من قصائد الشاعر سهل الكسر

طي
X
 
  • التوقيت
  • إظهار
مسح الكل
المشاركات الجديدة
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #1

    من قصائد الشاعر سهل الكسر

    هذه قصيده للشاعر الكبير / سهل بن نايف بن عقاب الكسر




    أتمنى أن تنال اعجابكم ..









    دنياي عيّت لا تجي لي على الكيف



    قامت تهاجمني مهاجم عداوه



    أركت على كبدي حدادٍ مراهيف



    لين اودعتني ضحكةٍ للجباوه



    ماني ضعيف ولا تعزويت بضعيف



    وفالواجبه ماني براعي رخاوه



    مير الليالي حدها شين ومحيف



    والها على روس الرجال انحناوه



    دنياَ تلغف طيب الساس تلغيف



    وتودع قسي الراس ينسى القساوة



    حالت على روس الرجال الشواحيف



    اللي يخصمون الطثوب اللعاوه



    يالله يامنشي السحاب المراديف



    ياعالم ٍ بالبينه والغباوه



    اجعل نصيبي فوق مشراف ومنيف



    لين اعتلي فالعالية والعلاوه



    لا قام حظي ماعليّه تخاليف



    قدري عزيز ولا عليّه جناوه



    دنياً تزيّن للضعوف الخناطيف



    تضحك لهم ومذوقتهم حلاوه



    اللي من اول يسكنون الحجاريف



    وجدانهم تاكل عشاها القطاوه



    والله يالولا اللي حكم نجد بالسيف



    مع العرب ليعلقون الاخاوه



    اليا صفقهم واحدٍ مثل ابن نيف



    وقامت لقاح الخيل ترمى الفلاوه



    واليوم مافي هالدهر شي ما شيف



    ودنياك هذي ماعليها طراوه



    نمشي مع الدنيا ونختار ونعيف



    وبعض العرب ماغير حطه وساوه



    والرزق عند مصرف الكون تصريف



    رب يعرف العايله والقداوه
    التوقيع

    محمد الذيابـــي
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    صح لساااااااانه
    التوقيع

    محمد الذيابـــي

    تعليق

    • سعد بن مطلق المقاطي
      شـــاعــر
      • Feb 2006
      • 2908

      #3
      صح لساااااااانك ولسااااااانه لاهنت
      [align=center]ديــــــــــــــــواني



      [/align]

      تعليق

      • محمد الذيابـــي

        مشرف منتدى قصائد الاعضاء

        • Mar 2011
        • 12133

        #4
        تم النشر في الأصل بواسطة سعد بن مطلق المقاطي عرض المشاركة
        صح لساااااااانك ولسااااااانه لاهنت

        ..

        مشكووووووور يالغالي...
        التوقيع

        محمد الذيابـــي

        تعليق

        العمل...