زريب له في صولة الحرب مجهود ( للشاعر مصلح الخفشاء الغنامي )

طي
X
 
  • التوقيت
  • إظهار
مسح الكل
المشاركات الجديدة
  • نسل عساف
    عضو فعال
    • Jan 2012
    • 101

    #1

    زريب له في صولة الحرب مجهود ( للشاعر مصلح الخفشاء الغنامي )

    بسم الله الرحمن الرحيم
    هذه القصيده للشاعر الكبير : مصلح بن زايد بن صنهات الخفشاء الغنامي العتيبي
    في مدح .. الزربان


    [poem=font="simplified arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياسعود سوق العفر في ديرة العود = اللي حماها من جميع النواحي
    يوم انها في نجد حاوي ومردود =حول على قحطان وقت الصباحي
    ورد البرى و الفعل و العلم ماكود=تمركزوا في نجد مابــــه مراحي
    تمركزو في نجد و الاجل محدود=وزاحو قبايل نجد إبّيض الســـلاحي
    وحطولهم في نجد قلبان و عدود = يمحى الفتى و الفعل ماهوب ماحي
    وزريب له في صولة الحرب مجهود= ليا شاف خصمه سلة السيف طاحي
    وحباب فعله راح من زود في زود = بضرب السيوف اللامعه والرماحي
    و جدي بســيفه محتــمً تالي القـود = يتبــع بها برق الحيــا يوم لاحـــي
    ماعلق العانـــي على راعـــي الذود = يرعى بها نبت الحيــــا يوم فاحي
    امثبــــــــتً فــــعله بشــــــلفاه يا سعود = وعقـــــبه تولى الراي ولِده مــــــناحي
    افعالهم في صــــفحة المجد ماجود = يشــهد لهم من ساكنٍ بالضواحي
    وجدي ورثها من على عشرة اجدود = وأحيى تواريخً بها الوقت راحي
    احيــــى قواعدها مع الوقت بشهود = فالعبله اللي مرتعٍ للوضــــــــــاحي
    شيّد بها بيتٍ على العز و الجود = بيــــــتً يزورونه رجال الفلاحي
    كم واحدً من بنية البيــــــــــت ملهود = اليا زما مبــــــــــناه برضً براحي
    يركي على كبد المـــــعادين عبرود = ويجــــــــرع العدوان سمٍ ذحاحي
    امـــنزهن مبناه عن كل منقود = وتلقى على وجاره ثلاثً مجـــاحي
    ينطحك ريح الهيل مع ريحة العود= وكبشاً يذكى من خيار المراحي
    وصينيةٍ ينسف بها شط مفرود = وتلقى فقار الحشو فيها مداحي
    وله وقفةً يامن بها كل مظهود =ومع الكرم والطيب خلقاً سماحي
    يطلق شطان الحبل لا صار معقود= ليا عمست الاريا وصاح الصياحي
    هداج تيماء لو يجـي صدر وورود = يزداد جمه من عيــــــــــونً قراحي
    والمرجله حبـــلٍ طويــلٍ وممدود = ولا تكسب الطوله يدينٍ شـــــحاحي
    واختم جوابي عد ما يخضر العود = واعداد ما تذري ذوار البطاحي
    صلو على الي كمل الدين بجهود = اعداد ما هبــــت هبـــــــوب الرياحي[/poem]
  • علي الدعجاني
    عضو ماسي
    • Oct 2010
    • 556

    #2
    صح لسان الخفشاء

    ونعم بالزربان

    لاهنت

    تعليق

    • ولـد الـهـيـلا
      عضو فعال
      • May 2012
      • 181

      #3
      صح لسان الغنامي
      ونعم في ابن زريبه وجماعته

      تعليق

      العمل...