمناك والله يرحم الامير سلطان برحمته الواسعه

              وصح السان مرزوق العتيبي

              تحياااااااااااااااااااااااااااااااااتي

              تعليق

              • منصور بن فهيد
                مشرف سابق
                • Dec 2004
                • 3451

                #8
                لاهنت يالغالي

                وصح لسان شاعرها النفيعي

                ورحم الله الشيخ : سلطان بن جهجاه بن حميد رحمة واسعة

                ومهما ابدعنا بالقصائد فلن نوفيه حقه من الاجلال والاحترام فاسهاماته في خدمة القبيلة لا تعد ولا تحصى

                تحياتي وتقديري
                man.9.our@hotmail.com

                تعليق

                • أبن مكرز
                  عضو فضي
                  • Dec 2005
                  • 231

                  #9
                  الله يرحم الامير سلطان ابن جهجاه رحمه واسعه
                  وصح الله لسان قايلها
                  وعزالله انه فقيده على عتيبه وعلى كل من احتاج فزعه

                  تعليق

                  • وليد الزراقي
                    موقوف لمخالفة الأنظمة
                    • Jan 2006
                    • 1585

                    #10
                    صح لسان النفيعي


                    والله يرحم الأمير سلطان بن حميد


                    تشكر على نقلها


                    تحياتي

                    تعليق

                    • غشام نجد
                      مشرف سابق
                      • Aug 2005
                      • 2631

                      #11
                      [frame="9 80"]تسلم يمينك ياروق والسمافوق

                      وصح السان النفيعي

                      والله يرحم الامير:الشيخ سلطان[/frame]

                      تعليق

                      • المؤرخ1
                        عضو نشيط
                        • Sep 2005
                        • 82

                        #12
                        ياشباب لو سمحتوا نبي مرثية الشاعر الكبير كديميس بن صالح العصيمي

                        في الأمير سلطان بن جهجاه بن حميد رحمه الله.

                        تعليق

                        العمل...