الله يجيب الخير وتعم الارياف

طي
X
 
  • التوقيت
  • إظهار
مسح الكل
المشاركات الجديدة
  • الرااقي
    عضو نشيط
    • Oct 2010
    • 57

    #1

    الله يجيب الخير وتعم الارياف

    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    الله يجيب الخير وتعم الارياف=حتى الدياريعمها كلها الريف
    ونو المطر ضافن على كل الاطراف=جايل لبرقه يوم يبرق رفاريف
    عشرين يوم وابل النو هتاف=حتى العبال تخلي الشرب وتعيف
    ليا جا على الصمان مزنه له ارداف=واسقاه من غر المزون المراديف
    من قو سيله يجرف الارض جراف=لان المسايل تقذف السيل تقذيف
    والعشب نبته له تناويع ووصاف=ضيع بشكاله جميع التواصيف
    يكسي نباته كل وادي ومشراف=والعشب تلعبه هبوب الهفاهيف
    متخالفن نبته له اشكال واصناف=من طول نبته صايرله نفانيف
    تلقى بهاالجيان قد عشبها زاف=ضافن على كل السهل والمشاريف
    وصفه يحير بالنظر كل من شاف=من زين نبته طالعله زعانيف
    يازين ريح العشب والجو هفهاف=ريح النفل ينعش نفوسن ملاهيف
    فيه ام صالح بالهوا تلعب القاف=تلعب وتشهر بالربيع الغطاريف
    نسوق فيه القود زينات الاشعاف=اللي على صوت الموده مواليف
    من السطر فيها عن المشي خفحاف=على الرحول يصير فيها خفاخيف
    تقول يشاعهن عن المشي شعاف=تاطى السهل بيدينها والحناتيف
    يامحلى مرباعها ترعى الاطناف=نبته جديد ولاحصل به حفاحيف
    عقب الهزل تلقى الشحم فوقها ناف=حتى الشحم يبني عليهن مراجيف
    معها الجيوب وكل سقسن بالولاف=وخيام ملفوفه على السقس تلفيف
    ومجالس تمشي على الارض وقاف=تسحب على روسن بكل التصانيف
    وبيت الشعر يبنى على نهج الاسلاف=دايم يرحب بالمسايير والضيف
    يحجب يساره ويمنه ضل ورفاف=فيه الدلال المكرمات المهاديف
    من كثر مايحمن على النار نحاف=دايم على جال المناره مهاييف
    راعيهن اللي ماحسب كثر الاكلاف=قرمن عليهن مايحسب التكاليف
    فنجالهن يجلى عمس كل شفاف=لشفه العمسان هوغاية الكيف
    وتالي العشي صوت حداهم لنياف=وسوى العشا قرمن حكيم التصاريف
    وتجمعو من كل الاطراف هداف=في مجلسن تزين فيه السواليف
    ربعن بقول الصدق والحق نصاف=ماهب من حطو الخفاف الزواهيف
    وصار العشا يمشي على الكل طواف=وجلساتهم دايم مزوح وعجاريف
    شهرين والثالث طلع فيه حفحاف=جاه اليباس وقام يومي به الهيف
    وقامت تصافق بدل الرتع بعياف=والجو جاين فيه عج وعواصيف
    وعلى هواها صبح والطير ماشاف=مشوا ولاخلو وراهم تحاسيف
    يبون نجد اللي له القلب ميلاف=يازين مرباعه وزين المصاييف
    واليا مشت راحة مع البيدهراف=يدينها للبيد مثل المغاريف
    ايدينها للبعد جاذب وغراف=يعسفن البعد بالمشي تعسيف
    ونهار سابع ريعو حشوها خلاف=في جفرة الصاقب على زموة الصيف
    نبت النصي فيها غداله تغرياف=سامك وترعاه البكار المشاعيف
    ونبت الزهر غادلها لبس ولحاف=هذا هواها من وسيع المحاريف
    واختامهامسكن على كل عراف=يضفي على كل الرجال العواريف
    واعداد من يسعى على البيت واطاف=صلو على اللي عرف الحق تعريف[/poem]
    تم التعديل الأخير بواسطة الرااقي؛ 02-Feb-2012, 05:13 PM.
  • عزارم

    رابطة محبي الهيلا

    • Dec 2010
    • 2691

    #2
    من قائل القصيدة ياطيب


    صح لسانه

    تعليق

    • الرااقي
      عضو نشيط
      • Oct 2010
      • 57

      #3

      الشاعر القدير بدر عبدالرحمن القوس المرشدي

      تعليق

      • عايض جزاء العصيمي

        رابطة محبي الهيلا

        • Oct 2011
        • 1914

        #4
        صح لسااااااااااااانه

        وبيض الله وجهك على النقل

        تعليق

        • الرااقي
          عضو نشيط
          • Oct 2010
          • 57

          #5
          صحت ابدنك
          يابو جزاء

          تعليق

          • محمد الذيابـــي

            مشرف منتدى قصائد الاعضاء

            • Mar 2011
            • 12133

            #6
            ..


            صح لسااااااااااانه..
            التوقيع

            محمد الذيابـــي

            تعليق

            • الرااقي
              عضو نشيط
              • Oct 2010
              • 57

              #7
              نود ان نشعر المتلقي الكريم انه حصل اخطا اثناء الكتابه في القصيده وهي في كلمة

              خفخاف لقد كتبت خفحاف بلغلط وكلمة ما همب من خطو كلمة خطو كتبت حطو بالسهو

              وايدينها قربت الدال من اليا ولم تتضح للقاري وربما فيه غيرها وشكرا

              تعليق

              العمل...