البارحه يوم الاوادم مرشه ( الشاعر خالد الكسر المرشدي رحمه الله )

طي
X
 
  • التوقيت
  • إظهار
مسح الكل
المشاركات الجديدة
  • سلمان المرشدي
    عضو ماسي
    • Jun 2011
    • 520

    #1

    البارحه يوم الاوادم مرشه ( الشاعر خالد الكسر المرشدي رحمه الله )

    قصيدتين للشاعر خالد عقاب الكسر المرشدي رحمه الله

    [poem=font="simplified arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
    يا عيال يا مترحلين حثاحيث = خضع المقاود والمناكب وساعي
    بعضودهنه بان وسم الملاكيث = اسداس لافطر ولا هن زعاعي
    شعل بهن من فزت الريم تشقيث = يوم ادبحن مثل انزعاج السواعي
    تريضوا لا ريضتكم لوابيث = لما نقول بفالكم والوداعي
    اقدوا عن الدرب الوعر والشرابيث = واللي عليهن كل قرم شجاعي
    العصر من لينه شعوهن شواغيث = سمح الوطا عن كل سندا رفاعي
    ومروا اهل حايل رقود مماكيث = من قبل ديك المذن اول يعاعي
    ومصباحكم بين البيوت المثاليث = لابد يدعيكم على العرف داعي
    واليا نشدكم صاحبي قال من حيث = قولوا لها من غير كثرة نزاعي
    يازين صرتي بين دور وحراريث = يادرة باغلى ثمن ماتباعي
    يابو ثمان كن فيها العسل ديث = يبري عليلات القلوب الوجاعي
    ما طورقت بعيونها ( ....) = ولا وايقت باثر المقافي تراعي
    ولا سولفوا عنها العلوم الطراميث = وعنها السباع مجنبات جياعي
    والله لوني من ورى الطور والليث = ويحول من دونه ديار قطاعي
    ارجيه رجوى ممحل يرجي الغيث = وباقصى الضمائر شارع له رواعي
    عقبه يرج القلب مثل المحاريث = ويقلي فوادي مثل سم الافاعي[/poem]

    الثاااااااااانيه

    [poem=font="simplified arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
    البارحة يوم الاوادم مرشه = عيت عيوني تستلذ الفراشي
    ويامل قلب طول البين غشه = والحال مما بالفواد متلاشي
    عليك ياللي زرع قلبي يحشه = من عقب ماهو بين الاضلاع ناشي
    حش الدبا لقصار زرع يدشه = رهوم كتفي على القاع راشي
    ياروع يازملوق عشب بدشه = غاذيه من غر السحايب رشاشي
    زولك صغير وقمت عنا تخشه = وقصرت رجلك ياقليل المماشي
    ( يا ورع عطني من ثناياك نشه = لوبس من حمر البراطم نواشي )
    ترى الدسم يكفي منه ذوق مشه = والهزل مانبغاه لو هو بلاشي
    هرجك على قلبي نقاريش طشه = احلى من الما للقلوب العطاشي
    والبيض غيرك مثل حوش المقشه = وايا غزال الريم واي الخشاشي
    ورع صغير وشد قلبي وهشه = هش الهواء ارض على جال طاشي
    واو مابي اوماي العصا بالمنشه = او ماي هجن يبعدن المعاشي[/poem]
  • مشاري الحبردي
    ذيـب الـهـيـلا
    • Aug 2006
    • 4888

    #2
    صح لسانه والله يرحمه

    وسلمت يمناك يابن مرشد

    تعليق

    • فهيد مقعد الرويس
      شـــاعــر
      • Sep 2005
      • 2284

      #3
      الله يغفرله

      شاعر علم مبدع في جميع اغراض الشعر

      لاهنت ياسلمان

      تحيتي وتقديري

      تعليق

      • سلمان المرشدي
        عضو ماسي
        • Jun 2011
        • 520

        #4
        الله يسلمك يالحبردي مرورك يشرفني ياطويل العمر

        والله يسلمك يافهيد لاهنت علئ المرور شرفتنا يالطيب

        تعليق

        • محمد الذيابـــي

          مشرف منتدى قصائد الاعضاء

          • Mar 2011
          • 12133

          #5
          ,’

          خالد بن عقاب الكسر من شعراء قبيلة عتيبه المعروفين.

          كل الشكر لك ياسلمان على النقل الرائع.

          ,’
          التوقيع

          محمد الذيابـــي

          تعليق

          • متعب الند
            عضو ماسي
            • May 2011
            • 643

            #6
            شكراً ................على تلبية الطلب يابو عدي.........................والله العضيم انها دوى الكل رجالٍ يفكر ..ويقل نومه ................ الله يرحمه ...............من فحول الشعر


            نبي الو تكرمت وعذراً على الاطال الي يقول ..

            ( يومنها للقوم وحنا نكضها...........لاان المحال ادرج عليها لوالبه)


            وتقبل ..خالص التحيه
            تم التعديل الأخير بواسطة متعب الند؛ 16-Sep-2011, 04:19 PM. السبب: الخط

            تعليق

            • سلمان المرشدي
              عضو ماسي
              • Jun 2011
              • 520

              #7
              لاهنت يالذيابي مرورك يشرفنا ياطويل العمر

              لاهنت يامتعب شرفتنا الله يشرفك

              تعليق

              • حيــاّد
                عضو فعال
                • Sep 2011
                • 131

                #8
                الله يرحمه

                يازين هجائيته في الكويت


                لاهنت يابو عدي

                تعليق

                • سلمان المرشدي
                  عضو ماسي
                  • Jun 2011
                  • 520

                  #9
                  لاهنت ياحيااااااااااااااااااااااد

                  وشكرا علئ مرورك الكرييييييييييم

                  تعليق

                  العمل...