مـادام كـلٍ قـام يـمـدح قبيلـتـه - قصيدة مدح في عتيبه

طي
X
 
  • التوقيت
  • إظهار
مسح الكل
المشاركات الجديدة
  • حاتم العطاوي
    عضو فعال
    • Nov 2005
    • 151

    #1

    مـادام كـلٍ قـام يـمـدح قبيلـتـه - قصيدة مدح في عتيبه

    الشاعر الكبير ملفي المورقي

    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    مـادام كـلٍ قـام يـمـدح قبيلـتـه=ويذكـر مناسبهـا ويذكـر فعولهـا
    إلي الفخر في مـدح ربعـي عتيبـه=اللي تسلسل مـن هـوازن أصولهـا
    ربعي هل التاريخ والعـز والفخـر=ليا مـن دقـت للحرايـب طبولهـا
    إلها إسمها الرنان مع ساير العـرب=ليا ضيقت بعض العـرب صوتولهـا
    مثـل الجبـال الشامخـه فالجزيـره=متراميه عرض الجزيـره وطولهـا
    من قو هيبتهـم ومـن قـو باسهـم=كل الديـار اللـي يبـون وصلولهـا
    إليا ساقو العطفه وسارت جموعهـ=مالأرض ترجف من حوافر خيولهـا
    تمشـي برغبتهـا وتمشـي بكيفهـا=ما كن إبه ناسٍ مـن النـاس حولهـا
    لين إنها وسط الجزيـره تمركـزت=وشرت على أطراف الجزيره نزولها
    هيـلا ً علـى ماقـال الاول مهيلـه=تطـول غايتهـا ولاحـدن يطولهـا
    بحدب السيوف اللي تجـاذب قنيبهـا=وشلفٍ عريضـاتٍ وسـاع دحولهـا
    مـا تأكـل الا كـل شيـخٍ مجـرب=تخلي عن الخيل الأصايـل حمولهـا
    يوم إنهـم هـاك الليالـي تحـدروا=مثل المـزون اللـي تدلـت ثعولهـا
    بروقها بيـض السيـوف الرهايـف=ورعودها العزوه ليا ضاق جولهـا
    وثعولهـا البـارود عنـد انصبابـه=والدم مـن فعـل النشامـا سيولهـا
    هـذا وأنـا ملفـي فعايـل عتيـبـه=ليا من جات المعضـلات إرتكولهـا
    ومن لاذ بحماهم من الخـوف يامـن=تضفي عليه عن البـلاوي سدولهـا
    يصير فـي عيطـا ً قـوي حجاهـا=تحجي وتذري من دخل في كفولهـا
    من طيبها ينسب لهـا عـدة اسمـى=أسمىً دواليب الدهـر مـا تزولهـا
    ذكرت منها البعض والبعض الآخـر=ما أوفي حروف رسالتي لين أقولهـا
    ذباحـة الحايـل ولطامـة الـعـدا=حتـى نعاتيـت الطغـاه إشهدولهـا
    قـدم العـدا نـار قـوي جحيمهـا=وقدام وجه الضيـف زيـنٍ قبولهـا
    أبوابهـم طـول الليالـي مشـرعـهمـا حلجـوا قـدم المسيـر قفولهـا
    وإن جاهم الطرقي لقى العود والشبب=ودلال رسـلانٍ تعـاقـب بدولـهـا
    يكيـف الضرمـان خنـة عبيـرهـا=أهل الكـرم والمكرمـات إتعبولهـا
    وكل السلوم الطيبـه مـن سلومهـم=أسلومهـم سـارت ونالـت قبولهـا
    كم اصلحوا من مشكله غير الاخرى=الصلح مـن بيـن القبايـل ميولهـا
    ربعي سراج الدين في ظلمة الجهـل=ما تمشي الا مـا مشابـه رسولهـا
    قلته وانـا شاعـر وامجـد قبيلتـي=اللي مـن الحكمـه ثقـالٍ عقولهـا
    والشاعر اللـي مـا يمجـد قبيلتـه=يا عنك مـا ثمـن مسـاع سعولهـا
    همه ليا غنـى القصيـد لمصالحـه=يا كل به العيشه ويعـرف دخولهـا
    في مدح ربعه مـا تدرهـم قصايـده=وفي غيرهم محفٍ سمـاري ذلولهـا
    ما يـدري الدنيـا رحـىً مستديـره=يمكن عليه تدور مـا حـال حولهـا
    واختامها مني صـلاة علـى النبـي=شفيـع الأمـه يـوم يـزداد هولهـا [/poem]
  • ابوعبد الرحمن22
    عضو ذهبي
    • Apr 2005
    • 344

    #2
    حا تم العطاوي تسلم على النقل الموفق


    وبيض الله وجه ابو وافي في مدح قبيلة

    تحياتي

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      صح السانك والسان الشاعر الكبير ملفي المورقي

      وفى ولاقصر وقبيله يحق للجميع ان يفتخر فيها

      تحياااااااااااااااااااااااااااااااااااتي

      تعليق

      • فيصل المسعودي
        مشرف عام
        • May 2005
        • 8296

        #4
        تشكر يالعطاوي


        على نقل القصيده الجزله


        للشاعر الكبير ابو وووافي


        التي تتكلم عن قبيلة


        لها شأنها فالتاريخ


        وحفرت أسمها فيه باحرف من ذهب


        تحياتي

        تعليق

        • ابن ثريان
          عضو فعال
          • Apr 2005
          • 103

          #5
          الف شكر على النقل وصح لسان وبدن من قالها

          تعليق

          • ابـن نـعـيـس
            مشرف سابق
            • May 2005
            • 5666

            #6
            صح لسان الشاعر الكبير ملفي المورقي

            وتسلم يمناك يالغالي


            تحيااااااااااااتي
            [align=center][/align]

            تعليق

            • محمد العتيبي

              مشرف منتدى شعراء قبيلة عتيبه

              • Mar 2005
              • 10789

              #7
              ،،




              ،




              ،،،




              ،،




              ،




              ،،




              ،




              ،،،




              ،







              (( بلا تعليق ))
              [align=center][/align]








              [align=center]للتواصل عبر twitter تويتر


              al_bargawy@
              [/align]

              تعليق

              العمل...