قصيدة للشيخ/فهد بن محمد بن ريف السليفي المقاطي

طي
X
 
  • التوقيت
  • إظهار
مسح الكل
المشاركات الجديدة
  • أبو البراء...
    عضو نشيط
    • Jul 2011
    • 47

    #1

    قصيدة للشيخ/فهد بن محمد بن ريف السليفي المقاطي

    [align=center]بسم الله الرحمن الرحيم

    قصيدة وطنيه للشيخ/فهد بن محمد بن ريف المقاطي العتيبي يقول فيها:[/align][poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    يقول من يفهم ولا يعلم الغيب=ويخاف ربه والنعايم حمدها

    ويقول من يفهم ولا يمشي العيب=ويستر عيوب الناس داخل مهدها

    ويقول من يفهم ويخشى العواقيب=ويداوي الغلطة ولا يعتمدها

    ياجاعلآ للرجل لحية وشانيب=وياخالق خلقك ومحصي عددها

    نطلبك من غيرك يوفي المطاليب=نطلبك قدام ايتلهب وقدها

    تغفرلنا قدام حمو الملاهيب=وقدام تسحبنا المنيه بيدها

    وقدام لا ننزل بجوف السراديب=وقدام لا يطبق علينا لحدها

    يطلبك من جرب الوقت تجريب=وأعمال وقته كلبوها رصدها

    ويطلبك من شاف العجب والتعاجيب=وبعض السوالف فالمجالس نقدها

    منها النميمة والغدر والتقاليب=والبعض لا جات المشاكل كردها

    وكثر الذنوب اتغيب العقل ويغيب=ولا عاد يعرف كم ليلة رقدها

    وترى الطمع في المال جاب التحاسيب=وينسى المصلي كم سجده سجدها

    وبعض المعاني تحرق الراس ويشيب=وأهل الحسد قام ايتزايد حسدها

    وبعض الليال اتودب الرجل توديب=وتهجد قليل العرف قبل ايهجدها

    وبعض الليال اتبشر الحظ ويخيب=وتخيبه لامن توخر سعدها

    والطيب اللي يلحق الطيبه طيب=ويعطي الرجال حقوقها ماجحدها

    ويقابل المعروف وبكل تأديب=ويميز الكلمة ويعرف رددها

    ويقصر كثير الهرج حتنه ايصيب=كثره يجيه بكلمة ماقصدها

    والناس قدام المخالط أجانيب=واليا عرفت الناس تعرف سددها

    والجار اله تقدير غير المواجيب=وله احترام وقدر زايد عددها

    والضيف نعطيه الشحم والتراحيب=وندور العاني لزومه وجدها

    والمعرفه ماهي لمن راح ويجيب=ولاهي بعد لكل واحد وردها

    بعد العوارف روحت في الدواليب=وصكو عليها الغشم واروح جسدها

    واللي يعرف العلم أعطيالمجانيب=والمعرفة والعرف كنه فقدها

    واللي منول مايفك المناشيب=رافع لها راسه وربي قردها

    وياللي تقول الحق فيك العذاريب=وكلن برجليه الحقيقه لبدها

    والرفقه أعماها نزول الحواجيب=وراحت على الصامت ومنهو نشدها

    وأشكل شكيل الناس هرجه تلاعيب=واليا جلس جاب السوالف سردها

    تبدي مزوح وتنتهي بالأكاذيب=فالأوله والثانيه وش بعدها

    وبعض العرب يفرح بهدم المحاريب=ويفرح اليامنه تعاقب هددها

    والبعض الآخر حب عوج العراقيب=وحب البعض للي تريم ولدها

    والبعض حبه لمهات الحراديب=اللي لها بارود يدفع زردها

    وبيت العداله جودته الاطانيب=ولا ترفع الخيمه بليا عمدها

    ولا همنا الشوعي وحرب الأنابيب=ولا همنا لو الجيوش أيحشدها

    اللي مهم امروجين الاحابيب=اللي تبا تعمي العيون ابرمدها

    رحنا ضحاياها ورحنا مصاويب=يالعن أبوها وأبو الي عبدها

    واما حربناها بكل الأساليب=والا ترا غطا بحرنا زبدها

    ومن غير أبو متعب يصفي المشاريب=ومن غير أبو متعب وشعبه صمدها

    ومن غير أبو متعب يمد المخاليب=ومن غير ابو متعب وشعبه حصدها

    وحنا سعوديين وقت المصاليب=من عزوت تحمي قواعد بلدها

    وحنا سعوديين يوم المشاهيب=براقنا فالحرب يسبق رعدها

    ودون الوطن والدين والفطر الشيب=لو شبت النيران حنا سندها

    والأم نحميها من الكلب والذيب=اللي طوال العمر نرضع نهدها

    وموت الشهاده عز تحت الاناصيب=ولاجل الشهاده لزم نبذل جهدها

    وخذو كلام امرتب القول ترتيب= الفاهم اللي جابها ماشحدها

    وصلوا على خير الرسل والمناديب=حت السما تمطر وينزل بردها

    امحمد المختار زين الهناديب=اللي مشى كل السهول وجلدها[/poem]
    تم التعديل الأخير بواسطة أبو البراء...؛ 18-Jul-2011, 05:21 AM.
  • سعد بن مطلق المقاطي
    شـــاعــر
    • Feb 2006
    • 2908

    #2
    صح لسااااااااااااااااانك ولسانه
    [align=center]ديــــــــــــــــواني



    [/align]

    تعليق

    • أبو البراء...
      عضو نشيط
      • Jul 2011
      • 47

      #3
      صح الله بدنك

      تعليق

      • محمد الذيابـــي

        مشرف منتدى قصائد الاعضاء

        • Mar 2011
        • 12133

        #4
        ,’



        صح لسان ابن ريف


        ولاهنت على النقل يالغالي


        ,’
        التوقيع

        محمد الذيابـــي

        تعليق

        • عايش دحيم العتيبي
          عضو نشيط
          • Jul 2011
          • 83

          #5
          صح لسان ابن ريف


          ولاهنت على النقل يالغالي

          تعليق

          العمل...