رد: ابا اتمثل والكـريــم معان...(حصريـه)

طي
X
 
  • التوقيت
  • إظهار
مسح الكل
المشاركات الجديدة
  • راعي عمره
    عضو
    • Sep 2011
    • 9

    #1

    رد: ابا اتمثل والكـريــم معان...(حصريـه)

    تمنى ان تنال اعجابكم واستحسانكم
    [poem=font="arabic transparent,5,green,normal,normal" bkcolor="skyblue" bkimage="backgrounds/8.gif" border="double,4,gray" type=0 line=0 align=center use=ex num="0,black"]

    ابا اتمثل والكريم معان=وابا ابتدي باسم الله الرحمن
    الواحد المعبود جلى وجهه=المعتلي والفرد والمنان
    يا رب سددني لقولن صايب=وجنبني اعن الزور والبهتان
    اطلع مراقيب العلا واعشقها=ولا اداني التقصير والنقصان
    شاعر والي فالشعر باعٍ يعّرف=لا قالوا الميدان يا حميدان
    ارد على العد الزلال الراهي=واشرب قراحه واروي العطشان
    يغوص في بحر المعاني فكري=وانقى له من اللول والمرجان
    يتعب وراها من يبى ينقدها=والليل يا راع المعاني زان
    يا جامع الامجاد وموثقها=رح ردها عني وانا سلطان
    ورثت طيبي من سلايل جدي=ريف الخوي والضيف والجيران
    اليا ذكرت ابا اليتاما مصلح=ترجح من اسمه كفة الميزان
    عوايده ما ينزل الا الاول=وانشد عنّه ذخاير صنيتان
    راع الجهام الي نهار القاله=دحم بمتنه دونها العدوان
    من فوق صفراً تلحق ولا تلّحق=لين اصبحت لهل الرمك عنوان
    بالرمح والشلفا تعشى منهم=الذيب عقب الطير ابو جنحان
    سبعة من الخيل الاصايل ذبحت=وخمسه من الفرسان والشجعان
    انشهدنه يستحق الاول=في خانة الابطال والفرسان
    وان جيت لشداد المحنك هادي=ابا المراكي مبلل السقيان
    عقيد قوم وهامته مرفوعه=واليا سرح والا ضوى هتان
    عزل وابا البّرد تقارن بأسمه=وفعولهم وقتن مضى ديوان
    يحق لي يوم افتخر بجدودي=وافعالهم سارتبها الركبان
    وذوي بشيّـر كلهم من داني=وافين ولا انسى ذوي عريفان
    ربعي هل الوقفه عصابة راسي=اهل سنان وطايله وعنان
    ولا نيب من ينسى مواقف ربعه=ولا نيب من يرمي بلا نيشان
    انا الذي لا قلتها اوردها=على عدود الصدق بالبرهان
    ربعي حزامي فالرخا والشده=واليا نشتدوا ربعي العضيان
    امجادهم لا جيت ابا اعددها=تعجز حروف الشعر والقيفان
    وافعال ربعي من قديم وتالي=يفوح منها المسك والريحان
    المدح يزهاهم وهم يزهونه=امن الردامي لا جبل رضوان
    بيبانهم في كل وقت مشرعه=عاداتهم ما صكوا البيبان
    الاد عاضي سعد منهم جنبه=ما فيهم الرعديد والجابان
    انشهد ان لي فاللوازم عزوه=لا ضاقت الحلقه على الابطان
    اليا حداك الوقت يا سامعني=ولامن وجهه قدم وجهك شان
    وقامت تصافقبك نسايم بقعاء=واحترت بين فلان والا فلان
    ازبن على العضيان يا ناصيهم=وابشر بقومن تكرم الضيفان
    مقدمهم الي يحتمون العطفه=لاثور البارود والدخان
    اشيوخ مزحم دون شك وريبه=امارةٍ من ماضي الازمان
    تروي يداهم حد كل مجرب=في ساعةٍ يقضي بها الديّان
    عمهوج صيته فالجزيره يذكر=بين السيوف الحدب شانه شان
    كم سابقٍ من ضربته ما قامت=من عقب ما هي تقطع الريضان
    وكم شيخ قومٍ وقفته مشهوده=من ضربته غدى عشا سرحان
    ومن بعد عم الامن كل الديره=طاعوا معزي واخزوا الشيطان
    عبد العزيز الله يطيب ذكره=الي حكم بالعدل والقران
    من بحر جده للخليج وبحره=ومن منطقة تبوك لا جازان
    كل القبايل ما عليهم قاصر=فالدين وعلوم الرجال اخوان
    واليوم في حكم المليك العادل=صقر العروبه حامي الاوطان
    عبدالله الله يحفظه ويعزه=وولي عهده سيدي سلمان
    في ضلهم ننعم بخير ونعمه=والله يديم الامن والامان
    الهم ولانا كل يوم وليله=في دمنا يمشي مع الشريان
    على عهود جدودنا لا زلنا=نبني مبانينا على سيسان
    وختامها صلوا على سيدنا=عدد ما هلت وبلها الامزان
    محمد الهادي شفيع الامه=صفوة قريش ومن نسل عدنان[/poem]

    قصيده لاخي الشاعر :سلطان ابن هادي ابن بشير
    تم التعديل الأخير بواسطة راعي عمره؛ 22-Jul-2012, 01:36 AM.
  • خالد سفر العتيبي

    رابطة محبي الهيلا

    • Jun 2012
    • 1159

    #2
    والله وسبعة انعام صح لسانه يالقرم

    تعليق

    • راعي عمره
      عضو
      • Sep 2011
      • 9

      #3
      صح بدنك بنيابه عن اخي وتشرفت بمرورك

      تعليق

      العمل...