الربـيــع الـعـربي ... كديميس صالح

طي
X
 
  • التوقيت
  • إظهار
مسح الكل
المشاركات الجديدة
  • نامي
    عضو فعال
    • Dec 2006
    • 166

    #1

    الربـيــع الـعـربي ... كديميس صالح

    [poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


    ياإله الكون عفوك والسلامه = اليا دخل فصل الربيع بغير حله
    وقام بعض المجتمع ضد الزعامه = والبعض في صفها لكن قله
    وصار فالميدان كره وانهزامه = والحبل من بينهم كلٍ يتله
    ولا يلام اللي يطالب بالكرامه = من نظامٍ له سنين ٍ يستغله
    ودارت الأقدار بأصحاب الفخامه = واصبروا عقب المعزه بالمذله
    كل منهم ضاع قدره واحترامه = ولو بغى درب السلامه ماحصل له
    واصبحوا بين الغرامه والندامه = وقربوا منهم ملفات الأدله
    وكل منهم صار بالنفس اهتمامه = مايلد الخل منهم صوب خله
    منهم اللي مالقى فالأرض اقامه = مالقى من يستضيفه في محله
    وراح يسبح فالفضاء مثل الحمامه =وكل مايقصد مطار يقول لله
    وبعد ماضاق الفضاء خلفه وامامه = زبنوه اهل الحصون المستقله
    ومنهم اللي ثاوين ٍ مثل الهلامه = لو بغى ينهض رجوله ماتشله
    وقام يشر فالقفص بعد اتهامه = بالفساد المنتشر في مصر كله
    وحاكموه اللي من اول بأستلامه = كان سيدهم وصاروا سادةٍ له
    ومنهم اللي مايعرف الإستقامه = امتغطرس مير رب البيت اذله
    جامع ٍ خبث النوايا بالغشامه = وابتدع له ملةٍ ماهيب مله
    والتخبط في النظام وفي كلامه = وينكر المعروف والمنكر يحله
    انكر الخامس ويسعى في هدامه = الذي يثبت دخوله بالأهله
    ومنهم اللي صار في وجهه علامه = بعد نجحت خطة اللي حابنٍ له
    عقبها بان الخلل داخل عظامه = ليا مشى لا حظت في ممشاه خله
    علَمه شعب اليمن لبس العمامه = وطلعت صورة خياله فالمجله
    ومنهم اللي يقمع الشعب بصرامه = ومذهبه فالبطش معروفٍ سجله
    وارثٍ نظام عفلق وانتقامه = وقدرة الله كل مفتولٍ تفله
    وكل طاغوتٍ عسى يسقط مقامه = وجعلها تسَمل عيونه بالاخله
    ويستريح الشعب منه ومن نظامه = ويتخير للفضيله من يدله[/poem]




    [align=center] كديميس صالح العتيبي[/align]
  • سلطان ابن حامد
    شـــاعــر
    • Oct 2009
    • 432

    #2
    مجرم الشايب هذا
    توترتي هنيـّا : )

    تعليق

    • محمد الذيابـــي

      مشرف منتدى قصائد الاعضاء

      • Mar 2011
      • 12133

      #3
      ,,


      صح لسااااااان شاعرنا الرائع كديميس العصيمي



      لاهنت على النقل يالغالي



      ,,,,,,
      التوقيع

      محمد الذيابـــي

      تعليق

      • الرحاال
        عضو فعال
        • Jul 2009
        • 170

        #4
        [align=center] كديميس شاعر كبير و الله يعطيك العافيه يانامي على النقل [/align]

        تعليق

        • الامير حريبيش

          رابطة محبي الهيلا

          • Jan 2007
          • 1071

          #5
          كديميس لازال رقم صعب في قائمه شعراء عتيبه صح لسانه ابو سلطان لاهنت يانامي

          تعليق

          • فهد العازمي العتيبي

            مشرف ديار واخبار القبيله

            • Mar 2003
            • 5407

            #6
            ..


            الله الله

            صراحه استمتع كثيراً وأنا أقرأ لكديميس العصيمي ( القوه العظمى )

            عذوبه وسلاسه في مفرداته

            صح لسانه والله يعطيه العافيه

            ولاهنت اخوي على النقل ،،،
            للتواصل على تويتر

            https://twitter.com/falotaibi5115


            ،،

            تعليق

            • خـال ـد
              عضو فضي
              • Nov 2009
              • 295

              #7
              صح لسان ابو صالح

              لاكن القصيده سرد قصصي مافيها مايميزها

              ولا لها اتجاه

              تعليق

              • سلطان الاشواق
                عضو نشيط
                • Sep 2010
                • 30

                #8
                صح لسان القوة العظمى كديميس العصيمي شاعر بمعنى الكلمة

                تعليق

                • ولد حبرود
                  عضو فعال
                  • Feb 2007
                  • 142

                  #9
                  تم النشر في الأصل بواسطة سلطان ابن حامد عرض المشاركة
                  مجرم الشايب هذا
                  صراحه عبارتك

                  تعليق

                  • ابوزيدالعيسى
                    عضو نشيط
                    • Oct 2011
                    • 68

                    #10
                    تسلم يا نامي على هذه الرائعه الجميله

                    وابوسلطان له طابع خاص في قصائده لايمكن تقليده

                    تعليق

                    • نايف عريب الجد
                      عضو فعال
                      • Sep 2007
                      • 137

                      #11
                      متاكد انها لكديميس ياناامي ؟ اشوفها اقل من قصايده الاخرى الا ان كانت مهي له

                      تعليق

                      • سعد بن مطلق المقاطي
                        شـــاعــر
                        • Feb 2006
                        • 2908

                        #12
                        عودك عود

                        صح لساااااانه
                        [align=center]ديــــــــــــــــواني



                        [/align]

                        تعليق

                        العمل...