قصيدة في الأمير : محمد بن سلطان بن حميد .. للشاعر فهد بن حنس

طي
X
 
  • التوقيت
  • إظهار
مسح الكل
المشاركات الجديدة
  • ولـد الـهـيـلا
    عضو فعال
    • May 2012
    • 181

    #1

    قصيدة في الأمير : محمد بن سلطان بن حميد .. للشاعر فهد بن حنس

    [poem=font="simplified arabic,6,darkblue,bold,normal" bkcolor="transparent" bkimage="backgrounds/45.gif" border="solid,4,gray" type=3 line=0 align=center use=ex num="0,black"]

    تو , الهدف والشاردات ,استوت لي = وتو القوافي جاوبني , وآبا اجيب

    دعيتها عند المداعا , وجتلي = وباشرتها الترحيب , من فوق ترحيب

    وعسفتها على النقا , وانحنت لي = وأركيت , وسمي ! فوقها بالمشاهيب

    وأطلقتها يوم الحقوق اثبتت لي = حقي ثبت بالطيب مدري ! وراء الطيب

    وان ما أقتنع شيخ القبيله ابفتلي= حرمت ترديدي لهاك الهناديب

    شيخٍ حسم, موضوعنا , والتفت لي = يومٍ عني بعض , الاصحاب هريب

    شيخ ,ولد ,شيخٍ اجهوده سعت لي = محمد ابن سلطان / شوق الرعابيب

    آمارته ماهيب ,درقه وختلي = شيخة عرب ماهيب شيخة مناصيب

    نسل الشيوخ اللي اسيرهم , حلت لي = وابن الامير اللي تجيه المراكيب

    واليوم فتلي ! من هجوسٍ طرت لي = وأنا , ليا ,, جات , المواجيب . ماأغيب

    مني على محمد من البيض رتلي = بيضٍ ,تكاشف فوق هام الشخانيب

    يامير عاين في الضلوع انبتت لي = ضلعٍ على كتفي وضلعين في الجيب

    يامير من ماقفك نفسي صفت لي = ما كني , ألا ,, من عيال المعازيب

    اتلا ,, ومن هيبتك ,يامير , ما أتلي = واقطع فيافي نجد بالعرض . ما اهيب

    لولاك ماصار, الفرج , والبخت لي = ولاجت ,على كيفي اكبار المطاليب

    ومادام .راسك حي ! تخاضعت لي = روس الصعاب وروس هاك الاصاعيب

    غصبٍ على اللي بالخفا ,,, فبركت لي = في غفلةِ مني وأنا حاج , ومنيب !!!!

    اللي نووا , تهميش جهدي , وقتلي = وسط الخفا , تحت الغطا , بالسراديب

    مير انت راسك فوق روسٍ , نوت لي = لعل راسك ,دايم الدوم ,, وامهيب

    تزها الاماره والمشاعر , هدت لي = مشاعري تنصاك ياخالي العيب

    جمعتها يامير فيما ,, نمت لي = اعلوم حلم وعلم ,,, وتطول وتصيب

    اعلومك اللي يامحمد ,, بدت لي = ترفع , مدى , العتبان فوق المراقيب

    والناس في روجانها ما حكت لي= صافيٍ جنابك عن جميع العذاريب

    فيك الخصال الزاكيات ,أوغضت لي = بالمدح فيك امدحك يابالتعاجيب

    امدحك ياشيخٍ اعيونك , وعت لي= شيخٍ ولد ,شيخٍ ولد شيخ , وتعيب

    واثني عليك اعداد , نفدٍ زمت لي= وأعداد ما يطلع سنا البرق ويغيب

    وارفع لك اليمنى , وابا اكتب وابا اتلي = وانا على مدحك معي حق وامصيب

    ولاحدٍ بها الدنيا , يقول انصفت لي = دنيا تقلب بين طيب وعواقيب

    لا ,,لا ,,تقول ان الخلايق رضت لي = ما احدٍ رضى عن هيبة الذيب يالذيب

    بعض العرب فيهم من النتب نتلي = مايمرحون الليل , وجعا ,, معاطيب

    كم من حقودٍ من نجاحك شمت لي = من الغل في جوفه , سنا ,, كير , وانحيب

    احذر من اللي في طبوعه يختلي = يضحك ويبطن لك سواة المغاريب

    واضرب وشتت شمل الانذال شتلي = ما تخدم الخوٌان,, من دون تأديب

    هذي تجاريب الحياة ,, اسلفت لي = اسوقها يمك , قبل ساعة الشيب

    ولا , باقي الا ,, معرفتكم بقت لي= ولاٌ,,, ترا ,,بكره وراء ابوك , ونغيب

    أبوك صفحة سيرته ما غفت لي = لا والله اللي كان ابه شيخ ..واصعيب

    اليا .ذكرت ايامنا اللي مضت لي= أونس على كبدي اسهوم ولواهيب

    بدت لي ,أفكار العبر , وانتهت لي = ودارت بي الاشعار , دور الدواليب

    وليا طلبت الشاردات ,,ارضخت لي= واخذت حقي بالوفاء التام , ما اخيب

    ودام القصايد مطلبي ما عصت لي= وش حجتي عن واجبي في المواجيب

    الشعر , لجه ,, والبواخر رست لي= ولا يبحر , البابور , من غير !! تدريب

    ولوما , القوافي في المواقف سعت لي = ما قمت آعايرها , على الصيد ! واصيب

    تمت تعابير الغلا , واخلصت لي= وفيك انت يامحمد طمعنا , ولا ريب

    واقبل تحايآ ,,,, بالضماير لجت لي = تحيا ,,, ولك مني من القلب توجيب

    وان ما اقتنعتوا يامحمد بفتلي = حرام , من ترديد هاك الهناديب[/poem][/quote][/B]

    للشاعر : فهد بن حنس العصيمي
    يستاهل أبو سلطان
  • راشد النفيعي

    رابطة محبي الهيلا

    • May 2012
    • 2339

    #2
    صح السانك قصيده جزله

    تعليق

    • ولـد الـهـيـلا
      عضو فعال
      • May 2012
      • 181

      #3
      تم النشر في الأصل بواسطة راشد النفيعي عرض المشاركة
      صح السانك قصيده جزله
      شكرا على المرور وصح لسان الشاعر فهد بن حنس

      تعليق

      • عفيف.com
        عضو نشيط
        • Jul 2008
        • 94

        #4
        ماشاء الله عليك يابن حنس


        الله اللي عطاه


        صح لسانك مليون

        ويستاهل ابن حميد

        تعليق

        • خلف القثامي
          عضو مميــز
          • Nov 2006
          • 5690

          #5
          [align=center]صح لسان الشاعر / فهد بن حنس العصيمي ع الابيات الجزله


          ويستاهل المدح


          الشيخ / محمد بن سلطان بن حميد


          وسبعة انعام
          [/align]

          تعليق

          • فهد العازمي العتيبي

            مشرف ديار واخبار القبيله

            • Mar 2003
            • 5407

            #6
            ،،


            صح لسانه الشاعر فهد حنس العصيمي

            ويستاهل الأمير محمد بن سلطان بن حميد أجزل المدح والثناء .
            للتواصل على تويتر

            https://twitter.com/falotaibi5115


            ،،

            تعليق

            • ضاامي وفااا
              عضو ماسي
              • Jan 2008
              • 623

              #7
              [bimg]http://up.2sw2r.com/upfiles/vcg14598.gif[/bimg]
              [bimg]http://alm7lany.com/vb/mwaextraedit4/extra/97.gif[/bimg]

              تعليق

              العمل...