رد على الشاعر محمد صنهات العتيبي

طي
X
 
  • التوقيت
  • إظهار
مسح الكل
المشاركات الجديدة
  • ولد السناعيس
    عضو
    • Aug 2005
    • 23

    #1

    رد على الشاعر محمد صنهات العتيبي

    رد الشاعر مناور بن دغيم الرمالي الشمري على محمد بن صنهات العتيبي يوم مدح شمر





    بديت ذكر الله على كـل مـا كـان =
    المعتلي منشي صـدوق المخايـل




    الواحد اللي خالق(ن) جن وانسـان = الرازق اللـي يطلبـه كـل سايـل



    ابديت ما كنيت يوم الخفـي بـان = باح الكنين وجبت زيـن المثايـل



    صغت المثايل صوغ لولو ومرجان = مثايلـن مـا قالهـن كـل قـايـل



    وزنت منظـوم المثايـل بميـزان = طرايفن ياحمـود ماهـن هزايـل



    مثايلـن تهـدا لمثلـك بالامكـان = ياحمـود ياكسـاب كـل النفايـل



    تمدح وكلن يمدحك سـر واعـلان = ماتنمدح ياحمـود لـولا الفعايـل



    يفداك ياريف المهاجيـف كوبـان = ياهديب ياللي لثقل الحمـل شايـل



    الطيب يدرابـه والافعـال برهـان = الطيـب كايـد والفعايـل دلايــل



    والناس من دور الصحابة اليا ذلان = تذكـر فعـول الطيبيـن الاوايـل



    يالله ياللي فارض(ن) خمس الاركان = انـك تعـز مجربيـن الفضـايـل



    ياحمود سلم لي على طير حـوران = الليث بن صنهات واف الخصايـل



    محمد(ن) واف الخصايل كحيـلان = راع الفـا مـن طيبيـن الحمايـل



    نعم(ن) الياقالوا هل المجد عتبـان = ذباحة الحايـل سطـام(ن) لعايـل



    عتيبـة الهيـلا قبايـل وعربـان = فكاكة المضعـون ستـر الحلايـل



    ياقطبة سـرد السبايـا بالاكـوان = هل الفعايل يـوم صايـل وجايـل



    نزالة الخرم المطـرف بالاضعـان = مدهال عربان(ن) من الوسم سايـل



    ياقيل وين افـلان وفـلان وفـلان = ركبو عتيبه فوق سـرد الاصايـل



    نطاحة الكايـد بخفقـات الاذهـان = بافعال يامحمد صحيح(ن) صمايـل



    مزبان مضهود(ن) عليه الدهر شان = زبن الدخيل اللي به الوقـت مايـل



    ريف الخوي والجار ذباحة الضـان = زمل التخوت اللي تشيـل الثقايـل



    عتيبه وشمر يافتى الجـود خـلان = ياطير شلوى بيننـا الشـك زايـل



    افداك يامحمد ونـا فيـك كسبـان = مكسب وفا ماهوب مكسب حبايـل



    يالنادر الهيلـع الياضـم جنحـان = ذباح اليامن طالـع الجـول جايـل



    فيك المزوه والحميـه والاحسـان = يارعي النخوه لـك البـاع طايـل



    اطول من الضلع الطويل ام سلمان = ضلع(ن) تعرفه كل سمـو القبايـل



    يالشهم يالمسطور يالسيف شامـان = يالطيّب اللي مثـل طيبـك قلايـل



    انا على شوفتك شفـق(ن) ولهـان = وصلك هوى بالي بكـل الوسايـل



    واقبل سلامـي عـد ماهـل ودان = واعداد ما وادي(ن) من الوبل سايـل



    واعداد ما تومي الهبايب بالاغصـان = واعداد ما سـارت لمكـة رحايـل



    اهدي سلامي لك وربعك والاخـوان = وعلى عتيبـه مدركيـن الجمايـل



    ياجار ابو ماجد على النعم جيـران = جيرة وفا ماهـي بجيـرة فسايـل



    لايبعـد قربـة خنيفـس وخنّـان = المفسديـن مخربـيـن العمـايـل



    كلن شكى جاره على غير وجـدان = اللي على فرقـا قصيـره يحايـل



    ياللي لكم بالمجد مركـز وعنـوان = هـل الفعـول الطيبـات الجزايـل



    حمود من شمر هل المجد والشـان = نطاحة الكايد حمـا سـور حايـل



    شجعان ياركبوا على الخيل فرسان = حريبهـم ذاق الكـدر والغـلايـل



    هل الثنا والجود حضر(ن) وبـدوان = اهل هلا ماهـم هـل(ن) للحبايـل



    ومحمد(ن) من ساس طلقين الايمان = عتيبـة الهيـلا حمـات الدبايـل



    يوم المدارك والمعـارك بالاوطـان = مرويـن حـد مصقـلات السلايـل



    لهم بميدان الوفا سـاس واتقـان = ساس الوفا ماهو عن الحق عايـل



    محمد(ن) وحمود للمجـد عنـوان = ومجدديـن(ن) مجدهـم بالرسايـل



    جيران بالمنزل وبالفعـل صدقـان = اوي صدقـان(ن) تعـز النـزايـل



    نفخر بكم فخرن تصـوه الاذهـان = حب الفـا ماهـو محبـة هوايـل



    لولا التعارف والتقـارب والايمـان = ما صار بين الخلق حـب وصايـل



    قريت يامحمـد لكـم قيـل قيفـان = مشكور يامن جاب زيـن المثايـل



    صوغات مهديهن بتقدير واذعـان = ما بيت عن بيت(ن) من القيل عايل



    انت الاديب ان صار للقيل ميـدان = يعـل مـا نعتـاظ غيـرك بدايـل



    يامحمد اللي صار للمجـد عنـوان = الله يفكك مـن شـرور امتحايـل



    واقبل مرد القيل لو فيـه نقصـان = الكامـل الله وافـي(ن) بالكمايـل



    وصلاة ربي عد مـا يسمـع آذان = على النبي اعـداد مـا زال زايـل











  • ابن مشيب
    إدارة أقسام القبيلة
    • Nov 2002
    • 9791

    #2
    لاهنت ياولدالسناعيس , والشاعر حمود بن صنهات مدح من يستاهل المدح , وهي قبيلة شمر ( كبار الصحون ,, وساع الطعون ) , فقد سطرو التاريخ بسيوفهم , وكتبوه بقطرات دمائهم , وشهادتي في شمر مجروحة...


    كذالك ليس بمستغرب ان يرد ابناء شمر بالمثل , فهي عادة لهم من قديم الزمن.....


    مشاركة رائعة , ومعاني اروع...



    تقبل تحياتي

    تعليق

    • ابـن نـعـيـس
      مشرف سابق
      • May 2005
      • 5666

      #3
      صح لسانك ولسان الرمالي

      قصيده وافيه ورائعه

      ولكن نتمنا انك تجيب لنا قصيده العتيبي في شمر


      تحيااااااااااتي
      [align=center][/align]

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        بيض الله وجهك

        ماقصرت

        قصيده وافيه

        تحيااااااااااااااااااااااااااااااااتي

        تعليق

        العمل...