رثاء (( في سلطان بن جهجاه بن حميد )) (( رحمه الله ))

طي
X
 
  • التوقيت
  • إظهار
مسح الكل
المشاركات الجديدة
  • فيصل المسعودي
    مشرف عام
    • May 2005
    • 8296

    #1

    رثاء (( في سلطان بن جهجاه بن حميد )) (( رحمه الله ))

    السلام عليكم ورحمة الله وبركاته


    اخواني هذه قصيده للشاعر / معيض العتيبي وهي رثائيه قالها


    في الامير / سلطان بن جهجاه بن حميد (( رحمه الله )) نقلتها لكم


    ومدري عاد هي موجوده عندكم ولا لا :


    ياموت مادورت لك غيـر سلطـان ماشفت لك يامـوت شخـص بدالـه
    ماهو اعتراض لحكمة الرب سبحان سبحانـه المعبـود جـل جـلالـه
    لاوالله الا ضيقـة البـال واحــزان في خاطر مهمـوم ماهـوب دالـه
    جانا الخبر في شهر رحمة وغفـران لعل رحمـة والـي العـرش فالـه
    الحزن عم النـاس حظـر وبـدوان شرق وجنوب وغرب نجد وشمالـه
    تبكـي فراقـه نجـد دار وسـكـان وطويق الادنـى والحجـاز وجبالـه
    وعتيبـه الهيـلا شبـاب وشيبـان ترثي وريـث المعرفـه والشكالـه
    وسلطان ابو فيصل سلايل كحيـلان عون لمـن وقتـه وطاه..وشكالـه
    موسوعة تمشي على هيئة أنسـان من كل علم وعلم لـه فـي مجالـه
    في حق ربه مكمل خمـس الاركـان وزود عليهـا ريـف للـي عنالـه
    كل شهد له جود وايمـان واحسـان تنفق يمينه مـادرت عـن شمالـه
    في العرف له صيت ومكانه وله شان وعلم النسب والشعر له فيـه طالـه
    له كلمة يرجـح بهـا كـل ميـزان كـنـه ليامـنـه تكـلـم لحـالـه
    عساه عند الرب في نعيـم وجنـان ويجبر عزانـا والبقـا فـي عيالـه
  • عجاج الليل
    عضو ماسي
    • May 2005
    • 716

    #2
    تسلم اخوي فيصل المسعودي على النقل وصح لسان الشاعر معيض وخسارتنا في أمير القبيلة خساره كبيرة

    رحمه الله واسكنه فسيح جناته .. أنه السميع المجيب

    تعليق

    • ابو قلبً عطيب
      عضو فعال
      • Jul 2005
      • 157

      #3
      [align=center]الاخ فيصل المسعودي

      صح لسانك ولسان شاعرها وتشكر كل الشكر على النقل الكريم

      ولكن ياليت توضح من قائلها هل هو الشاعر معيض الكرشمي العتيبي مدير ادارة منتديات المرقاب ومشرف مجلة اصايل ام معيض غير الذي ذكرته

      وتقبل فائق حبي واحترامي

      اخوك /
      ابو قلبً عطيب[/align]

      تعليق

      • إبن ثعلي
        كبار الشخصيات
        • Mar 2005
        • 119

        #4
        بيض الله وجهك يافيصل المسعودي ما قصرت
        تحياتي لك
        [align=center]رأس الحكمه مخافة الله[/align]

        تعليق

        • فيصل المسعودي
          مشرف عام
          • May 2005
          • 8296

          #5
          هلابك عجاج الليل


          صح بدنك يالغالي والله يسكن الامير سلطان بن جميد الجنه


          تحياتي لك ولمرور ك الكريم ياغالي

          تعليق

          • فيصل المسعودي
            مشرف عام
            • May 2005
            • 8296

            #6
            هلابك ابو قلب عطيب


            صح بدنك يالغالي وتسلم على مرور ك الكريم ياغالي


            هو فالمرقاب انا القصيده اخذتها من المرقاب


            تحياتي لك ياغاااااااااااالي

            تعليق

            • فيصل المسعودي
              مشرف عام
              • May 2005
              • 8296

              #7
              ووجهك ابيض ياغالي


              تسلم على مرورك الكريم يا ابن ثعلي


              تحياتي

              تعليق

              • طويل الذراع
                شــاعر
                • Feb 2004
                • 348

                #8
                الله يرحمه ويسكنه الجنه

                وصح لسانك ولسان الشاعر


                مع التحيه

                طويل الذراع

                تعليق

                • فيصل المسعودي
                  مشرف عام
                  • May 2005
                  • 8296

                  #9
                  اللهم امين


                  صح بدنك يالغالي


                  تسلم على المرور الكريم


                  تحياتي

                  تعليق

                  • نايف العبيد العتيبي
                    ساحر الشعر
                    • May 2005
                    • 369

                    #10
                    قصيدة رثائية مؤثرة وجزلة وقوية

                    صح لسان شاعرها ولسانك يافيصل

                    ورحم الله الامير

                    دمت بود

                    تعليق

                    • فيصل المسعودي
                      مشرف عام
                      • May 2005
                      • 8296

                      #11
                      هلابك الوسم


                      صح بدنك يالغالي وتسلم على المرور الكريم


                      اللهم امين الله يرحمه ويسكنه فسيح جناته


                      تحياتي

                      تعليق

                      العمل...