(صواديف)لبندر سرور بن مدرع العطاوي,,

طي
X
 
  • التوقيت
  • إظهار
مسح الكل
المشاركات الجديدة
  • راعي العصلا,,ابن مــــدرع
    عضو نشيط
    • Oct 2011
    • 79

    #1

    (صواديف)لبندر سرور بن مدرع العطاوي,,

    قصيده للشاعر الكبير بندر سرور بن مدرع العطاوي,,


    الله من عين طرقها صواديف
    عميت ويبسن بالعروق الصخافي
    شفت الوزا بالعين من عرض ماشيف
    شفته وغيري من فطن له وشافي
    وقت تغير فيه حتى العواصيف
    جا في عواصيف الرياح أختلافي
    شره قناطير وخيره مقاطيف
    يفطن له اللي يرضع الديد غافي
    كم واحد جاله زمانه على الكيف
    واغترته نفسه يبا الجود وافي
    يطلع مطاليع العلا بالسواليف
    بين العذارى عد روحه سنافي
    يفرح بهرج بالقفى يكره الضيف
    قتات والقتات بالنار هافي
    يعلق قصيره علقة النار بالليف
    عي ولد عي زنوده ضعافي
    ان رخصت الحذوه توفي عن الحيف
    وان غليت الحذوه مشى اللاش حافي
    يرقد ويلحق والدينه تخاليف
    دايم ومرقد ميت النار دافي
    هو مادرى ان الجود يبغى تكاليف
    سهر الليالي مقبلات مقافي
    يبغى يدين للعطايا مغاريف
    ويبغى رجول ماتمل الوقافي
    والصبر بنحور السنين الشواحيف
    اللي قساها مثل حد الرهافي
    مايقدرون الجود سود الأطاريف
    مشاركة بيض النسا باللحافي
    يقدر عليه اللي حكم نجد بالسيف
    واودع مباغيض القبايل ولافي
    عبد العزيز اللي يبث المصاريف
    يجدع قناطير الذهب بالفيافي
    يمشي على دربه جموع مراديف
    نو تحدر ماه والجو صافي
    يشدي لواقيط الزبيدي بعد ريف
    ومما كسى البيدا تفيد الضعافي
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    ,,


    لا هنت يالغالي.


    ,,,,,
    التوقيع

    محمد الذيابـــي

    تعليق

    • راعي العصلا,,ابن مــــدرع
      عضو نشيط
      • Oct 2011
      • 79

      #3
      اشكر مرورك,,,

      تعليق

      العمل...