الشاعر فهد حنس

طي
X
 
  • التوقيت
  • إظهار
مسح الكل
المشاركات الجديدة
  • عزارم

    رابطة محبي الهيلا

    • Dec 2010
    • 2691

    #1

    الشاعر فهد حنس

    الشاعر فهد بن حنس العصيمي في الشيخ : مانع بن ماجد اباالعلا





    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياقلب هـات مـن البيـوت المنقـاه=ترى ضميري بمدح الاحرار هاضـي
    هاض وتهيض وانتهض والله أقداه=للمـدح والتمجيـد لاهـل المواضـي
    ياطيـب مانـع يارياجيـل طيـبـاه=رضيت ولا مانت يافـلان راضـي
    لابد مـا ترضـى بطيبـه ومجنـاه=تحت السماء من فوق سبع الاراضـي
    مانـع ولـد شيـخٍ كسبهـا بيمـنـاه=ويوم الهجاد ويوم صلـو الرماضـي
    واليوم انـا بالمـدح بالحيـل بطـراه=وابدمـح اللـي يستحـق البيـاضـي
    المـدح للـي يـوم حظـي تنصـاه=فغضون ساعه صار فوق الحظاظـي
    بعـد نخينـا اميـرنـا لاعدمـنـاه=جاب السعد بالحـال يـم الرياضـي
    جاب السعـد هـو السعـد ماجحدنـاه=مـالاذ بأقـصـى لا استـراضـي
    مانع ومن غيره من النـاس ننصـاه=بطيـب طيـب ماعليـه اعتراضـي
    يستاهل البيضاء علـى مـن تحـداه=ترفع لـه الاعـلام فـوق الفياضـي
    كم من اميرٍ يرغـب اسمـه ومرقـاه=ويشظاه من الحسرات سبعين شاظـي
    وانـا مدحتـه يـوم للجـود يقـواه=ولا النفـاق نفـاق ماحـدٍ براضـي
    مدحي على برهـان بعضـه كتبنـاه=ومدحي لبوماجد ماهـوب افتراضـي
    ولي الشرف يومي بشعـري مدحنـاه=وكم حاسدٍ قلبـه نـزف واستعاضـي
    حلفت انا باللـي رفـع سبـع منسـاه=حتى مليـك المـوت للعلـم قاضـي
    بالعون مانـع منبـع الجـود منشـاه=شيخٍ ولـد شيـخٍ فعولـه عراضـي
    ابـوه ماجـد تشبـع الكـون ذكـراه=له هيبـةٍ منهـا القلـوب انتفاضـي
    اباالعلا اللـي قيـل ياصعـب حليـاه=شيخٍ من الطـولات كـم استفاضـي
    شيخ شيـوخ القـوم بالحيـل تـدراه=خلا لهـم للمـوت عنـده حياضـي
    كـم شيـخٍ قـومٍ فالمعـارك تـولاه=وكم كثرة بالسيف جاهـا انقراضـي
    شيخٍ بسيف المـوت يقضـي وشلفـاه=وينكف بغراتـه وصـار متقاضـي
    شارك مع ال سعود في حكـم مـولاه=وحاز المحبه من الملـوك القواضـي
    خاض المغازي والبلاء ذاق من مـاه=ومن بعدها للزيـن والشيـن خاضـي
    ومن السخاء والطيـب محـدن تعـداه=رقاء سنام الطيب وبالطيـب فاضـي
    كم عانـيٍ عانـه وصانـه وعشـاة=وكم مد في الماجـوب دون انقباضـي
    واليوم مانـع طبـق اسمـه وممشـاه=والشبل من ذيك الاسـود استعاضـي
    مانع شبـل وابـوه ليـثٍ ووصـاه=وصـاه للنـومـاس والا تعـاضـي
    المرجلـة سـاسٍ لجـدة ومـربـاه=وللمرجلـة مافيـة بنـك اقتراضـي
    ماهي غريبة طيـب مانـع ونخـواه=فالعيـن ماترقـد بـدون انغماضـي
    ابـوة بيـن الخلـق تحمـد سجايـاه=واخوة شيـخ ماضـيٍ لـة مواضـي
    عبداللـة اللـي دوم نسمـع بطريـاه=وافـي المراجـل مايجيـة انتقاضـي
    قاد الجيـوش لشعلـة الحـرب تقفـاه=لمواجهة صهيـون عـام القضاضـي
    عبـدالله المذكـور زبـن المـخـلاه=للضـد ضـد وللرفيـق متغـاضـي
    شيخ جلب صيد البراري على اقصـاه=ماراح يم السـوق يجلـب مقاضـي
    رفيق ابوي اللي علـى العـز ماشـاه=رفقة شرف والكل منهـا امتراضـي
    رفقة شرف عـن الدناعـة مصفـاه=عشرين عام وكـل يـوم انتهاضـي
    رفقة اسد ماهيـب رفقـة ولـد شـاه=رفقـة اميـر للاعـادي يقـاضـي
    هذي الشيوخ اهـل الفعـول المسمـاه= كما السبـاعَ اللي مـع الليـل تاضـي
    اللي لهـم صولـه وجولـه ومدعـاها=للي يرضـون الجبـال ارتضاضـي
    نعرف تاريـخ اشيوخنـا ماجهلنـاه=ولاخير في رجل ٍ من العرف فاضـي
    ولا خير فيمن موتـة القلـب تغشـاه=بنت الحلال اللي غشاهـا المخاضـي
    مايـدري ان شيوخنـا للـبـلا ادواه=يـدرا بهـم بالشـرق ولا عكاضـي
    يدرابهـم بالكـون اقصـاه وادنــاه=شيوخ الشيوخ منجضيـن النياضـي
    اشيوخنـا للطيـب ساسـه ومرسـاه=وقت الجهل ثم بعـد حـل الوفاضـي
    راحوا شيوخ المجـد والعـز والجـاة=لكن في مانع تـرى الـرب عاضـي
    وهذا قصيدي كلبـوا النـاس تقـراه=في مدح مانع مبتدعها علـى آضـي
    وحنا لحـب اشيوخنـا قـد شرينـاه=وحزنـا محبتهـم بحـب ووفاضـي
    حنا هـل السمـرا نهـار المصـالاه=قصافة الارقـاب لوهـي اغلاضـي
    وحنا هل العـادات واهـل المـوالاه=اهل السيـوف الساطيـات القواضـي
    وكم مركب صعبٍ طويـل ورقينـاه=وغيرنـا قنـع بالـذل والانخفاضـي
    وكم شيخ قومٍ صـاح حفنـا مطايـاه=وشاف الكدر منـا سنيـنٍ مواضـي
    واليـا حللنـا ناحـو القـوم ويـلاه=وطاحوا وكـلٍ طـاح بالانبحاضـي
    واليا تصادم راس ربعي مـع اعـداه=براس العدو من راس ربعي انشراضي
    صدع لنا صوت ٍ يجلجـل صنايـاه=صوتٍ يخلي الضد تحت انقضاضـي
    انزبـن المضهـود ونشيـل بـلـواه=والضيف منـا مايشـوف اللحاضـي
    شهـد لنـا شيخـان نجـد المظـراه=والرب يشهـد والقلـوب والوقاضـي
    منـاَ رجـال العـز مابـه مـراواه=ويحـق لـي تعدادهـم فالبيـاضـي
    فرحان جدي ناهـب القلـب واشـواه=سموه يابو الروس للـروس قاضـي
    ومنـا ابـو باقـة مصلهـم ذكرنـاه=يفض بأجمـاع العـدو انفضاضـي
    ومنا من الزرقـان مسحـل ماننسـاه=اللي يجيـب الـذود قبـل الايقاضـي
    ومنا حبيليص المرحـب لمـن جـاه=ابو صلـف ذكـره تعـدا الفياضـي
    وجرمان بن دهـره نسجـل مزايـاه=كل ٍ سمع ذكـره وبالقلـب غاضـي
    وهـذال منـا بالمشاعـيـب تلـقـاه=يومي بضربة راس من جا يقاضـي
    وترى القلـم باليـد لـو مـا نهينـاه=كان أبـا أعـدد ملحهـا والحماضـي
    هذا كلام الصـدق والصـدق ملفـاه=غصبٍ على مـن يبلعـون اللفاضـي
    ماهمنـا خـبـلٍ تــدالا لهـايـاه=خبـلٍ يحـب النـوم والانجعاضـي
    اللـي سـواة البـوم مامنـه منجـاه=هذاك حسبَه من احسـاب الجراضـي
    وهـذا قصيـدي والقوافـي مغـنـاه=مدحت شيخانـي وربعـي مواضـي
    صحيح انـا بالشعـر تـوي بمبـداه=لكـن أحـب الشعـر والانتهاضـي
    وصلوا على المختـار عبـدٍ تبعنـاه=محمـد اللـي ربنـا فيـه راضــي [/poem]
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    صح لساااااااااانه

