ابن الشجاع

طي
X
 
  • التوقيت
  • إظهار
مسح الكل
المشاركات الجديدة
  • أحمد محسن العتيبي
    عضو
    • Oct 2010
    • 17

    #1

    ابن الشجاع

    بسم الله الرحمن الرحيم


    السلام عليكم ورحمة الله وبركاته

    اهداء للواء/ نايف بن مقعد الدهينه



    سلام يارجلن نحبه ونغليه
    من زود طيبه كاسبن كل طاله
    رجلن لياجات اللوازم نلاقيه
    محزم سوات السيف حدن صقاله
    نايف ليا عدو هل الطيب نبديه
    معروف رجلن بالفعل والشكاله
    ابن الشجاع اللي في نجدن عزاويه
    مقعد اخو غزوى ماننسا افعاله
    عساه في الجنه عسا النار تخطيه
    في جنة الفردوس يلقى ظلاله
    ونايف سوات الحر يكفخ جناحيه
    له ماكرن فوق الجبال الطواله
    نايف سوات الذيب تبعد مساريه
    وليا سرا يسري وياكل جزاله
    نايف سوات الفارس اللي مغازيه
    يغزي ديار القوم يوم الجهاله
    ياحظ منهو في الاوادم بناخيه
    عز وفخر من كان شرواه خاله
    رجلن كريمن والوفا من مباديه
    وليا فزع ماخاب منهو لجاله
    هذا الدهينه باعداتن هقاويه
    اليا ارتكى للحمل بالعزم شاله
    هذا الدهينه خاسرن من يعاديه
    واللي يعادي خاسرن لامحاله
    هذا الدهينه كل ماحل طاريه
    يشوش راس احمد ويرفع عقاله
    هذا الدهينه طيباتن مساعيه
    دايم لفعل الخير حاله وماله
    هذا الدهينه في كلامه معانيه
    اليا نظر حكمه وقوله عداله
    نور الرياض اللي وجوده مضوّيه
    ولوكان في المريخ اجيه اعناله
    جعله بخير جعل ربي يعافيه
    عساه مبسوطن ومرتاح باله
    يعجز لساني في قصيدي يوفيه
    لكن واجب حق هذا مجاله




    قصيدة شاعر خامس الحقاوين من النخشه من النفعه


    الشاعر القدير / أحمد بن محسن ابوسنون النخيش النفيعي
  • عايض جزاء العصيمي

    رابطة محبي الهيلا

    • Oct 2011
    • 1914

    #2
    صح لسانك ويستاهل

    تعليق

    • ذعير العالي

      رابطة محبي الهيلا

      • Sep 2011
      • 1015

      #3
      صح السااااااااااااانه

      والممدوح يستاهل

      تعليق

      • محمد الذيابـــي

        مشرف منتدى قصائد الاعضاء

        • Mar 2011
        • 12133

        #4
        صح لساااااااااانه
        التوقيع

        محمد الذيابـــي

        تعليق

        • أحمد محسن العتيبي
          عضو
          • Oct 2010
          • 17

          #5
          صح بدنك ياعايض بن جزاء مشكور على مرورك لاهنت

          تعليق

          • أحمد محسن العتيبي
            عضو
            • Oct 2010
            • 17

            #6
            صح بدنك ياذعير العالي وتسلم على مرورك

            تعليق

            • أحمد محسن العتيبي
              عضو
              • Oct 2010
              • 17

              #7
              صح بدنك يامحمد الذيابي لاهنت شكرا لك على مرورك

              تعليق

              العمل...