الشاعر ,,معجب بن بدر بن مدرع بن خضير العطاوي,,قالو علامك

طي
X
 
  • التوقيت
  • إظهار
مسح الكل
المشاركات الجديدة
  • راعي العصلا,,ابن مــــدرع
    عضو نشيط
    • Oct 2011
    • 79

    #1

    الشاعر ,,معجب بن بدر بن مدرع بن خضير العطاوي,,قالو علامك

    بسم الله الرحمن الرحيم


    الحمدلله والصلاة والسلام على رسول الله وعلى آله وصحبه أجمعين وبعد



    اخواني انقل لكم هالقصيدة النادرة في موضوعها لشاعر / معجب بن بدر بن مدرع بن خضير العطاوي


    ابن عم متنبي عتيبة بندر بن سرور بن مدرع بن خضير القسامي .. ولعلها تتكلم عن نفسها




    قالـوا علامـك لتجـاره تحـرف,,,,,,,,عان الحضـارم عاليـاً مستواهـا



    مورات سقس وشركة شغل وطف,,,,,,,,,عان العويضة وابـن لادن كلاهـا



    وإلا استراحات بلوحـات تعـرف,,,,,,,وإلا ورشٍ والعمـالـة مـلاهـا



    وإلا مكاتـب للعقـار وتصـرف.......عـان الدراهـم ماليـاتٍ يـداهـا



    وإلا شراطي بالمعارض وتحلـف,,,,,,,وتزود السلعة على اللـي شراهـا



    وإلا على سـوق الغنـم لا تكلـف......إحساب روس الضان خمسة علاها



    وأقول أنا ماليبها خاطـر وشـف.......دنيـا دنيـة والمشاكـل وراهــا



    أشوف لي نـاسٍ وراهـا تلهـف.......تركض وراهـا يابسـاتٍ شفاهـا



    تدخل المبلغ ولا هيـب تصـرف.......حتى الحلم تمتـص منهـا دماهـا



    وأنا بعد ماشفتهـم رحـت منكـف......والعيـن نظرتهـا بعيـدٍ مـداهـا



    نفسي عزوف وللمعالـي تعـزف.......لو إنهـا مـا تملـك إلا عصاهـا



    تدفـنـي للمعـالـي كــذا دفدف....... الريـاح اليـا تقافـى هواهـا



    وأطلع على روس النوايف وأشرف.......رجلي على العليا تسابـق خطاهـا



    نومي خلا في بيت شعـرٍ منسـف......يسوى ملاييـن الفلـوس وغثاهـا



    والبعد عن هرج القفـاء والملقـف.......ناسٍ ورى المقفي تحذف حصاهـا



    خصٍ اليا قامـت نياقـي تكفكـف......تبى الرحول وحشوها من وراهـا



    وضحٍ وبرهن مثل قطنٍ من الـدف......الكل منهـن زينتـن فـي حلاهـا



    يتعب بها راع النظر لو يوصـف.......طويـل غاربهـا وفاهـق قراهـا



    كـن رقبتهـا خيـزرانٍ منحـف.......من مطلع المنكب مشت في قداهـا



    مصندق القلـه وخشمـن مسيـف.....واللحي طافح والنظر في سماهـا



    من شافها يمشي يصفـط وياقـف.......يقول كم هيبة وكـم هـو علاهـا



    وأقـول ماتنـبـاع لا لا تكـلـف......هذا غنـى نفسـي وهـذا هواهـا



    مع خوة اللـي بالخـوي يتشـرف.....نفسه على طاعـة خويـة ولاهـا



    طلق الحجاج اللي مع الناس يعرف......بالطيـب نفسـه مالحـق منتهاهـا



    كريم لـو كـان لعشـاه يتسلـف.......طبيعـة مـا هـي تطبـع خذاهـا



    وختامهـا يالله بالعفـو واللـطـف......تقبل عمل خلقـك وتقبـل دعاهـا



    انت الإله ارفع لك الكف والطرف.....يارب نفسـي لا تخيـب رجاهـا







    صح لسانك يا ابو مالك وعسى الله يبارك بعمرك وفي حلالك


    ودمتم بخير
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    ,,

    لا هنت يالغالي.

    ,,,,,,
    التوقيع

    محمد الذيابـــي

    تعليق

    • راعي العصلا,,ابن مــــدرع
      عضو نشيط
      • Oct 2011
      • 79

      #3
      اشكر مرورك

      تعليق

      • ولد حبرود
        عضو فعال
        • Feb 2007
        • 142

        #4
        [align=center]بسم الله الرحمن الرحيم

        نشكر يابن مدرع على تفضلكم بهذه القصيدة الوافية للشاعرمعجب بن بدر العطاوي

        لاعدمناك
        [/align]

        تعليق

        • راعي العصلا,,ابن مــــدرع
          عضو نشيط
          • Oct 2011
          • 79

          #5
          اشكر مرورك

          وبيض الله وجهك ياولد حبرود,,,,

          تعليق

          • قيس العازمي
            عضو ماسي
            • Oct 2011
            • 903

            #6
            صح لسان شاعرها

            ولاهنت على النقل

            تحياتي

            تعليق

            • راعي العصلا,,ابن مــــدرع
              عضو نشيط
              • Oct 2011
              • 79

              #7
              صح الله بدنك
              واشكر مرورك...

              تعليق

              العمل...