رحله بريه

طي
X
 
  • التوقيت
  • إظهار
مسح الكل
المشاركات الجديدة
  • ابو حسام الغنامي
    عضو نشيط
    • Nov 2011
    • 80

    #1

    رحله بريه

    لا ضاق صدري جبتلي جيب جكسار. @. جيب ن يجمل هاوي البر تجميل

    مصممينه من بلاده للاسفار. @. من وارد اليابان مافيه تعديل

    واحط لي بعض اللوازم بمعيار. @. واختار فالطرقه ثلاثة رياجيل

    واعرف ترى اصحابي بعيدين واكثار. @. مار المطيه جيب والعفش تحميل

    واخترت انا ذولي قريبين للدار. @. واصحابنا الباقين من دون تقليل

    نسرح صلاة الصبح مع قومة الطار. @. بعد الصلاه ونذكر الله بتهليل

    ندور اديار ن نجيها بالاذمار. @. ممطوره البارح سحابة مساييل

    العشب فيها قام من زود الامطار. @. مابعد عسوها البدو والمحاويل

    وليا وصلنا اخذت فالعشب مشوار. @. شفي بخلفات ن بكار مباهيل

    وليا صفا بالي نبى شبة النار. @. واحط جنب النار زين المعاميل

    وسويتلي دله على بن وابهار. @. فنجالها يسوى خيار الفناجيل

    ودارت سوالفنا بترتيب وافكار. @. كلن يجيب السالفه بالتماثيل

    وتضوي علينا البل في الديره اعصار @. ريحة عبسها تروحه من بعد ميل

    مبهله خلفاتها كلها ابكار. @. والنصف الاخر لقح مخلوطه بحيل

    الطارفه تكفي ليا جاك خطار. @. امراحها للضيف رايح مداهيل

    ان اشهد ان البر مذكور بالخار @. عمرك يزيد ولا تجيه البهاذيل

    صاحب وشبة نار والارض مخضار. @. والبل قدامك دوا للمعاليل

    والله منظرها يزود فالاعمار. @. روح شهر وشفت ربعي معاجيل

    وبعد الشهر وجهت جيبي للاقطار @. في رحلة ن ماتنوصف بالاقاويل

    وان زعلوا الاصحاب للكل مسعار. @. للي قعد ماراح عندي معاديل

    واختامها صلوا على خير الابرار. @. نبينا وهذا ختام المحاصيل



    الشاعر / ابو حسام الغنامي
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    ,,

    صح لسااااااااانكـ

    والقصيدة مكانها الصحيح

    ( منتدى قصائد الاعضاء )

    لا هنت يالغالي..

    ,,,,,,
    التوقيع

    محمد الذيابـــي

    تعليق

    • أبن نافه العطاوي
      عضو فضي
      • Aug 2011
      • 279

      #3
      صح لسانك قصيده مشرفه وبيض الله وجهك

      تعليق

      • سنان الرمح
        عضو فعال
        • May 2011
        • 101

        #4
        صح لسانك يابوحسام

        تعليق

        • ابو حسام الغنامي
          عضو نشيط
          • Nov 2011
          • 80

          #5
          شكرا لمروروكم ولا نستغني عن اقتراحاتكم وارائكم مع رجائي الخاص من المشرف نقل الموضوع الى منتدى الاعضاء
          ولكم خالص تحياتي

          تعليق

          العمل...