    وابالعلا مفخرة لعتيبه ويستااااهل المدح والثناء

    لا هنت يالغالي,,,
    التوقيع

    محمد الذيابـــي

    تعليق

    • عزارم

      رابطة محبي الهيلا

      • Dec 2010
      • 2691

      #3
      الشكر لكل من مر

      تعليق

      • راعي الجريدهـ
        عضو نشيط
        • Nov 2011
        • 44

        #4
        بيض الله وجه ابو ياسر

        وصح لسانه

        تعليق

        • عزارم

          رابطة محبي الهيلا

          • Dec 2010
          • 2691

          #5
          تم النشر في الأصل بواسطة محمد الذيابـــي عرض المشاركة
          صح لساااااااااانه

          وابالعلا مفخرة لعتيبه ويستااااهل المدح والثناء

          لا هنت يالغالي,,,

          شكرلك يا طيب على مرورك الطيب

          تعليق

          • حمدان العضياني
            شــــاعــر
            • Dec 2011
            • 336

            #6
            ابن حنس شاعركبيروالهيضل شيخ ويستاهل المدح وكل ماقاله فهد ابن حنس فيه يعتبرقليل

            تعليق

            • طير الهداد
              عضو نشيط
              • Oct 2011
              • 53

              #7
              صح لسان الشاعر ونعم بالجميع

              تعليق

              العمل...