الشاعر : عباس بن صالح الغشيْا الغبيوي

طي
X
 
  • التوقيت
  • إظهار
مسح الكل
المشاركات الجديدة
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #1

    الشاعر : عباس بن صالح الغشيْا الغبيوي

    بسم الله الرحمن الرحيم



    هذه قصيده للشاعر / عباس بن صالح الغشيْا الغبيوي العتيبي ..

    يوجهها للشاعر / سطام بن زيد بن مغيرق العصيمي العتيبي ..


    اتمنى أن تنال إعجابكم ..




    [poem=font="simplified arabic,5,blue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    سطام يشكي من دواليب الايام = جاني شريطه والسراير خفيه

    لا باس يابو زيد يافتح الاقرام = ياللي مع الضيقات يلْحق خويه

    ذيبٍ سعى بالمرجله واحفى الاقدام = ماذاق لذ النوم بصف الوليه

    زيزوم عيراتٍ سريعات وولام = ليا عطى اللاهوب وارضٍ خليه

    وفي ديرة العدوان جاء حزم لزام = ثم وايق السبْار وشاف الرعيه

    واشر لهم في حزةٍ طيرها حام = كلن يبا النوماس ويحذ الحذيه

    ثم زعزعوا بالصوت عاصم وعصام = ولا يرتخي بالهوش كود الهفيه

    بمسلباتٍ صوتها يرزم ارزام = ومضرابها بالشيك ولا الاديه

    وعيْوا على الخلفات مقعد وسطام = لو الطلب لحقوا بقومٍ لضيه

    ربعي هل العادات في صد الاروام = ان شبت الهيجا ويبس الشفيه

    يفرح بهم من حده القلْ منضام = وان صوتوا بالجد يااهل الحميه

    ترمي بفرسانٍ مصاليت وحيام = يردون حوض الموت ورد الضميه

    ان جاء نهارٍ فيه بايع وسوام = ياما حلا قطع النمش بالسريه

    من لابتن يوم اللقاء حظها قام = خاضت حرايب نجد في كل هيْه

    وانشد هل المعروف وتكفيك الاعلام = ربعن على ظهور الرمك صيرميه[/poem]
    [align=center][/align]








    [align=center]للتواصل عبر twitter تويتر


    al_bargawy@
    [/align]
  • أبوضاري
    عضو ذهبي
    • Jan 2009
    • 321

    #2
    صح لسان الشاعر .. عباس
    وتشكر ع الاختيار الطيب

    تعليق

    • راشد النفيعي

      رابطة محبي الهيلا

      • May 2012
      • 2339

      #3
      صح لسانك واعتلا شانك

      تعليق

      العمل...